ტატო ჩახუნაშვილი: "მაკა ძაგანიამ ყველაზე ტკბილი და ბედნიერი წლები მაჩუქა"
2 422 ნახვა
მსახიობ ტატო ჩახუნაშვილს ცხოვრებაში ბევრი საქმე აქვს მოსინჯული, სასწრაფოს მძღოლადაც კი უმუშავია, მაგრამ თეატრი მის ცხოვრებაში ყოველთვის პრიორიტეტი იყო. ყველა სირთულის გადალახვაშიც თეატრი დაეხმარა. როცა ექვსწლიანი ურთიერთობის შემდეგ მსახიობ მაკა ძაგანიას დაშორდა, მაშინაც საქმე აღმოჩნდა მისი მშველელი. ახლა იმ წლებზე მხოლოდ კარგი მოგონებები აქვს და ყოფილი შეყვარებულის მადლიერია.
ტატო მუსკომედიის თეატრის მსახიობია. ახლახან კი ახალ კომედიურ სერიალში "ჩვენი ამბავი" გამოჩნდა ახალგაზრდა მწერალი კაცის როლით. ეს პერსონაჟი, მიუხედავად მისი უცნაურობისა, ტატოს ესიმპათიურება და ხასიათის გარკვეული შტრიხებით საკუთარ თავსაც ამსგავსებს. ჩვეულებრივი ქართველი ბიჭია, ისეთი, როგორიც მეო, გვითხრა.
– ტატო, მსახიობობა თქვენი ცხოვრების მთავარი ოცნება იყო თუ სხვა პროფესიებზეც გიფიქრიათ?
– ბევრ რაღაცაში მოვსინჯე ბედი, მაგრამ ისე მოხდა, რომ მაინც ამ სფეროში დავრჩი. სასწრაფო მანქანის მძღოლად მაქვს ნამუშევარი, ავადმყოფისთვის ექიმობაც გამიწევია, იყო პერიოდი, როცა მშენებლობაზეც ვიმუშავე. სახლში ჩემი ხელით რემონტიც გავაკეთე, რასაც კი ხელი მოვკიდე, ყველაფერი გამომივიდა. მივხვდი, რომ ბევრი რამ მეხერხება, მაგრამ თეატრიდან წასვლაზე არასოდეს მიფიქრია. სხვა საქმეს რომ ვაკეთებდი, მაინც ამაზე მეფიქრებოდა. ჩემი ცხოვრების მთავარი საქმე სწორედ თეატრია.
– ყველაზე საყვარელი როლი რომელია?
– ყველა, რადგან თითოეულში ბევრს ვდებ. თეატრი ძალიან შრომატევადია. ჩემს ყველა გმირზე ბევრს ვფიქრობ, ამიტომ გამიჭირდება მხოლოდ ერთის გამოყოფა.
– ქალის როლიც გაქვთ ნათამაშევი. კაბაში როგორ გრძნობდით თავს?
– თავიდან – ცოტა უხერხულად. კაცისთვის ძნელია ქალის როლის მორგება, მისი მიმიკები, მანერები... როცა დამჭირდა და ქალებს დავაკვირდი, ცოტა უხერხულად ვიგრძენი თავი. საკმაოდ რთული ყოფილა. რაც შეეხება კოსტიუმებს, ფანტასტიკური კაბები გვეცვა, თუმცა ძალიან უხერხული დასაჯდომი იყო. რეპეტიციები რომ დავიწყეთ, ცოტა დაძაბულები ვიყავით, ჩვენს მიმიკებზე ძალიან ვხალისობდით.
– თქვენი თავისუფალი დრო რას ეთმობა?
– მთელ ჩემს თავისუფალ დროს მეგობრებთან ვატარებ. ზოგჯერ ერთად მივდივართ სათევზაოდ. ვცდილობ, ის სიყვარული, რასაც მათგან ვიღებ, უკან დავუბრუნო. ოჯახის წევრებსაც სულ ვენატრები, სახლში პატარა ძმისშვილები მყავს. უფროსი წელს მივიდა სკოლაში. სკოლაში წავიყვანე და ძალიან გაუკვირდა, რადგან მის წაყვანას ვერასოდეს ვერსად ვახერხებ. ორივე ძალიან გახარებული ვიყავით. მოკლედ, ჩემი თავისუფალი დრო ეთმობა ოჯახს, მეგობრებს, თევზაობას.
