კოტიკო თოლორაიას ოთხი სამსახური აქვს - ''ჩვენთან პატიოსანი კაცის შრომა არ ფასდება!..''
1 643 ნახვა
შოუმენმა, ტელე და რადიოწამყვანმა კოტიკო თოლორაიამ ''ცეკვავენ ვარსკვლავები'' დატოვა. მანამდე იყო ექვსი ტური და რამდენიმე შელაპარაკება გოჩა ჩერტკოევთან. კოტიკოს ამერიკაში მცხოვრებმა ძმამ, სოსო თოლორაიამ დაუმზადა მხარდასაჭერი კლიპი, რომელიც ეთერში სიურპრიზის სახით გვაჩვენეს. კლიპში სოსოც გამოთქვამდა უკმაყოფილებას გოჩას შენიშვნების გამო...
- სოციალურ ქსელებში ბევრი კითხულობდა, რატომ დაგაკავეს პროექტში ვარსკვლავის როლში. თავად თუ მიიჩნევ თავს ვარსკვლავად?
- ყველა მონაწილე თავის პროფესიაში წარმატებული ადამიანია. პროექტს ჰქვია ''ცეკვავენ ვარსკვლავები'' და ალბათ, ამან გააღიზიანა საზოგადოება. იყო პერიოდი, როცა აქტიურად ვიყავი ჩართული სატელევიზიო სფეროში, შოუბიზნესში, კონცერტებში. ამან განაპირობა ჩემი პოპულარობა. ვინ ვარსკვლავად ჩამთვლის, ვინ ცნობად სახედ - სხვა თემაა, რადგან ამ პროექტში მიმიწვიეს, ე.ი. ჩათვალეს, რომ ვარსკვლავი ვარ. სულ ვამბობდი, ცოტა ხანი მიჩუტული ვარსკვლავი ვიყავი-მეთქი. აღარ მომწონს აღარც ტელევიზიასთან და არც პრესასთან ურთიერთობა. ბევრს უარს ვეუბნები ინტერვიუზე. ზოგჯერ იღლები ამ ყველაფრისგან. ''ცეკვავენ ვარსკვლავები'' ჩემთვის საინტერესო აღმოჩნდა. იქაც ჯერ ჩემი ძმა დათანხმდა ჩემ მაგივრად, მაგრამ საინტერესო წინადადება იყო ნამდვილად და მეც აღარ გამიფშეკია ფეხები.
- როგორ ფიქრობ, ღირდა ამ პროექტში მონაწილეობა?
- რა თქმა უნდა. იყო ბევრი დატვირთული საათი, ენერგიის ხარჯვა, დაკლებული კილოგრამები, ახალი მეგობრები. საინტერესო იყო. მანამდე დღის განმავლობაში ათას რამეს ვედებოდი, ამ პროექტმა რეჟიმში ჩამაყენა. ზოგჯერ გავბრაზებულვარ, ნერვებიც მომშლია, ამას ვერ გავექცევით, კონკურსია, მაგრამ ამის გამო სტრესი არ მიმიღია.
- გოჩა ჩერტკოევზე ნაწყენი არ ხარ?
- როგორ გითხრა... მესამე სეზონია, გოჩასთვის პროექტის მონაწილეს საყვედური არ უთქვამს, მიუხედავად იმისა, რომ განაწყენებული და გულდაწყვეტილი ბევრი იყო. როცა ჟიური არასწორად გაფასებს, რატომ არ უნდა თქვა? ამაში არაფერია გასაოცარი. ჩემმა გამოსვლამ ამ მხრივ საზოგადოების მოწონება დაიმსახურა. ეს არ იყო ფამილიარობა, არც თავხედობა. უბრალოდ, კორექტულად ვუთხარი, რომ იმ კონკრეტულ შემთხვევაში არ იყო მართალი. ჟიურის წევრისგან შენიშვნას ველოდები, მაგრამ ადეკვატურს.
- რისი თქმა გინდა, გოჩა ჩერტკოევს არასწორი შენიშვნები ჰქონდა?
