ხატია შამუგია: "ალექსი პეტრიაშვილთან ჩემი ურთიერთობა ჭორია"
2 306 ნახვა
ქართული შოუბიზნესის ცნობილი სახე, ხატია შამუგია, ბოლო პერიოდში საკმაოდ სკანდალური ჭორის ობიექტი გახდა – ხალხი მისი და მინისტრ ალექსი პეტრიაშვილის რომანის შესახებ ალაპარაკდა. ხატია ამ ინფორმაციას ყურით მოთრეულ ჭორს უწოდებს და კომენტარის გაკეთების ღირსადაც არ მიიჩნევს. საერთოდ თვლის, რომ პირად ურთიერთობებზე ღიად ლაპარაკმა მისი და "ქუჩის ბიჭ" გურამ ლომიძის ქორწინებას ბევრი ავნო. ახლა იმ ლამაზ პერიოდს, როცა ქმარ–შვილთან ერთ ჭერქვეშ ცხოვრობდა, ერთი სუნამოს სურნელი აგონებს.
ახლა ხატიას ცხოვრებაში დატვირთული პერიოდია, ახალ საქმესაც შეეჭიდა და იმედი აქვს, თავს გაართმევს. სიახლეებზე, გეგმებზე და მის გარშემო აგორებულ ჭორებზე კი "სარკეს" ესაუბრება.
– ხატია, რითი ხართ ბოლო პერიოდში დაკავებული?
– ახლა ყველაზე დატვირთული რეჟიმი მაქვს, მაგრამ ჩემი საქმე იმდენად საინტერესოა, რომ დაღლასთან ერთად დიდ სიამოვნებას ვიღებ. ყველაფერთან ერთად შეიქმნა საინტერესო ტრეინინგ ცენტრი და მადლობას ვუხდი ოთარ ქირიას და მის პარტნიორებს, რომლებმაც არჩევანი ჩემზე შეაჩერეს. იქმნება ასეთი სფერო – ფეშენ მარკეტინგი, რომელიც პირველია საქართველოში. იქ პარფიუმერიის შესახებ ლექციებს წავიკითხავ. ასე რომ, ახალ ამპლუაში მოვსინჯავ ძალებს. პროფესიით ფილოლოგი ვარ, მაგრამ ამ განხრით არასდროს მიმუშავია.
– თქვენი მთავარი საქმიანობა პარფიუმერიის რეკლამირებას უკავშირდება. ეს ნიშნავს იმას, რომ ყველა სუნამოს სურნელს უშეცდომოდ ხვდებით?
– აუცილებელი არ არის, ყველა სუნამოს სურნელი იცოდე. ამ სამსახურში ეს არ გევალება, მაგრამ მე ბავშვობიდან შემეძლო, ყველა სუნამოს არომატი გამომეცნო. მე ვარ ის ადამიანი, რომელსაც სურნელი აგონებს ისტორიას. განსაკუთრებულად გაძლიერებული ყნოსვა მაქვს და ადამიანებსაც არომატით ვიმახსოვრებ. დღემდე ჩემთვის "გუჩი რაში" ქალბატონ მარინა ბერიძესთან ასოცირდება, რადგან პირველად მასზე ვიგრძენი ეს არომატი. ასევე, დავიდოვის "სილვერ შედოუ" ჩემთვის მერაბ სეფაშვილია, რადგან ყოველთვის ამ სუნამოს იყენებს.
– თქვენ თუ გაქვთ ამოჩემებული სურნელი, რითაც ვინმეს ხატია შამუგია გაახსენდება?
– მე სუნამოების მანიაკი ვარ. შემიძლია ტანსაცმლისთვის, ფეხსაცმლისთვის, მანქანისთვის და ა.შ. ფული დამენანოს, მაგრამ სუნამოზე უარს ვერასდროს ვამბობ. ახალი სუნამო რომ გამოდის, შეიძლება საერთოდ ვერ გამოვიყენო, მაგრამ უნდა მქონდეს.
– გაქვთ ძვირადღირებული, ექსკლუზიური სუნამო, რომელსაც განსაკუთრებული შემთხვევებისთვის იყენებთ?
