სალომე ქათამაძე: "კონკურსმა ქმართან დამაშორა"
1 746 ნახვა
მომღერალი სალომე ქათამაძე თავის მომავალს ამერიკაში ხედავს. თვლის, რომ კარიერა სწორედ ამ ქვეყანაში უნდა აიწყოს. ამისთვის ემზადება, ერთდროულად ორ ალბომზე მუშაობს, თავისი ბენდიც ჰყავს. მანამდე კი ერთი ოცნება უნდა აისრულოს – დედა გახდეს, თუმცა ჯერ ერთი პატარა გამოცდაც აქვს გადასალახი – ისევ კონკურსში მონაწილეობს. ამჟამად მთელი მისი დრო პროექტს "ერთი ერთში" მიაქვს. ეს პირველი კონკურსია, როცა მოგებისთვის არ იბრძვის და მხოლოდ იმაზე ფიქრობს, მაყურებელს კარგი შოუ აჩვენოს.
– სალომე, ისევ, უკვე მერამდენედ, კონკურსის მონაწილე ხართ. რატომ გადაწყვიტეთ ამ პროექტში მონაწილეობა?
– როცა გავიგე, რომ "ჯიდიესში" ეს პროექტი მზადდებოდა, ძალიან გამიხარდა. მის ანალოგ უცხოურ პროექტებს ხშირად ვუყურებდი, ყოველთვის მომწონდა და მსგავს კონკურსში მონაწილეობა მინდოდა. შემოთავაზება ტელეკომპანიისგან მივიღე და დავთანხმდი. ამ პროექტისთვის მიღირდა დაღლა. მონაწილეებმა პირველ ტურში თავად ავარჩიეთ პერსონაჟები, მე ტოტო კუტუნიოზე შევჩერდი.
– რატომ ტოტო კუტუნიო? მასზე იურმალამ კარგი მოგონებები დაგიტოვათ თუ საერთოდ მოგწონთ ეს მომღერალი?
– ტოტო კუტუნიო ჩემი ფავორიტი არ არის, მის მუსიკას, როგორც წესი, არ ვუსმენ, მაგრამ მისაბაძად იმიტომ ავარჩიე, რომ იურმალას კონკურსზე დაბალი ქულა დამიწერა და ამით მთელი საქართველო გააბრაზა.
– თქვენი გარდასახვით სამაგიერო გადაუხადეთ?
– ეს არ იყო სამაგიერო, უბრალოდ გავერთე, ვიხალისე და მაყურებელი ვახალისე.
– შემდეგი იყო ლელა წურწუმიას მიბაძვა. გაგიჭირდათ?
– ძალიან გამიხარდა, ლელას მიბაძვა რომ მომიხდა. ამ მომღერალს ძალიან ვაფასებ, არაჩვეულებრივი პიროვნება და მუსიკოსია. რაღა დაგიმალოთ და, მისი პაროდია მეგობრების წრეში ხშირად გამიკეთებია. როცა ლოტოტრონზე მისი ფოტო ამომივიდა, უკეთ დავამუშავე, ბევრი ვივარჯიშე და შედეგიც კარგი მივიღე.
– ამ ნომრის შემდეგ ლელა ხომ არ შეგეხმიანათ?
– მამულიჩამ დამირეკა და მითხრა, მეც და ლელასაც ძალიან მოგვეწონაო. მათმა შეფასებამ ძალიან გამახარა.
– როგორ ფიქრობთ, პროექტის ორგანიზატორებმა თქვენ რა ნიშნით შეგარჩიეს?
– ყველა მიცნობს, ხალხის ფავორიტი ვარ და ჩემი პერსონა ალბათ მისაღები იყო მათთვის. იფიქრეს, რომ ჩემი გარდასახვა მაყურებლისთვის საინტერესო იქნებოდა.
– ჟიურის შეფასებებით კმაყოფილი ხართ?
– პინკი რომ განვასახიერე, მათი შეფასებებით კმაყოფილი დავრჩი. ლელას მიბაძვა ერთი ერთში მოვახერხე, მაგრამ ჟიურიმ სათანადოდ არ შემაფასა და უკმაყოფილო დავრჩი. არა უშავს, ხდება ხოლმე.
– სამუშაო პროცესი ალბათ ძალიან საინტერესოა.