- ნამდვილად. ეს დავამტკიცე კიდეც, ყველამ იცის. ყველა ცეკვას ერთ ხასიათში ცეკვავო, აჭარულის მერე მითხრა. გავგიჟდი. აჭარული ისეთი ცეკვაა, თუ არ მოიხდინე, ხასიათში არ იცეკვე, არ გამოვა არაფერი. ვუთხარი, შეიძლება, არ გახსოვს, გადაახვიე და ნახე, რა ხასიათში ვიცეკვე სხვა ტურები-მეთქი. ქუჩაში ვიღაცებმა ამ კომენტარის შემდეგ მითხრეს, ჯიგარი ხარო.
- შენ და გოჩას კამერებს მიღმა თუ გისაუბრიათ?
- არა და არც მქონდა ამის სურვილი. გოჩა ჩემთვის სამყაროს ცენტრი არ არის, დიდს არაფერს წარმოადგენს, არის ჟიურის ერთი რიგითი წევრი, მინდოდა, სხვა წევრებისგან არც გამომერჩია, თვითონ მიბიძგა ამისკენ.
- ვინ არის ჟიურის ყველაზე ობიექტური წევრი?
- ნინო სურგულაძე, სოფო შევარდნაძე. სოფო კარგსაც მეუბნებოდა და ცუდსაც. არ უთქვამს, ცუდი ვარცხნილობა გაქვს ან ცუდი კოსტიუმი გაცვია და ამის გამო დაბალ ქულას გიწერო. იცოდა, რომ ჩაცმულობაზე დიზაინერი ზრუნავს, დადგმასა და მოძრაობაზე - ქორეოგრაფი. ოთარ ტატიშვილი ძმაა, სუპერადამიანი. ნიკა ცისკარიძესაც ჰქონდა შენიშვნები ჩემთან, მაგრამ კორექტული. ისიც კი მითხრა, ვერც წარმომედგინა, ფოქსტროტს თუ იცეკვებდიო.
- თვითონ წარმოგედგინა, ამდენ ტურს თუ იცეკვებდი?
- მონდომებული ვიყავი, მაგრამ არიან ძლიერი კონკურსანტები, ვფიქრობ, პროექტი დროულად დავტოვე. თაკო ჩერგოლეიშვილი 13 წელი ქართულ ცეკვას ცეკვავდა, ფანტასტიკური მონაცემები აქვს, ქეთი ხატიაშვილი ტანმოვარჯიშეა და ყველაფერი გამოსდის, ყიფშო მსახიობია და სამსახიობო ოსტატობაში ასე თუ ისე ნასწავლი აქვს ცეკვის ელემენტები. მე არც სამსახიობოზე ვსწავლობდი და არც არასდროს მიცეკვია. იმ ფონზე, რომ გაშეშებული მივედი პროექტში, ეს ექვსი ტური ნორმალურად ჩავატარე.
- რამდენიმე კონკურსანტთან მქონდა ინტერვიუ და ყველა დადებითად გახასიათებდა. ისიც გავარკვიე, რომ ქეთი ხატიაშვილის შვილი შენ გგულშემატკივრობდა, შენ რომელ მათგანს გულშემატკივრობ?
- ყველა იმდენად ჩემია, გამიჭირდება ვარსკვლავებზე საუბარი. ქეთი ხატიაშვილზე ვიტყვი, იმიტომ, რომ ერთადერთი ხალხის რჩეულია და ბევრს მართლა არ უდებს ტოლს. სიამოვნებით ვნახავდი ხალხის რჩეულს რომელიმე ვარსკვლავთან ერთად ფინალში.
- ტრავმები ამ პროექტში ძალიან აქტუალურია. შენც ხომ არ დაშავდი?
- ჯაივის დროს ფეხი ვიტკინე, სცენაზე გასვლის წინ, რამდენიმე საათით ადრე ვკოჭლობდი. გამაყუჩებლები გამიკეთეს, თუმცა მაინც სტრესი იყო.
- ოთარ ტატიშვილის გადაცემაში გოჩა ჩერტკოევი, ფაქტობრივად, დაიტირეთ...