– "ჰერმესის" ექსკლუზიური სუნამო მაქვს, რომელიც მხოლოდ "ჰერმესის" ბუტიკებში იყიდება, საქართველოში არ შემოდის. ეს სუნამო მაჩუქეს და ვცდილობ, მხოლოდ განსაკუთრებული შემთხვევების დროს გამოვიყენო. ვერ ვიტყვი, რომ ძალიან ძვირი ღირს, მაგრამ ძნელად იშოვება.
– მოდით, სურნელის მიხედვით დავყოთ თქვენი ცხოვრების მნიშვნელოვანი მოვლენები. როგორი სურნელი შეესაბამება თქვენი და გურამ ლომიძის შეხვედრას, როგორც რომანტიკულ მოგონებას?
– გურამიკოსთან შეხვედრის პერიოდში ორივე, მეც და გურამიკოც, ძალიან ტკბილი სურნელის სუნამოს ვიყენებდით. გურამიკო მთხოვდა, ამ სუნამოს ძალიან ბევრსაც ნუ იპკურებო. მე ძალიან ბევრს ვისხამ, რაც ნორმალური არ არის. მერე ორივე ერთი ბრენდის სუნამოზე გადავედით. დღემდე მახსოვს ეს არომატები. სამწუხაროდ, ის სუნამოები აღარ გამოდის. "ჰერმესი" ძალიან სასიამოვნო შეხვედრასთან და ადამიანთან ასოცირდება...
– რომელიმე სუნამო გახსენებთ ცხოვრების ცუდ პერიოდს?
– არის ასეთი სუნამოც, რომელიც ფანტასტიკური ბრენდია, მაგრამ ცუდ მოგონებებს აღმიძრავს. ეს სურნელი მახსენებს ადამიანს, რომელიც ჩემთვის დადებით მოგონებებთან არ ასოცირდება. შესაბამისად, ის არომატიც არ მომწონს. ასევე, მიყვარდა ერთი სუნამო, რომელიც იმ დროს მესხა, როცა დეიდაშვილი გარდამეცვალა. იმის მერე იმ სუნამოს სურნელზეც კი სახე მეშლება, იმდენად აღარ მიყვარს.
– რა შემთხვევაში შეიძლება იქცეს სუნამო ცუდ ტონად?
– ასეთი შემთხვევა არ არსებობს. სუნამოს ფასს მნიშვნელობა არ აქვს. შეიძლება ძალიან ძვირფასი იყოს, მაგრამ იმ ადამიანს არ უხდებოდეს, ვინც იყენებს. შეიძლება იაფფასიანი სუნამო ისე მიიღოს ადამიანის კანმა, რომ ძალიან მოგეწონოს. ჩემთვის ვულგარული ტონია ძალიან მძაფრი სუნამოს გამოყენება თეატრში. მახსოვს რამდენიმე შემთხვევა, როცა ძალიან საინტერესო სპექტაკლს ვუყურებდი და ერთ–ერთ მაყურებელს იმდენად მძაფრი სუნამო ესხა, რომ რთული იყო სპექტაკლის აღქმა. იმის მერე გადავწყვიტე, რომ თეატრში მძაფრი სურნელი არ გამოვიყენო.
შეიძლება საერთოდ არ იყენებდე სუნამოს, მაგრამ ეს ცუდ ტონად არ ითვლება. და მაინც, სუნამოს არომატი პლუსია პიროვნებისთვის. ყველას თავისი არომატი აქვს, რომელსაც ჩვენ ვერ ვგრძნობთ. სუნამო იმ არომატთან კავშირში უნდა იყოს. სუნამო შეიძლება იმდენად სასიამოვნო იყოს, რომ საწინააღმდეგო სქესი გრძნობდეს მას, მოსწონდეს და არ იცოდეს, რა იზიდავს. ყველა ადამიანი თვითონ ირჩევს თავის სურნელს. მოდურობის გამო სუნამოს არჩევა არ ღირს, რადგან თუ შენი არ არის, მაინც ვერ გამოიყენებ. სურნელი არ უნდა გაწუხებდეს და თითქმის ვერ უნდა გრძნობდე.
