„ჩემი მთავარი ამბიციაა, ვიყო ბედნიერი!“
1 733 ნახვა
31 ოქტომბერს ეკრანებზე გამოვიდა რიდლი სკოტის ახალი სურათი „მრჩეველი“ , რომელშიც ჰოლივუდის მეგავარსკვლავები თამაშობენ - ბრედ პიტი, პენელოპა კრუსი, კამერონ დიასი, ჰავიერ ბარდემი. პენელოპამ და ჰავიერმა დაქორწინების შემდეგ ფილმში ერთად პირველად ითამაშეს. პენელოპა შესანიშნავ ფორმაშია მორიგი მშობიარობის შემდეგ.
- რით მიგიზიდათ „მრჩეველმა“?
- სცენარის ავტორი ამერიკელი მწერალი კორმაკ მაკარტია, ავტორი რომანისა „მოხ-უცების ადგილი აქ არ არის“ . გარდა ამისა, ეს სურათი რიდლი სკოტის სხვა ფილმებს არ ჰგავს. არც კოსმოსური ხომალდებია, არც აფეთქებები. რეჟისორი მთლიანად გმირებსა და მათ განცდებზეა ორიენტირებული.
- ქმართან ერთად ითამაშეთ...
- ჩვენ ვგიჟდებით ერთად გადაღებაზე. სამწუხაროდ, „მრჩეველში“ საერთო სცენები არ გვქონდა, თუმცა მე მაინც ვღელავდი. საერთოდ, ყველაფერზე ვნერვიულობ, ყველაფრის მეშინია. ვისწავლე შიშის დამალვა, მაგრამ ის კვლავ ჩემთანაა. ყოველ დილას თავს ვარწმუნებ, ნაკლებად ვინერვიულო, ვიდრე გუშინ... მაგრამ სულ ასეთი ვარ, რაც თავი მახსოვს და ამას ყოველთვის ძალიან განვიცდიდი.
- ალბათ, ერთ-ერთი უდიდესი განცდა „ოსკარის“ მიღება იყო...
- შესანიშნავი დღე იყო! ვერ ვიტყვი, რომ ეს ჩემი ოცნება იყო, ამაზე არც კი მიფიქრია. ჩემ გვერდით ბავშვობაში არავინ ყოფილა ისეთი, ვინც რაიმენაირად ხელოვნებასთან იქნებოდა დაკავშირებული. როცა 11 წლისამ გამოვაცხადე, რომ მსახიობობა მინდოდა, ისე შემხედეს, თითქოს მთვარიდან ჩამოვვარდი. ხოლო როცა ჯილდო მივიღე, ჩემ თვალწინ ჩემი მეგობრების სახეებმა გაიელვა - ყველა მხარში მედგა და მადლიერი ვიყავი მათი...
- წითელ ხალიჩაზე ყოველთვის დახვეწილი ხართ. როგორ ირჩევთ სამოსს?
- სტილისტი მეხმარება. ყოველდღიურ ცხოვრებაში ჯინსსა და კედებს ვატარებ, თუ შესაძლებლობა არის - საერთოდაც ფეხშიშველი დავდივარ.
- რის გარეშე ვერ წარმოგიდგენიათ თქვენი გარდერობი?
- ვგიჟდები ლამაზ თეთრეულზე! მასში არის საიდუმლო: რაღაც განსაკუთრებული გაცვია, მაგრამ ეს არავინ იცის. 14 წლისას დამეწყო ეს სიგიჟე: ჟურნალში ვნახე მშვენიერი თეთრი კორსეტი და მშობლებს ვთხოვე, დაბადების დღეზე ეჩუქებინათ. ჩემთვის ეს პირველი სერიოზული საჩუქარი იყო.
- ცოტა ხნის წინ მეორედ გახდით დედა და კვლავ შესანიშნავ ფორმაში ხართ...
- ბავშვობაში კლასიკურ ბალეტზე დავდიოდი და იქ მასწავლეს დისციპლინა, სხეულის მიმართ ყურადღების გამოჩენა. ახლა იოგითა და პილატესით ვარ გატაცებული.
- რაღაც მომენტში კინოდან წასვლა მოგიწევთ... ეს გაშინებთ?
- ესპანეთში მსახიობები სიბერემდე მუშაობენ და მეც ასე მინდა.
- რა მიზნები გაქვთ?
- ახლა ჩემი მთავარი ამბიციაა, ვიყო ბედნიერი!
- ჩანს, ეს გამოგდით! საინტერესო როლები, მეორე შვილი...
