მსახიობებს - კოკო როინიშვილსა და ანი იმნაძეს ქალიშვილი შეეძინათ.
1 542 ნახვა
მსახიობებს - კოკო როინიშვილსა და ანი იმნაძეს ქალიშვილი შეეძინათ. პატარას სახელი, მარიამი, მამის დის პატივსაცემად დაარქვეს. მარიამი სულ რაღაც 41 დღის გახლდათ, როცა სახლში ვეწვიეთ, მაგრამ უნდა აღვნიშნოთ, რომ ფოტოკამერის წინ კარგად იპოზიორა და ინტერვიუს ჩაწერაშიც არ შეუშლია დიდად ხელი. ახალგაზრდა წყვილთან საუბარი მათ ცხოვრებაში ყველაზე მნიშვნელოვანი ადამიანით დავიწყეთ.
კოკო:
- მეც და ანისაც სამყაროს აღქმა მარიამის დაბადების შემდეგ შეგვეცვალა, ახლა ყველაფერს სხვა თვალით ვუყურებთ, შვილი მართლა საოცრება ყოფილა.
ანი:
- რაც დრო გადის, უფრო და უფრო მემატება პასუხისმგებლობა. ზოგადად, რთულია დედობა, ჩემთვის მარიამი პირველი შვილია, მაგრამ ისე ვარ, თითქოს ამ მხრივ გამოცდილება მაქვს. ალბათ ეს ინსტინქტია, დედობა ძალიან ძლიერი გრძნობაა, რაც ყველაფერს გაკეთებინებს. შვილის შეძენიდან პირველ პერიოდში დედებს დეპრესია ემართებათ ხოლმე, შეიძლება, ამას სახლში ჯდომაც იწვევს, თუმცა მე დეპრესია არ მქონია. ვფიქრობ, დედებმა შვილით საქმე არ უნდა გაირთულონ, არ უნდა შეწუხდნენ იმით, რომ ბავშვის გამო სადღაც ვერ მიდიან, პირიქით, ამ ყველაფერს სასიამოვნოდ უნდა შეხედონ, თუ ბავშვს ვერ ტოვებენ, ხელი უნდა მოჰკიდონ და წაიყვანონ.
კოკო:
- მარიამი ჩაჩავას კლინიკაში გადასარევი ექიმების ხელში დაიბადა, ბავშვს ისე ეპყრობოდნენ, რომ მივხვდი, შვილის გაზრდა მოვალეობად კი არ უნდა აქციო, ამით უნდა ისიამოვნო და გაერთო, ოღონდ კარგი გაგებით. ექიმმა სწორედ ეს გვითხრა, მარტივად უნდა მიუდგეთ საქმეს და შვილის აღზრდით „გაერთოთო~, ამიტომაც ვცდილობთ მე და ანი, ასე მოვიქცეთ.
- რაც შეეხება ბავშვის სახელს, ოჯახში უკვე გყავთ მარიამ როინიშვილი, რატომ გადაწყვიტეთ შვილისთვის იმავე სახელის დარქმევა?
- სახელი ანიმ შეარჩია.
ანი:
- ორსულობის პერიოდში სხვა სახელებზეც ვფიქრობდით, მარიამიც იყო ერთ-ერთი ვარიანტი, მაგრამ გადაწყვეტილი არ გვქონდა, ბავშვს რას დავარქმევდით... მშობიარობის შემდეგ ექიმმა რომ მკითხა, ვინ დაიბადაო, მარიამი-მეთქი, ვუპასუხე (იღიმის).
- ალბათ ანისა და მარიამს ძალიან კარგი ურთიერთობა აქვთ, წინააღმდეგ შემთხვევაში, ანი შვილს მის სახელს არ დაარქმევდა..
კოკო:
- ანისა და მარიამის ურთიერთობაში რძალმულობა არაფერ შუაშია. არაჩვეულებრივი დამოკიდებულება აქვთ ერთმანეთთან, მარიამმა გაცნობის დღიდან ანი თავისიანად მიიღო და ანალოგიურად ანიმაც. იუმორი არც ერთს არ აკლია, ერთი რომ რაღაც „საშინელებას“ იტყვის, მეორეც ძალიან ჩვეულებრივად აჰყვება ხოლმე და მინდა გითხრა, რომ ყველაზე კარგად მათ საზოგადოებაში ვერთობი (იცინის).