– ბოლო დროს ჭორის ობიექტი გახდით – ერთ–ერთ გამოცემაში თქვენი და ევროინტეგრაციის მინისტრ ალექსი პეტრიაშვილის რომანის შესახებ დაიბეჭდა. თქვენ ეს ინფორმაცია უარყავით, მაგრამ, როგორ ფიქრობთ, რატომ დააკავშირეს თქვენი სახელები ერთმანეთს?
– ყოველთვის ვამბობდი, რომ ჭორი საფუძვლის გარეშე არ ჩნდება, ამ ბოლო დროს კი ისეთი საოცარი ჭორები მესმის და არამარტო ჩემზე, უკვე ვხვდები, რომ ყურით მოთრეული ჭორებიც არსებობს. მიყვარს ყურადღების ცენტრში ყოფნა, მაგრამ – არა პირადი ცხოვრებით. ვფიქრობ, ჩემი და გურამიკოს ურთიერთობა სწორედ ამ გამჭვირვალე ურთიერთობამ დააზიანა, მაგრამ მაშინ პატარაც ვიყავი და სადღაც მომწონდა კიდეც ეს ყურადღება. რაც წლები გავიდა, მივხვდი, რომ პირადი მართლა პირადი უნდა იყოს. ამიტომაც არ მიყვარს ამ თემაზე საუბარი. მე მაინც ვფიქრობ, რომ პირადი ცხოვრების გამო არასოდეს ვიქნები პოპულარული, ვთვლი, რომ ეს ღირსეული არ არის, მაგრამ იმ ადამიანებისაც მესმის, ვინც ამგვარად იძენს პოპულარობას და მივესალმები მათ. უბრალოდ მე არ ვარ ასეთი ტიპი.
რაც შეეხება ერთ–ერთ ჟურნალში დაბეჭდილ ამ ჭორს: ყველამ იცის, რომ ჟურნალისტებთან ძალიან კარგი ურთიერთობა მაქვს და მესმის მათი ადამიანური შეცდომებიც, რომლებიც პროფესიული, კარიერული წინსვლისთვის შეიძლება ჩაიდინონ, მაგრამ არის რაღაცეები, რაც არ უნდა გადაიხაზოს. ვგულისხმობ წლების მეგობრობას, თანამშრომლობას. იაფფასიანი, არაფრისმომტანი სტატიით რესპონდენტს გული არ უნდა ატკინო. მით უმეტეს, როცა ინფორმაცია დაუდასტურებელია. ყურით მოთრეული ამბის დაბეჭდვამ ერთ–ერთ ჟურნალში გული ძალიან მატკინა და ეს სტატია არამარტო მე შემეხო, ბევრი ადამიანი იყო მოხსენიებული. თუ ღირსეული გამოცემა ხარ, შენს ღირსებას სხვა რაღაცეებით უნდა ინარჩუნებდე. გადაუმოწმებელი ინფორმაციის დაბეჭდვა პრესისთვის არაპროფესიონალური ნაბიჯია. ეს ძალიან გამიკვირდა იმ ჟურნალისგან. ისეთი შეცდომა მოუვიდათ, რომ არც მინდა ამაზე ლაპარაკი. ღმერთმა შეუნდოთ.
– პარალელურად გავრცელდა ჭორი თქვენი ყოფილი ქმრის, გურამ ლომიძისა და უკრაინელი მომღერლის, ივანა მელაის რომანის შესახებ. თუ ეს სიმართლე აღმოჩნდება, როგორ შეხედავთ ამ ამბავს?
– ძალიან ობიექტურად და პრაგმატულად ვუყურებ: მე და გურამიკო ძალიან კარგი მეგობრები და ერთმანეთის გულშემატკივრები ვართ. უძვირფასესი რამ – შვილი გვაკავშირებს. რა შეიძლება, რომ ამის გამო ერთმანეთს არ შევუნდოთ? ცხელ გულზე დავშორდით თუ გააზრებულად, ამ ყველაფერმა ჩაიარა და მე და გურამიკო, პირველ რიგში, ერთმანეთის გულშემატკივრები ვართ. ზრდასრული ადამიანია, ცოლი არ ჰყავს და უფლება აქვს, ნებისმიერი არჩევანი გააკეთოს. ჩემთვის მთავარია, რომ ბედნიერი იყოს. მე და გურამიკო ერთმანეთთან პირად ცხოვრებაზე საუბარს ვერიდებით. თუ ის ბედნიერია, მე ძალიან გამიხარდება. არ აქვს მნიშვნელობა, რა წარმომავლობის ადამიანი იდგება მის გვერდით – ქართველი, უკრაინელი თუ მოზამბიკელი, მთავარია, თვითონ იყოს კარგად. ამიტომ ამ ამბავს, თუ ის სიმართლეა, კარგად ვუყურებ და გურამიკოს ბედნიერებას ვუსურვებ.
