სალომე ჭაჭუა: "მაკარონი კაფელს ესროლეთ – თუ მიეწება, მზად არის"
2 408 ნახვა
სალომე ჭაჭუა მარტო ცეკვით არ აოცებს მნახველებს, ის შეუდარებელი კულინარიცაა. თუ იმის დრო გამოძებნა, რომ სამზარეულოში შევიდეს, ისეთ გემრიელ კერძებს ამზადებს, ყველას აკვირვებს. თუმცა ბევრიც რომ ეხვეწოთ, თავისი საფირმო კერძების რეცეპტებს არ გაგიმხელთ. "სარკის" მკითხველებისთვის კი გამონაკლისი დაუშვა და კულინარიული საიდუმლო გათქვა, თუმცა არა – ბოლომდე.
კულინარიული გადაცემები სალომეს საყვარელი გასართობია. იქ ნანახ კერძებს თავისი ფანტაზიით სხვადასხვა ინგრედიენტს ამატებს და ძალიან სპეციფიკურ გემოს იღებს. რა ენაღვლება, იმდენს ვარჯიშობს, წონის პრობლემა არასოდეს ექნება.
– სალომე, სამზარეულოსადმი ინტერესი როდის გაგიჩნდათ?
– ვერ გეტყვით, რომ ბავშვობიდან ამ საქმით ვიყავი დაინტერესებული. მაშინ უფრო ცეკვით და "როლიკებით" გახლდით გატაცებული. 15 წლის ასაკში კი მივხვდი, რომ კულინარობა მომწონდა. დედასთვის არასოდეს მიყურებია, რას როგორ ამზადებდა, უფრო ბებიასგან ვსწავლობდი. ვერ გეტყვით, რომ რეცეპტებით ვხელმძღვანელობ, მიყვარს, როცა ჩემებურად ვაკეთებ. სწორედ ასე, ჩემებურად მომზადებული კერძები გამომდის გემრიელი. მეუბნებიან კიდეც, კარგი ხელი გაქვსო. არასოდეს ვაქცევ ყურადღებას, 200 გრამი ფქვილი უნდა ჩავყარო თუ არა, როცა როგორ ვთვლი საჭიროდ, ისე ვაკეთებ.
– უმეტესად ქართულ კერძებს ამზადებთ თუ რამე განსხვავებულს?
– ქართულსაც ვამზადებ, მაგრამ ძირითადად მაინც უცხოური მომწონს. "ოსტრის", ჩაქაფულის გაკეთება არ ვიცი, მაგრამ ოდესმე ამასაც აუცილებლად ვისწავლი. ოჯახის წევრები და მეგობრები სულ მთხოვენ, რომ პიცა გამოვაცხო. მას საიდუმლო მეთოდით ვაცხობ და უგემრიელესი გამომდის. ასევე კარგად ვამზადებ პასტას. ბევრნაირი კერძის გაკეთება ვიცი, უმრავლესობას ჩემებურად ვაკვარახჭინებ, თავს არ ვიქებ, მაგრამ ყოველთვის გემრიელი გამომდის.
– თქვენი პიცა რითია განსაკუთრებული?
– პიცის მთავარი საიდუმლო კარგი ცომი და სოუსია. ცომსაც და სოუსსაც საიდუმლო ინგრედიენტს ვუშვრები, რომელსაც თქვენც არ გეტყვით.
– კარგი, არ ჩაგეძიებით. კულინარიული ფანტაზია კარგად გქონიათ განვითარებული.
– კი, ნამდვილად ასეა. არასოდეს მიყვარდა ყავა და არც არასოდეს მიცდია ცივი ყავის გაკეთება, მაგრამ, როცა გავსინჯე, მივხვდი, რაში მდგომარეობდა ყავის ასეთი კარგი გემო. მეც ვცადე და შესანიშნავი გამოვიდა. მხოლოდ შაქრის, ყავის და ყინულების ჩაყრა საკმარისი არაა.
– იმედია, ცივი ყავის მომზადების რეცეპტსაც საიდუმლოდ არ შეინახავთ.
