დაკარგული ნინო გვასალიას ძებნის ტრაგიკული დასასრული
1 836 ნახვა
17 ოქტომბერს დაკარგული 22 წლის გოგონას, ნინო გვასალიას ბედი და დედამისის მუდარა, შვილი მომაძებნინეთო, მთელი საქართველოს მოსახლეობამ გულთან ახლოს მიიტანა. გოგონამ თავისი უკანასკნელი წერილით ტკივილი და თითქოს დაგვიანებული, გამოუსწორებელი დანაშაულის გრძნობა დაუტოვა ყველას, რომელიც, სამწუხაროდ, გამართლდა. ნინო გვასალია გარდაცვლილი იპოვეს.
გოგონას ამ ხნის განმავლობაში სამართალდამცავებთან ერთად უბრალო მოქალაქეებიც ეძებდნენ. მისი ცხედარი ორმა ბაიკერმა 10 ნოემბერს, შუადღისას, მუხათწყაროს ტყეში ხეზე ჩამომხრჩვალი დაინახეს. ისინი მიმდებარე ტერიტორიაზე ვარჯიშობდნენ. გოგონა ტყის მასივში, დაახლოებით 2–3 კილომეტრის სიღრმეში იპოვეს. იმ ადგილზე მხოლოდ საფეხმავლო ბილიკია.
წინასწარი მონაცემებით, ნინო გვასალია გაუჩინარებიდან მალევეა გარდაცვლილი. საქმე თვითმკვლელობამდე მიყვანის მუხლითაა აღძრული. რა დროს და რა ვითარებაში მოხდა სუიციდის ფაქტი, ჯერ უცნობია. ექსპერტიზა ლევან სამხარაულის სახელობის სასამართლო–სამედიცინო ექსპერტიზის ბიუროში ჩატარდა. ჯერჯერობით მხოლოდ ისაა ცნობილი, რომ გარდაცვლილს ძალადობის კვალი არ აღენიშნება. შინაგან საქმეთა სამინისტროს პრესსამსახურის უფროსმა ნინო გიორგობიანმა განაცხადა, რომ ექსპერტიზის საბოლოო პასუხი თვენახევარში იქნება ცნობილი.
სამართალდამცავებმა სამძებრო ღონისძიებები ნინო გვასალიას დაკარგვის დღესვე დაიწყეს. მათთან ერთად გოგონას ოჯახის წევრები 23 დღის განმავლობაში უშედეგოდ ეძებდნენ. საქმეში კინოლოგებიც იყვნენ ჩართული. თბილისის მერიის საგანგებო და გადაუდებელი სიტუაციების მართვის სამსახურის თანამშრომლებმა მდინარე მტკვრის სანაპირო ტერიტორიაც დაათვალიერეს. ინფორმაცია მიწოდებული ჰქონდა ყველა სასაზღვრო გამშვებ პუნქტს. 22 ოქტომბერს სამაშველო სამსახურმა როგორც სახმელეთო, ისე წყალქვეშა საძიებო სამუშაოებიც ჩაატარა თბილისის ზღვის მიმდებარე ტერიტორიაზე, მტკვრის სანაპიროზე, ასევე კოჯრის, ტაბახმელას, ოქროყანის ტყის მასივების ტერიტორიაზე. სამძებრო საქმეში საზოგადოებაც ჩაერთო, ნინოს ფოტოსურათები თითქმის მთელი თბილისის მასშტაბით იყო გაკრული.
შვილის გაუჩინარების შესახებ გოგონას დედამ, ლალი ცინცაძემ განაცხადა. მან თქვა, რომ ნინომ თვითმკვლელობის სურვილის შესახებ უმცროს ძმას გაუმხილა. ერთ–ერთ ინტერვიუში ლალი ცინცაძე ამბობს: "...ძმისთვის უთქვამს, ყველაფრით დავიღალე და თავი უნდა მოვიკლა, ოღონდ ისე, რომ ვერავინ მნახოსო. იმდენად სისულელედ მიიჩნია ბავშვმა დის ნათქვამი, რომ ყურადღების ღირსადაც არ ჩათვალა და ჩემთვისაც არაფერი უთქვამს მაშინვე". როგორც გაირკვა, ნინოს 100 ლარი ჰქონდა, სახლიდან კი მხოლოდ 50 ლარი წაიღო. სავარაუდოდ, წინასწარ გათვალა, გზაში რამდენი დასჭირდებოდა. ინტერვიუში ნინოს დედა იმასაც ამბობდა, რომ მისმა შვილმა მშობლების გაყრის გამო სტრესი გადაიტანა.
