"საყვარელი ბიჭის დედასთან ბრძოლა წავაგე"
2 338 ნახვა
ამ წერილს იმიტომ გწერთ, რომ ჩემი მაგალითით იხელმძღვანელოთ და შეყვარებულის დედას ომი არ გამოუცხადოთ, რადგან, მერწმუნეთ, მასთან წაგებული დარჩებით. უკვე 18 წლის ვარ და ალბათ ამიტომაც ვაძლევ საკუთარ თავს უფლებას, რომ ჭკუა დაგარიგოთ.
წლების განმავლობაში ერთი ბიჭი მიყვარდა, სულ მის გვერდით მინდოდა ყოფნა. ამის გამო კი დედამისი გადავიმტერე. არაფერს ვაშავებდით, მაგრამ მაინც თვლიდა, რომ მისი შვილისთვის ცუდი მაგალითი ვიყავი და სწავლაში ხელს ვუშლიდი. ზოგჯერ სადმე წასვლას რომ დავგეგმავდით, ისე აკეთებდა, რომ მისი შვილი ჩემთან ვერ მოსულიყო, სადმე წაიყვანდა ან სხვა საქმეს დაავალებდა ხოლმე. ჭორებსაც მივრცელებდა, შვილს ყურებს უჭედავდა, რომ მისთვის შეუფერებელი ვიყავი.
ერთ დღეს ვეღარ მოვითმინე და იმ ქალს პირდაპირ სახლში დავურეკე. მოვთხოვე, აეხსნა, ასე რატომ მექცეოდა, რას ვუშავებდი, რა არ მოსწონდა ჩემში. ისიც კი ვუთხარი, შევეცდები, შევიცვალო, ოღონდ ჩვენ შორის ნუ ჩადგებით–მეთქი. მან კი პირდაპირ მომახალა, ჩემს ოჯახში ვერასოდეს შემოხვალო. ისევ ვთხოვე, მიზეზი აეხსნა, მაგრამ ეს არ მოისურვა. მხოლოდ ის მითხრა, რომ არ მოვწონდი და მის შვილს არ შევეფერებოდი.
ამის შემდეგ შეყვარებულს სულ ვეუბნებოდი, რომ ჩვენ შორის დედამისი იდგა და არასოდეს გაგვახარებდა. ვთხოვდი, იქნებ დედაშენს დაელაპარაკო და ეს პრობლემა მოაგვარო–მეთქი, მაგრამ ის არ მიჯერებდა, დედას კბილებით იცავდა. რამდენჯერმე ფაქტები დავუდე წინ, რა ცუდად იქცეოდა ის ქალი, მაგრამ მაინც არ დამიჯერა.
ერთხელაც იმ ქალმა ხმა გამივრცელა, რომ ვიღაც ბიჭთან ერთად მნახა, რომელსაც ვეხუტებოდი და ვკოცნიდი. ჩემმა შეყვარებულმა ეს ადვილად დაიჯერა. ბევრი ვუმტკიცე, რომ სიმართლე არ იყო, მაგრამ ვერაფრით დავარწმუნე. დედის ტყუილი უფრო სარწმუნო აღმოჩნდა მისთვის, ვიდრე ჩემი სიმართლე.
დღეს ჩვენ ერთად აღარ ვართ, მაგრამ მის მიმართ გულგილი ვერ ვიქნები, რადგან ისევ უზომოდ მიყვარს. ჩემს საქციელს რომ ვუფიქრდები, მგონია, დიდი შეცდომა დავუშვი, როცა შეყვარებულის დედას სახლში დავურეკე და საქმის გარჩევა დავუწყე. ისიც შეცდომა იყო, ჩემს საყვარელ ბიჭს დედაზე რომ რაღაცეებს ვეუბნებოდი. უნდა მცოდნოდა, რომ დედას არასოდეს მამჯობინებდა, ჩუმად უნდა ვყოფილიყავი და იმ ქალის გული როგორმე მომეგო. მე კი საპირისპირო მხარეს წავედი და დიდი სიყვარულიც დავკარგე.
