"ლამაზი რძლის გამო მე ვიჩაგრები"
3 141 ნახვა
ამ წერილს 16 წლის გოგო გწერთ და ძალიან გთხოვთ, დამიბეჭდეთ! მას შემდეგ, რაც ჩემმა ძმამ ცოლი მოიყვანა, ბედნიერი აღარ ვყოფილვარ. ჩემი ოჯახის მთელი ყურადღება რძლისკენ არის მიმართული. ყველა აღნიშნავს, რომ ის უზომოდ ლამაზია, მე კი ყურადღებას არავინ მაქცევს. არადა მეც გოგო ვარ და მასზე სულ რაღაც 4 წლით უმცროსი. ვერ ხვდებიან, რომ მეც მჭირდება ყურადღება და მოფერება.
რძალი ზედ არ მიყურებს. ერთხელ კინოში უნდოდა წასვლა. მეგობრებს არ ეცალათ, ჩემს ძმას კი რაღაც საქმე გამოუჩნდა და ცოლს უთხრა, ბილეთები რომ არ გაგიუქმდეს, ჩემს დასთან ერთად წადიო. მან კი პირდაპირ მიახალა, მაგას მირჩევნია, დავიძინო, სიზმრებში უკეთესად გავერთობი, ვიდრე შენს დასთანო.
იცით, ყველაზე მეტად რამ დამწყვიტა გული? ჩემს ძმას ცოლის ნათქვამზე გულიანად გაეცინა. მე ტირილი ამივარდა. ძმას მივვარდი და ვუთხარი, მისი ცოლი ძალიანაც რომ შემხვეწნოდა, კინოში მაინც არ გავყვებოდი. მან კი ცოლის დაცვა დაიწყო. მითხრა, ცუდი გაგებით არ უთქვამს, უბრალოდ პატარა ხარ და ეს იგულისხმაო. მე მიზეზი ძალიან კარგად ვიცი – რძალი ვერ მიტანს. არა უშავს, ამაზე დიდად არ ვდარდობ, რადგან არც მე მიყვარს. ის ამაყი გოგოა და ყველას თავზე დასცქერის, მე კი ძაღლადაც არ მაგდებს.
ჩემი მშობლები მას ყველაფერს უსრულებენ, ჩემი კი ერთი სიტყვაც არ ესმით. ტირილით რომ ვკვდებოდე, ზედ არ შემომხედავენ. ჩემი რძალი კი ცხვირს რომ ჩამოუშვებს და მოიწყენს, ფეხის წვერებზე დარბიან, იქნებ გაიცინოს და ხასიათზე მოვიდესო.
ამას წინათ დედამ რძალს ლაბადა უყიდა. იმდენად ლამაზი იყო, რომ თვალები ზედ დამრჩა. მეზობლის ქალს ჰქონდა გასაყიდი და ზუსტად ისეთი, ოღონდ სხვა ფერი მეორეც იყო. დედას ვთხოვე, რომ ის მეორე ჩემთვის ეყიდა, მაგრამ უარი მითხრა. მე კი სიმწრისგან ტირილი დავიწყე. ვუსაყვედურე, ყველაფერი რძლისთვის რომ გინდა, ჩემთვის რატომ არაფერი გემეტება–მეთქი. მეზობლის ქალმა კი საშინელი სიტყვები მითხრა. შენს რძალს ძალიან მოუხდა, შენც რომ გქონდეს ისეთი ტანი, აუცილებლად გიყიდდნენო.
ამ სიტყვებმა თითქოს ცივი წყალი გადამასხა თავზე. ბოლოს და ბოლოს მივხვდი, რომ ჩემს მშობლებს რძალი უფრო ეამაყებათ, ვიდრე მე. ის ხომ ჩემზე გაცილებით ლამაზია, ამიტომაც უნდათ, რომ ყველაფერი მას ჩააცვან, გამოპრანჭონ. თვლიან, რომ მე მაინც არაფერი მომიხდება.