- (იცინის) ოთარი ფანტასტიკური ადამიანია, კარგი იუმორი აქვს. გადაცემაში რომ მიმიწვია, საჩუქარი დამახვედრა, ჩერტკოევის ფოტო, ჩარჩოში ჩასმული. მივაყუდეთ მერე იქვე და ავაგორეთ ამაზე ხუმრობა. სადღეგრძელოებს ვამბობდით ჯერ და მერე ჭიქა მივუდგით ფოტოს, ''ადექი, ბიჭო, სოსო მოვიდა'' დავძახეთ და დატირება გამოგვივიდა (იცინის).
- ოთარს აღარ უნდა ჟიურის სავარძელში ჯდომა?
- სხვათა შორის, გოჩა არ ყოფილა ცუდი ადამიანი. იუმორი რამდენად ესმის, არ ვიცი, მაგრამ არ მგონია, ამაზე გაბრაზდეს. არ მინდა მასზე რაიმე ცუდი ვთქვა,M რადგან პიროვნულად არ ვიცნობ. ჟიურის წევრებს ჰყავთ ''ლიუბიმჩიკები'' .
- შენ არავის ''ლიუბიმჩიკი'' არ იყავი?
- არც მინდოდა ვყოფილიყავი. მე მინდოდა სწორი შენიშვნები, სხვა არაფერი.
- ოჯახის წევრებს თუ ჰქონდათ შენიშვნები?
- მეუღლეს ჰქონდა ცუდი დამოკიდებულება. არც მიმესიჯებდა, იქნებ, მალე დატოვო პროექტიო. მთელი დღე იქ რომ ვიყავი, ოჯახს ნაკლებ ყურადღებას ვაქცევდი. შენიშვნებს უფრო დედაჩემი მეუბნებოდა, მთხოვდა, ეცადე, ბევრი არ ილაპარაკოო.
- კოტიკო, მარიამზე გვიამბე, როგორ მოხიბლე შენი მეორე ნახევარი?
- მარიამს ექვსი წელი ვიცნობდი. გრძნობები და მიწერ-მოწერა იყო. როცა ის შტატებში მიდიოდა, ურთიერთობაში ჩავარდნები გვქონდა. მერე ნელ-ნელა გავხურდით და... მარიამ აბდუშელიშვილი მომღერალია, ახლა უკვე თოლორაიაა. ჯერ ორი გვარი ჰქონდა - აბდუშელიშვილი- თოლორაია, არც ერთ პასპორტში არ ეტეოდა ეს ორი გვარი, გავგიჟდით (იცინის). მას მერე, რაც ამერიკის მოქალაქე გახდა, მხოლოდ ჩემი გვარი დაიტოვა.
- ახლა რას აკეთებს მარიამი?
- ბავშვს უვლის.
- სახლში დასვი?
- არა, მე არ მივეკუთვნები იმ ტიპებს, ვინმე სახლში რომ დავსვა, მით უმეტეს მეუღლე. ვერავის ვერაფერს დავაძალებ. თვითონ მარიამს აქვს აბსოლუტურად ლოგიკური მიდგომა ამ საკითხისადმი. იმის ნაცვლად, რომ ძიძა აუყვანოს სამი თვის ბავშვს, რომელიც ბუნებრივ კვებაზეა, არჩია, თავად მიხედოს.
- შენ რაში ეხმარები მარიამს?
- თუ საჭიროა, დავაძინებ ბავშვს, გავასეირნებ და გამოვუცვლი კიდეც.
- ბავშვი რომ წამოიზრდება, კარიერის გაგრძელებას ურჩევ მარიამს?
- რა თქმა უნდა. მუსიკა მისი ცხოვრებაა, მაგრამ არა ქართული შოუბიზნესი. რეპერი ძვალი მარიამის სიძე იყო, ერთხელ გადაწყვიტეს, დუეტი ჩაეწერათ. მერე ეს სიმღერა ჰიტად იქცა, თორემ ქართულ შოუბიზნესში ჩართვის ინტერესი მარიამს არც ჰქონია. შტატებში, კერძოდ, ბოსტონში თავის კომპოზიციებს აკეთებდა. იმავდროულად უწმინდესისა და უნეტარესის ლოცვა-კურთხევით საგალობლებს ასრულებდა და დღემდე პატრიარქის ერთ-ერთი საყვარელი მომღერალია. თბილი ურთიერთობები აქვთ.
- ბიჭი გყავთ თუ გოგო?