– კარგი, გეტყვით. ამისთვის აუცილებელია კარგი ყავა და ვანილის კარგი ნაყინი. ყავას, შაქარს, ნაღებს, დატეხილ ყინულებს, ნაყინს ცოტა დარიჩინს ვუშვრები. თუ დარიჩინი მეტი მოგივათ, თავის გემოზე წაიყვანს. ვიდრე ამას დავაბლენდერებთ, ცარიელი ჭიქა, რომელშიც ყავა უნდა ჩავასხათ, საყინულეში შევდგათ. ბოლოს ამ ყველაფერს ჭიქაში ვასხამთ, კიდევ ნაყინს დავამატებთ და მზად არის. კულინარმა კარგად უნდა გათვალოს, რა ინგრედიენტი რამდენი უყოს, რომ რომელიმე მათგანმა თავისი გემო არ მისცეს.
– ალბათ მეგობრებს ძალიან უყვართ თქვენთან სტუმრობა.
– სამწუხაროდ, დროის უქონლობის გამო მეგობრების გამასპინძლებას ხშირად ვერ ვახერხებ. სულ მსაყვედურობენ, რომ მათთვის დრო არ მაქვს. კვირაში მხოლოდ ერთ დღეს, კვირას ვისვენებ და ამ დროს, როცა მეგობრებს ვურეკავ და ვეუბნები, სადმე წავიდეთ–მეთქი, ძალიან უხარიათ. დილის 7 საათზე გამოვდივარ სახლიდან და ღამის 2–ზე ვბრუნდები. მხოლოდ მათ კი არა, ოჯახის წევრებსაც ვერ ვნახულობ. დილით რომ გამოვდივარ, სძინავთ, ღამე მივდივარ და უკვე დაწოლილები არიან. ამის გამო ჩემს საყვარელ მეგობრებს და ოჯახის წევრებს თქვენი ჟურნალიდან ბოდიშს ვუხდი.
– დედა როგორ გიფასებთ ნახელავს?
– ძალიან მოსწონს, მეუბნება, რა კარგია, მე აღარ გავაკეთებ, ამ საქმეს შენ გადმოგაბარებო, მაგრამ ისევ თვითონ უწევს კეთება, რადგან სახლში არასოდეს ვარ. ჩემი ასაკის გოგონებს სამზარეულოში ტრიალი ეზარებათ, ამისი სურვილი არ აქვთ, მე კი პირიქით ვარ, სამზარეულოში ფუსფუსი არასოდეს მწყინდება.
– გემრიელად ჭამაც გიყვართ?
– კი, მე ვიტყოდი, რომ გურმანი ვარ.
– და გასუქების არ გეშინიათ?
– არა, იმდენს ვვარჯიშობ, რომ წონაში არასოდეს ვიმატებ. ხშირად მეუბნებიან, ასეთ კარგ ფორმაში რომ ხარ, ალბათ სულ დიეტებს იცავო, მაგრამ ასე არ არის. ამდენი ვარჯიშის შემდეგ წონაში მომატების საფრთხე არ მემუქრება. მოცეკვავეები, სპორტსმენები გაძლიერებულ კვებაზე ვართ, რადგან ბევრი ენერგია გვეხარჯება, ორგანიზმს კი ვიტამინები სჭირდება. ზაფხულში რომ ვისვენებ, მაშინ კი ვცდილობ, წონა გავაკონტროლო და ზედმეტი არაფერი ვჭამო. ამ დროს უფრო არის წონაში მომატების საფრთხე.
– იმას თუ აქცევთ ყურადღებას, რომ ორგანიზმისთვის სასარგებლო პროდუქტები მიიღოთ?
– ვცდილობ, მივაქციო, მაგრამ სულ გადარბენები მაქვს და არ გამომდის, ის საკვები მივიღო, რაც ვიცი, რომ ჩემთვის კარგია. ჩემს დედიკოს თუ არ ეზარება დილით ადრე ადგომა, სახლიდან გამოსვლამდე სალათს მიკეთებს და კონტეინერით მატანს, რომ დღის განმავლობაში ვჭამო.
– ყველაზე მეტად რომელი საჭმელი გიყვართ?
– ვგიჟდები სუშიზე. ვერავინ მიმხვდარა, რატომ მიყვარს ეს საჭმელი, მაგრამ შემიძლია უზომო რაოდენობით ვჭამო. უმი ორაგული და შავი პური ჩემი ყველაზე საყვარელი საჭმელია.