მანანა ნოდია, ჟურნალი სარკე
ახლა ხატიას ცხოვრებაში დატვირთული პერიოდია, ახალ საქმესაც შეეჭიდა და იმედი აქვს, თავს გაართმევს. სიახლეებზე, გეგმებზე და მის გარშემო აგორებულ ჭორებზე კი "სარკეს" ესაუბრება.
– ხატია, რითი ხართ ბოლო პერიოდში დაკავებული?
– ახლა ყველაზე დატვირთული რეჟიმი მაქვს, მაგრამ ჩემი საქმე იმდენად საინტერესოა, რომ დაღლასთან ერთად დიდ სიამოვნებას ვიღებ. ყველაფერთან ერთად შეიქმნა საინტერესო ტრეინინგ ცენტრი და მადლობას ვუხდი ოთარ ქირიას და მის პარტნიორებს, რომლებმაც არჩევანი ჩემზე შეაჩერეს. იქმნება ასეთი სფერო – ფეშენ მარკეტინგი, რომელიც პირველია საქართველოში. იქ პარფიუმერიის შესახებ ლექციებს წავიკითხავ. ასე რომ, ახალ ამპლუაში მოვსინჯავ ძალებს. პროფესიით ფილოლოგი ვარ, მაგრამ ამ განხრით არასდროს მიმუშავია.
– თქვენი მთავარი საქმიანობა პარფიუმერიის რეკლამირებას უკავშირდება. ეს ნიშნავს იმას, რომ ყველა სუნამოს სურნელს უშეცდომოდ ხვდებით?
– აუცილებელი არ არის, ყველა სუნამოს სურნელი იცოდე. ამ სამსახურში ეს არ გევალება, მაგრამ მე ბავშვობიდან შემეძლო, ყველა სუნამოს არომატი გამომეცნო. მე ვარ ის ადამიანი, რომელსაც სურნელი აგონებს ისტორიას. განსაკუთრებულად გაძლიერებული ყნოსვა მაქვს და ადამიანებსაც არომატით ვიმახსოვრებ. დღემდე ჩემთვის "გუჩი რაში" ქალბატონ მარინა ბერიძესთან ასოცირდება, რადგან პირველად მასზე ვიგრძენი ეს არომატი. ასევე, დავიდოვის "სილვერ შედოუ" ჩემთვის მერაბ სეფაშვილია, რადგან ყოველთვის ამ სუნამოს იყენებს.
– თქვენ თუ გაქვთ ამოჩემებული სურნელი, რითაც ვინმეს ხატია შამუგია გაახსენდება?
– მე სუნამოების მანიაკი ვარ. შემიძლია ტანსაცმლისთვის, ფეხსაცმლისთვის, მანქანისთვის და ა.შ. ფული დამენანოს, მაგრამ სუნამოზე უარს ვერასდროს ვამბობ. ახალი სუნამო რომ გამოდის, შეიძლება საერთოდ ვერ გამოვიყენო, მაგრამ უნდა მქონდეს.
– გაქვთ ძვირადღირებული, ექსკლუზიური სუნამო, რომელსაც განსაკუთრებული შემთხვევებისთვის იყენებთ?
– "ჰერმესის" ექსკლუზიური სუნამო მაქვს, რომელიც მხოლოდ "ჰერმესის" ბუტიკებში იყიდება, საქართველოში არ შემოდის. ეს სუნამო მაჩუქეს და ვცდილობ, მხოლოდ განსაკუთრებული შემთხვევების დროს გამოვიყენო. ვერ ვიტყვი, რომ ძალიან ძვირი ღირს, მაგრამ ძნელად იშოვება.
