კრისტენ სტიუარტი და რობერტ პატინსონი ერთმანეთს ისევ ხვდებიან
1 568 ნახვა
მას შემდეგ, რაც რობერტ პატინსონისა და კრისტენ სტიუარტის რომანი დასრულდა, 6 თვე გავიდა. წყვილი ამ დროის მანძილზე ერთმანეთთან შეხვედრას ყველანაირად გაურბოდა. თუმცა, როგორც ჩანს, ახლა მსახიობებმა ურთიერთობის დალაგება გადაწყვიტეს. პაპარაცებმა კრისტენი რობერტის სახლში შესული დაინახეს, სადაც ვარსკვლავმა ოთხი საათი გაატარა. ამის შემდეგ ორივე საკუთარ მანქანაში ჩაჯდა და სტიუარტის სახლისკენ გაეშურა, მაგრამ დანიშნულების ადგილზე მისვლა ვერ შეძლო. სავარაუდოდ, მათ ჩასაფრებული პაპარაცები შენიშნეს, რის გამოც თავიანთი გეგმების შეცვლა მოუწიათ. წყვილის დაშორების შემდეგ რობერტ პატინსონის პირადი ცხოვრება მოსაწყენი არ ყოფილა. პრესა ხან შონ პენის ქალიშვილთან და ხანაც ელვის პრესლის შვილიშვილთან გაჩაღებულ რომანზე წერდა, თუმცა, თავად რობმა არცერთი ჭორი არ დაადასტურა.