ბევრი რამე არ მიყვარს, მათ შორის – ცხიმიანი საკვები, ზიზღის გრძნობას მიჩენს. ქართული სამზარეულო საკმაოდ მძიმეა, მაგრამ – უგემრიელესი. არ მიყვარს ხინკალი, ეგეც ჩემთვის ძალიან ცხიმიანია, იშვიათად თუ შევჭამ. ყველაზე მეტად მეგრული სამზარეულო მომწონს. ამას იმიტომ არ ვამბობ, რომ მეგრელი ვარ, მართლა ყველაფერი გემრიელი გვაქვს, ხაჭაპურიდან დაწყებული ელარჯით და ღომით დამთავრებული. სხვათა შორის, ხომ მეგრელი ვარ, მაგრამ ელარჯი წელს პირველად გავსინჯე და ისე მომეწონა, გადავირიე! ჩემი სირცხვილია, რომ აქამდე ეს კერძი გასინჯული არ მქონდა. ჩემი მეორე სირცხვილი ისაა, რომ მეგრული არ ვიცი. მხოლოდ ერთი–ორი სიტყვა თუ მესმის, სხვა არაფერი. მამას არასოდეს ჰქონია სურვილი, ჩემთვის მეგრული ესწავლებინა.
– აქედან ისე არ წავალთ, თუ თქვენი რომელიმე კერძის რეცეპტს არ გვეტყვით.
– პასტას გასწავლით. მაკარონი რომ მოიხარშება, წყალს პირდაპირ ქვაბიდან გადავასხამ, თუშფალანგზე არ ვწურავ, არც ცივ წყალს ვავლებ. რომ გაიგოთ, მაკარონი მოხარშულია თუ არა, კაფელს უნდა ესროლოთ – თუ მიეწება, ე.ი. მზად არის. ვაკეთებ შაშხით, სოკოთი და ყველი მოცარელათი. თხლად და გრძლად ვჭრი შაშხს, ქამა სოკოს, ყველს კი – ოთხკუთხედებად. ამ ყველაფერს მაკარონში ჩაყრით, შეგიძლიათ, ზეთი ან კარაქი უყოთ, ეს თქვენს გემოვნებაზეა დამოკიდებული. ზოგს ოდნავ ცხარე უყვარს, ზოგს – გამხმარი რეჰანით. ცალკე მოამზადებთ პომიდვრის საწებელს. კეტჩუპით არ გააკეთოთ, თორემ თავის გემოს მისცემს. ტომატის სოუსს თქვენი გემოვნებით გაუკეთებთ ინგრედიენტებს. მე ჩემს საყვარელ ინგრედიენტებს ვუშვრები, მაგრამ არ გეტყვით, რას. იმას კი გაგიმხელთ, რომ პომიდორს კანს ვაცლი, წვრილად ვჭრი, ცოტ–ცოტა საყვარელ პროდუქტებს ვუშვრები. ტომატის სოუსს პასტის ზემოდან, შუაგულში ვათავსებ და ზემოდან ერთ მწვანილს ვადებ, რომ ლამაზი იყოს.
– ე.ი. ვიზუალური მხარეც მნიშვნელოვანია თქვენთვის.
– რა თქმა უნდა, კერძი აუცილებლად მადის აღმძვრელად უნდა გამოიყურებოდეს, მხოლოდ კარგი სურნელი დიდი ვერაფერია.
– კულინარიულ გადაცემებს უყურებთ?
– ვგიჟდები კულინარიულ გადაცემებზე! რეცეპტებს არასოდეს ვიწერ, რა ინგრედიენტებიც მამახსოვრდება, იმას ჩემი გემოთი კიდევ რაღაცეებს ვუმატებ და სრულიად სხვა კერძებს ვიღებ.