– კი, ნამდვილად ასეა. არაჩვეულებრივი პედაგოგები გვყავს როგორც ვოკალში, ასევე ქორეოგრაფიაში. მათთან მუშაობა მსიამოვნებს. საშინელებაა გრიმის სქელი ფენა სახეზე, მაგრამ იმდენად საინტერესოა, არც ამაზე ვწუწუნებ. ხან პარიკებს მიკეთებენ, ხან პულვერიზატორით მღებავენ, მაგრამ მთავარია, რომ არც სახის კანი მიზიანდება და არც თმა.
– კონკურენტებთან ურთიერთობები დაძაბულია?
– არა, რას ამბობთ! პირიქით, ჩვენთან კონკურენტული გარემო არ არის, ერთმანეთის გამოსვლებზე ბევრს ვხალისობთ. ჯერჯერობით უსიამოვნება არ ყოფილა, ერთმანეთს ვამხნევებთ და შეძლებისდაგვარად გვერდში ვუდგავართ.
– საბოლოოდ ყველა ხომ მაინც მოგებისთვის იბრძვით?
– პროექტიდან არავინ ვარდება, გამარჯვებული დეკემბრის ბოლოს გამოვლინდება. პრიზები პირველი, მეორე და მესამე ადგილებისთვისაა დაწესებული. რა თქმა უნდა, გამიხარდება, მაგრამ, სიმართლე გითხრათ, გამარჯვების მოლოდინი არ მაქვს. ამ ყველაფერს ხალხის სიამოვნებისთვის ვაკეთებ. "ჩაციკლული" არ ვარ, რომ საპრიზო ადგილი დავიკავო.
– თქვენგან ამის მოსმენა გასაკვირია. მაყურებელი ხომ კონკურსებზე მებრძოლ სალომეს იცნობს.
– "ახალი ხმა" და იურმალა ვოკალური კონკურსები იყო და ეს ის სფეროა, სადაც მინდა, რომ პირველი ვიყო. "ერთი ერთში" კი არ არის ვოკალური კონკურსი და ამიტომაც პრეტენზიები არ მაქვს. ისე, აღმოვაჩინე, რომ მსახიობის მონაცემები მქონია.
– ამ პროექტმა თქვენს საქმიანობას ხომ არ ჩამოგაშორათ?
– არა მარტო საქმეს, ჩემს ქმარს გიგისაც. დრო აღარაფრისთვის მრჩება. ერთდროულად ორ ალბომზე ვმუშაობდი და ახლა ორივე გაჩერებულია. ერთ ალბომს ჩემს ბენდთან ერთად ვწერდი, მუსიკას და ტექსტებს ერთობლივად ვქმნით. რაც შეეხება მეორე ალბომს, მუსიკას თავიდან ბოლომდე დათო ფორჩხიძე მიკეთებს და მის სტუდიაში ვწერ. ეს ალბომი უცხოელი მსმენელისთვისაა გათვლილი.
– "ახალ ხმაში" ამერიკის შეერთებულ შტატებში მოგზაურობა მოიგეთ პრიზად. გამოიყენეთ ეს შანსი?
– კი, ერთი თვის წინ ვიმყოფებოდი ამერიკაში, მოვინახულე კალიფორნია და ლოს ანჯელესი, სადაც "იუნივერსალ სტუდიო" დავათვალიერე. მათი ცხოვრების ტემპით მოვიხიბლე. ეს ის ქვეყანაა, სადაც ჩემს მომავალ კარიერას ვხედავ. "ახალი ხმის" პროდიუსერ დავით იმედაშვილთან ერთად გავემგზავრე და იქ 8 დღე დავყავით. გიგის გარეშე ძალიან გამიჭირდა, ისიც ყოველ წუთში მირეკავდა, უჩემოდ თავს არაკომფორტულად გრძნობდა.
– მას შემდეგ, რაც პოპულარული გახდით, თქვენი ჰონორარები გაიზარდა?
– რასაკვირველია. თუ კარგი მუსიკის მოსმენა გინდა, კარგადაც უნდა გადაიხადო, ამიტომაც ჩემს შესაძლებლობებს ძვირად ვაფასებ. ნიჭი, რომელიც ღმერთმა მაჩუქა, მინდა, სწორად გამოვიყენო.