- დიახ, ბედნიერი ვარ, რომ ქალიშვილი გაგვიჩნდა. მას ლუნა დავარქვით, თუმცა არ მინდა ამაზე ლაპარაკი. მე და ჰავიერს გვსურს, ჩვენი შვილები შინაურ გარემოში გაიზარდონ. ისინი არ არიან დამნაშავენი, რომ მათმა მშობლებმა საჯარო პროფესია აირჩიეს.
ჟურნალი „რეიტინგი“
- რით მიგიზიდათ „მრჩეველმა“?
- სცენარის ავტორი ამერიკელი მწერალი კორმაკ მაკარტია, ავტორი რომანისა „მოხ-უცების ადგილი აქ არ არის“ . გარდა ამისა, ეს სურათი რიდლი სკოტის სხვა ფილმებს არ ჰგავს. არც კოსმოსური ხომალდებია, არც აფეთქებები. რეჟისორი მთლიანად გმირებსა და მათ განცდებზეა ორიენტირებული.
- ქმართან ერთად ითამაშეთ...
- ჩვენ ვგიჟდებით ერთად გადაღებაზე. სამწუხაროდ, „მრჩეველში“ საერთო სცენები არ გვქონდა, თუმცა მე მაინც ვღელავდი. საერთოდ, ყველაფერზე ვნერვიულობ, ყველაფრის მეშინია. ვისწავლე შიშის დამალვა, მაგრამ ის კვლავ ჩემთანაა. ყოველ დილას თავს ვარწმუნებ, ნაკლებად ვინერვიულო, ვიდრე გუშინ... მაგრამ სულ ასეთი ვარ, რაც თავი მახსოვს და ამას ყოველთვის ძალიან განვიცდიდი.
- ალბათ, ერთ-ერთი უდიდესი განცდა „ოსკარის“ მიღება იყო...
- შესანიშნავი დღე იყო! ვერ ვიტყვი, რომ ეს ჩემი ოცნება იყო, ამაზე არც კი მიფიქრია. ჩემ გვერდით ბავშვობაში არავინ ყოფილა ისეთი, ვინც რაიმენაირად ხელოვნებასთან იქნებოდა დაკავშირებული. როცა 11 წლისამ გამოვაცხადე, რომ მსახიობობა მინდოდა, ისე შემხედეს, თითქოს მთვარიდან ჩამოვვარდი. ხოლო როცა ჯილდო მივიღე, ჩემ თვალწინ ჩემი მეგობრების სახეებმა გაიელვა - ყველა მხარში მედგა და მადლიერი ვიყავი მათი...
- წითელ ხალიჩაზე ყოველთვის დახვეწილი ხართ. როგორ ირჩევთ სამოსს?
- სტილისტი მეხმარება. ყოველდღიურ ცხოვრებაში ჯინსსა და კედებს ვატარებ, თუ შესაძლებლობა არის - საერთოდაც ფეხშიშველი დავდივარ.
- რის გარეშე ვერ წარმოგიდგენიათ თქვენი გარდერობი?
- ვგიჟდები ლამაზ თეთრეულზე! მასში არის საიდუმლო: რაღაც განსაკუთრებული გაცვია, მაგრამ ეს არავინ იცის. 14 წლისას დამეწყო ეს სიგიჟე: ჟურნალში ვნახე მშვენიერი თეთრი კორსეტი და მშობლებს ვთხოვე, დაბადების დღეზე ეჩუქებინათ. ჩემთვის ეს პირველი სერიოზული საჩუქარი იყო.
- ცოტა ხნის წინ მეორედ გახდით დედა და კვლავ შესანიშნავ ფორმაში ხართ...
- ბავშვობაში კლასიკურ ბალეტზე დავდიოდი და იქ მასწავლეს დისციპლინა, სხეულის მიმართ ყურადღების გამოჩენა. ახლა იოგითა და პილატესით ვარ გატაცებული.
- რაღაც მომენტში კინოდან წასვლა მოგიწევთ... ეს გაშინებთ?
- ესპანეთში მსახიობები სიბერემდე მუშაობენ და მეც ასე მინდა.
- რა მიზნები გაქვთ?
- ახლა ჩემი მთავარი ამბიციაა, ვიყო ბედნიერი!
- ჩანს, ეს გამოგდით! საინტერესო როლები, მეორე შვილი...
- დიახ, ბედნიერი ვარ, რომ ქალიშვილი გაგვიჩნდა. მას ლუნა დავარქვით, თუმცა არ მინდა ამაზე ლაპარაკი. მე და ჰავიერს გვსურს, ჩვენი შვილები შინაურ გარემოში გაიზარდონ. ისინი არ არიან დამნაშავენი, რომ მათმა მშობლებმა საჯარო პროფესია აირჩიეს.
ჟურნალი „რეიტინგი“
