სოფო შევარდნაძემ საზოგადოებას უმცროსი და წარუდგინა
3 813 ნახვა
მას მერე, რაც ''ცეკვავენ ვარსკვლავების'' დამსახურებით, ედუარდ შევარდნაძის შვილიშვილი სოფო საქართველოს უფრო ხშირად სტუმრობს, მისით საზოგადოება კიდევ მეტად დაინტერესდა. თუმცა სოფიკო ქართველ ჟურნალისტებს ინტერვიუებით არ ანებივრებს, ამიტომ ჩვენც, ძირითადად, რუსულ პრესაში გავრცელებული ინტერვიუებითა თუ სტატიებით ვხელმძღვანელობთ.
ნანული შევარდნაძის გატაცებები და ოცნებები
ორიოდე კვირის წინ რუსეთში საკმაოდ პოპულარული და ელიტური წვეულება გაიმართა - ჟურნალ ''ტატლერის'' ყოველწლიური დებიუტანტების მეჯლისი, რომელზეც, როგორც წესი, საზოგადოებას რუსეთის ელიტური საზოგადოების შვილებს წარუდგენენ ხოლმე. შარშან ამ მეჯლისის ქართველი მონაწილე არჩილ გომიაშვილის შვილიშვილი იყო, რომელზეც ვისაუბრეთ კიდეც.
წელს მეჯლისის ერთ-ერთი მშვენება და მოულოდნელობა აღმოჩნდა 15 წლის ნანული შევარდნაძე, ედუარდ შევარდნაძის უმცროსი შვილიშვილი და სოფო შევარდნაძის და, რომელიც თავადვე წარუდგინა საზოგადოებას. მეჯლისზე სოფოს დედაც უმშვენებდა გვერდს - პაატა შევარდნაძის მეუღლე ნინო ახვლედიანი, რომელიც ბოლო დროს ქმართან ერთად საფრანგეთში ცხოვრობს.
რაც შეეხება პატარა ნანულის, რომელიც ბებიის მოსახელეა, პარიზში სწავლობს. სოფოს მსგავსად, მასაც აინტერესებს რადიო და ტელევიზია, ამიტომაც მიეცა შესაძლებლობა, სტაჟირება გაევლო ფრანგულ რადიოსადგურ ''ევროპა 1''-ზე. მომავალში საფრანგეთიდან ნიუ-იორკში აპირებს გამგზავრებას და ჯულიარდის სკოლაში ჩაბარებას, ან ლონდონის დრამატული ხელოვნების სამეფო აკადემიაში ისწავლის. როგორც ამბობს, მისი საყვარელი ქალაქი ნიუ-იორკია და ერთი სული აქვს, როდის დაამთავრებს სკოლას და აიხდენს ოცნებას. ''გავგიჟდი ნიუ-იორკზე, განსაკუთრებით სოფოზე, - ამბობს გოგონა.
რაც შეეხება მის გატაცებებს, ოთხი წლიდან ბალეტით არის დაინტერესებული. სხვათა შორის, ბავშვობაში ბალეტზე სოფიკოც დადიოდა. ხატავს და ცხენით ჯირითობს, გიტარაზე უკრავს. უყვარს სეირნობა ელისეს მინდვრებში და ლუქსემბურგის ბაღში. ''ყველაზე მეტად მსახიობობა მინდა და გავხდები კიდეც, მიუხედავად იმისა, რომ ჩემ გარშემო ყველა ცდილობს გადამარწმუნოს'' . როგორც ჩანს, პატარა ნანული მიზანდასახული და მტკიცე ხასიათისაა.
სოფოს კარიერული გზა და პირადი ცხოვრება
რაც შეეხება სოფოს, ის ამჟამად კვლავ მოსკოვში ცხოვრობს, რადიოსადგურ ''ეხო მოსკვიზე'' -ზე წამყვანია და ტელეწამყვანობასაც ითავსებს. დაიბადა 1978 წელს თბილისში იურისტ პაატა შევარდნაძის ოჯახში. ნანულის გარდა ჰყავს კიდევ ერთი და მარიამი და ძმა ლაშა. სწორედ ლაშას ცოლი გახლდათ პიანისტი თათია შარანგია, რომელმაც არც ისე დიდი ხნის წინ უარი თქვა შევარდნაძეების რძლობაზე, ოჯახი დაანგრია და ამერიკაში მცხოვრებ ქართველზე იქორწინა.