აუცილებლად უნდა აღვნიშნო, რომ რატომღაც ნამცხვრების ცხობა არ მიყვარს. მხოლოდ ფრანგული ბრაუნის მომზადება ვიცი. მე და დედამ ერთობლივად ვისწავლეთ ეს ნამცხვარი. ჩვენ ბრაუნს ყველით ვაკეთებთ. ერთხელ დაგპატიჟებთ და ნახავთ, ყველით გაკეთებული ბრაუნი რა გემრიელი გამოდის. "ქუქის" გაკეთებაც ვიცი. სპეციფიკურ ცომში, რომელსაც თეთრი და შავი შაქარი სჭირდება, შოკოლადის ნატეხებს ჩავყრით და გამოვაცხობთ. სამწუხაროდ, ზუსტი რეცეპტები არ მახსოვს, რომ თქვენც გასწავლოთ.
– შოკოლადი გიყვართ?
– შოკოლადის გიჟი ვარ! არ არსებობს, დღე ისე გავიდეს, რომ შოკოლადი არ ვჭამო. გამორიცხულია, ფიზიკურად ვერ გავძლებ. უკვე მასზე ვარ დამოკიდებული. ვცდილობ, შავი შოკოლადი ვჭამო, დანარჩენი უფრო კალორიულია, მაგრამ როცა გემრიელ შოკოლადს ვხედავ, კალორიები სულ მავიწყდება. დაკვირვებული ვარ, როცა ვისვენებ და საკუთარ თავს ვეუბნები, ახლა ბევრი არ უნდა ჭამო–მეთქი, მაშინ უფრო მეტს ვჭამ. ხომ გაგიგიათ, აკრძალული ხილი უფრო გემრიელიაო და მეც ასე მემართება.
– პროდუქტების არჩევა გეხერხებათ?
– ეს პროცესი დიდ სიამოვნებას მანიჭებს, მაგრამ ამისთვის იშვიათად ვიცლი. არასოდეს დამბადებია კითხვა, როგორ უნდა ავარჩიო ყველი, ჩემდაუნებურად ისე ხდება, რომ სულ კარგ ყველს ვყიდულობ. არასოდეს უთქვამთ, ეს რა ცუდი პროდუქტები მოიტანეო.
– სასმელთან როგორი დამოკიდებულება გაქვთ?
– ძალიან ცუდი. ჩემი ორგანიზმი ალკოჰოლს ვერ იღებს, ცუდად მხდის. პირველად სკოლის ბანკეტის მეორე დღეს დავლიე და ცუდად გავხდი. ვიფიქრე, რადგან პირველად დავლიე, ასე ალბათ ამიტომ დამემართა–მეთქი და სხვა დროსაც ვცადე, მაგრამ ზუსტად იგივე განმეორდა. ჩემთვის დალევა არ შეიძლება.
ქეთი დინოშვილი, ჟურნალი სარკე
კულინარიული გადაცემები სალომეს საყვარელი გასართობია. იქ ნანახ კერძებს თავისი ფანტაზიით სხვადასხვა ინგრედიენტს ამატებს და ძალიან სპეციფიკურ გემოს იღებს. რა ენაღვლება, იმდენს ვარჯიშობს, წონის პრობლემა არასოდეს ექნება.
– სალომე, სამზარეულოსადმი ინტერესი როდის გაგიჩნდათ?
– ვერ გეტყვით, რომ ბავშვობიდან ამ საქმით ვიყავი დაინტერესებული. მაშინ უფრო ცეკვით და "როლიკებით" გახლდით გატაცებული. 15 წლის ასაკში კი მივხვდი, რომ კულინარობა მომწონდა. დედასთვის არასოდეს მიყურებია, რას როგორ ამზადებდა, უფრო ბებიასგან ვსწავლობდი. ვერ გეტყვით, რომ რეცეპტებით ვხელმძღვანელობ, მიყვარს, როცა ჩემებურად ვაკეთებ. სწორედ ასე, ჩემებურად მომზადებული კერძები გამომდის გემრიელი. მეუბნებიან კიდეც, კარგი ხელი გაქვსო. არასოდეს ვაქცევ ყურადღებას, 200 გრამი ფქვილი უნდა ჩავყარო თუ არა, როცა როგორ ვთვლი საჭიროდ, ისე ვაკეთებ.
– უმეტესად ქართულ კერძებს ამზადებთ თუ რამე განსხვავებულს?
