ჯანეტ ქერდიყოშვილს ხარკოვის ჰოსპიტალში პრინცესასავით ექცევიან
1 633 ნახვა
ჯანეტ ქერდიყოშვილი ''მის სამყაროზე'' 24 ოქტომბრამდე უნდა ყოფილიყო, თუმცა ''მის საქართველომ'' ამ კონკურსზე მოხვედრა ვერ მოახერხა. მიზეზი სამწუხაროა - ჯანეტს ჯანმრთელობის მდგომარეობა გაუუარესდა. ის ამჟამად ხარკოვის ერთ-ერთ კლინიკაში მკურნალობს. ჯანეტს ინტერნეტით დავუკავშირდით.
- როგორც მოგეხსენებათ, ''მის სამყაროზე'' მივემგზავრებოდი, ცხრა ნოემბერს ფინალი გაიმართა. ყველაფერი მზად გვქონდა, საფინალო კაბა, გამოსვლა ნაციონალურ კოსტიუმში, საქველმოქმედო ღონისძიებაც უნდა ყოფილიყო, რისთვისაც ძალიან ლამაზი საყურე შევიძინე და აუქციონზე უნდა გაყიდულიყო. 21 ოქტომბერს უნდა ჩავსულიყავი მოსკოვში, მანამდე კი რამდენიმე დღით რომში გამგზავრება გადავწყვიტე, ჩემი დაქალის ჯვრისწერაზე. ორი-სამი დღით დავრჩი რომში. იქიდან ხარკოვის გავლით მოსკოვში უნდა ჩავფრენილიყავი, რადგან სხვა რეისი არ იყო. ხარკოვში ჩასულს უცებ ამიწია სიცხემ, ძალიან ცუდად გავხდი და მეგონა, რომ მოწამლული ვიყავი. პანიკაში ჩავვარდი. წამიყვანეს ჰოსპიტალში, სადაც ყველანაირი კვლევა ჩამიტარდა. ჯერ ორი დღით დამტოვეს. ''მის სამყაროზე'' ჩასვლის ვადა 24 ოქტომბრამდე მქონდა. ვიფიქრეთ, რომ რამდენიმე დღეში ორგანიზმი დაწყნარდებოდა, რადგან მანამდე არაფერი მტკიოდა და არაფერი მაწუხებდა, მაგრამ კვლევის შედეგად გამოავლინეს, რომ თირკმელში წყალი იყო ჩამდგარი. დაიწყეს გამორკვევა, საიდან შეიძლებოდა იქ წყალი აღმოჩენილიყო. არადა, მანამდე სრულიად ჯანმრთელი ვიყავი და არასდროს მიმიმართავს ექიმისთვის. მერე მითხრეს, რომ ჩემი სისუსტე უფრო სერიოზული მიზეზით იყო გამოწვეული და ამას ორდღიანი მკურნალობა და გადასხმები არ უშველიდა. წესიერად სიარულსაც ვერ ვახერხებდი. დამტოვეს ერთი კვირით, შესაბამისად, ''მის სამყაროზე'' ჩემი გამგზავრებაც ჩაიშალა. ექიმებმაც ამიკრძალეს და თავადაც არ 8მქონდა ადგომის ძალა. ჯანმრთელობაზე მთავარი არაფერია, თანაც, კონკურსზე დიდი დატვირთვა იქნებოდა, რასაც ვერ გავუძლებდი და შესაძლოა, უარესადაც გავმხდარიყავი. ქალბატონმა იამ დაურეკა ორგანიზატორებს და აუხსნა, როგორი სიტუაცია იყო.
- საბოლოო დიაგნოზი რა არის?
- დადგინდა, რომ ეს არის პიელონეფრიტი. ეს არის თირკმლის დაავადება, როდესაც ეს ორგანო ჩირქდება. სიცოცხლის საფრთხეს შეიცავს მისი გართულება, ამიტომაც ექიმებმა ვერ გარისკეს, რადგან შეიძლებოდა, საოპერაციო გავმხდარიყავი. დროულად მოვასწარი ექიმთან მისვლა. ეს დიაგნოზი ნებისმიერი ასაკის ადამიანს შეიძლება დაესვას და შესაძლოა, იყოს განპირობებული ცხოვრების არასწორი რეჟიმით. ''დღის შოუ'' დაიწყო, პარალელურად ვსწავლობდი, ვემზადებოდი საერთაშორისო კონკურსისთვის. არ მახსოვს, როდის მივდიოდი სახლში და როდის ვჭამდი. დაღლილობა, არასწორი კვება და სტრესი განაპირობებს ამ დაავადებას. თუმცა თავს ცუდად სულაც არ ვგრძნობდი, კი ვიღლებოდი, მაგრამ მანამდე ცუდად არ გავმხდარვარ, შემართებით ვაკეთებდი ამ ყველაფერს, ბოლოს ორგანიზმმა მითხრა, ცოტა დაამუხრუჭეო.
