მაიკლ ჯექსონის ქალიშვილს, პერისს, ინტერნატში რამდენიმე წლის გატარება მოუწევს

ამბობენ, რომ მაიკლ ჯექსონის ქალიშვილი, პერისი, რომელმაც თვითმკვლელობა სცადა და ამის შემდეგ ძნელადაღსაზრდელი მოზარდების პანსიონში მოხვდა, სახლში კიდევ დიდხანს ვერ დაბრუნდება. 15 წლის გოგონა ახლა თავს უკეთ გრძნობს, თუმცა, ახლობლების ნახვას ის მხოლოდ რამდენიმე დღით, იანვარში შეძლებს. როგორც ცნობილი გახდა, პერისთან ფსიქოლოგები მუშაობენ. ერთ-ერთ სეანსზე ტელეფონით მონაწილეობა გოგონას დედამ და ბებიამაც მიიღეს. ბებია კეტრინმა შვილიშვილის ჩამოსვლისთვის, პერისის ოთახის ინტერიერის შეცვლა გადაწყვიტა, რათა პოპ-მეფის ქალიშვილს შინ დაბრუნებისას არასასიამოვნო მოგონებები არ გასჩენოდა. ერთ-ერთი ინფორმატორის თქმით, პერისი ინტერნატში კიდევ რამდენიმე წელს გაატარებს. შეგახსენებთ, რომ რამდენიმე დღის წინ მაიკლ ჯექსონის არაგანზრახ მკვლელობაში ბრალდებულმა ექიმმა, კონრად მიურეიმ განაცხადა, რომ არც პერისი და არც მისი ძმა პრინცი, მომღერლის ბიოლოგიური შვილები არ არიან.