– ამ პროექტის შემდეგ კონკურსანტად კიდევ წარმოგიდგენიათ თავი?
– არა, რას ამბობთ! პირობას ვდებ, რომ ამის შემდეგ კონკურსში აღარ მივიღებ მონაწილეობას.
– ოჯახურ ცხოვრებაში სიმშვიდეა, გიგი ეგუება თქვენს მუდმივ კონკურსებს?
– 3 წელია, რაც მე და გიგი ცოლ–ქმარი ვართ. ამ ხნის განმავლობაში, დღისით თუ ღამით, სულ ერთად ვართ. ამ პროექტმა კი ცოტა ჩამოგვაშორა ერთმანეთს, ხანდახან მას რეპეტიციებზე ჩემთან ყოფნა ბეზრდება და სახლში მიდის. გიგი ჩემი პირველი გულშემატკივარია, მას არანაირი პრობლემა არ აქვს, კონკურსებში მივიღო მონაწილეობა, არც ჩაცმულობაში მზღუდავს. თანამედროვედ მოაზროვნე ადამიანია. ჩვენ ისევ შეყვარებულები ვართ. გიგი არასდროს გამოირჩეოდა რომანტიკულობით, ამას მეც შევეგუე და მისგან აღარ ველოდები თაიგულებს, სუნამოებს და სხვას.
– გიგი თქვენი მუსიკის როგორი შემფასებელია?
– ძალიან კრიტიკული. ხშირად მიმითითებს რაღაცეებზე, რაზეც ნერვები მეშლება. რომ ვუყვარვარ, ამიტომ ითხოვს ჩემგან მაქსიმუმს.
– თავად რას საქმიანობს?
– შეიძლება ითქვას, რომ ჩემი პროდიუსერია. ის მიდგენს დღის განრიგს, მასთან ათანხმებენ ჰონორარებს და სხვა.
– ხმა გავრცელდა, რომ ორსულად ხართ. სიმართლეა?
– არა, ეს ტყუილია, თუმცა მეც და გიგისაც შვილი ძალიან გვინდა. როგორც კი ეს შოუ დამთავრდება, დედობისთვის დავიწყებ მზადებას. ამდენი ხანი შვილის ყოლისგან თავს იმიტომ ვიკავებდით, რომ დრო არ მქონდა. არაჩვეულებრივი დედა და დედამთილი მყავს, რომლებიც ბავშვის გაზრდაში დამეხმარებიან, მაგრამ მინდა, შვილი თავად გავზარდო. ახლა დადგა ის დრო, როცა მორალურადაც და ფიზიკურადაც მზად ვარ ამისთვის.
ლანა კიკნაძე, ჟურნალი სარკე
– სალომე, ისევ, უკვე მერამდენედ, კონკურსის მონაწილე ხართ. რატომ გადაწყვიტეთ ამ პროექტში მონაწილეობა?
– როცა გავიგე, რომ "ჯიდიესში" ეს პროექტი მზადდებოდა, ძალიან გამიხარდა. მის ანალოგ უცხოურ პროექტებს ხშირად ვუყურებდი, ყოველთვის მომწონდა და მსგავს კონკურსში მონაწილეობა მინდოდა. შემოთავაზება ტელეკომპანიისგან მივიღე და დავთანხმდი. ამ პროექტისთვის მიღირდა დაღლა. მონაწილეებმა პირველ ტურში თავად ავარჩიეთ პერსონაჟები, მე ტოტო კუტუნიოზე შევჩერდი.
– რატომ ტოტო კუტუნიო? მასზე იურმალამ კარგი მოგონებები დაგიტოვათ თუ საერთოდ მოგწონთ ეს მომღერალი?
– ტოტო კუტუნიო ჩემი ფავორიტი არ არის, მის მუსიკას, როგორც წესი, არ ვუსმენ, მაგრამ მისაბაძად იმიტომ ავარჩიე, რომ იურმალას კონკურსზე დაბალი ქულა დამიწერა და ამით მთელი საქართველო გააბრაზა.
– თქვენი გარდასახვით სამაგიერო გადაუხადეთ?
– ეს არ იყო სამაგიერო, უბრალოდ გავერთე, ვიხალისე და მაყურებელი ვახალისე.
– შემდეგი იყო ლელა წურწუმიას მიბაძვა. გაგიჭირდათ?