– პირადი ცხოვრება რატომ არ ახსენეთ, მაგისთვის არ გაქვთ დრო?
– პირადი ცხოვრებისთვისაც ვნახულობ დროს, დატვირთული ვარ, მაგრამ რაღაცეებს მაინც ვახერხებ.
– არც ისე დიდიხნის წინ თქვენ და მსახიობი მაკა ძაგანია "სარკეს" ინტერვიუს აძლევდით, როგორც შეყვარებული წყვილი. ახლა კი ცალ–ცალკე ხართ. რამ გამოიწვია თქვენი დაშორება?
– ყველაფერი ისე წავიდა, რომ ჩვენი ურთიერთობა დამთავრდა. რომ ვიცოდეთ, რატომ მოხდა და რისი ბრალი იყო, აუცილებლად მივხედავდით ან მე, ან ის და დღეს ერთად ვიქნებოდით.
– მაკამ ჩვენთან ინტერვიუში თქვა, ყველა მამაკაცს ჩემი შეცვლა უნდოდაო...
– მისი შეცვლა რომ მდომებოდა, ჩვენ ალბათ არც გვექნებოდა ურთიერთობა.
– იმ სიყვარულმა სინანულის განცდა არ დაგიტოვათ?
– რა თქმა უნდა, 6 წელი ვიყავით ერთად. ამ დროში ნივთსაც კი მიეჩვევი, არათუ ადამიანს. ურთიერთობის დამთავრება ადვილი არ არის. მერე ხვდები, რომ ძალიან გაკლია ის ადამიანი.
– არ სცადეთ მასთან შერიგება?
– ალბათ ჯობდა, არც მეცადა.
– მტკივნეული იყო დაშორება?
– ჩვენი დაშორება ურთიერთობის დაწყებიდან პირველი ან მეორე წლის თავზე რომ მომხდარიყო, მაშინ შეიძლებოდა ტირილი და რაღაცეები ყოფილიყო, მაგრამ ჩვენი ურთიერთობა უკან–უკან წავიდა, ამიტომ ბოლოს დავილაპარაკეთ და ვთქვით, რომ უნდა დაგვესრულებინა. ორივე ამ დასკვნამდე მივედით. ჩვენი დაშორება მხოლოდ ერთი მიზეზის გამო არ მომხდარა, ნელ–ნელა ყველაფერი გროვდება და ბოლოს სრულდება.
– მაკამ მითხრა, დაშორების შემდეგ არც კი შევხვედრივართო. როგორი იქნება თქვენი შეხვედრა?
– თბილისში ამდენ ხანს ადამიანს რომ ვერ შეხვდები, ძალიან უცნაურია, მით უმეტეს, ერთი პროფესია გვაქვს, ერთი წრე გვყავს... ჩვენი შეხვედრა ალბათ ჩვეულებრივი იქნება, გამარჯობის თქმით შემოვიფარგლებით. როგორც სხვა ნაცნობებს, მაკასაც ისე შევხვდები.
– ამ 6 წლიანმა ურთიერთობამ რა გამოცდილება შეგძინათ, რასაც სხვა ურთიერთობებში გაითვალისწინებთ?
– თუ სერიოზული ურთიერთობა მექნება, ჩემს გრძნობას იქამდე არ მივიყვან, რომ ბოლოს დამთავრდეს. ჩვენს სიყვარულს ალბათ არც მე გავუფრთხილდი და არც – მაკა. ჩვენი გრძნობა ისე მივუშვით, რომ ბოლოს დამთავრდა.
– პირად ურთიერთობებში მომთხოვნი ხართ?
– არა. რასაც ადამიანისგან იღებ და რასაც შენ გაძლევენ, ისაა შენი წილი და მორჩა!
– მაკასთან ურთიერთობამ რა მოგცათ?
– საკმაოდ ბევრი მომცა, ამით ძალიან ბედნიერი ვარ, მაჩუქა ის სამი ყველაზე ტკბილი და ბედნიერი წელი, როცა მე და მაკა ყველაზე კარგად ვიყავით. მისი მადლობელი ვარ, რა უნდა მოხდეს, რომ ეს დამავიწყდეს, მაგრამ მაინც დამთავრდა, აღარ არის.