– ქართულსაც ვამზადებ, მაგრამ ძირითადად მაინც უცხოური მომწონს. "ოსტრის", ჩაქაფულის გაკეთება არ ვიცი, მაგრამ ოდესმე ამასაც აუცილებლად ვისწავლი. ოჯახის წევრები და მეგობრები სულ მთხოვენ, რომ პიცა გამოვაცხო. მას საიდუმლო მეთოდით ვაცხობ და უგემრიელესი გამომდის. ასევე კარგად ვამზადებ პასტას. ბევრნაირი კერძის გაკეთება ვიცი, უმრავლესობას ჩემებურად ვაკვარახჭინებ, თავს არ ვიქებ, მაგრამ ყოველთვის გემრიელი გამომდის.
– თქვენი პიცა რითია განსაკუთრებული?
– პიცის მთავარი საიდუმლო კარგი ცომი და სოუსია. ცომსაც და სოუსსაც საიდუმლო ინგრედიენტს ვუშვრები, რომელსაც თქვენც არ გეტყვით.
– კარგი, არ ჩაგეძიებით. კულინარიული ფანტაზია კარგად გქონიათ განვითარებული.
– კი, ნამდვილად ასეა. არასოდეს მიყვარდა ყავა და არც არასოდეს მიცდია ცივი ყავის გაკეთება, მაგრამ, როცა გავსინჯე, მივხვდი, რაში მდგომარეობდა ყავის ასეთი კარგი გემო. მეც ვცადე და შესანიშნავი გამოვიდა. მხოლოდ შაქრის, ყავის და ყინულების ჩაყრა საკმარისი არაა.
– იმედია, ცივი ყავის მომზადების რეცეპტსაც საიდუმლოდ არ შეინახავთ.
– კარგი, გეტყვით. ამისთვის აუცილებელია კარგი ყავა და ვანილის კარგი ნაყინი. ყავას, შაქარს, ნაღებს, დატეხილ ყინულებს, ნაყინს ცოტა დარიჩინს ვუშვრები. თუ დარიჩინი მეტი მოგივათ, თავის გემოზე წაიყვანს. ვიდრე ამას დავაბლენდერებთ, ცარიელი ჭიქა, რომელშიც ყავა უნდა ჩავასხათ, საყინულეში შევდგათ. ბოლოს ამ ყველაფერს ჭიქაში ვასხამთ, კიდევ ნაყინს დავამატებთ და მზად არის. კულინარმა კარგად უნდა გათვალოს, რა ინგრედიენტი რამდენი უყოს, რომ რომელიმე მათგანმა თავისი გემო არ მისცეს.
– ალბათ მეგობრებს ძალიან უყვართ თქვენთან სტუმრობა.
– სამწუხაროდ, დროის უქონლობის გამო მეგობრების გამასპინძლებას ხშირად ვერ ვახერხებ. სულ მსაყვედურობენ, რომ მათთვის დრო არ მაქვს. კვირაში მხოლოდ ერთ დღეს, კვირას ვისვენებ და ამ დროს, როცა მეგობრებს ვურეკავ და ვეუბნები, სადმე წავიდეთ–მეთქი, ძალიან უხარიათ. დილის 7 საათზე გამოვდივარ სახლიდან და ღამის 2–ზე ვბრუნდები. მხოლოდ მათ კი არა, ოჯახის წევრებსაც ვერ ვნახულობ. დილით რომ გამოვდივარ, სძინავთ, ღამე მივდივარ და უკვე დაწოლილები არიან. ამის გამო ჩემს საყვარელ მეგობრებს და ოჯახის წევრებს თქვენი ჟურნალიდან ბოდიშს ვუხდი.
– დედა როგორ გიფასებთ ნახელავს?
– ძალიან მოსწონს, მეუბნება, რა კარგია, მე აღარ გავაკეთებ, ამ საქმეს შენ გადმოგაბარებო, მაგრამ ისევ თვითონ უწევს კეთება, რადგან სახლში არასოდეს ვარ. ჩემი ასაკის გოგონებს სამზარეულოში ტრიალი ეზარებათ, ამისი სურვილი არ აქვთ, მე კი პირიქით ვარ, სამზარეულოში ფუსფუსი არასოდეს მწყინდება.
– გემრიელად ჭამაც გიყვართ?
– კი, მე ვიტყოდი, რომ გურმანი ვარ.
– და გასუქების არ გეშინიათ?