- ექიმები რას გეუბნებიან, როდის გამოჯანმრთელდები?
- კვირაში ორჯერ ანალიზებს მიღებენ. უყურებენ, რა პროგრესია. თავიდან საკმაოდ კარგად მიდიოდა გამოჯანმრთელების პროცესი. ამ დაავადების გამო ორგანიზმს ძალიან დაბალი იმუნიტეტი აქვს. ამ დროს ადვილად შეგიძლია სხვადასხვა ავადმყოფობის ''დაჭერა'' . ალბათ, ამას მოაწესრიგებენ. სწორი კვება მაქვს, კარგ კლინიკაში ვმკურნალობ და ცოტა გონზე მოვედი, მაგრამ შემდეგ უცებ ისევ არ მოეწონათ ანალიზები. გადაწყვიტეს პრეპარატების შეცვლა, რადგან, როგორც ჩანს, ისინი არ იყო შესაბამისი. ახლა ისევ იღებენ ანალიზებს და უყურებენ პროგრესს. რაც შეეხება კურსს, ჯერ არ უთქვამთ, რამდენ ხანს გაგრძელდება. შესაძლოა, იყოს ორი თვე ან გართულების შემთხვევაში, მეტი. 29 ნოემბერს დაბადების დღე მაქვს და იმედია, ამ დროისთვის შევძლებ საქართველოში დაბრუნებას. გული მწყდება, ყველაფერი ასე კარგად მიდიოდა და ჩემმა ჯანმრთელობამ აღარ მომცა გაგრძელების საშუალება. ექიმებს ვეხვეწები, რომ ნოემბრის ბოლოსკენ მაინც გამიშვან. ყველანაირად ვეცდები, რომ გამოვჯანმრთელდე.
- საქართველოში სამკურნალოდ დაბრუნებაზე არ გიფიქრია?
- შემეძლო საქართველოშიც, მაგრამ რადგან აქ დავიწყეთ, აქვე ვაგრძელებთ. ამ დაავადებისთვის არ ვარგა ერთი დღის ჩაგდებაც კი. გადასხმებია, ანალიზები და ა.შ. ჩემი ოჯახი აქ არის. მათ ძალიან ინერვიულეს. კონკურსზე გავემგზავრე და იმის მაგივრად, რომ მოსკოვში დამხვედროდნენ, ხარკოვში ჩემთან ჩამოსვლამ მოუწიათ. ალბათ, ეს ყველაფერი ბედია. უფალს უნდა, რომ ჩემს ცხოვრებას გადავხედო და რაღაც გამოვასწორო. მაჩვენებს, რომ უნდა დავფიქრდე საკუთარ თავზე.
- ალბათ, ამაზე არ ფიქრობ, როცა წარმატებული ხარ და ბევრ საქმეს აკეთებ. აქ გავრცელდა ჭორები, რომ რადგან რუსეთში ტარდებოდა, არ გინდოდა იქ გამგზავრება და ავად ყოფნის ამბავი მოიფიქრე.
- ეს აბსურდია, პირიქით, გამიხარდა, რომ რუსეთში ტარდებოდა, რადგან მოსკოვში ბევრი ახლობელი მყავს და ბევრი მიგულშემატკივრებდა. დიდი მნიშვნელობა აქვს, როგორი მხარდამჭერები გყავს დარბაზში. რუსეთის მოქალაქეც ვარ, ასე რომ, იქ გამგზავრების არანაირი პრობლემა არ მექნებოდა. გული დამწყდა, რომ ეს შანსი ხელიდან გავუშვი.
- გამოჯანმრთელების შემდეგ პირველს რას გააკეთებ?