როგორც ზემოთ აღვნიშნეთ, ნინო გვასალიამ წერილიც დატოვა, სადაც წერდა: "დედიკო და მამიკო, აღარ მინდა, აღარ მინდა, თქვენი ნაწილი ვიყო. ჩემი წერილი არის პინკ ფლოიდის ცნობილი სიმღერის "მშვიდობით, სასტიკო სამყაროვ" საუნდტრეკი".
როგორ და რა ვითარებაში აღმოაჩინეს ნინო გვასალიას ცხედარი, ამის შესახებ "სარკეს" საგანგებო სიტუაციების სამსახურის უფროსმა, თემურ გიორგაძემ უამბო:
– 10 ნოემბერს, შუადღის 4 საათზე, პოლიციამ შეგვატყობინა, რომ გვამი იყო ნაპოვნი. მისვლისთანავე დადასტურდა, რომ ეს ის ადამიანი იყო, რომელიც დიდი ხნის განმავლობაში იძებნებოდა. მთელი ამ ხნის განმავლობაში ძებნაში ჩვენც ვიყავით ჩართული. გოგონას ხმელეთზეც ვეძებდით და წყალშიც. რა ვითარებაში, როგორ, რანაირად ჩამოიხრჩო თავი, რამდენი ხნის ჩამომხრჩვალი იყო, ამას უკვე გამოძიება დაადგენს. გარდაცვლილს ექსპერტიზა ჩაუტარდა, გვამი გაკვეთეს.
– როცა ცხედარი ნახეთ, რა მდგომარეობაში იყო?
– ნორმალურ მდგომარეობაში, გაფუჭებული არ იყო.
– შესაძლებელია თუ არა, რომ გვამი 23 დღის განმავლობაში არ გახრწნილიყო ან თუნდაც ბუნებაში ამდენი ხნის განმავლობაში გარეგანი დაზიანებები არ მიეღო?
– ზუსტად ვერაფერს გეტყვით. ახლა გრილა და ნამდვილად შესაძლებელია, გვამი შენახული იყოს. ყველაფერს ექსპერტიზა დაადგენს.
– კონკრეტულად რა ტერიტორიაზე იპოვეს გოგონა?
– მუხათწყაროს სოფლის მიმდებარე ტყის მასივია. გოგონა ტყეში 2–3 კილომეტრის სიღრმეში იყო შესული, იქ მხოლოდ საფეხმავლო ბილიკია.
– იქ სამძებრო სამუშაოები არ გიწარმოებიათ?
– მიმდებარე ტერიტორიაზე კი, მაგრამ შიგნით – არა. ჩვენ პოლიციის მითითებებით ვეძებდით, დაახლოებითი ინფორმაცია სადაც ჰქონდათ. თბილისის გარშემო იმდენი ტყის მასივია, ძებნა ყველგან ვერ მოვასწარით.
...
გოგონას ოჯახის წევრებს გასაგები მიზეზების გამო ჟურნალისტებთან საუბარი არ სურთ. მეზობლები კი სხვადასხვა კომენტარს აკეთებენ. ნაწილის თქმით, ნინო გვასალიას მშობლები გაშორებულები იყვნენ, სახლშიც მატერიალური პრობლემები ჰქონდათ. ნაწილმა კი არც იცოდა, გარდაცვლილის მშობლები გაყრილი რომ იყვნენ, რადგან წყვილი კვლავ ერთ სახლში ცხოვრობს.
ნათელა გუგუნაშვილი, მეზობელი: "გარდაცვლილს სამი ძმა ჰყავს. ნინოს პირადად არ ვიცნობ, მაგრამ ყოველდღე ვხედავდი, ძაღლით გარეთ სეირნობდა ხოლმე. მამამისს ძალიან ახლოს ვიცნობ. დედა პარლამენტში მუშაობს, მამა, თუ არ ვცდები, უმუშევარია, ადრე ბანკში მუშაობდა. აქ ერთად ცხოვრობენ. ოჯახში რაღაც პრობლემები ჰქონდათ, მატერიალურადაც უჭირდათ. სხვისი ოჯახის ამბის ასე დეტალურად მოყოლა რთულია და არც ვიცი წვრილმანები. ნინო სამხატვრო აკადემიაში სწავლობდა, სტუდენტი იყო. არავინ იცის ზუსტი მიზეზი, თავის მოკვლა რამ გადააწყვეტინა. როგორც ამბობენ, თოკი სახლიდან წაიღო".