ანი:
- მიხარია, რომ მე და მარიამი ვმეგობრობთ. არ მიყვარს ზღვარგადასული, გათქვეფილი ურთიერთობები, ძალიან კარგი დამოკიდებულება გვაქვს ერთმანეთთან, ვაფასებთ ერთიმეორის საქმეს. ჩვენს ურთიერთობაში იგრძნობა პატივისცემა და სიყვარული, თუმცა ამაზე საჯაროდ არ ვლაპარაკობთ და სოციალურ ქსელში არ ვწერთ, როგორ გვიყვარს ერთმანეთი... უფრო სხვა რაღაცები მოწმობს იმას, რომ ერთად კარგად ვართ.
- ვის ჰგავს თქვენი შვილი?
- ვფიქრობ, კოკოს ჰგავს, მაგრამ თანდათან იცვლება, ხან ერთს გვემსგავსება და ხან - მეორეს. - მამა რამდენადაა ჩართული ბავშვის აღზრდაში?
კოკო:
- ვცდილობ, მაქსიმალურად ჩავერთო ამ საქმეში და დავეხმარო ანის. რასაკვირველია, ამ დროს დედას უფრო მეტი პასუხისმგებლობა აქვს, მაგრამ ვცდილობ, ყველანაირად ხელი შევუწყო….
- პატარა მარიამი ძიძის გარეშე იზრდება?
კოკო:
- ოჯახის წევრები, ბებიები ძალიან გვეხმარებიან, ხანდახან ჩვენთან რჩება ანის დედა, თუმცა, როგორც ხდება, მაინც ძირითადი დატვირთვა ჩვენზეა.
- როგორც ვიცი, თამრიკო თქვენსავე კორპუსში ცხოვრობს, ალბათ, განსაკუთრებულ ყურადღებას იჩენს პატარა მარიამის მიმართ.
- თამრიკო გადასარევი ბებიაა, სულ ეფერება პატარას, ძალიან თბილია. მარიამი და ჩემი დისშვილი ელენე მართლა ბედნიერი ბავშვები არიან, რადგან კარგი ბებიები და ბაბუა ჰყავთ.
ანი:
- ჩვენ კარგი ურთიერთობა გვაქვს. თამრიკო ძალიან თბილი ადამიანია და ჩემგანაც იმავეს იღებს.
- რაც შეეხება თქვენს ურთიერთობას, ბავშვის დაბადების შემდეგ მთელი ყურადღება მასზე გადადის, რაც შემდეგ უკმაყოფილების მიზეზი ხდება.
- შეყვარებულობის პერიოდშივე ვსაუბრობდით მე და კოკო ამ საკითხზე. არ მომწონს, როცა შვილის გამო ყურადღება აკლდება ქმარს ან ცოლს, ჩემი აზრით, ეს არასწორია. მე მარიამში მიყვარს კოკოს თვისებები, კოკოს გამოხედვა, ეს არის სიყვარული და ჩვენი გრძნობის გაგრძელება. კოკოს ჩემი ყურადღება არასდროს მოაკლდება, რამდენი შვილიც უნდა მყავდეს.
კოკო:
- ანალოგიურად ვფიქრობ მეც.
ანი:
- მე და კოკო ერთმანეთისთვის ვართ პირველები და მარიამი აგვირგვინებს ჩვენს სიყვარულს.
- ანი, თუ ასწრებ სამზარეულოში ფუსფუსს?
- სამზარეულოს ტვირთი მთლიანად თამრიკოს აქვს აღებული საკუთარ თავზე, ახლა ვერაფერს ვაკეთებ, ამიტომ ყველანაირად ხელს მიწყობს. ფეხმძიმობის პერიოდშიც დიდად ვერ გამოვირჩეოდი დიასახლისობით, რადგან რაღაცები მაღიზიანებდა. ისე კი ზოგადად, მიყვარს გემრიელი საჭმლის მომზადება.