- ბევრი ფიქრი მიტრიალებს თავში, მაქვს გეგმები. პირველ რიგში, ძალიან ვნერვიულობ სამსახურზე, რადგან ტელევიზიიდან მხოლოდ სამი კვირით გამიშვეს და დიდი მადლობა ამისთვის. ვღელავ, რომ ასეთ ცუდ მდგომარეობაში ჩავაყენე გადაცემის პროდიუსერი და წამყვანები. ისინი დამიკავშირდნენ და გამამხნევეს, გელოდებითო. ძალიან მინდა, რომ დავუბრუნდე ''დღის შოუს'', საქმეს, რომლის გემოც ჯერ ვერ ვიგრძენი, რადგან სულ ერთი თვე ვიყავი ეთერში.
- ამის გამო ''ვია-გრას'' პროექტზეც თქვი უარი.
- არა, ამის გამო არ მითქვამს, მანამდე ვთქვი უარი და შემდეგ გამოჩნდა შემოთავაზება ''იმედიდან'' . ''ვია-გრას'' პროექტზე უარი ''მის სამყაროს'' გამო ვთქვი, რადგან 4 ნოემბერს ჰქონდათ ამ პროექტის გალაკონცერტი და მე ამ დროს უკვე ''მის სამყაროზე'' უნდა ვყოფილიყავი. ამას არ ვნანობ, რადგან ალბათ, ასეც უნდა ყოფილიყო.
- ახლა, როცა ჩვენ ვსაუბრობთ, როგორ გრძნობ თავს?
- მარჯვენა მხარეს დიდი ტკივილები მქონდა და საერთოდ ვერ ვწვებოდი ამ მხარეს. ამჟამად, ღვთის მადლით, არაფერი მტკივა და ძალიან მიხარია. დღეში მხოლოდ ნახევარი საათით მაქვს სეირნობის უფლება, ისიც ნელი ნაბიჯებით. ამ სეირნობის დროს ვხვდები, რომ ყველაფერი კარგად არ არის, რადგან ძალიან მალე ვიღლები და სულ ვეძებ დასაჯდომს, რომ დავისვენო. ექიმები მეუბნებიან ხოლმე, აი, ხომ ვამბობთ, ადვილი სულაც არ არისო.
- კლინიკაში იციან, რომ ''მის სამყაროზე'' მიემგზავრებოდი?
- იციან. ძალიან კარგი პერსონალია. აქ პრინცესასავით მეპყრობიან. კარგი პალატა მაქვს, დადებითი აურა და გარემოა. გეგონება, საავადმყოფოში არც ვარ. პრინციპში, ეს ჰოსპიტალია და შედარებით უკეთესი პირობებია. ამაში მაინც გამიმართლა. ოჯახის წევრებსაც აქვთ დარჩენის საშუალება. მამაჩემი რამდენიმე დღის წინ თბილისში გამოემგზავრა, დედაჩემი კი ჩემთან ერთად არის, მაჭმევს, მასმევს. ის რომ არ ყოფილიყო, არ ვიცი, რა იქნებოდა. ყველა ჩემს ნათესავს უნდა ჩამოსვლა, მაგრამ უარს ვეუბნები. დედაჩემის გარეშე ძალიან გამიჭირდებოდა. ალბათ, ეს ყველა დედის მოვალეობაა, როცა შვილი ცუდად არის, ლოგიკურია, რომ დედა მის გვერდით იყოს.
- ფსიქოლოგიურად გამტყდარი მაინც არ მეჩვენები.
- თავიდან მართლა დამწყდა გული, მაგრამ ამ შემთხვევამ ძალიან გამზარდა. მივხვდი, რომ ბევრ რამეზე არ უნდა ვინერვიულო. ყველას მინდა მოვუწოდო, რომ პირველ რიგში, საკუთარ ჯანმრთელობაზე იზრუნონ. ეს არ ვიცოდი. არანაირი ოპერაცია არ მაქვს გაკეთებული. ეკლესიაში ყოველდღე დავდივარ, აქამდე არ მქონია იმის დრო, რომ ასე ხშირად მევლო ეკლესიაში, მომესმინა მამაოსთვის, მელოცა... სულ ვფიქრობ ხოლმე, კიდევ მექნება ასეთი თავისუფალი ერთი თვე, რომ საკუთარ თავს დავუთმო, წიგნი ვიკითხო და ბევრი ისეთი რამ გავაკეთო, რასაც სხვა დროს ვერ გავაკეთებდი. სხვა რა გზა მაქვს? დიდი მნიშვნელობა აქვს, როგორ უყურებ ამ ყველაფერს. რაც უფრო ოპტიმისტურ განწყობაზე იქნები, მით მალე გამოჯანმრთელდები. ამის მჯერა.