– ძალიან გამიხარდა, ლელას მიბაძვა რომ მომიხდა. ამ მომღერალს ძალიან ვაფასებ, არაჩვეულებრივი პიროვნება და მუსიკოსია. რაღა დაგიმალოთ და, მისი პაროდია მეგობრების წრეში ხშირად გამიკეთებია. როცა ლოტოტრონზე მისი ფოტო ამომივიდა, უკეთ დავამუშავე, ბევრი ვივარჯიშე და შედეგიც კარგი მივიღე.
– ამ ნომრის შემდეგ ლელა ხომ არ შეგეხმიანათ?
– მამულიჩამ დამირეკა და მითხრა, მეც და ლელასაც ძალიან მოგვეწონაო. მათმა შეფასებამ ძალიან გამახარა.
– როგორ ფიქრობთ, პროექტის ორგანიზატორებმა თქვენ რა ნიშნით შეგარჩიეს?
– ყველა მიცნობს, ხალხის ფავორიტი ვარ და ჩემი პერსონა ალბათ მისაღები იყო მათთვის. იფიქრეს, რომ ჩემი გარდასახვა მაყურებლისთვის საინტერესო იქნებოდა.
– ჟიურის შეფასებებით კმაყოფილი ხართ?
– პინკი რომ განვასახიერე, მათი შეფასებებით კმაყოფილი დავრჩი. ლელას მიბაძვა ერთი ერთში მოვახერხე, მაგრამ ჟიურიმ სათანადოდ არ შემაფასა და უკმაყოფილო დავრჩი. არა უშავს, ხდება ხოლმე.
– სამუშაო პროცესი ალბათ ძალიან საინტერესოა.
– კი, ნამდვილად ასეა. არაჩვეულებრივი პედაგოგები გვყავს როგორც ვოკალში, ასევე ქორეოგრაფიაში. მათთან მუშაობა მსიამოვნებს. საშინელებაა გრიმის სქელი ფენა სახეზე, მაგრამ იმდენად საინტერესოა, არც ამაზე ვწუწუნებ. ხან პარიკებს მიკეთებენ, ხან პულვერიზატორით მღებავენ, მაგრამ მთავარია, რომ არც სახის კანი მიზიანდება და არც თმა.
– კონკურენტებთან ურთიერთობები დაძაბულია?
– არა, რას ამბობთ! პირიქით, ჩვენთან კონკურენტული გარემო არ არის, ერთმანეთის გამოსვლებზე ბევრს ვხალისობთ. ჯერჯერობით უსიამოვნება არ ყოფილა, ერთმანეთს ვამხნევებთ და შეძლებისდაგვარად გვერდში ვუდგავართ.
– საბოლოოდ ყველა ხომ მაინც მოგებისთვის იბრძვით?
– პროექტიდან არავინ ვარდება, გამარჯვებული დეკემბრის ბოლოს გამოვლინდება. პრიზები პირველი, მეორე და მესამე ადგილებისთვისაა დაწესებული. რა თქმა უნდა, გამიხარდება, მაგრამ, სიმართლე გითხრათ, გამარჯვების მოლოდინი არ მაქვს. ამ ყველაფერს ხალხის სიამოვნებისთვის ვაკეთებ. "ჩაციკლული" არ ვარ, რომ საპრიზო ადგილი დავიკავო.
– თქვენგან ამის მოსმენა გასაკვირია. მაყურებელი ხომ კონკურსებზე მებრძოლ სალომეს იცნობს.
– "ახალი ხმა" და იურმალა ვოკალური კონკურსები იყო და ეს ის სფეროა, სადაც მინდა, რომ პირველი ვიყო. "ერთი ერთში" კი არ არის ვოკალური კონკურსი და ამიტომაც პრეტენზიები არ მაქვს. ისე, აღმოვაჩინე, რომ მსახიობის მონაცემები მქონია.
– ამ პროექტმა თქვენს საქმიანობას ხომ არ ჩამოგაშორათ?
– არა მარტო საქმეს, ჩემს ქმარს გიგისაც. დრო აღარაფრისთვის მრჩება. ერთდროულად ორ ალბომზე ვმუშაობდი და ახლა ორივე გაჩერებულია. ერთ ალბომს ჩემს ბენდთან ერთად ვწერდი, მუსიკას და ტექსტებს ერთობლივად ვქმნით. რაც შეეხება მეორე ალბომს, მუსიკას თავიდან ბოლომდე დათო ფორჩხიძე მიკეთებს და მის სტუდიაში ვწერ. ეს ალბომი უცხოელი მსმენელისთვისაა გათვლილი.