კოკო:
- და მართლა გემრიელი გამოსდის.
- ყველა წყვილის ცხოვრებაშია საკითხი, რომელიც დისკუსიის საგანი ხდება, თქვენთან რა არის ასეთი?
ანი:
- როცა მე და კოკომ ერთად დავიწყეთ ცხოვრება, უფრო ხშირად ვკამათობდით და ვიბუტებოდით, ჩხუბზე არ მაქვს საუბარი, ვიდრე ახლა. შეგუების პროცესში ვიყავით და ეს ალბათ ბუნებრივიცაა, როცა ორი განსხვავებულად აღზრდილი ადამიანი იწყებს ერთად ცხო-ვრებას, სხვანაირად არც შეიძლება იყოს.
- მარიამის დაბადების შემდეგ რომანტიკა, სიურპრიზები რამდენად შეგაქვთ ურთიერთობაში?
კოკო:
- რომანტიკა ჩვენს ურთიერთობაში ყოველთვის არის და იგრძნობა.
ანი:
- ბოლო 41 დღეა სიურპრიზები შედარებით ნაკლებად გვაქვს.
- როგორც კოკომ ინტერვიუმდე გვითხრა, ბავშვი 40 დღის რომ გახდა, მონათლეთ, როგორ ჩაიარა ცერემონიამ?
- კარგად. მარიამს ჰყავს შვიდი ნათლია, მაგრამ როგორც მამაომ განგვიმარტა, მათი მეუღლეებიც ნათლიები გამოდიან, სამი ნათლია დაოჯახებულია, ამიტომ გამოდის, რომ მარიამს 10 ნათლია ჰყავს. საზოგადოებისთვის ცნობილი მხოლოდ გიგი დედალამაზიშვილია.
- ალბათ, ისიც დაანათლავდა მუსიკალურობას...
- ალბათ, მით უმეტეს, რომ გენეტიკაშიც აქვს მუსიკალურობა. სხვათა შორის, მუცელში რა მუსიკასაც ვასმენინებდით, ახლაც აქვს მასზე რეაქცია. პატარა მარიამი მუცლადყოფნის დროს მამიდის ხმაზე რეაგირებდა, რამდენიმე საათის დაბადებულს კი მარიამმა უმღერა და არსებობს ვიდეო, სადაც ასახულია, როგორ უსმენს რამდენიმე საათის მოვლენილი პატარა მამიდას.
- რაც შეეხება საქმიანობას, რა სიახლეებია თქვენკენ?
კოკო:
- მარჯანიშვილის თეატრში ვმუშაობთ ორ სპექტაკლზე, სხვა მხრივ ახალი არაფერია. თუმცა, ახლა იხსნება კოლეჯი ბავშვებისათვის, რომლებსაც კინო აინტერესებთ, ჰოდა, იქ ვიწყებ მუშაობას. ვეცდები გავწვრთნა ბავშვები სამსახიობო თვალსაზრისით, სწავლება ჩემგან ცოტა ხმამაღალი ნათქვამია, ამიტომ ვამბობ, რომ უნდა გავწვრთნა. საერთოდ მიყვარს ბავშვები, ეს სფერო ჩემთვის ახალი და საინტერესოა.
ანი:
- მეც მალე ვაპირებ ფორმაში ჩადგომას როგორც ფიზიკურად, ისე საქმიანობის თვალსაზრისით (იღიმის).
კოკო:
- პირველ რიგში მე მინდა, რომ ანი დროულად ჩაერთოს საქმეში, რადგან ასეთი მსახიობი თბილისში ძალიან ცოტაა და სახლში არ უნდა იჯდეს. ანისნაირი მსახიობი სჭირდება ჩვენს ქვეყანას, ამას გადაჭარბებულად არ ვამბობ და იმედია, ცუდად არ გამიგებენ.