- გაბრიელ-ნიკოლას თოლორაია გვყავს.
- ''ცისფერი მთებია'' ?
- არა (იღიმება), ამერიკაში დაიბადა და იქ ასეთი მოთხოვნაა, ორი სახელი უნდა ჰქონდეს. გაბოს ვეძახით ოჯახის წევრები. სასწაული ვინმეა, ყველა და ყველაფერი დამავიწყა.
- მეორე ბავშვზე არ ფიქრობთ?
- რა გითხრათ, ჯერ საკუთარ ბინაზე ვფიქრობთ. ამ პროექტში მონაწილეობის ერთ-ერთი მიზეზი ესეც იყო... 29 წლის ვარ და ვფიქრობ, ბევრი რამ დავაგვიანე ცხოვრებაში. ისეთი დალაგებული ცხოვრება არ მქონია, ვინმეს ლანგრით მოერთმია რამე ჩემთვის. 13 წლიდან ვმუშაობ. ვცდილობ, ჩემით შევქმნა, ჩემით გავაკეთო. ბავშვობიდან მქონდა ის პრინციპი, რომ მშობლისთვის ფული არ უნდა გამომერთმია და ჩემი შრომით მომეპოვებინა. მადლობა მამაჩემს, რომ ასე გამზარდა და გზაზე დამაყენა. ვწვალობ. ბინაც მინდა მქონდეს, საკუთარი მანქანაც. ოთხ სამსახურში ვმუშაობ, მაგრამ არის რაღაცები ცხოვრებაში, რაც არ გვარდება, რაც უნდა იმუშაო და გაიჭაჭო. დღე და ღამე მუშაობა, შაბათ-კვირის გარეშე, რთულია, ზოგჯერ ეს ყველაფერი ხასიათსაც გიფუჭებს. რაღაცაში იღბალი, გამართლება გჭირდება. ჩვენთან პატიოსანი კაცის შრომა არ ფასდება ისე, როგორც ევროპის სხვა ქვეყნებში.
- ტელეწამყვანობა რატომ აღარ მოგწონს?
- ახლა რამდენიმე ადგილას ვმუშაობ. ტელევიზიაში მუშაობისას სახლიდან რომ გამოდიხარ, არ იცი, როდის შეხვალ, პარალელურად ვერაფერს შეუთავსებ. ტელევიზიაში კი იმდენ ფულს არ გიხდიან, კმაყოფილი რომ იყო.
ნინო მჭედლიშვილი
ჟურნალი ''რეიტინგი''
- სოციალურ ქსელებში ბევრი კითხულობდა, რატომ დაგაკავეს პროექტში ვარსკვლავის როლში. თავად თუ მიიჩნევ თავს ვარსკვლავად?
- ყველა მონაწილე თავის პროფესიაში წარმატებული ადამიანია. პროექტს ჰქვია ''ცეკვავენ ვარსკვლავები'' და ალბათ, ამან გააღიზიანა საზოგადოება. იყო პერიოდი, როცა აქტიურად ვიყავი ჩართული სატელევიზიო სფეროში, შოუბიზნესში, კონცერტებში. ამან განაპირობა ჩემი პოპულარობა. ვინ ვარსკვლავად ჩამთვლის, ვინ ცნობად სახედ - სხვა თემაა, რადგან ამ პროექტში მიმიწვიეს, ე.ი. ჩათვალეს, რომ ვარსკვლავი ვარ. სულ ვამბობდი, ცოტა ხანი მიჩუტული ვარსკვლავი ვიყავი-მეთქი. აღარ მომწონს აღარც ტელევიზიასთან და არც პრესასთან ურთიერთობა. ბევრს უარს ვეუბნები ინტერვიუზე. ზოგჯერ იღლები ამ ყველაფრისგან. ''ცეკვავენ ვარსკვლავები'' ჩემთვის საინტერესო აღმოჩნდა. იქაც ჯერ ჩემი ძმა დათანხმდა ჩემ მაგივრად, მაგრამ საინტერესო წინადადება იყო ნამდვილად და მეც აღარ გამიფშეკია ფეხები.
- როგორ ფიქრობ, ღირდა ამ პროექტში მონაწილეობა?