ამელეონ ბლიაძე, მეზობელი: "ნინო არაჩვეულებრივი გოგონა იყო, ყოველდღე ვხედავდი, გარეთ ძაღლს ასეირნებდა. კარგად სწავლობდა. თავი რატომ მოიკლა, არ ვიცი, ყველა გაკვირვებული ვართ. სანამ იპოვიდნენ, დღე და ღამე ოჯახს მოსვენება არ ჰქონდა. ურთიერთობაში უცნაური არაფერი შემიმჩნევია, არც ბიჭებთან მინახავს ხშირად. ბიჭებთან კი არა, ზედმეტად გოგონებთანაც არ მინახავს".
მეზობელი (ვინაობის გამხელა არ ისურვა): "ნინოს მამას, თამაზს ვიცნობ, დედამისთან ახლოს არ ვყოფილვარ. ვიცი, რომ გარდაცვლილს სამი ძმა ჰყავს. მშობლებს ბოლოს ურთიერთობა აერიათ. ნინოს მამა ადრე ბანკის მმართველი იყო და ფინანსურად კარგად იყვნენ, მერე, თუ არ ვცდები, "გადააგდეს" და პრობლემებიც დაეწყოთ. როგორც ვიცი, ბანკებში ჰქონდათ ვალები. უბანში ამბობენ, რომ ცოლ–ქმარი გაშორებულები იყვნენ, მაგრამ ერთ სახლში ცხოვრობენ.
ნინოს რაც შეეხება, მშვენიერი გოგონა იყო, კარგად სწავლობდა. პატარა, ფინია ძაღლი ჰყავთ და ეზოში სულ იმას ასეირნებდა. დედა პარლამენტში მუშაობს. როგორც ამბობენ, ნინო სახლიდან რომ წავიდა, თოკიც თან წაიღო. მათ წინ პოლიციელი ცხოვრობს და იმას დაუნახავს, სახლიდან რომ გამოდიოდა, ჩანთიდან თოკი გადმოუვარდაო. დღეს გამოჩნდება, ხვალ გამოჩნდებაო და ამ იმედებით ელოდებოდა ოჯახი...".
ნინო გვასალია ექსპერტიზის ბიუროდან სახლში, თელავის ქუჩაზე, 11 ნოემბერს მიასვენეს.
ეკა ლემონჯავა, ჟურნალი სარკე
გოგონას ამ ხნის განმავლობაში სამართალდამცავებთან ერთად უბრალო მოქალაქეებიც ეძებდნენ. მისი ცხედარი ორმა ბაიკერმა 10 ნოემბერს, შუადღისას, მუხათწყაროს ტყეში ხეზე ჩამომხრჩვალი დაინახეს. ისინი მიმდებარე ტერიტორიაზე ვარჯიშობდნენ. გოგონა ტყის მასივში, დაახლოებით 2–3 კილომეტრის სიღრმეში იპოვეს. იმ ადგილზე მხოლოდ საფეხმავლო ბილიკია.
წინასწარი მონაცემებით, ნინო გვასალია გაუჩინარებიდან მალევეა გარდაცვლილი. საქმე თვითმკვლელობამდე მიყვანის მუხლითაა აღძრული. რა დროს და რა ვითარებაში მოხდა სუიციდის ფაქტი, ჯერ უცნობია. ექსპერტიზა ლევან სამხარაულის სახელობის სასამართლო–სამედიცინო ექსპერტიზის ბიუროში ჩატარდა. ჯერჯერობით მხოლოდ ისაა ცნობილი, რომ გარდაცვლილს ძალადობის კვალი არ აღენიშნება. შინაგან საქმეთა სამინისტროს პრესსამსახურის უფროსმა ნინო გიორგობიანმა განაცხადა, რომ ექსპერტიზის საბოლოო პასუხი თვენახევარში იქნება ცნობილი.