ნინო მურღულია
ჟურნალი ''რეიტინგი''
- როგორც მოგეხსენებათ, ''მის სამყაროზე'' მივემგზავრებოდი, ცხრა ნოემბერს ფინალი გაიმართა. ყველაფერი მზად გვქონდა, საფინალო კაბა, გამოსვლა ნაციონალურ კოსტიუმში, საქველმოქმედო ღონისძიებაც უნდა ყოფილიყო, რისთვისაც ძალიან ლამაზი საყურე შევიძინე და აუქციონზე უნდა გაყიდულიყო. 21 ოქტომბერს უნდა ჩავსულიყავი მოსკოვში, მანამდე კი რამდენიმე დღით რომში გამგზავრება გადავწყვიტე, ჩემი დაქალის ჯვრისწერაზე. ორი-სამი დღით დავრჩი რომში. იქიდან ხარკოვის გავლით მოსკოვში უნდა ჩავფრენილიყავი, რადგან სხვა რეისი არ იყო. ხარკოვში ჩასულს უცებ ამიწია სიცხემ, ძალიან ცუდად გავხდი და მეგონა, რომ მოწამლული ვიყავი. პანიკაში ჩავვარდი. წამიყვანეს ჰოსპიტალში, სადაც ყველანაირი კვლევა ჩამიტარდა. ჯერ ორი დღით დამტოვეს. ''მის სამყაროზე'' ჩასვლის ვადა 24 ოქტომბრამდე მქონდა. ვიფიქრეთ, რომ რამდენიმე დღეში ორგანიზმი დაწყნარდებოდა, რადგან მანამდე არაფერი მტკიოდა და არაფერი მაწუხებდა, მაგრამ კვლევის შედეგად გამოავლინეს, რომ თირკმელში წყალი იყო ჩამდგარი. დაიწყეს გამორკვევა, საიდან შეიძლებოდა იქ წყალი აღმოჩენილიყო. არადა, მანამდე სრულიად ჯანმრთელი ვიყავი და არასდროს მიმიმართავს ექიმისთვის. მერე მითხრეს, რომ ჩემი სისუსტე უფრო სერიოზული მიზეზით იყო გამოწვეული და ამას ორდღიანი მკურნალობა და გადასხმები არ უშველიდა. წესიერად სიარულსაც ვერ ვახერხებდი. დამტოვეს ერთი კვირით, შესაბამისად, ''მის სამყაროზე'' ჩემი გამგზავრებაც ჩაიშალა. ექიმებმაც ამიკრძალეს და თავადაც არ 8მქონდა ადგომის ძალა. ჯანმრთელობაზე მთავარი არაფერია, თანაც, კონკურსზე დიდი დატვირთვა იქნებოდა, რასაც ვერ გავუძლებდი და შესაძლოა, უარესადაც გავმხდარიყავი. ქალბატონმა იამ დაურეკა ორგანიზატორებს და აუხსნა, როგორი სიტუაცია იყო.
- საბოლოო დიაგნოზი რა არის?
- დადგინდა, რომ ეს არის პიელონეფრიტი. ეს არის თირკმლის დაავადება, როდესაც ეს ორგანო ჩირქდება. სიცოცხლის საფრთხეს შეიცავს მისი გართულება, ამიტომაც ექიმებმა ვერ გარისკეს, რადგან შეიძლებოდა, საოპერაციო გავმხდარიყავი. დროულად მოვასწარი ექიმთან მისვლა. ეს დიაგნოზი ნებისმიერი ასაკის ადამიანს შეიძლება დაესვას და შესაძლოა, იყოს განპირობებული ცხოვრების არასწორი რეჟიმით. ''დღის შოუ'' დაიწყო, პარალელურად ვსწავლობდი, ვემზადებოდი საერთაშორისო კონკურსისთვის. არ მახსოვს, როდის მივდიოდი სახლში და როდის ვჭამდი. დაღლილობა, არასწორი კვება და სტრესი განაპირობებს ამ დაავადებას. თუმცა თავს ცუდად სულაც არ ვგრძნობდი, კი ვიღლებოდი, მაგრამ მანამდე ცუდად არ გავმხდარვარ, შემართებით ვაკეთებდი ამ ყველაფერს, ბოლოს ორგანიზმმა მითხრა, ცოტა დაამუხრუჭეო.