- რა თქმა უნდა. იყო ბევრი დატვირთული საათი, ენერგიის ხარჯვა, დაკლებული კილოგრამები, ახალი მეგობრები. საინტერესო იყო. მანამდე დღის განმავლობაში ათას რამეს ვედებოდი, ამ პროექტმა რეჟიმში ჩამაყენა. ზოგჯერ გავბრაზებულვარ, ნერვებიც მომშლია, ამას ვერ გავექცევით, კონკურსია, მაგრამ ამის გამო სტრესი არ მიმიღია.
- გოჩა ჩერტკოევზე ნაწყენი არ ხარ?
- როგორ გითხრა... მესამე სეზონია, გოჩასთვის პროექტის მონაწილეს საყვედური არ უთქვამს, მიუხედავად იმისა, რომ განაწყენებული და გულდაწყვეტილი ბევრი იყო. როცა ჟიური არასწორად გაფასებს, რატომ არ უნდა თქვა? ამაში არაფერია გასაოცარი. ჩემმა გამოსვლამ ამ მხრივ საზოგადოების მოწონება დაიმსახურა. ეს არ იყო ფამილიარობა, არც თავხედობა. უბრალოდ, კორექტულად ვუთხარი, რომ იმ კონკრეტულ შემთხვევაში არ იყო მართალი. ჟიურის წევრისგან შენიშვნას ველოდები, მაგრამ ადეკვატურს.
- რისი თქმა გინდა, გოჩა ჩერტკოევს არასწორი შენიშვნები ჰქონდა?
- ნამდვილად. ეს დავამტკიცე კიდეც, ყველამ იცის. ყველა ცეკვას ერთ ხასიათში ცეკვავო, აჭარულის მერე მითხრა. გავგიჟდი. აჭარული ისეთი ცეკვაა, თუ არ მოიხდინე, ხასიათში არ იცეკვე, არ გამოვა არაფერი. ვუთხარი, შეიძლება, არ გახსოვს, გადაახვიე და ნახე, რა ხასიათში ვიცეკვე სხვა ტურები-მეთქი. ქუჩაში ვიღაცებმა ამ კომენტარის შემდეგ მითხრეს, ჯიგარი ხარო.
- შენ და გოჩას კამერებს მიღმა თუ გისაუბრიათ?
- არა და არც მქონდა ამის სურვილი. გოჩა ჩემთვის სამყაროს ცენტრი არ არის, დიდს არაფერს წარმოადგენს, არის ჟიურის ერთი რიგითი წევრი, მინდოდა, სხვა წევრებისგან არც გამომერჩია, თვითონ მიბიძგა ამისკენ.
- ვინ არის ჟიურის ყველაზე ობიექტური წევრი?
- ნინო სურგულაძე, სოფო შევარდნაძე. სოფო კარგსაც მეუბნებოდა და ცუდსაც. არ უთქვამს, ცუდი ვარცხნილობა გაქვს ან ცუდი კოსტიუმი გაცვია და ამის გამო დაბალ ქულას გიწერო. იცოდა, რომ ჩაცმულობაზე დიზაინერი ზრუნავს, დადგმასა და მოძრაობაზე - ქორეოგრაფი. ოთარ ტატიშვილი ძმაა, სუპერადამიანი. ნიკა ცისკარიძესაც ჰქონდა შენიშვნები ჩემთან, მაგრამ კორექტული. ისიც კი მითხრა, ვერც წარმომედგინა, ფოქსტროტს თუ იცეკვებდიო.
- თვითონ წარმოგედგინა, ამდენ ტურს თუ იცეკვებდი?
- მონდომებული ვიყავი, მაგრამ არიან ძლიერი კონკურსანტები, ვფიქრობ, პროექტი დროულად დავტოვე. თაკო ჩერგოლეიშვილი 13 წელი ქართულ ცეკვას ცეკვავდა, ფანტასტიკური მონაცემები აქვს, ქეთი ხატიაშვილი ტანმოვარჯიშეა და ყველაფერი გამოსდის, ყიფშო მსახიობია და სამსახიობო ოსტატობაში ასე თუ ისე ნასწავლი აქვს ცეკვის ელემენტები. მე არც სამსახიობოზე ვსწავლობდი და არც არასდროს მიცეკვია. იმ ფონზე, რომ გაშეშებული მივედი პროექტში, ეს ექვსი ტური ნორმალურად ჩავატარე.