ანი:
- მადლობა, კოკო. საკმაოდ აქტიური ორსული ვიყავი, 5 თვემდე ვთამაშობდი სპექტაკლებში და გასტროლზეც ვიყავი ორჯერ. ამ პერიოდის შემდეგ ფიზიკურად შეუძლებელი იყო ჩემი მუშაობა და ამიტომ გავჩერდი. მარიამი ჯერ ძალიან პატარაა, სულ გვერდით ვჭირდები, მაგრამ მალე ისევ ჩავდგები რეჟიმში.
ციცი ომანიძე
ჟურნალი „რეიტინგი“
კოკო:
- მეც და ანისაც სამყაროს აღქმა მარიამის დაბადების შემდეგ შეგვეცვალა, ახლა ყველაფერს სხვა თვალით ვუყურებთ, შვილი მართლა საოცრება ყოფილა.
ანი:
- რაც დრო გადის, უფრო და უფრო მემატება პასუხისმგებლობა. ზოგადად, რთულია დედობა, ჩემთვის მარიამი პირველი შვილია, მაგრამ ისე ვარ, თითქოს ამ მხრივ გამოცდილება მაქვს. ალბათ ეს ინსტინქტია, დედობა ძალიან ძლიერი გრძნობაა, რაც ყველაფერს გაკეთებინებს. შვილის შეძენიდან პირველ პერიოდში დედებს დეპრესია ემართებათ ხოლმე, შეიძლება, ამას სახლში ჯდომაც იწვევს, თუმცა მე დეპრესია არ მქონია. ვფიქრობ, დედებმა შვილით საქმე არ უნდა გაირთულონ, არ უნდა შეწუხდნენ იმით, რომ ბავშვის გამო სადღაც ვერ მიდიან, პირიქით, ამ ყველაფერს სასიამოვნოდ უნდა შეხედონ, თუ ბავშვს ვერ ტოვებენ, ხელი უნდა მოჰკიდონ და წაიყვანონ.
კოკო:
- მარიამი ჩაჩავას კლინიკაში გადასარევი ექიმების ხელში დაიბადა, ბავშვს ისე ეპყრობოდნენ, რომ მივხვდი, შვილის გაზრდა მოვალეობად კი არ უნდა აქციო, ამით უნდა ისიამოვნო და გაერთო, ოღონდ კარგი გაგებით. ექიმმა სწორედ ეს გვითხრა, მარტივად უნდა მიუდგეთ საქმეს და შვილის აღზრდით „გაერთოთო~, ამიტომაც ვცდილობთ მე და ანი, ასე მოვიქცეთ.
- რაც შეეხება ბავშვის სახელს, ოჯახში უკვე გყავთ მარიამ როინიშვილი, რატომ გადაწყვიტეთ შვილისთვის იმავე სახელის დარქმევა?
- სახელი ანიმ შეარჩია.
ანი:
- ორსულობის პერიოდში სხვა სახელებზეც ვფიქრობდით, მარიამიც იყო ერთ-ერთი ვარიანტი, მაგრამ გადაწყვეტილი არ გვქონდა, ბავშვს რას დავარქმევდით... მშობიარობის შემდეგ ექიმმა რომ მკითხა, ვინ დაიბადაო, მარიამი-მეთქი, ვუპასუხე (იღიმის).
- ალბათ ანისა და მარიამს ძალიან კარგი ურთიერთობა აქვთ, წინააღმდეგ შემთხვევაში, ანი შვილს მის სახელს არ დაარქმევდა..
კოკო:
- ანისა და მარიამის ურთიერთობაში რძალმულობა არაფერ შუაშია. არაჩვეულებრივი დამოკიდებულება აქვთ ერთმანეთთან, მარიამმა გაცნობის დღიდან ანი თავისიანად მიიღო და ანალოგიურად ანიმაც. იუმორი არც ერთს არ აკლია, ერთი რომ რაღაც „საშინელებას“ იტყვის, მეორეც ძალიან ჩვეულებრივად აჰყვება ხოლმე და მინდა გითხრა, რომ ყველაზე კარგად მათ საზოგადოებაში ვერთობი (იცინის).