- ექიმები რას გეუბნებიან, როდის გამოჯანმრთელდები?
- კვირაში ორჯერ ანალიზებს მიღებენ. უყურებენ, რა პროგრესია. თავიდან საკმაოდ კარგად მიდიოდა გამოჯანმრთელების პროცესი. ამ დაავადების გამო ორგანიზმს ძალიან დაბალი იმუნიტეტი აქვს. ამ დროს ადვილად შეგიძლია სხვადასხვა ავადმყოფობის ''დაჭერა'' . ალბათ, ამას მოაწესრიგებენ. სწორი კვება მაქვს, კარგ კლინიკაში ვმკურნალობ და ცოტა გონზე მოვედი, მაგრამ შემდეგ უცებ ისევ არ მოეწონათ ანალიზები. გადაწყვიტეს პრეპარატების შეცვლა, რადგან, როგორც ჩანს, ისინი არ იყო შესაბამისი. ახლა ისევ იღებენ ანალიზებს და უყურებენ პროგრესს. რაც შეეხება კურსს, ჯერ არ უთქვამთ, რამდენ ხანს გაგრძელდება. შესაძლოა, იყოს ორი თვე ან გართულების შემთხვევაში, მეტი. 29 ნოემბერს დაბადების დღე მაქვს და იმედია, ამ დროისთვის შევძლებ საქართველოში დაბრუნებას. გული მწყდება, ყველაფერი ასე კარგად მიდიოდა და ჩემმა ჯანმრთელობამ აღარ მომცა გაგრძელების საშუალება. ექიმებს ვეხვეწები, რომ ნოემბრის ბოლოსკენ მაინც გამიშვან. ყველანაირად ვეცდები, რომ გამოვჯანმრთელდე.
- საქართველოში სამკურნალოდ დაბრუნებაზე არ გიფიქრია?
- შემეძლო საქართველოშიც, მაგრამ რადგან აქ დავიწყეთ, აქვე ვაგრძელებთ. ამ დაავადებისთვის არ ვარგა ერთი დღის ჩაგდებაც კი. გადასხმებია, ანალიზები და ა.შ. ჩემი ოჯახი აქ არის. მათ ძალიან ინერვიულეს. კონკურსზე გავემგზავრე და იმის მაგივრად, რომ მოსკოვში დამხვედროდნენ, ხარკოვში ჩემთან ჩამოსვლამ მოუწიათ. ალბათ, ეს ყველაფერი ბედია. უფალს უნდა, რომ ჩემს ცხოვრებას გადავხედო და რაღაც გამოვასწორო. მაჩვენებს, რომ უნდა დავფიქრდე საკუთარ თავზე.
- ალბათ, ამაზე არ ფიქრობ, როცა წარმატებული ხარ და ბევრ საქმეს აკეთებ. აქ გავრცელდა ჭორები, რომ რადგან რუსეთში ტარდებოდა, არ გინდოდა იქ გამგზავრება და ავად ყოფნის ამბავი მოიფიქრე.
- ეს აბსურდია, პირიქით, გამიხარდა, რომ რუსეთში ტარდებოდა, რადგან მოსკოვში ბევრი ახლობელი მყავს და ბევრი მიგულშემატკივრებდა. დიდი მნიშვნელობა აქვს, როგორი მხარდამჭერები გყავს დარბაზში. რუსეთის მოქალაქეც ვარ, ასე რომ, იქ გამგზავრების არანაირი პრობლემა არ მექნებოდა. გული დამწყდა, რომ ეს შანსი ხელიდან გავუშვი.
- გამოჯანმრთელების შემდეგ პირველს რას გააკეთებ?
- ბევრი ფიქრი მიტრიალებს თავში, მაქვს გეგმები. პირველ რიგში, ძალიან ვნერვიულობ სამსახურზე, რადგან ტელევიზიიდან მხოლოდ სამი კვირით გამიშვეს და დიდი მადლობა ამისთვის. ვღელავ, რომ ასეთ ცუდ მდგომარეობაში ჩავაყენე გადაცემის პროდიუსერი და წამყვანები. ისინი დამიკავშირდნენ და გამამხნევეს, გელოდებითო. ძალიან მინდა, რომ დავუბრუნდე ''დღის შოუს'', საქმეს, რომლის გემოც ჯერ ვერ ვიგრძენი, რადგან სულ ერთი თვე ვიყავი ეთერში.