– მოდით, ახლა იმ ახალ როლზე ვისაუბროთ, რომლითაც ტელემაყურებელმა კომედიურ სერიალში "ჩვენი ამბავი" გიხილათ. კმაყოფილი ხართ ახალი ამპლუით?
– სერიალში სხვა დროსაც მითამაშია, მაგრამ აქ სხვანაირი სიტუაციაა, ჩაწერებს მაყურებელი ესწრება, რაც ჩემთვის ძალიან უცხოა. ამ ფაქტმა დამაინტერესა, თან კომედიური ჟანრია და რატომაც არ უნდა მეცადა ბედი?! თეატრში დიდხანს ვემზადებით პრემიერისთვის, აქ კი ყოველკვირა პრემიერაა. ჩაწერების დროს მაყურებლის რეაქცია ძალიან საინტერესოა, სტიმულიც კია.
– თქვენს გმირზე რა შეგვიძლიათ გვითხრათ, როგორი ადამიანია?
– საინტერესო ტიპია. ერთი პერიოდი წარმატებული იყო და მერე უცებ ყველაფერი დაკარგა. ვეღარც წიგნს წერს, ვეღარც ცოლთან ალაგებს ურთიერთობას, შვილი ჰყავს, რომელიც ენატრება, მაგრამ არ აჩვენებენ. ჩემი გმირი იმითაცაა საინტერესო, რომ ყოველ ჯერზე ყველაფრის თავიდან დაწყებას ცდილობს, თუმცა არ გამოსდის. ამითაც ბედნიერია, იცის, რომ მისი ბრალი არაფერია, უბრალოდ არავინ უჯერებს. ჩემს გმირთან რაღაცეები მაქვს საერთო, რაღაცეებში კი ძალიან განვსხვავდებით.
– მაგალითად, რითი ჰგავხართ და რითი განსხვავდებით?
– პირველ რიგში, იმით განვსხვავდებით, რომ ცოლი და შვილი არ მყავს. ასე რომ იყოს, არ ვიცი, მათთან ურთიერთობაში როგორი ვიქნებოდი, რამე საერთო მექნებოდა თუ არა ჩემს გმირთან. ზურასავით ძალიან მიყვარს მეგობრები, დალევა, წიგნებიც, მაგრამ მე არ ვწერ. ჩვეულებრივი ქართველი ბიჭია იმ ინტერესებით, რაც მეც მაქვს. შეიძლება გოგოსაც გააყოლოს თვალი და გაეარშიყოს, მეც იგივე შემიძლია გავაკეთო.
ქეთი დინოშვილი, ჟურნალი სარკე
ტატო მუსკომედიის თეატრის მსახიობია. ახლახან კი ახალ კომედიურ სერიალში "ჩვენი ამბავი" გამოჩნდა ახალგაზრდა მწერალი კაცის როლით. ეს პერსონაჟი, მიუხედავად მისი უცნაურობისა, ტატოს ესიმპათიურება და ხასიათის გარკვეული შტრიხებით საკუთარ თავსაც ამსგავსებს. ჩვეულებრივი ქართველი ბიჭია, ისეთი, როგორიც მეო, გვითხრა.
– ტატო, მსახიობობა თქვენი ცხოვრების მთავარი ოცნება იყო თუ სხვა პროფესიებზეც გიფიქრიათ?
– ბევრ რაღაცაში მოვსინჯე ბედი, მაგრამ ისე მოხდა, რომ მაინც ამ სფეროში დავრჩი. სასწრაფო მანქანის მძღოლად მაქვს ნამუშევარი, ავადმყოფისთვის ექიმობაც გამიწევია, იყო პერიოდი, როცა მშენებლობაზეც ვიმუშავე. სახლში ჩემი ხელით რემონტიც გავაკეთე, რასაც კი ხელი მოვკიდე, ყველაფერი გამომივიდა. მივხვდი, რომ ბევრი რამ მეხერხება, მაგრამ თეატრიდან წასვლაზე არასოდეს მიფიქრია. სხვა საქმეს რომ ვაკეთებდი, მაინც ამაზე მეფიქრებოდა. ჩემი ცხოვრების მთავარი საქმე სწორედ თეატრია.
– ყველაზე საყვარელი როლი რომელია?