– "ახალ ხმაში" ამერიკის შეერთებულ შტატებში მოგზაურობა მოიგეთ პრიზად. გამოიყენეთ ეს შანსი?
– კი, ერთი თვის წინ ვიმყოფებოდი ამერიკაში, მოვინახულე კალიფორნია და ლოს ანჯელესი, სადაც "იუნივერსალ სტუდიო" დავათვალიერე. მათი ცხოვრების ტემპით მოვიხიბლე. ეს ის ქვეყანაა, სადაც ჩემს მომავალ კარიერას ვხედავ. "ახალი ხმის" პროდიუსერ დავით იმედაშვილთან ერთად გავემგზავრე და იქ 8 დღე დავყავით. გიგის გარეშე ძალიან გამიჭირდა, ისიც ყოველ წუთში მირეკავდა, უჩემოდ თავს არაკომფორტულად გრძნობდა.
– მას შემდეგ, რაც პოპულარული გახდით, თქვენი ჰონორარები გაიზარდა?
– რასაკვირველია. თუ კარგი მუსიკის მოსმენა გინდა, კარგადაც უნდა გადაიხადო, ამიტომაც ჩემს შესაძლებლობებს ძვირად ვაფასებ. ნიჭი, რომელიც ღმერთმა მაჩუქა, მინდა, სწორად გამოვიყენო.
– ამ პროექტის შემდეგ კონკურსანტად კიდევ წარმოგიდგენიათ თავი?
– არა, რას ამბობთ! პირობას ვდებ, რომ ამის შემდეგ კონკურსში აღარ მივიღებ მონაწილეობას.
– ოჯახურ ცხოვრებაში სიმშვიდეა, გიგი ეგუება თქვენს მუდმივ კონკურსებს?
– 3 წელია, რაც მე და გიგი ცოლ–ქმარი ვართ. ამ ხნის განმავლობაში, დღისით თუ ღამით, სულ ერთად ვართ. ამ პროექტმა კი ცოტა ჩამოგვაშორა ერთმანეთს, ხანდახან მას რეპეტიციებზე ჩემთან ყოფნა ბეზრდება და სახლში მიდის. გიგი ჩემი პირველი გულშემატკივარია, მას არანაირი პრობლემა არ აქვს, კონკურსებში მივიღო მონაწილეობა, არც ჩაცმულობაში მზღუდავს. თანამედროვედ მოაზროვნე ადამიანია. ჩვენ ისევ შეყვარებულები ვართ. გიგი არასდროს გამოირჩეოდა რომანტიკულობით, ამას მეც შევეგუე და მისგან აღარ ველოდები თაიგულებს, სუნამოებს და სხვას.
– გიგი თქვენი მუსიკის როგორი შემფასებელია?
– ძალიან კრიტიკული. ხშირად მიმითითებს რაღაცეებზე, რაზეც ნერვები მეშლება. რომ ვუყვარვარ, ამიტომ ითხოვს ჩემგან მაქსიმუმს.
– თავად რას საქმიანობს?
– შეიძლება ითქვას, რომ ჩემი პროდიუსერია. ის მიდგენს დღის განრიგს, მასთან ათანხმებენ ჰონორარებს და სხვა.
– ხმა გავრცელდა, რომ ორსულად ხართ. სიმართლეა?
– არა, ეს ტყუილია, თუმცა მეც და გიგისაც შვილი ძალიან გვინდა. როგორც კი ეს შოუ დამთავრდება, დედობისთვის დავიწყებ მზადებას. ამდენი ხანი შვილის ყოლისგან თავს იმიტომ ვიკავებდით, რომ დრო არ მქონდა. არაჩვეულებრივი დედა და დედამთილი მყავს, რომლებიც ბავშვის გაზრდაში დამეხმარებიან, მაგრამ მინდა, შვილი თავად გავზარდო. ახლა დადგა ის დრო, როცა მორალურადაც და ფიზიკურადაც მზად ვარ ამისთვის.
ლანა კიკნაძე, ჟურნალი სარკე