ვიცი, ჩემი მშობლები ერთ დღესაც ინანებენ, რომ უცხო ადამიანში გამცვალეს, მაგრამ ძალიან გვიანი იქნება. იმ დღეებს ვერ დამიბრუნებენ, რასაც მე ტირილში ვატარებ. ყველა მშობელს ვურჩევ, ლამაზი რძლების გამო შეუხედავ შვილებს ნუ მოიძულებენ!
სარკის ერთგული მკითხველი
რძალი ზედ არ მიყურებს. ერთხელ კინოში უნდოდა წასვლა. მეგობრებს არ ეცალათ, ჩემს ძმას კი რაღაც საქმე გამოუჩნდა და ცოლს უთხრა, ბილეთები რომ არ გაგიუქმდეს, ჩემს დასთან ერთად წადიო. მან კი პირდაპირ მიახალა, მაგას მირჩევნია, დავიძინო, სიზმრებში უკეთესად გავერთობი, ვიდრე შენს დასთანო.
იცით, ყველაზე მეტად რამ დამწყვიტა გული? ჩემს ძმას ცოლის ნათქვამზე გულიანად გაეცინა. მე ტირილი ამივარდა. ძმას მივვარდი და ვუთხარი, მისი ცოლი ძალიანაც რომ შემხვეწნოდა, კინოში მაინც არ გავყვებოდი. მან კი ცოლის დაცვა დაიწყო. მითხრა, ცუდი გაგებით არ უთქვამს, უბრალოდ პატარა ხარ და ეს იგულისხმაო. მე მიზეზი ძალიან კარგად ვიცი – რძალი ვერ მიტანს. არა უშავს, ამაზე დიდად არ ვდარდობ, რადგან არც მე მიყვარს. ის ამაყი გოგოა და ყველას თავზე დასცქერის, მე კი ძაღლადაც არ მაგდებს.
ჩემი მშობლები მას ყველაფერს უსრულებენ, ჩემი კი ერთი სიტყვაც არ ესმით. ტირილით რომ ვკვდებოდე, ზედ არ შემომხედავენ. ჩემი რძალი კი ცხვირს რომ ჩამოუშვებს და მოიწყენს, ფეხის წვერებზე დარბიან, იქნებ გაიცინოს და ხასიათზე მოვიდესო.
ამას წინათ დედამ რძალს ლაბადა უყიდა. იმდენად ლამაზი იყო, რომ თვალები ზედ დამრჩა. მეზობლის ქალს ჰქონდა გასაყიდი და ზუსტად ისეთი, ოღონდ სხვა ფერი მეორეც იყო. დედას ვთხოვე, რომ ის მეორე ჩემთვის ეყიდა, მაგრამ უარი მითხრა. მე კი სიმწრისგან ტირილი დავიწყე. ვუსაყვედურე, ყველაფერი რძლისთვის რომ გინდა, ჩემთვის რატომ არაფერი გემეტება–მეთქი. მეზობლის ქალმა კი საშინელი სიტყვები მითხრა. შენს რძალს ძალიან მოუხდა, შენც რომ გქონდეს ისეთი ტანი, აუცილებლად გიყიდდნენო.
ამ სიტყვებმა თითქოს ცივი წყალი გადამასხა თავზე. ბოლოს და ბოლოს მივხვდი, რომ ჩემს მშობლებს რძალი უფრო ეამაყებათ, ვიდრე მე. ის ხომ ჩემზე გაცილებით ლამაზია, ამიტომაც უნდათ, რომ ყველაფერი მას ჩააცვან, გამოპრანჭონ. თვლიან, რომ მე მაინც არაფერი მომიხდება.
ვიცი, ჩემი მშობლები ერთ დღესაც ინანებენ, რომ უცხო ადამიანში გამცვალეს, მაგრამ ძალიან გვიანი იქნება. იმ დღეებს ვერ დამიბრუნებენ, რასაც მე ტირილში ვატარებ. ყველა მშობელს ვურჩევ, ლამაზი რძლების გამო შეუხედავ შვილებს ნუ მოიძულებენ!
სარკის ერთგული მკითხველი