– ყველა, რადგან თითოეულში ბევრს ვდებ. თეატრი ძალიან შრომატევადია. ჩემს ყველა გმირზე ბევრს ვფიქრობ, ამიტომ გამიჭირდება მხოლოდ ერთის გამოყოფა.
– ქალის როლიც გაქვთ ნათამაშევი. კაბაში როგორ გრძნობდით თავს?
– თავიდან – ცოტა უხერხულად. კაცისთვის ძნელია ქალის როლის მორგება, მისი მიმიკები, მანერები... როცა დამჭირდა და ქალებს დავაკვირდი, ცოტა უხერხულად ვიგრძენი თავი. საკმაოდ რთული ყოფილა. რაც შეეხება კოსტიუმებს, ფანტასტიკური კაბები გვეცვა, თუმცა ძალიან უხერხული დასაჯდომი იყო. რეპეტიციები რომ დავიწყეთ, ცოტა დაძაბულები ვიყავით, ჩვენს მიმიკებზე ძალიან ვხალისობდით.
– თქვენი თავისუფალი დრო რას ეთმობა?
– მთელ ჩემს თავისუფალ დროს მეგობრებთან ვატარებ. ზოგჯერ ერთად მივდივართ სათევზაოდ. ვცდილობ, ის სიყვარული, რასაც მათგან ვიღებ, უკან დავუბრუნო. ოჯახის წევრებსაც სულ ვენატრები, სახლში პატარა ძმისშვილები მყავს. უფროსი წელს მივიდა სკოლაში. სკოლაში წავიყვანე და ძალიან გაუკვირდა, რადგან მის წაყვანას ვერასოდეს ვერსად ვახერხებ. ორივე ძალიან გახარებული ვიყავით. მოკლედ, ჩემი თავისუფალი დრო ეთმობა ოჯახს, მეგობრებს, თევზაობას.
– პირადი ცხოვრება რატომ არ ახსენეთ, მაგისთვის არ გაქვთ დრო?
– პირადი ცხოვრებისთვისაც ვნახულობ დროს, დატვირთული ვარ, მაგრამ რაღაცეებს მაინც ვახერხებ.
– არც ისე დიდიხნის წინ თქვენ და მსახიობი მაკა ძაგანია "სარკეს" ინტერვიუს აძლევდით, როგორც შეყვარებული წყვილი. ახლა კი ცალ–ცალკე ხართ. რამ გამოიწვია თქვენი დაშორება?
– ყველაფერი ისე წავიდა, რომ ჩვენი ურთიერთობა დამთავრდა. რომ ვიცოდეთ, რატომ მოხდა და რისი ბრალი იყო, აუცილებლად მივხედავდით ან მე, ან ის და დღეს ერთად ვიქნებოდით.
– მაკამ ჩვენთან ინტერვიუში თქვა, ყველა მამაკაცს ჩემი შეცვლა უნდოდაო...
– მისი შეცვლა რომ მდომებოდა, ჩვენ ალბათ არც გვექნებოდა ურთიერთობა.
– იმ სიყვარულმა სინანულის განცდა არ დაგიტოვათ?
– რა თქმა უნდა, 6 წელი ვიყავით ერთად. ამ დროში ნივთსაც კი მიეჩვევი, არათუ ადამიანს. ურთიერთობის დამთავრება ადვილი არ არის. მერე ხვდები, რომ ძალიან გაკლია ის ადამიანი.
– არ სცადეთ მასთან შერიგება?
– ალბათ ჯობდა, არც მეცადა.
– მტკივნეული იყო დაშორება?
– ჩვენი დაშორება ურთიერთობის დაწყებიდან პირველი ან მეორე წლის თავზე რომ მომხდარიყო, მაშინ შეიძლებოდა ტირილი და რაღაცეები ყოფილიყო, მაგრამ ჩვენი ურთიერთობა უკან–უკან წავიდა, ამიტომ ბოლოს დავილაპარაკეთ და ვთქვით, რომ უნდა დაგვესრულებინა. ორივე ამ დასკვნამდე მივედით. ჩვენი დაშორება მხოლოდ ერთი მიზეზის გამო არ მომხდარა, ნელ–ნელა ყველაფერი გროვდება და ბოლოს სრულდება.
– მაკამ მითხრა, დაშორების შემდეგ არც კი შევხვედრივართო. როგორი იქნება თქვენი შეხვედრა?