სოფიკო ბავშვობაში ბალეტით იყო დაკავებული, მერე კი ფორტეპიანოზე სერიოზულად უკრავდა. პარიზის კონსერვატორიაშიც სწავლობდა. როგორც მოგვიანებით ჰყვებოდა, ბავშვობაში მისთვის დიდი ტვირთი იყო პრეზიდენტის შვილიშვილობა, სხვადასხვა ქვეყანაში ცხოვრება. ხშირად ამბობს, რომ გიჟდება ბაბუაზე და ოჯახი მისთვის დიდი ფასეულობაა.
2001 წელს დაამთავრა ბოსტონის უნივერსიტეტი რეჟისურის განხრით. 2005 წელს - ნიუ-იორკის უნივერსიტეტი, ჟურნალისტიკის ფაკულტეტი.
პროფესიული საქმიანობა ედუარდ შევარდნაძესთან დაიწყო, საზოგადოებასთან ურთიერთობებში რეფერენტად და თანაშემწედ. 2001-2003 წლებში ამერიკულ არხ ებს-ზე მუშაობდა პროდიუსერად, 2005 წლიდან მუშაობს არხზე ''რაშა თუდეი'', სადაც მიჰყავდა ახალი ამბები, პროგრამა ''ინტერვიუ'' , ახლა კი მიჰყავს გადაცემა ''სოფიკო''. 2006 წლიდან არის წამყვანი რადიოსადგურზე ''ეხო მოსკვიზე''.
გადაცემებში ხშირად განიხილავს აქტუალურ პოლიტიკურ თემებს, მოვლენებს რუსეთში და მის ფარგლებს გარეთ. როგორც რუსეთში წერენ, მისთვის, როგორც ჟურნალისტისთვის, დამახასიათებელია ხისტი შეკითხვები, მძაფრი პოლემიკა სტუდიის სტუმართან, მოულოდნელი, პარადოქსული, ხშირად ჩიხში შემყვანი შეკითხვების დასმა.
რაც შეეხება პირად ცხოვრებას, სოფიკო არაერთხელ დაუსახელებიათ რუსეთში ერთ-ერთ ყველაზე სასურველ საპატარძლოდ. ჯერჯერობით გათხოვილი არ არის. მოსკოვში პრესტიჟულ ადგილას აქვს ოროთახიანი ბინა, რომლის ინტერიერიც მის ბავშვობის მეგობარს, დიზაინერ გიორგი ჩაუშბას ეკუთვნის. ეს ბინა ფრანგული, ქართული და რუსული ტრადიციებით აქვს გაფორმებული.
სოფო რუსულ ''ცეკვავენ ვარსკვლავებში'' წარმატებით გამოდიოდა და კარგი შედეგები აჩვენა. სწორედ იმ პროექტში მონაწილეობის დროს აგორდა ჭორები სოფიკოსა და მისი პარტნიორის, ივან ოგანესიანის რომანტიკული ურთიერთობების შესახებ. მოგვიანებით წერდნენ მსახიობ ალექსეი ჩადოვთან რომანზეც. მას მერე ცდილობს, პირადი ცხოვრება ჟურნალისტებისგან მაქსიმალურად დამალოს და ამ თემაზე არ ლაპარაკობს.
თუმცა ადრინდელ ინტერვიუში თავად გაამხილა, რომ ერთხელ საქმროს ჯვრისწერამდე გაექცა. მისივე მონაყოლის თანახმად, 21 წლის იყო, როცა ნიუ-იორკში ცხოვრობდა და ახალგაზრდა ქართველ რეჟისორს ხვდებოდა. მოგვიანებით ცნობილი გახდა, რომ ეს ლევან კოღუაშვილი გახლდათ. დანიშნულებიც იყვნენ, ბაბუასაც კი გააცნო და დაქორწინებასაც ფიქრობდნენ. მაგრამ უცებ გაიაზრა, რომ ამ ადამიანთან მთელი ცხოვრება ვერ იქნებოდა და ურთიერთობას წერტილი დაუსვა.
სოფოზე ასევე შეიძლება ითქვას, რომ 2003 წელს, ''ვარდების რევოლუციის'' პერიოდში ბაბუასთან იყო და მასთან ერთად ცდილობდა პარლამენტის შენობიდან გამოსვლას. რამდენიმე კვირის წინ კი სოჭის ოლიმპიადის გახმაურებულ პერიპეტიებშიც ჩაერთო და ოლიმპიური ცეცხლის ესტაფეტაში მიიღო მონაწილეობა - სანქტ-პეტერბურგში კიდევ ერთ ქართველთან, თინა კანდელაკთან ერთად გაიარა ოლიმპიური ჩირაღდნით ხელში.