ანი:
- მიხარია, რომ მე და მარიამი ვმეგობრობთ. არ მიყვარს ზღვარგადასული, გათქვეფილი ურთიერთობები, ძალიან კარგი დამოკიდებულება გვაქვს ერთმანეთთან, ვაფასებთ ერთიმეორის საქმეს. ჩვენს ურთიერთობაში იგრძნობა პატივისცემა და სიყვარული, თუმცა ამაზე საჯაროდ არ ვლაპარაკობთ და სოციალურ ქსელში არ ვწერთ, როგორ გვიყვარს ერთმანეთი... უფრო სხვა რაღაცები მოწმობს იმას, რომ ერთად კარგად ვართ.
- ვის ჰგავს თქვენი შვილი?
- ვფიქრობ, კოკოს ჰგავს, მაგრამ თანდათან იცვლება, ხან ერთს გვემსგავსება და ხან - მეორეს. - მამა რამდენადაა ჩართული ბავშვის აღზრდაში?
კოკო:
- ვცდილობ, მაქსიმალურად ჩავერთო ამ საქმეში და დავეხმარო ანის. რასაკვირველია, ამ დროს დედას უფრო მეტი პასუხისმგებლობა აქვს, მაგრამ ვცდილობ, ყველანაირად ხელი შევუწყო….
- პატარა მარიამი ძიძის გარეშე იზრდება?
კოკო:
- ოჯახის წევრები, ბებიები ძალიან გვეხმარებიან, ხანდახან ჩვენთან რჩება ანის დედა, თუმცა, როგორც ხდება, მაინც ძირითადი დატვირთვა ჩვენზეა.
- როგორც ვიცი, თამრიკო თქვენსავე კორპუსში ცხოვრობს, ალბათ, განსაკუთრებულ ყურადღებას იჩენს პატარა მარიამის მიმართ.
- თამრიკო გადასარევი ბებიაა, სულ ეფერება პატარას, ძალიან თბილია. მარიამი და ჩემი დისშვილი ელენე მართლა ბედნიერი ბავშვები არიან, რადგან კარგი ბებიები და ბაბუა ჰყავთ.
ანი:
- ჩვენ კარგი ურთიერთობა გვაქვს. თამრიკო ძალიან თბილი ადამიანია და ჩემგანაც იმავეს იღებს.
- რაც შეეხება თქვენს ურთიერთობას, ბავშვის დაბადების შემდეგ მთელი ყურადღება მასზე გადადის, რაც შემდეგ უკმაყოფილების მიზეზი ხდება.
- შეყვარებულობის პერიოდშივე ვსაუბრობდით მე და კოკო ამ საკითხზე. არ მომწონს, როცა შვილის გამო ყურადღება აკლდება ქმარს ან ცოლს, ჩემი აზრით, ეს არასწორია. მე მარიამში მიყვარს კოკოს თვისებები, კოკოს გამოხედვა, ეს არის სიყვარული და ჩვენი გრძნობის გაგრძელება. კოკოს ჩემი ყურადღება არასდროს მოაკლდება, რამდენი შვილიც უნდა მყავდეს.
კოკო:
- ანალოგიურად ვფიქრობ მეც.
ანი:
- მე და კოკო ერთმანეთისთვის ვართ პირველები და მარიამი აგვირგვინებს ჩვენს სიყვარულს.
- ანი, თუ ასწრებ სამზარეულოში ფუსფუსს?
- სამზარეულოს ტვირთი მთლიანად თამრიკოს აქვს აღებული საკუთარ თავზე, ახლა ვერაფერს ვაკეთებ, ამიტომ ყველანაირად ხელს მიწყობს. ფეხმძიმობის პერიოდშიც დიდად ვერ გამოვირჩეოდი დიასახლისობით, რადგან რაღაცები მაღიზიანებდა. ისე კი ზოგადად, მიყვარს გემრიელი საჭმლის მომზადება.
კოკო:
- და მართლა გემრიელი გამოსდის.
- ყველა წყვილის ცხოვრებაშია საკითხი, რომელიც დისკუსიის საგანი ხდება, თქვენთან რა არის ასეთი?
