შევარდნაძეების ყოფილი რძლის თათია შარანგიასა და სანდრო შელიას სიყვარულის ისტორია

წარმატებულ პიანისტს თათია შარანგიას ქართული საზოგადოება კიდევ ერთ ამპლუაში იცნობს – ოთხი წლის წინ ის ექსპრეზიდენტ ედუარდ შევარდნაძის რძალი გახდა. თათია შარანგიას და ედუარდ შევარდნაძის შვილიშვილის, ლაშას ოჯახური თანაცხოვრება სამ წელიწადს გაგრძელდა. ერთი წლის წინ წყვილი, რომელთაც ორი შვილი, ედუარდი და ალექსანდრე ჰყავთ, ერთმანეთს ოფიციალურად დაშორდნენ. თათიამ ცხოვრება ამერიკაში მცხოვრებ ქართველ სანდრო შელიას დაუკავშირა. წყვილმა ჯვარი ზაფხულში დაიწერა, ნოემბრის დასაწყისში კი საქართველოში ერთი წლით გადმოსახლდნენ.

თათიას მშობლები თბილისში ცხოვრობენ. მას დედა ექიმი ჰყავს, მამა - ბიზნესმენი. მერაბ, იგივე ტუკა შარანგიას გვარ-სახელი არაერთხელ გაჟღერებულა საინფორმაციო სივრცეში, როგორც პრეზიდენტ სააკაშვილთან დაახლოებული ბიზნესმენის. ძმები შარანგიები რუსეთის მოქალაქეები არიან და გავრცელებული ხმების მიხედვით, მათ ეკუთვნით წილები კომპანია "ბილაინში", საქართველოს რკინიგზაში, ტელეკომპანია "რუსთავი 2"-ში, დეზერტირების ბაზარში, ასევე "ჯიემსი" ჯგუფში, რომელიც ცნობილ რესტორნებს აერთიანებს. იმასაც ამბობენ, რომ შარანგიებმა ბიზნესების და წილების გაყიდვა პირველი ოქტომბრის არჩევნების შემდეგ აქტიურად დაიწყეს და პირველად გასართობი კომპლექსი "ქალაქური" გაყიდეს. ამავე ხმების თანახმად, საპატრიარქოს გვერდით მდებარე ეს კომპლექსი ფეხბურთის ფედერაციის პრეზიდენტმა ზვიად სიჭინავამ შეიძინა.

33 წლის სანდრო შელია 2004 წლიდან მუშაობს ამერიკის ეროვნული სტანდარტების ინსტიტუტში, რომელიც „აისოში” ამერიკას წარმოადგენს. არის აკრედიტაციის უფროსი დირექტორი. ამჟამად სანდრო სამსახურეობრივ მოვალეობას თბილისიდან ასრულებს. მათი თბილისში გადმოსვლის მიზეზი კი თათიას შვილები არიან, რომლებიც თბილისში ცხოვრობენ და თათიას ამის გამო ხშIრად უწევდა თბილისსა და ამერიკას შორის ხშირი ფრენა.

თათიამ და სანდრომ სიყვარულის ისტორიაზე "ნანუკას შოუში" ისაუბრეს. თათიას და სანდროს გაცნობაც სწორედ სანდროს საქმიანობას უკავშირდება. როგორც სანდრო იხსენებს, ორი წლის წინ საქმიანი ვიზიტით იმყოფებოდა თბილისში და იქ "თბილისი მარიოტში" ნახა პირველად თათია.
"ეს იყო ჩემთვის ნამდვილი შოკი, როგორც ფოიერვერკი ცაზე. 33 წლის ასაკში, რა თქმა უნდა, ვიცოდი, რომ სიყვარული არსებობს, თუმცა სულ მეგონა, რომ ეს გრძნობა ჩემში მკაფიოდ გამოხატული არასდროს იქნებოდა. დღემდე ზუსტად მახსოვს, რა ეცვა, როგორი ვარცხნილობა ჰქონდა, ყველაფერი ჩემს მეხსიერებაში დარჩა, სამუდამოდ. ისეთი წარმოდგენა მქონდა, რომ მთელი ცხოვრება ვიცნობდი", -იხსენებს სანდრო.როგორც სანდრო იხსენებს, დიდხანს არკვია ვინ იყო ის ლამაზი გოგონა, რომელიც სასტუმროს კაფეში ნახა. ბოლოს სოციალური ქსელის მეშვეობით იპოვა და სულაც არ შეუშინებია იმ ფაქტს, რომ თათია დაოჯახებული აღმოჩნდა და თანაც ერთ-ერთ ცნობილ ოჯახის წარმომადგენელზე. მისი თქმით, საკუთარ პრინციპებს ვერ უღალატებდა, მაგრამ მეგობრობას წინ არაფერი ედგა და ასეც მოიქცა.
"როცა თათია პირველად დავინახე, ერთადერთ პრობლემად წარმოვიდგინე, რომ ასაკით თვრამეტ წელზე პატარა იყო. იმას ვერ წარმოვიდგენდი, რომ ორი შვილი ჰყავდა. როდესაც გავიგე, რომ თათია დაოჯახებული იყო, დავიწყე იმაზე ფიქრი, რა გამეკეთებინა. ფეისბუქზე მივწერე კორექტული მესიჯი: მიხარია, ქართველებს ასეთი ნიჭიერი პიანისტი რომ გვყავს, მიკვირს, შენს ასაკში ამდენი როგორ მოასწარი, ალბათ არაფრის დრო არ გრჩება შენი ცხოვრებისთვის-მეთქი. თათიამ თავისი ჩვეული სტილით მიპასუხა – ყველაფერს ვასწრებ და ძალიან კარგი ცხოვრებაც მაქვსო (იცინის). რაღაც პერიოდის განმავლობაში, როგორც მეგობრები, ფეისბუქით ვეკონტაქტებოდით ერთმანეთს:, -იხსენებს სანდრო.
მისი თქმით, მიმოწერა მათი ურთიერთობის მთავარი ასპექტი იყო და ამერიკაში კერძო გამომცემელსაც კი შეუკვეთა წიგნი ორ ეგზემპლარად, სადაც ერთი თვის განმავლობაში მათი ერთმანეთისადმი მიწერილი 5 300 მესიჯმა წიგნის 250 გვერდი დაიტია. წიგნს კი „სიყვარულის ერთი თვე ”დაარქვა.

როგორც თათია იხსენებს, სანდრო სიურპრიზების დიდოსტატია და ხშირად ესწრებოდა მის კონცერტებს სხვადასხვა ქვეყანაში. მისი და ლაშა შევარდნაძის დაშორება კი მის ოჯახში სერიოზული განხეთქილების მიზეზი გახდა. დაუპირისპირდა მამა, ბაბუა და მეგობრების დიდი ნაწილი, მაგრამ საბოლოოდ სანდრო გაიცნეს, ოჯახშიც მიიღეს და დღეს სანდრო და თათია ბედნიერად გრძნობენ თავს. ლაშასთანაც კარგი ურთიერთობა აქვს და ბედნიერებას უსურვებს.

წყარო