– მოდით, სურნელის მიხედვით დავყოთ თქვენი ცხოვრების მნიშვნელოვანი მოვლენები. როგორი სურნელი შეესაბამება თქვენი და გურამ ლომიძის შეხვედრას, როგორც რომანტიკულ მოგონებას?
– გურამიკოსთან შეხვედრის პერიოდში ორივე, მეც და გურამიკოც, ძალიან ტკბილი სურნელის სუნამოს ვიყენებდით. გურამიკო მთხოვდა, ამ სუნამოს ძალიან ბევრსაც ნუ იპკურებო. მე ძალიან ბევრს ვისხამ, რაც ნორმალური არ არის. მერე ორივე ერთი ბრენდის სუნამოზე გადავედით. დღემდე მახსოვს ეს არომატები. სამწუხაროდ, ის სუნამოები აღარ გამოდის. "ჰერმესი" ძალიან სასიამოვნო შეხვედრასთან და ადამიანთან ასოცირდება...
– რომელიმე სუნამო გახსენებთ ცხოვრების ცუდ პერიოდს?
– არის ასეთი სუნამოც, რომელიც ფანტასტიკური ბრენდია, მაგრამ ცუდ მოგონებებს აღმიძრავს. ეს სურნელი მახსენებს ადამიანს, რომელიც ჩემთვის დადებით მოგონებებთან არ ასოცირდება. შესაბამისად, ის არომატიც არ მომწონს. ასევე, მიყვარდა ერთი სუნამო, რომელიც იმ დროს მესხა, როცა დეიდაშვილი გარდამეცვალა. იმის მერე იმ სუნამოს სურნელზეც კი სახე მეშლება, იმდენად აღარ მიყვარს.
– რა შემთხვევაში შეიძლება იქცეს სუნამო ცუდ ტონად?
– ასეთი შემთხვევა არ არსებობს. სუნამოს ფასს მნიშვნელობა არ აქვს. შეიძლება ძალიან ძვირფასი იყოს, მაგრამ იმ ადამიანს არ უხდებოდეს, ვინც იყენებს. შეიძლება იაფფასიანი სუნამო ისე მიიღოს ადამიანის კანმა, რომ ძალიან მოგეწონოს. ჩემთვის ვულგარული ტონია ძალიან მძაფრი სუნამოს გამოყენება თეატრში. მახსოვს რამდენიმე შემთხვევა, როცა ძალიან საინტერესო სპექტაკლს ვუყურებდი და ერთ–ერთ მაყურებელს იმდენად მძაფრი სუნამო ესხა, რომ რთული იყო სპექტაკლის აღქმა. იმის მერე გადავწყვიტე, რომ თეატრში მძაფრი სურნელი არ გამოვიყენო.
შეიძლება საერთოდ არ იყენებდე სუნამოს, მაგრამ ეს ცუდ ტონად არ ითვლება. და მაინც, სუნამოს არომატი პლუსია პიროვნებისთვის. ყველას თავისი არომატი აქვს, რომელსაც ჩვენ ვერ ვგრძნობთ. სუნამო იმ არომატთან კავშირში უნდა იყოს. სუნამო შეიძლება იმდენად სასიამოვნო იყოს, რომ საწინააღმდეგო სქესი გრძნობდეს მას, მოსწონდეს და არ იცოდეს, რა იზიდავს. ყველა ადამიანი თვითონ ირჩევს თავის სურნელს. მოდურობის გამო სუნამოს არჩევა არ ღირს, რადგან თუ შენი არ არის, მაინც ვერ გამოიყენებ. სურნელი არ უნდა გაწუხებდეს და თითქმის ვერ უნდა გრძნობდე.
– ბოლო დროს ჭორის ობიექტი გახდით – ერთ–ერთ გამოცემაში თქვენი და ევროინტეგრაციის მინისტრ ალექსი პეტრიაშვილის რომანის შესახებ დაიბეჭდა. თქვენ ეს ინფორმაცია უარყავით, მაგრამ, როგორ ფიქრობთ, რატომ დააკავშირეს თქვენი სახელები ერთმანეთს?