სამართალდამცავებმა სამძებრო ღონისძიებები ნინო გვასალიას დაკარგვის დღესვე დაიწყეს. მათთან ერთად გოგონას ოჯახის წევრები 23 დღის განმავლობაში უშედეგოდ ეძებდნენ. საქმეში კინოლოგებიც იყვნენ ჩართული. თბილისის მერიის საგანგებო და გადაუდებელი სიტუაციების მართვის სამსახურის თანამშრომლებმა მდინარე მტკვრის სანაპირო ტერიტორიაც დაათვალიერეს. ინფორმაცია მიწოდებული ჰქონდა ყველა სასაზღვრო გამშვებ პუნქტს. 22 ოქტომბერს სამაშველო სამსახურმა როგორც სახმელეთო, ისე წყალქვეშა საძიებო სამუშაოებიც ჩაატარა თბილისის ზღვის მიმდებარე ტერიტორიაზე, მტკვრის სანაპიროზე, ასევე კოჯრის, ტაბახმელას, ოქროყანის ტყის მასივების ტერიტორიაზე. სამძებრო საქმეში საზოგადოებაც ჩაერთო, ნინოს ფოტოსურათები თითქმის მთელი თბილისის მასშტაბით იყო გაკრული.
შვილის გაუჩინარების შესახებ გოგონას დედამ, ლალი ცინცაძემ განაცხადა. მან თქვა, რომ ნინომ თვითმკვლელობის სურვილის შესახებ უმცროს ძმას გაუმხილა. ერთ–ერთ ინტერვიუში ლალი ცინცაძე ამბობს: "...ძმისთვის უთქვამს, ყველაფრით დავიღალე და თავი უნდა მოვიკლა, ოღონდ ისე, რომ ვერავინ მნახოსო. იმდენად სისულელედ მიიჩნია ბავშვმა დის ნათქვამი, რომ ყურადღების ღირსადაც არ ჩათვალა და ჩემთვისაც არაფერი უთქვამს მაშინვე". როგორც გაირკვა, ნინოს 100 ლარი ჰქონდა, სახლიდან კი მხოლოდ 50 ლარი წაიღო. სავარაუდოდ, წინასწარ გათვალა, გზაში რამდენი დასჭირდებოდა. ინტერვიუში ნინოს დედა იმასაც ამბობდა, რომ მისმა შვილმა მშობლების გაყრის გამო სტრესი გადაიტანა.
როგორც ზემოთ აღვნიშნეთ, ნინო გვასალიამ წერილიც დატოვა, სადაც წერდა: "დედიკო და მამიკო, აღარ მინდა, აღარ მინდა, თქვენი ნაწილი ვიყო. ჩემი წერილი არის პინკ ფლოიდის ცნობილი სიმღერის "მშვიდობით, სასტიკო სამყაროვ" საუნდტრეკი".
როგორ და რა ვითარებაში აღმოაჩინეს ნინო გვასალიას ცხედარი, ამის შესახებ "სარკეს" საგანგებო სიტუაციების სამსახურის უფროსმა, თემურ გიორგაძემ უამბო:
– 10 ნოემბერს, შუადღის 4 საათზე, პოლიციამ შეგვატყობინა, რომ გვამი იყო ნაპოვნი. მისვლისთანავე დადასტურდა, რომ ეს ის ადამიანი იყო, რომელიც დიდი ხნის განმავლობაში იძებნებოდა. მთელი ამ ხნის განმავლობაში ძებნაში ჩვენც ვიყავით ჩართული. გოგონას ხმელეთზეც ვეძებდით და წყალშიც. რა ვითარებაში, როგორ, რანაირად ჩამოიხრჩო თავი, რამდენი ხნის ჩამომხრჩვალი იყო, ამას უკვე გამოძიება დაადგენს. გარდაცვლილს ექსპერტიზა ჩაუტარდა, გვამი გაკვეთეს.
– როცა ცხედარი ნახეთ, რა მდგომარეობაში იყო?
– ნორმალურ მდგომარეობაში, გაფუჭებული არ იყო.
– შესაძლებელია თუ არა, რომ გვამი 23 დღის განმავლობაში არ გახრწნილიყო ან თუნდაც ბუნებაში ამდენი ხნის განმავლობაში გარეგანი დაზიანებები არ მიეღო?
– ზუსტად ვერაფერს გეტყვით. ახლა გრილა და ნამდვილად შესაძლებელია, გვამი შენახული იყოს. ყველაფერს ექსპერტიზა დაადგენს.
– კონკრეტულად რა ტერიტორიაზე იპოვეს გოგონა?
– მუხათწყაროს სოფლის მიმდებარე ტყის მასივია. გოგონა ტყეში 2–3 კილომეტრის სიღრმეში იყო შესული, იქ მხოლოდ საფეხმავლო ბილიკია.