– არა, იმდენს ვვარჯიშობ, რომ წონაში არასოდეს ვიმატებ. ხშირად მეუბნებიან, ასეთ კარგ ფორმაში რომ ხარ, ალბათ სულ დიეტებს იცავო, მაგრამ ასე არ არის. ამდენი ვარჯიშის შემდეგ წონაში მომატების საფრთხე არ მემუქრება. მოცეკვავეები, სპორტსმენები გაძლიერებულ კვებაზე ვართ, რადგან ბევრი ენერგია გვეხარჯება, ორგანიზმს კი ვიტამინები სჭირდება. ზაფხულში რომ ვისვენებ, მაშინ კი ვცდილობ, წონა გავაკონტროლო და ზედმეტი არაფერი ვჭამო. ამ დროს უფრო არის წონაში მომატების საფრთხე.
– იმას თუ აქცევთ ყურადღებას, რომ ორგანიზმისთვის სასარგებლო პროდუქტები მიიღოთ?
– ვცდილობ, მივაქციო, მაგრამ სულ გადარბენები მაქვს და არ გამომდის, ის საკვები მივიღო, რაც ვიცი, რომ ჩემთვის კარგია. ჩემს დედიკოს თუ არ ეზარება დილით ადრე ადგომა, სახლიდან გამოსვლამდე სალათს მიკეთებს და კონტეინერით მატანს, რომ დღის განმავლობაში ვჭამო.
– ყველაზე მეტად რომელი საჭმელი გიყვართ?
– ვგიჟდები სუშიზე. ვერავინ მიმხვდარა, რატომ მიყვარს ეს საჭმელი, მაგრამ შემიძლია უზომო რაოდენობით ვჭამო. უმი ორაგული და შავი პური ჩემი ყველაზე საყვარელი საჭმელია.
ბევრი რამე არ მიყვარს, მათ შორის – ცხიმიანი საკვები, ზიზღის გრძნობას მიჩენს. ქართული სამზარეულო საკმაოდ მძიმეა, მაგრამ – უგემრიელესი. არ მიყვარს ხინკალი, ეგეც ჩემთვის ძალიან ცხიმიანია, იშვიათად თუ შევჭამ. ყველაზე მეტად მეგრული სამზარეულო მომწონს. ამას იმიტომ არ ვამბობ, რომ მეგრელი ვარ, მართლა ყველაფერი გემრიელი გვაქვს, ხაჭაპურიდან დაწყებული ელარჯით და ღომით დამთავრებული. სხვათა შორის, ხომ მეგრელი ვარ, მაგრამ ელარჯი წელს პირველად გავსინჯე და ისე მომეწონა, გადავირიე! ჩემი სირცხვილია, რომ აქამდე ეს კერძი გასინჯული არ მქონდა. ჩემი მეორე სირცხვილი ისაა, რომ მეგრული არ ვიცი. მხოლოდ ერთი–ორი სიტყვა თუ მესმის, სხვა არაფერი. მამას არასოდეს ჰქონია სურვილი, ჩემთვის მეგრული ესწავლებინა.
– აქედან ისე არ წავალთ, თუ თქვენი რომელიმე კერძის რეცეპტს არ გვეტყვით.
– პასტას გასწავლით. მაკარონი რომ მოიხარშება, წყალს პირდაპირ ქვაბიდან გადავასხამ, თუშფალანგზე არ ვწურავ, არც ცივ წყალს ვავლებ. რომ გაიგოთ, მაკარონი მოხარშულია თუ არა, კაფელს უნდა ესროლოთ – თუ მიეწება, ე.ი. მზად არის. ვაკეთებ შაშხით, სოკოთი და ყველი მოცარელათი. თხლად და გრძლად ვჭრი შაშხს, ქამა სოკოს, ყველს კი – ოთხკუთხედებად. ამ ყველაფერს მაკარონში ჩაყრით, შეგიძლიათ, ზეთი ან კარაქი უყოთ, ეს თქვენს გემოვნებაზეა დამოკიდებული. ზოგს ოდნავ ცხარე უყვარს, ზოგს – გამხმარი რეჰანით. ცალკე მოამზადებთ პომიდვრის საწებელს. კეტჩუპით არ გააკეთოთ, თორემ თავის გემოს მისცემს. ტომატის სოუსს თქვენი გემოვნებით გაუკეთებთ ინგრედიენტებს. მე ჩემს საყვარელ ინგრედიენტებს ვუშვრები, მაგრამ არ გეტყვით, რას. იმას კი გაგიმხელთ, რომ პომიდორს კანს ვაცლი, წვრილად ვჭრი, ცოტ–ცოტა საყვარელ პროდუქტებს ვუშვრები. ტომატის სოუსს პასტის ზემოდან, შუაგულში ვათავსებ და ზემოდან ერთ მწვანილს ვადებ, რომ ლამაზი იყოს.
