ვაშლატამას მურაბა
3 283 ნახვა
მომზადება
ვაშლატამა გავრეცხოთ, დავჭრათ საშუალო ზომის ნაჭრებად და ჩანგლით დავჩხვლიტოთ. შაქრითა და წყლით მოვამზადოთ ვაჟინი - მოვათავსოთ ჭურჭელში და ვადუღოთ, სანამ გამჭვირვალე ქაფს არ გაიკეთებს. ვაჟინის მომზადებას დიდი ხნის ხარშვა არ სჭირდება. როდესაც გაცივდება, დავასხათ სამურაბე ტაშტში მოთავსებულ ხილს და დავდგათ მთელი ღამით.
დილით მურაბა დავდგათ საშუალო ცეცხლზე და დაახლობით 20-25 წუთის განმავლობაში ვხარშოთ.
ამასობაში კარგად გავრეცხოთ ქილები და სუფთა ხელსაწმენდზე პირით ქვემოთ დავდგათ, რომ დაიწრიტოს. როდესაც ვაჟინი ოდნავ შესქელდება, მურაბა მზადაა. დავუმატოთ ვანილი და გადმოვდგათ ცეცხლიდან. ცხელ-ცხელი მურაბით პირამდე გავავსოთ ქილები და გავუკეთოთ სახურავები.