- რამდენიმე კონკურსანტთან მქონდა ინტერვიუ და ყველა დადებითად გახასიათებდა. ისიც გავარკვიე, რომ ქეთი ხატიაშვილის შვილი შენ გგულშემატკივრობდა, შენ რომელ მათგანს გულშემატკივრობ?
- ყველა იმდენად ჩემია, გამიჭირდება ვარსკვლავებზე საუბარი. ქეთი ხატიაშვილზე ვიტყვი, იმიტომ, რომ ერთადერთი ხალხის რჩეულია და ბევრს მართლა არ უდებს ტოლს. სიამოვნებით ვნახავდი ხალხის რჩეულს რომელიმე ვარსკვლავთან ერთად ფინალში.
- ტრავმები ამ პროექტში ძალიან აქტუალურია. შენც ხომ არ დაშავდი?
- ჯაივის დროს ფეხი ვიტკინე, სცენაზე გასვლის წინ, რამდენიმე საათით ადრე ვკოჭლობდი. გამაყუჩებლები გამიკეთეს, თუმცა მაინც სტრესი იყო.
- ოთარ ტატიშვილის გადაცემაში გოჩა ჩერტკოევი, ფაქტობრივად, დაიტირეთ...
- (იცინის) ოთარი ფანტასტიკური ადამიანია, კარგი იუმორი აქვს. გადაცემაში რომ მიმიწვია, საჩუქარი დამახვედრა, ჩერტკოევის ფოტო, ჩარჩოში ჩასმული. მივაყუდეთ მერე იქვე და ავაგორეთ ამაზე ხუმრობა. სადღეგრძელოებს ვამბობდით ჯერ და მერე ჭიქა მივუდგით ფოტოს, ''ადექი, ბიჭო, სოსო მოვიდა'' დავძახეთ და დატირება გამოგვივიდა (იცინის).
- ოთარს აღარ უნდა ჟიურის სავარძელში ჯდომა?
- სხვათა შორის, გოჩა არ ყოფილა ცუდი ადამიანი. იუმორი რამდენად ესმის, არ ვიცი, მაგრამ არ მგონია, ამაზე გაბრაზდეს. არ მინდა მასზე რაიმე ცუდი ვთქვა,M რადგან პიროვნულად არ ვიცნობ. ჟიურის წევრებს ჰყავთ ''ლიუბიმჩიკები'' .
- შენ არავის ''ლიუბიმჩიკი'' არ იყავი?
- არც მინდოდა ვყოფილიყავი. მე მინდოდა სწორი შენიშვნები, სხვა არაფერი.
- ოჯახის წევრებს თუ ჰქონდათ შენიშვნები?
- მეუღლეს ჰქონდა ცუდი დამოკიდებულება. არც მიმესიჯებდა, იქნებ, მალე დატოვო პროექტიო. მთელი დღე იქ რომ ვიყავი, ოჯახს ნაკლებ ყურადღებას ვაქცევდი. შენიშვნებს უფრო დედაჩემი მეუბნებოდა, მთხოვდა, ეცადე, ბევრი არ ილაპარაკოო.
- კოტიკო, მარიამზე გვიამბე, როგორ მოხიბლე შენი მეორე ნახევარი?
- მარიამს ექვსი წელი ვიცნობდი. გრძნობები და მიწერ-მოწერა იყო. როცა ის შტატებში მიდიოდა, ურთიერთობაში ჩავარდნები გვქონდა. მერე ნელ-ნელა გავხურდით და... მარიამ აბდუშელიშვილი მომღერალია, ახლა უკვე თოლორაიაა. ჯერ ორი გვარი ჰქონდა - აბდუშელიშვილი- თოლორაია, არც ერთ პასპორტში არ ეტეოდა ეს ორი გვარი, გავგიჟდით (იცინის). მას მერე, რაც ამერიკის მოქალაქე გახდა, მხოლოდ ჩემი გვარი დაიტოვა.
- ახლა რას აკეთებს მარიამი?
- ბავშვს უვლის.
