გიორგი სუხიტაშვილი - "შიდა შოვინიზმი დაგვღუპავს"

მომღერალი გიორგი სუხიტაშვილის "ფეისბუქის" საკუთარ გვერდზე ქართულ საზოგადოებაში შიდა შოვინიზმის პრობლემაზე წერს.

"შიდა შოვინიზმი დაგვღუპავს, უფსკრულის პირას არ ვდგავართ, მაგრამ მიმართულება მყარად გვაქვს ზემოთხსენებულისკენ, ''ამდენი მეგრელი", "ამდენი აჭარელი", "ჩამოსულები'' ''გადასულები'', "როგორ ლაპარაკობს'', "როგორ აცვია'', ''გლდანელია'', ''გეპეიშნიკია'', "რუსულ სიმღერებს უსმენს'' და ა.შ.

რა გვჭირს, რო დავრბივართ დვანში და ვაფრიალებთ, დროშებსა და წარწერებს, რისთვის აკეთებთ? იმისთვის, რომ მიწა მეტი გვქონდეს? ვის გამოც ზოგი გულში მუჭს იცემთ, ისინი არიან ზუსტად, ვისაც დასცინით, ლაპარაკის, ჩაცმულობის, "ლ''-ს და სხვა უამრავის გამო, ჯერ შეიყვარე და მიიღე ადამიანი,
შენი თანამოქალაქე ისეთი, როგორიც არის, რა დააშავა რომ იქ გაჩნდა, სადაც ასე ლაპარაკობენ, რითი ჯობიხარ? რო ჩამოვა აქ, შენზე მეტს რო გააკეთებს, მიაღწევს და შენ მამის კისერზე ზიხარ, მაგით? შენ რო ვერა-ვაკეს ტკეპნიდი, ის თოხზე რო მუშაობს, იმით??? აღარ მინდა გავაგრძელო უბრალოდ, ვიდრე ვინმეს აგინებ, დასცინებ და ამით დააპირებ შენნაირი შეუმდგარი და დაბალი თვითშეფასების მქონე ადამიანებისთვის სალაპარაკოს მიცემას, მანამდე გახსოვდეს, რომ არაფრით არ ჯობიხარ და რაც შენ იცი ''მასზე მეტი'' ის ერთ წელიწადში გააკეთებს, საშუალება რო მიეცეს და მერე რა? შიდა შოვინიზმი დაგვღუპავს!", - წერს სუხიტაშვილი.