გასაოცარი მოწყობილობა, რომელიც გემოს შეგრძნებას მუხტის წყალობით იწვევს

მეცნიერებმა "შაქარყინული" გამოიგონეს, რომელიც მომავალში ტელეშოუების მაყურებლებს მომზადებული კერძების გემოს შეგრძნების საშუალებას მისცემს. მოწყობილობას ადამიანში ყველანაირი გემოს შეგრძნების გამოწვევა შეუძლია.

არსით, იგი მოდიფიცირებული ელექტროდია. "შაქარყინული" სინგაპურის ეროვნული უნივერსიტეტის სპეციალისტ ნიმეში რანასინგჰას ხელმძღვანელობით მეცნიერთა ჯგუფმა შექმნა. მას ენაზე მარილიანი, ტკბილი, მწარე
და მჟავე გემოს შეგრძნების გამოწვევა შეუძლია. მოწყობილობა პირდაპირ ენაზე თავსდება. ენაზე გემოს შეგრძნებას მოწყობილობა მუხტის წყალობით იწვევს.

მუხტის სიმძლავრისა და ტემპერატურის უმნიშვნელო ცვლილება სხვადასხვა გემოს შეგრძნების შესაძლებლობას იძლევა, ეს გამოგონება სიმსივნით დაავადებულთა რეაბილიტაციისთვის გამოდგება, რომელთაც თერაპიის მსვლელობისას გემოებისადმი მგრძნობელობა უქვეითდებათ ან დიაბეტით დაავადებულთათვის, რომელთაც სიტკბოს შეგრძნება სურთ.
The Indian Express-ის მიხედვით.