ალენ დელონის ვაჟს პირობითი სასჯელის მოხდა ემუქრება

გაზეთი „Tribune de Geneve“ წერს, რომ შვეიცარიის სასამართლოს გადაწყვეტილებით, ალენ დელონის 19 წლის ვაჟს, ფაბიენს ხუთი თვით პირობითი სასჯელის მოხდა მოუწევს. საქმე ლეგენდარული მსახიობის სახლში მომხდარ სროლას ეხება. ახალგაზრდას ბრალად ედება სხეულის სერიოზული დაზიანებების გაუფრთხილებლობით მიყენება და კრიტიკულ მომენტში ადამიანისთვის დახმარების არ გაწევა. ამას გარდა, ფაბიენმა იარაღის ტარების შესახებ კანონი დაარღვია და წვეულების დროს მომხდარი ინციდენტის შემდეგ, ცრუ ჩვენებაც მისცა. ამ ვითარებაში, სასამართლომ მას ბრალდება მოუხსნა, რომელიც სხვა ადამიანის სიცოცხლის საფრთხის ქვეშ ჩაყენებას გულისხმობდა. სასამართლოს განაჩენით, მომხდარი უბედურ შემთხვევად შეფასდა. „მისთვის ცხოვრების ამ გვერდის გადაფურცვლა აუცილებელი გახლავთ, რომელიც ფაბიენს ამდენ ხანს თან სდევდა. მან ზრდასრული ადამიანის ცხოვრება მშვიდად უნდა დაიწყოს“, — განაცხადა ალენ დელონის ადვოკატმა.

სროლასთან დაკავშირებული ინციდენტი 2011 წლის 30 ივნისს მოხდა, როდესაც ფაბიენი და მისი მეგობარი ერთმანეთისთვის პისტოლეტის წაერთმევას ცდილობდნენ და შემთხვევითი გასროლაც სწორედ ამას მოჰყვა. ტყვია 16 წლის გოგონას მოხვდა. მან დაზიანება მუხლის არეში მიიღო.