ასე რომ, გოგონებო, კიდევ ერთხელ გირჩევთ, შეყვარებულების დედებს ბრძოლაში ნუ გამოიწვევთ!
"სარკის" ერთგული მკითხველი
წლების განმავლობაში ერთი ბიჭი მიყვარდა, სულ მის გვერდით მინდოდა ყოფნა. ამის გამო კი დედამისი გადავიმტერე. არაფერს ვაშავებდით, მაგრამ მაინც თვლიდა, რომ მისი შვილისთვის ცუდი მაგალითი ვიყავი და სწავლაში ხელს ვუშლიდი. ზოგჯერ სადმე წასვლას რომ დავგეგმავდით, ისე აკეთებდა, რომ მისი შვილი ჩემთან ვერ მოსულიყო, სადმე წაიყვანდა ან სხვა საქმეს დაავალებდა ხოლმე. ჭორებსაც მივრცელებდა, შვილს ყურებს უჭედავდა, რომ მისთვის შეუფერებელი ვიყავი.
ერთ დღეს ვეღარ მოვითმინე და იმ ქალს პირდაპირ სახლში დავურეკე. მოვთხოვე, აეხსნა, ასე რატომ მექცეოდა, რას ვუშავებდი, რა არ მოსწონდა ჩემში. ისიც კი ვუთხარი, შევეცდები, შევიცვალო, ოღონდ ჩვენ შორის ნუ ჩადგებით–მეთქი. მან კი პირდაპირ მომახალა, ჩემს ოჯახში ვერასოდეს შემოხვალო. ისევ ვთხოვე, მიზეზი აეხსნა, მაგრამ ეს არ მოისურვა. მხოლოდ ის მითხრა, რომ არ მოვწონდი და მის შვილს არ შევეფერებოდი.
ამის შემდეგ შეყვარებულს სულ ვეუბნებოდი, რომ ჩვენ შორის დედამისი იდგა და არასოდეს გაგვახარებდა. ვთხოვდი, იქნებ დედაშენს დაელაპარაკო და ეს პრობლემა მოაგვარო–მეთქი, მაგრამ ის არ მიჯერებდა, დედას კბილებით იცავდა. რამდენჯერმე ფაქტები დავუდე წინ, რა ცუდად იქცეოდა ის ქალი, მაგრამ მაინც არ დამიჯერა.
ერთხელაც იმ ქალმა ხმა გამივრცელა, რომ ვიღაც ბიჭთან ერთად მნახა, რომელსაც ვეხუტებოდი და ვკოცნიდი. ჩემმა შეყვარებულმა ეს ადვილად დაიჯერა. ბევრი ვუმტკიცე, რომ სიმართლე არ იყო, მაგრამ ვერაფრით დავარწმუნე. დედის ტყუილი უფრო სარწმუნო აღმოჩნდა მისთვის, ვიდრე ჩემი სიმართლე.
დღეს ჩვენ ერთად აღარ ვართ, მაგრამ მის მიმართ გულგილი ვერ ვიქნები, რადგან ისევ უზომოდ მიყვარს. ჩემს საქციელს რომ ვუფიქრდები, მგონია, დიდი შეცდომა დავუშვი, როცა შეყვარებულის დედას სახლში დავურეკე და საქმის გარჩევა დავუწყე. ისიც შეცდომა იყო, ჩემს საყვარელ ბიჭს დედაზე რომ რაღაცეებს ვეუბნებოდი. უნდა მცოდნოდა, რომ დედას არასოდეს მამჯობინებდა, ჩუმად უნდა ვყოფილიყავი და იმ ქალის გული როგორმე მომეგო. მე კი საპირისპირო მხარეს წავედი და დიდი სიყვარულიც დავკარგე.
ასე რომ, გოგონებო, კიდევ ერთხელ გირჩევთ, შეყვარებულების დედებს ბრძოლაში ნუ გამოიწვევთ!
"სარკის" ერთგული მკითხველი