''მე ვერ ვილაპარაკებ მთელი ქართველი ხალხის სახელით, თავად გადაწყვიტონ, მაგრამ მე თუ მკითხავთ, საქართველოში დავიბადე, მიყვარს ის, ვამაყობ და ძალიან მინდა, რომ ქართული დროშები სოჭშიც აფრიალდეს და ჩვენებმა იქ ოქროს მედლები მოიპოვონ'' , - აღნიშნა სოფიკომ.
ჟურნალი ''რეიტინგი''
ნანული შევარდნაძის გატაცებები და ოცნებები
ორიოდე კვირის წინ რუსეთში საკმაოდ პოპულარული და ელიტური წვეულება გაიმართა - ჟურნალ ''ტატლერის'' ყოველწლიური დებიუტანტების მეჯლისი, რომელზეც, როგორც წესი, საზოგადოებას რუსეთის ელიტური საზოგადოების შვილებს წარუდგენენ ხოლმე. შარშან ამ მეჯლისის ქართველი მონაწილე არჩილ გომიაშვილის შვილიშვილი იყო, რომელზეც ვისაუბრეთ კიდეც.
წელს მეჯლისის ერთ-ერთი მშვენება და მოულოდნელობა აღმოჩნდა 15 წლის ნანული შევარდნაძე, ედუარდ შევარდნაძის უმცროსი შვილიშვილი და სოფო შევარდნაძის და, რომელიც თავადვე წარუდგინა საზოგადოებას. მეჯლისზე სოფოს დედაც უმშვენებდა გვერდს - პაატა შევარდნაძის მეუღლე ნინო ახვლედიანი, რომელიც ბოლო დროს ქმართან ერთად საფრანგეთში ცხოვრობს.
რაც შეეხება პატარა ნანულის, რომელიც ბებიის მოსახელეა, პარიზში სწავლობს. სოფოს მსგავსად, მასაც აინტერესებს რადიო და ტელევიზია, ამიტომაც მიეცა შესაძლებლობა, სტაჟირება გაევლო ფრანგულ რადიოსადგურ ''ევროპა 1''-ზე. მომავალში საფრანგეთიდან ნიუ-იორკში აპირებს გამგზავრებას და ჯულიარდის სკოლაში ჩაბარებას, ან ლონდონის დრამატული ხელოვნების სამეფო აკადემიაში ისწავლის. როგორც ამბობს, მისი საყვარელი ქალაქი ნიუ-იორკია და ერთი სული აქვს, როდის დაამთავრებს სკოლას და აიხდენს ოცნებას. ''გავგიჟდი ნიუ-იორკზე, განსაკუთრებით სოფოზე, - ამბობს გოგონა.
რაც შეეხება მის გატაცებებს, ოთხი წლიდან ბალეტით არის დაინტერესებული. სხვათა შორის, ბავშვობაში ბალეტზე სოფიკოც დადიოდა. ხატავს და ცხენით ჯირითობს, გიტარაზე უკრავს. უყვარს სეირნობა ელისეს მინდვრებში და ლუქსემბურგის ბაღში. ''ყველაზე მეტად მსახიობობა მინდა და გავხდები კიდეც, მიუხედავად იმისა, რომ ჩემ გარშემო ყველა ცდილობს გადამარწმუნოს'' . როგორც ჩანს, პატარა ნანული მიზანდასახული და მტკიცე ხასიათისაა.
სოფოს კარიერული გზა და პირადი ცხოვრება
რაც შეეხება სოფოს, ის ამჟამად კვლავ მოსკოვში ცხოვრობს, რადიოსადგურ ''ეხო მოსკვიზე'' -ზე წამყვანია და ტელეწამყვანობასაც ითავსებს. დაიბადა 1978 წელს თბილისში იურისტ პაატა შევარდნაძის ოჯახში. ნანულის გარდა ჰყავს კიდევ ერთი და მარიამი და ძმა ლაშა. სწორედ ლაშას ცოლი გახლდათ პიანისტი თათია შარანგია, რომელმაც არც ისე დიდი ხნის წინ უარი თქვა შევარდნაძეების რძლობაზე, ოჯახი დაანგრია და ამერიკაში მცხოვრებ ქართველზე იქორწინა.
სოფიკო ბავშვობაში ბალეტით იყო დაკავებული, მერე კი ფორტეპიანოზე სერიოზულად უკრავდა. პარიზის კონსერვატორიაშიც სწავლობდა. როგორც მოგვიანებით ჰყვებოდა, ბავშვობაში მისთვის დიდი ტვირთი იყო პრეზიდენტის შვილიშვილობა, სხვადასხვა ქვეყანაში ცხოვრება. ხშირად ამბობს, რომ გიჟდება ბაბუაზე და ოჯახი მისთვის დიდი ფასეულობაა.