– ყოველთვის ვამბობდი, რომ ჭორი საფუძვლის გარეშე არ ჩნდება, ამ ბოლო დროს კი ისეთი საოცარი ჭორები მესმის და არამარტო ჩემზე, უკვე ვხვდები, რომ ყურით მოთრეული ჭორებიც არსებობს. მიყვარს ყურადღების ცენტრში ყოფნა, მაგრამ – არა პირადი ცხოვრებით. ვფიქრობ, ჩემი და გურამიკოს ურთიერთობა სწორედ ამ გამჭვირვალე ურთიერთობამ დააზიანა, მაგრამ მაშინ პატარაც ვიყავი და სადღაც მომწონდა კიდეც ეს ყურადღება. რაც წლები გავიდა, მივხვდი, რომ პირადი მართლა პირადი უნდა იყოს. ამიტომაც არ მიყვარს ამ თემაზე საუბარი. მე მაინც ვფიქრობ, რომ პირადი ცხოვრების გამო არასოდეს ვიქნები პოპულარული, ვთვლი, რომ ეს ღირსეული არ არის, მაგრამ იმ ადამიანებისაც მესმის, ვინც ამგვარად იძენს პოპულარობას და მივესალმები მათ. უბრალოდ მე არ ვარ ასეთი ტიპი.
რაც შეეხება ერთ–ერთ ჟურნალში დაბეჭდილ ამ ჭორს: ყველამ იცის, რომ ჟურნალისტებთან ძალიან კარგი ურთიერთობა მაქვს და მესმის მათი ადამიანური შეცდომებიც, რომლებიც პროფესიული, კარიერული წინსვლისთვის შეიძლება ჩაიდინონ, მაგრამ არის რაღაცეები, რაც არ უნდა გადაიხაზოს. ვგულისხმობ წლების მეგობრობას, თანამშრომლობას. იაფფასიანი, არაფრისმომტანი სტატიით რესპონდენტს გული არ უნდა ატკინო. მით უმეტეს, როცა ინფორმაცია დაუდასტურებელია. ყურით მოთრეული ამბის დაბეჭდვამ ერთ–ერთ ჟურნალში გული ძალიან მატკინა და ეს სტატია არამარტო მე შემეხო, ბევრი ადამიანი იყო მოხსენიებული. თუ ღირსეული გამოცემა ხარ, შენს ღირსებას სხვა რაღაცეებით უნდა ინარჩუნებდე. გადაუმოწმებელი ინფორმაციის დაბეჭდვა პრესისთვის არაპროფესიონალური ნაბიჯია. ეს ძალიან გამიკვირდა იმ ჟურნალისგან. ისეთი შეცდომა მოუვიდათ, რომ არც მინდა ამაზე ლაპარაკი. ღმერთმა შეუნდოთ.
– პარალელურად გავრცელდა ჭორი თქვენი ყოფილი ქმრის, გურამ ლომიძისა და უკრაინელი მომღერლის, ივანა მელაის რომანის შესახებ. თუ ეს სიმართლე აღმოჩნდება, როგორ შეხედავთ ამ ამბავს?
– ძალიან ობიექტურად და პრაგმატულად ვუყურებ: მე და გურამიკო ძალიან კარგი მეგობრები და ერთმანეთის გულშემატკივრები ვართ. უძვირფასესი რამ – შვილი გვაკავშირებს. რა შეიძლება, რომ ამის გამო ერთმანეთს არ შევუნდოთ? ცხელ გულზე დავშორდით თუ გააზრებულად, ამ ყველაფერმა ჩაიარა და მე და გურამიკო, პირველ რიგში, ერთმანეთის გულშემატკივრები ვართ. ზრდასრული ადამიანია, ცოლი არ ჰყავს და უფლება აქვს, ნებისმიერი არჩევანი გააკეთოს. ჩემთვის მთავარია, რომ ბედნიერი იყოს. მე და გურამიკო ერთმანეთთან პირად ცხოვრებაზე საუბარს ვერიდებით. თუ ის ბედნიერია, მე ძალიან გამიხარდება. არ აქვს მნიშვნელობა, რა წარმომავლობის ადამიანი იდგება მის გვერდით – ქართველი, უკრაინელი თუ მოზამბიკელი, მთავარია, თვითონ იყოს კარგად. ამიტომ ამ ამბავს, თუ ის სიმართლეა, კარგად ვუყურებ და გურამიკოს ბედნიერებას ვუსურვებ.
მანანა ნოდია, ჟურნალი სარკე