ანი:
- როცა მე და კოკომ ერთად დავიწყეთ ცხოვრება, უფრო ხშირად ვკამათობდით და ვიბუტებოდით, ჩხუბზე არ მაქვს საუბარი, ვიდრე ახლა. შეგუების პროცესში ვიყავით და ეს ალბათ ბუნებრივიცაა, როცა ორი განსხვავებულად აღზრდილი ადამიანი იწყებს ერთად ცხო-ვრებას, სხვანაირად არც შეიძლება იყოს.
- მარიამის დაბადების შემდეგ რომანტიკა, სიურპრიზები რამდენად შეგაქვთ ურთიერთობაში?
კოკო:
- რომანტიკა ჩვენს ურთიერთობაში ყოველთვის არის და იგრძნობა.
ანი:
- ბოლო 41 დღეა სიურპრიზები შედარებით ნაკლებად გვაქვს.
- როგორც კოკომ ინტერვიუმდე გვითხრა, ბავშვი 40 დღის რომ გახდა, მონათლეთ, როგორ ჩაიარა ცერემონიამ?
- კარგად. მარიამს ჰყავს შვიდი ნათლია, მაგრამ როგორც მამაომ განგვიმარტა, მათი მეუღლეებიც ნათლიები გამოდიან, სამი ნათლია დაოჯახებულია, ამიტომ გამოდის, რომ მარიამს 10 ნათლია ჰყავს. საზოგადოებისთვის ცნობილი მხოლოდ გიგი დედალამაზიშვილია.
- ალბათ, ისიც დაანათლავდა მუსიკალურობას...
- ალბათ, მით უმეტეს, რომ გენეტიკაშიც აქვს მუსიკალურობა. სხვათა შორის, მუცელში რა მუსიკასაც ვასმენინებდით, ახლაც აქვს მასზე რეაქცია. პატარა მარიამი მუცლადყოფნის დროს მამიდის ხმაზე რეაგირებდა, რამდენიმე საათის დაბადებულს კი მარიამმა უმღერა და არსებობს ვიდეო, სადაც ასახულია, როგორ უსმენს რამდენიმე საათის მოვლენილი პატარა მამიდას.
- რაც შეეხება საქმიანობას, რა სიახლეებია თქვენკენ?
კოკო:
- მარჯანიშვილის თეატრში ვმუშაობთ ორ სპექტაკლზე, სხვა მხრივ ახალი არაფერია. თუმცა, ახლა იხსნება კოლეჯი ბავშვებისათვის, რომლებსაც კინო აინტერესებთ, ჰოდა, იქ ვიწყებ მუშაობას. ვეცდები გავწვრთნა ბავშვები სამსახიობო თვალსაზრისით, სწავლება ჩემგან ცოტა ხმამაღალი ნათქვამია, ამიტომ ვამბობ, რომ უნდა გავწვრთნა. საერთოდ მიყვარს ბავშვები, ეს სფერო ჩემთვის ახალი და საინტერესოა.
ანი:
- მეც მალე ვაპირებ ფორმაში ჩადგომას როგორც ფიზიკურად, ისე საქმიანობის თვალსაზრისით (იღიმის).
კოკო:
- პირველ რიგში მე მინდა, რომ ანი დროულად ჩაერთოს საქმეში, რადგან ასეთი მსახიობი თბილისში ძალიან ცოტაა და სახლში არ უნდა იჯდეს. ანისნაირი მსახიობი სჭირდება ჩვენს ქვეყანას, ამას გადაჭარბებულად არ ვამბობ და იმედია, ცუდად არ გამიგებენ.
ანი:
- მადლობა, კოკო. საკმაოდ აქტიური ორსული ვიყავი, 5 თვემდე ვთამაშობდი სპექტაკლებში და გასტროლზეც ვიყავი ორჯერ. ამ პერიოდის შემდეგ ფიზიკურად შეუძლებელი იყო ჩემი მუშაობა და ამიტომ გავჩერდი. მარიამი ჯერ ძალიან პატარაა, სულ გვერდით ვჭირდები, მაგრამ მალე ისევ ჩავდგები რეჟიმში.
ციცი ომანიძე
ჟურნალი „რეიტინგი“