2001 წელს დაამთავრა ბოსტონის უნივერსიტეტი რეჟისურის განხრით. 2005 წელს - ნიუ-იორკის უნივერსიტეტი, ჟურნალისტიკის ფაკულტეტი.
პროფესიული საქმიანობა ედუარდ შევარდნაძესთან დაიწყო, საზოგადოებასთან ურთიერთობებში რეფერენტად და თანაშემწედ. 2001-2003 წლებში ამერიკულ არხ ებს-ზე მუშაობდა პროდიუსერად, 2005 წლიდან მუშაობს არხზე ''რაშა თუდეი'', სადაც მიჰყავდა ახალი ამბები, პროგრამა ''ინტერვიუ'' , ახლა კი მიჰყავს გადაცემა ''სოფიკო''. 2006 წლიდან არის წამყვანი რადიოსადგურზე ''ეხო მოსკვიზე''.
გადაცემებში ხშირად განიხილავს აქტუალურ პოლიტიკურ თემებს, მოვლენებს რუსეთში და მის ფარგლებს გარეთ. როგორც რუსეთში წერენ, მისთვის, როგორც ჟურნალისტისთვის, დამახასიათებელია ხისტი შეკითხვები, მძაფრი პოლემიკა სტუდიის სტუმართან, მოულოდნელი, პარადოქსული, ხშირად ჩიხში შემყვანი შეკითხვების დასმა.
რაც შეეხება პირად ცხოვრებას, სოფიკო არაერთხელ დაუსახელებიათ რუსეთში ერთ-ერთ ყველაზე სასურველ საპატარძლოდ. ჯერჯერობით გათხოვილი არ არის. მოსკოვში პრესტიჟულ ადგილას აქვს ოროთახიანი ბინა, რომლის ინტერიერიც მის ბავშვობის მეგობარს, დიზაინერ გიორგი ჩაუშბას ეკუთვნის. ეს ბინა ფრანგული, ქართული და რუსული ტრადიციებით აქვს გაფორმებული.
სოფო რუსულ ''ცეკვავენ ვარსკვლავებში'' წარმატებით გამოდიოდა და კარგი შედეგები აჩვენა. სწორედ იმ პროექტში მონაწილეობის დროს აგორდა ჭორები სოფიკოსა და მისი პარტნიორის, ივან ოგანესიანის რომანტიკული ურთიერთობების შესახებ. მოგვიანებით წერდნენ მსახიობ ალექსეი ჩადოვთან რომანზეც. მას მერე ცდილობს, პირადი ცხოვრება ჟურნალისტებისგან მაქსიმალურად დამალოს და ამ თემაზე არ ლაპარაკობს.
თუმცა ადრინდელ ინტერვიუში თავად გაამხილა, რომ ერთხელ საქმროს ჯვრისწერამდე გაექცა. მისივე მონაყოლის თანახმად, 21 წლის იყო, როცა ნიუ-იორკში ცხოვრობდა და ახალგაზრდა ქართველ რეჟისორს ხვდებოდა. მოგვიანებით ცნობილი გახდა, რომ ეს ლევან კოღუაშვილი გახლდათ. დანიშნულებიც იყვნენ, ბაბუასაც კი გააცნო და დაქორწინებასაც ფიქრობდნენ. მაგრამ უცებ გაიაზრა, რომ ამ ადამიანთან მთელი ცხოვრება ვერ იქნებოდა და ურთიერთობას წერტილი დაუსვა.
სოფოზე ასევე შეიძლება ითქვას, რომ 2003 წელს, ''ვარდების რევოლუციის'' პერიოდში ბაბუასთან იყო და მასთან ერთად ცდილობდა პარლამენტის შენობიდან გამოსვლას. რამდენიმე კვირის წინ კი სოჭის ოლიმპიადის გახმაურებულ პერიპეტიებშიც ჩაერთო და ოლიმპიური ცეცხლის ესტაფეტაში მიიღო მონაწილეობა - სანქტ-პეტერბურგში კიდევ ერთ ქართველთან, თინა კანდელაკთან ერთად გაიარა ოლიმპიური ჩირაღდნით ხელში.
''მე ვერ ვილაპარაკებ მთელი ქართველი ხალხის სახელით, თავად გადაწყვიტონ, მაგრამ მე თუ მკითხავთ, საქართველოში დავიბადე, მიყვარს ის, ვამაყობ და ძალიან მინდა, რომ ქართული დროშები სოჭშიც აფრიალდეს და ჩვენებმა იქ ოქროს მედლები მოიპოვონ'' , - აღნიშნა სოფიკომ.
ჟურნალი ''რეიტინგი''