– ე.ი. ვიზუალური მხარეც მნიშვნელოვანია თქვენთვის.
– რა თქმა უნდა, კერძი აუცილებლად მადის აღმძვრელად უნდა გამოიყურებოდეს, მხოლოდ კარგი სურნელი დიდი ვერაფერია.
– კულინარიულ გადაცემებს უყურებთ?
– ვგიჟდები კულინარიულ გადაცემებზე! რეცეპტებს არასოდეს ვიწერ, რა ინგრედიენტებიც მამახსოვრდება, იმას ჩემი გემოთი კიდევ რაღაცეებს ვუმატებ და სრულიად სხვა კერძებს ვიღებ.
აუცილებლად უნდა აღვნიშნო, რომ რატომღაც ნამცხვრების ცხობა არ მიყვარს. მხოლოდ ფრანგული ბრაუნის მომზადება ვიცი. მე და დედამ ერთობლივად ვისწავლეთ ეს ნამცხვარი. ჩვენ ბრაუნს ყველით ვაკეთებთ. ერთხელ დაგპატიჟებთ და ნახავთ, ყველით გაკეთებული ბრაუნი რა გემრიელი გამოდის. "ქუქის" გაკეთებაც ვიცი. სპეციფიკურ ცომში, რომელსაც თეთრი და შავი შაქარი სჭირდება, შოკოლადის ნატეხებს ჩავყრით და გამოვაცხობთ. სამწუხაროდ, ზუსტი რეცეპტები არ მახსოვს, რომ თქვენც გასწავლოთ.
– შოკოლადი გიყვართ?
– შოკოლადის გიჟი ვარ! არ არსებობს, დღე ისე გავიდეს, რომ შოკოლადი არ ვჭამო. გამორიცხულია, ფიზიკურად ვერ გავძლებ. უკვე მასზე ვარ დამოკიდებული. ვცდილობ, შავი შოკოლადი ვჭამო, დანარჩენი უფრო კალორიულია, მაგრამ როცა გემრიელ შოკოლადს ვხედავ, კალორიები სულ მავიწყდება. დაკვირვებული ვარ, როცა ვისვენებ და საკუთარ თავს ვეუბნები, ახლა ბევრი არ უნდა ჭამო–მეთქი, მაშინ უფრო მეტს ვჭამ. ხომ გაგიგიათ, აკრძალული ხილი უფრო გემრიელიაო და მეც ასე მემართება.
– პროდუქტების არჩევა გეხერხებათ?
– ეს პროცესი დიდ სიამოვნებას მანიჭებს, მაგრამ ამისთვის იშვიათად ვიცლი. არასოდეს დამბადებია კითხვა, როგორ უნდა ავარჩიო ყველი, ჩემდაუნებურად ისე ხდება, რომ სულ კარგ ყველს ვყიდულობ. არასოდეს უთქვამთ, ეს რა ცუდი პროდუქტები მოიტანეო.
– სასმელთან როგორი დამოკიდებულება გაქვთ?
– ძალიან ცუდი. ჩემი ორგანიზმი ალკოჰოლს ვერ იღებს, ცუდად მხდის. პირველად სკოლის ბანკეტის მეორე დღეს დავლიე და ცუდად გავხდი. ვიფიქრე, რადგან პირველად დავლიე, ასე ალბათ ამიტომ დამემართა–მეთქი და სხვა დროსაც ვცადე, მაგრამ ზუსტად იგივე განმეორდა. ჩემთვის დალევა არ შეიძლება.
ქეთი დინოშვილი, ჟურნალი სარკე