– იქ სამძებრო სამუშაოები არ გიწარმოებიათ?
– მიმდებარე ტერიტორიაზე კი, მაგრამ შიგნით – არა. ჩვენ პოლიციის მითითებებით ვეძებდით, დაახლოებითი ინფორმაცია სადაც ჰქონდათ. თბილისის გარშემო იმდენი ტყის მასივია, ძებნა ყველგან ვერ მოვასწარით.
...
გოგონას ოჯახის წევრებს გასაგები მიზეზების გამო ჟურნალისტებთან საუბარი არ სურთ. მეზობლები კი სხვადასხვა კომენტარს აკეთებენ. ნაწილის თქმით, ნინო გვასალიას მშობლები გაშორებულები იყვნენ, სახლშიც მატერიალური პრობლემები ჰქონდათ. ნაწილმა კი არც იცოდა, გარდაცვლილის მშობლები გაყრილი რომ იყვნენ, რადგან წყვილი კვლავ ერთ სახლში ცხოვრობს.
ნათელა გუგუნაშვილი, მეზობელი: "გარდაცვლილს სამი ძმა ჰყავს. ნინოს პირადად არ ვიცნობ, მაგრამ ყოველდღე ვხედავდი, ძაღლით გარეთ სეირნობდა ხოლმე. მამამისს ძალიან ახლოს ვიცნობ. დედა პარლამენტში მუშაობს, მამა, თუ არ ვცდები, უმუშევარია, ადრე ბანკში მუშაობდა. აქ ერთად ცხოვრობენ. ოჯახში რაღაც პრობლემები ჰქონდათ, მატერიალურადაც უჭირდათ. სხვისი ოჯახის ამბის ასე დეტალურად მოყოლა რთულია და არც ვიცი წვრილმანები. ნინო სამხატვრო აკადემიაში სწავლობდა, სტუდენტი იყო. არავინ იცის ზუსტი მიზეზი, თავის მოკვლა რამ გადააწყვეტინა. როგორც ამბობენ, თოკი სახლიდან წაიღო".
ამელეონ ბლიაძე, მეზობელი: "ნინო არაჩვეულებრივი გოგონა იყო, ყოველდღე ვხედავდი, გარეთ ძაღლს ასეირნებდა. კარგად სწავლობდა. თავი რატომ მოიკლა, არ ვიცი, ყველა გაკვირვებული ვართ. სანამ იპოვიდნენ, დღე და ღამე ოჯახს მოსვენება არ ჰქონდა. ურთიერთობაში უცნაური არაფერი შემიმჩნევია, არც ბიჭებთან მინახავს ხშირად. ბიჭებთან კი არა, ზედმეტად გოგონებთანაც არ მინახავს".
მეზობელი (ვინაობის გამხელა არ ისურვა): "ნინოს მამას, თამაზს ვიცნობ, დედამისთან ახლოს არ ვყოფილვარ. ვიცი, რომ გარდაცვლილს სამი ძმა ჰყავს. მშობლებს ბოლოს ურთიერთობა აერიათ. ნინოს მამა ადრე ბანკის მმართველი იყო და ფინანსურად კარგად იყვნენ, მერე, თუ არ ვცდები, "გადააგდეს" და პრობლემებიც დაეწყოთ. როგორც ვიცი, ბანკებში ჰქონდათ ვალები. უბანში ამბობენ, რომ ცოლ–ქმარი გაშორებულები იყვნენ, მაგრამ ერთ სახლში ცხოვრობენ.
ნინოს რაც შეეხება, მშვენიერი გოგონა იყო, კარგად სწავლობდა. პატარა, ფინია ძაღლი ჰყავთ და ეზოში სულ იმას ასეირნებდა. დედა პარლამენტში მუშაობს. როგორც ამბობენ, ნინო სახლიდან რომ წავიდა, თოკიც თან წაიღო. მათ წინ პოლიციელი ცხოვრობს და იმას დაუნახავს, სახლიდან რომ გამოდიოდა, ჩანთიდან თოკი გადმოუვარდაო. დღეს გამოჩნდება, ხვალ გამოჩნდებაო და ამ იმედებით ელოდებოდა ოჯახი...".
ნინო გვასალია ექსპერტიზის ბიუროდან სახლში, თელავის ქუჩაზე, 11 ნოემბერს მიასვენეს.
ეკა ლემონჯავა, ჟურნალი სარკე