- ამის გამო ''ვია-გრას'' პროექტზეც თქვი უარი.
- არა, ამის გამო არ მითქვამს, მანამდე ვთქვი უარი და შემდეგ გამოჩნდა შემოთავაზება ''იმედიდან'' . ''ვია-გრას'' პროექტზე უარი ''მის სამყაროს'' გამო ვთქვი, რადგან 4 ნოემბერს ჰქონდათ ამ პროექტის გალაკონცერტი და მე ამ დროს უკვე ''მის სამყაროზე'' უნდა ვყოფილიყავი. ამას არ ვნანობ, რადგან ალბათ, ასეც უნდა ყოფილიყო.
- ახლა, როცა ჩვენ ვსაუბრობთ, როგორ გრძნობ თავს?
- მარჯვენა მხარეს დიდი ტკივილები მქონდა და საერთოდ ვერ ვწვებოდი ამ მხარეს. ამჟამად, ღვთის მადლით, არაფერი მტკივა და ძალიან მიხარია. დღეში მხოლოდ ნახევარი საათით მაქვს სეირნობის უფლება, ისიც ნელი ნაბიჯებით. ამ სეირნობის დროს ვხვდები, რომ ყველაფერი კარგად არ არის, რადგან ძალიან მალე ვიღლები და სულ ვეძებ დასაჯდომს, რომ დავისვენო. ექიმები მეუბნებიან ხოლმე, აი, ხომ ვამბობთ, ადვილი სულაც არ არისო.
- კლინიკაში იციან, რომ ''მის სამყაროზე'' მიემგზავრებოდი?
- იციან. ძალიან კარგი პერსონალია. აქ პრინცესასავით მეპყრობიან. კარგი პალატა მაქვს, დადებითი აურა და გარემოა. გეგონება, საავადმყოფოში არც ვარ. პრინციპში, ეს ჰოსპიტალია და შედარებით უკეთესი პირობებია. ამაში მაინც გამიმართლა. ოჯახის წევრებსაც აქვთ დარჩენის საშუალება. მამაჩემი რამდენიმე დღის წინ თბილისში გამოემგზავრა, დედაჩემი კი ჩემთან ერთად არის, მაჭმევს, მასმევს. ის რომ არ ყოფილიყო, არ ვიცი, რა იქნებოდა. ყველა ჩემს ნათესავს უნდა ჩამოსვლა, მაგრამ უარს ვეუბნები. დედაჩემის გარეშე ძალიან გამიჭირდებოდა. ალბათ, ეს ყველა დედის მოვალეობაა, როცა შვილი ცუდად არის, ლოგიკურია, რომ დედა მის გვერდით იყოს.
- ფსიქოლოგიურად გამტყდარი მაინც არ მეჩვენები.
- თავიდან მართლა დამწყდა გული, მაგრამ ამ შემთხვევამ ძალიან გამზარდა. მივხვდი, რომ ბევრ რამეზე არ უნდა ვინერვიულო. ყველას მინდა მოვუწოდო, რომ პირველ რიგში, საკუთარ ჯანმრთელობაზე იზრუნონ. ეს არ ვიცოდი. არანაირი ოპერაცია არ მაქვს გაკეთებული. ეკლესიაში ყოველდღე დავდივარ, აქამდე არ მქონია იმის დრო, რომ ასე ხშირად მევლო ეკლესიაში, მომესმინა მამაოსთვის, მელოცა... სულ ვფიქრობ ხოლმე, კიდევ მექნება ასეთი თავისუფალი ერთი თვე, რომ საკუთარ თავს დავუთმო, წიგნი ვიკითხო და ბევრი ისეთი რამ გავაკეთო, რასაც სხვა დროს ვერ გავაკეთებდი. სხვა რა გზა მაქვს? დიდი მნიშვნელობა აქვს, როგორ უყურებ ამ ყველაფერს. რაც უფრო ოპტიმისტურ განწყობაზე იქნები, მით მალე გამოჯანმრთელდები. ამის მჯერა.
ნინო მურღულია
ჟურნალი ''რეიტინგი''
