ალა პუგაჩოვამ შვილის ფოტო ტელეფონით მეგობრებს აჩვენა

რუსმა მომღერალმა ალა პუგაჩოვამ მეგობრებს ერთ-ერთი ტყუპის ფოტო აჩვენა. ალა პუგაჩოვა და მაქსიმ გალკინი დიზაინერ ვალენტინ იუდაშკინის მეუღლის, მარინას იუბილეზე საპატიო სტუმრები იყვნენ. წვეულებაზე პუგაჩოვამ მეგობრების ცნობისმოყვარეობა დააკმაყოფილა და მათ შვილის, ერთ-ერთი ტყუპისცალის ფოტო ტელეფონით აჩვენა.

შეგახსენებთ, რომ სექტემბერში ალა პუგაჩოვას და მაქსიმ გლკინს სუროგატმა დედამ ტყუპი გაუჩინა.
ამბობენ, რომ პუგაჩოვამ და გალკინმა სუროგატ დედას 100 000 დოლარი გადაუხადეს. რუსეთში სუროგატი დედის მომსახურება საშუალოდ 30 000 დოლარი ღირს. ალასა და მაქსიმის შემთხვევაში, ორი ბავშვი დაიბადა და შესაბამისად თანხა სულ მცირე ორჯერ უნდა გაზრდილიყო.

თავის მხრივ, მედიკოსებს აოცებთ ის ფაქტი, რომ ბავშვების გასაჩენად პუგაჩოვას 11 წლის წინ გაყინული კვერცხუჯრედი გამოიყენეს. მათი თქმით, მაშინ მედიცინა ისეთ დონეზე არ იყო, როგორც დღესაა
და არცერთ სპეციალისტს მომღერლისთვის მისი ბიომასალის შენახვის გარანტიის მიცემა არ შეეძლო.

გარდა ამისა, 35 წელზე უფროსი ქალის კვერცხუჯრედის აღება სახიფათოა, იმ დროს კი პუგაჩოვა 50 წელს გადაცილებული იყო.

ექიმები ირწმუნებიან, რომ ასეთ პირობებში დიდია ალბათობა, რომ ჯანმრთელი ბავშვი არ დაიბადება. შესაბამისად, ისინი ვარაუდობენ, რომ ელიზაბეტისა და ჰარისთვის დონორის კვერცხუჯრედი გამოიყენეს.
starslife.ru-ს მიხედვით.