- სახლში დასვი?
- არა, მე არ მივეკუთვნები იმ ტიპებს, ვინმე სახლში რომ დავსვა, მით უმეტეს მეუღლე. ვერავის ვერაფერს დავაძალებ. თვითონ მარიამს აქვს აბსოლუტურად ლოგიკური მიდგომა ამ საკითხისადმი. იმის ნაცვლად, რომ ძიძა აუყვანოს სამი თვის ბავშვს, რომელიც ბუნებრივ კვებაზეა, არჩია, თავად მიხედოს.
- შენ რაში ეხმარები მარიამს?
- თუ საჭიროა, დავაძინებ ბავშვს, გავასეირნებ და გამოვუცვლი კიდეც.
- ბავშვი რომ წამოიზრდება, კარიერის გაგრძელებას ურჩევ მარიამს?
- რა თქმა უნდა. მუსიკა მისი ცხოვრებაა, მაგრამ არა ქართული შოუბიზნესი. რეპერი ძვალი მარიამის სიძე იყო, ერთხელ გადაწყვიტეს, დუეტი ჩაეწერათ. მერე ეს სიმღერა ჰიტად იქცა, თორემ ქართულ შოუბიზნესში ჩართვის ინტერესი მარიამს არც ჰქონია. შტატებში, კერძოდ, ბოსტონში თავის კომპოზიციებს აკეთებდა. იმავდროულად უწმინდესისა და უნეტარესის ლოცვა-კურთხევით საგალობლებს ასრულებდა და დღემდე პატრიარქის ერთ-ერთი საყვარელი მომღერალია. თბილი ურთიერთობები აქვთ.
- ბიჭი გყავთ თუ გოგო?
- გაბრიელ-ნიკოლას თოლორაია გვყავს.
- ''ცისფერი მთებია'' ?
- არა (იღიმება), ამერიკაში დაიბადა და იქ ასეთი მოთხოვნაა, ორი სახელი უნდა ჰქონდეს. გაბოს ვეძახით ოჯახის წევრები. სასწაული ვინმეა, ყველა და ყველაფერი დამავიწყა.
- მეორე ბავშვზე არ ფიქრობთ?
- რა გითხრათ, ჯერ საკუთარ ბინაზე ვფიქრობთ. ამ პროექტში მონაწილეობის ერთ-ერთი მიზეზი ესეც იყო... 29 წლის ვარ და ვფიქრობ, ბევრი რამ დავაგვიანე ცხოვრებაში. ისეთი დალაგებული ცხოვრება არ მქონია, ვინმეს ლანგრით მოერთმია რამე ჩემთვის. 13 წლიდან ვმუშაობ. ვცდილობ, ჩემით შევქმნა, ჩემით გავაკეთო. ბავშვობიდან მქონდა ის პრინციპი, რომ მშობლისთვის ფული არ უნდა გამომერთმია და ჩემი შრომით მომეპოვებინა. მადლობა მამაჩემს, რომ ასე გამზარდა და გზაზე დამაყენა. ვწვალობ. ბინაც მინდა მქონდეს, საკუთარი მანქანაც. ოთხ სამსახურში ვმუშაობ, მაგრამ არის რაღაცები ცხოვრებაში, რაც არ გვარდება, რაც უნდა იმუშაო და გაიჭაჭო. დღე და ღამე მუშაობა, შაბათ-კვირის გარეშე, რთულია, ზოგჯერ ეს ყველაფერი ხასიათსაც გიფუჭებს. რაღაცაში იღბალი, გამართლება გჭირდება. ჩვენთან პატიოსანი კაცის შრომა არ ფასდება ისე, როგორც ევროპის სხვა ქვეყნებში.
- ტელეწამყვანობა რატომ აღარ მოგწონს?
- ახლა რამდენიმე ადგილას ვმუშაობ. ტელევიზიაში მუშაობისას სახლიდან რომ გამოდიხარ, არ იცი, როდის შეხვალ, პარალელურად ვერაფერს შეუთავსებ. ტელევიზიაში კი იმდენ ფულს არ გიხდიან, კმაყოფილი რომ იყო.
ნინო მჭედლიშვილი
ჟურნალი ''რეიტინგი''