– თბილისში ამდენ ხანს ადამიანს რომ ვერ შეხვდები, ძალიან უცნაურია, მით უმეტეს, ერთი პროფესია გვაქვს, ერთი წრე გვყავს... ჩვენი შეხვედრა ალბათ ჩვეულებრივი იქნება, გამარჯობის თქმით შემოვიფარგლებით. როგორც სხვა ნაცნობებს, მაკასაც ისე შევხვდები.
– ამ 6 წლიანმა ურთიერთობამ რა გამოცდილება შეგძინათ, რასაც სხვა ურთიერთობებში გაითვალისწინებთ?
– თუ სერიოზული ურთიერთობა მექნება, ჩემს გრძნობას იქამდე არ მივიყვან, რომ ბოლოს დამთავრდეს. ჩვენს სიყვარულს ალბათ არც მე გავუფრთხილდი და არც – მაკა. ჩვენი გრძნობა ისე მივუშვით, რომ ბოლოს დამთავრდა.
– პირად ურთიერთობებში მომთხოვნი ხართ?
– არა. რასაც ადამიანისგან იღებ და რასაც შენ გაძლევენ, ისაა შენი წილი და მორჩა!
– მაკასთან ურთიერთობამ რა მოგცათ?
– საკმაოდ ბევრი მომცა, ამით ძალიან ბედნიერი ვარ, მაჩუქა ის სამი ყველაზე ტკბილი და ბედნიერი წელი, როცა მე და მაკა ყველაზე კარგად ვიყავით. მისი მადლობელი ვარ, რა უნდა მოხდეს, რომ ეს დამავიწყდეს, მაგრამ მაინც დამთავრდა, აღარ არის.
– მოდით, ახლა იმ ახალ როლზე ვისაუბროთ, რომლითაც ტელემაყურებელმა კომედიურ სერიალში "ჩვენი ამბავი" გიხილათ. კმაყოფილი ხართ ახალი ამპლუით?
– სერიალში სხვა დროსაც მითამაშია, მაგრამ აქ სხვანაირი სიტუაციაა, ჩაწერებს მაყურებელი ესწრება, რაც ჩემთვის ძალიან უცხოა. ამ ფაქტმა დამაინტერესა, თან კომედიური ჟანრია და რატომაც არ უნდა მეცადა ბედი?! თეატრში დიდხანს ვემზადებით პრემიერისთვის, აქ კი ყოველკვირა პრემიერაა. ჩაწერების დროს მაყურებლის რეაქცია ძალიან საინტერესოა, სტიმულიც კია.
– თქვენს გმირზე რა შეგვიძლიათ გვითხრათ, როგორი ადამიანია?
– საინტერესო ტიპია. ერთი პერიოდი წარმატებული იყო და მერე უცებ ყველაფერი დაკარგა. ვეღარც წიგნს წერს, ვეღარც ცოლთან ალაგებს ურთიერთობას, შვილი ჰყავს, რომელიც ენატრება, მაგრამ არ აჩვენებენ. ჩემი გმირი იმითაცაა საინტერესო, რომ ყოველ ჯერზე ყველაფრის თავიდან დაწყებას ცდილობს, თუმცა არ გამოსდის. ამითაც ბედნიერია, იცის, რომ მისი ბრალი არაფერია, უბრალოდ არავინ უჯერებს. ჩემს გმირთან რაღაცეები მაქვს საერთო, რაღაცეებში კი ძალიან განვსხვავდებით.
– მაგალითად, რითი ჰგავხართ და რითი განსხვავდებით?
– პირველ რიგში, იმით განვსხვავდებით, რომ ცოლი და შვილი არ მყავს. ასე რომ იყოს, არ ვიცი, მათთან ურთიერთობაში როგორი ვიქნებოდი, რამე საერთო მექნებოდა თუ არა ჩემს გმირთან. ზურასავით ძალიან მიყვარს მეგობრები, დალევა, წიგნებიც, მაგრამ მე არ ვწერ. ჩვეულებრივი ქართველი ბიჭია იმ ინტერესებით, რაც მეც მაქვს. შეიძლება გოგოსაც გააყოლოს თვალი და გაეარშიყოს, მეც იგივე შემიძლია გავაკეთო.
ქეთი დინოშვილი, ჟურნალი სარკე
