რატომ გადაუღებდა იკა პირველი მაკა ჩიჩუას სევდიან ფოტოებს
3 058 ნახვა
იკა პირველი ერთ-ერთია იმ ქართველი ფოტოგრაფებიდან, რომლის ფოტოებიც განსაკუთრებულად გამორჩეულია და მისი ინდივიდუალური ხედვა თითოეულ ფოტოში კარგად ჩანს. პროფესიით გეოგრაფია, იყო დრო, როცა ფოტოგრაფიაზე უარი თქვა, მაგრამ ბოლოს მაინც საყვარელ საქმეს დაუბრუნდა. ახლა საკუთარი სტუდია აქვს, მაგრამ ბოლომდე ვერ გაურკვევია, როგორ მოხვდა მოდის ფოტოგრაფიაში. ესწრება ჩვენებებს, სხვადასხვა დიზაინერის კოლექციებსაც იღებს, მაგრამ მაღალ ხელოვნებას არ ღალატობს და როდესაც მოგზაურობს და ან განსაკუთრებულ კადრს დაიჭერს, ფოტოაპარატის გამოყენება არ ეზარება და ლამაზ კადრს ფოტოზე სამუდამოდ აღბეჭდავს.
- დავიბადე და გავიზარდე თბილისში. პროფესიით გეოგრაფი ვარ. 17 წლის ვიყავი, სახლში ფოტოაპარატი რომ აღმოვაჩინე და სურათების გადაღება დავიწყე. შემდეგ მქონდა მობეზრების პერიოდიც, მაგრამ ბოლოს ისევ დავუბრუნდი. საკუთარი ფოტოაპარატი შევიძინე და ჩემს პატარა დისშვილს, ლიზას, უამრავ სურათს ვუღებდი. ბავშვს თავს ვაბეზრებდი. მერე თურქეთში მომიხდა წასვლა, სადაც თოლიებს ძალიან ლამაზი სურათი გადავუღე. დღემდე არ მესმის, მოძრავ ფრინველებს ასეთი ფოტო როგორ გადავუღე. როდესაც სურათი ჩემმა მეგობარმა კახა შარტავამ ნახა, მოეწონა და მითხრა, რომ ეს საქმე უნდა გამეგრძელებინა. ერთ-ერთ ფორუმზე დავრეგისტრირდი და ორ დღეში ერთხელ ჩემს გადაღებულ ფოტოებს ვტვირთავდი. იყო კრიტიკა, მაგრამ ვცდილობდი, ისეთი სურათები დამედო, რომ მოწონება დაემსახურებინა.
- შენს არქივშია შიშველი გოგონას ფოტოსესია...
- ის მოდელი არ ყოფილა, უბრალოდ, გადავწყვიტეთ, რომ ფოტოსესია ჩაგვეტარებინა. ზეთამამი გოგონაა და კარგად გამოსდის პოზირება. მას შემდეგ არ შემხვედრია გოგონა, რომელიც ასეთი თამამი იქნებოდა. ფოტოსესიას „ევა და ვაშლი“ დავარქვი, ჰაერში ძაფებით უამრავი ვაშლი დავკიდე და ისე ვიღებდი, რომ ძაფი არ გამოჩენილიყო. ეს სურათები ყველას ძალიან მოეწონა. სიურრეალისტური გადაღება იყო. მას შემდეგ დიდი ხანი გავიდა, მაგრამ განსაკუთრებულად მახსენდება. დღეს უკვე ბევრი შეკვეთა მაქვს, მაგრამ თავადაც ვერ გავიგე, როგორ მოვხვდი მოდის ფოტოგრაფიაში.
- მოდელებიდან ვინ პოზირებს ყველაზე კარგად?
- კრისტი ყიფშიძე, მაგრამ ამ შემთხვევაში გამოცდილება არაფერ შუაშია. შეიძლება, მოდელი დიდხანს იყოს ამ სფეროში, მაგრამ კამერის წინ იდგეს და შენ გელოდებოდეს, როდის ეტყვი რა გააკეთოს. განსაკუთრებულად მახსენდება დიზაინერ აკა ნანიტაშვილის მოდელების ფოტოსესია. მაშინ მსახიობი თინა დალაქიშვილი გადავიღე და დღემდე განსაკუთრებულად მომწონს მისი სურათები. მსახიობებიდან გადამიღია ნინო ლეჟავაც. ერთხელ გიორგი ნაზღაიძეს სააგენტოში გასაგზავნად დასჭირდა და პორტფოლიოსთვის ნახევრად შიშველი ფოტოები გადავუღე. მესმის მისი, როდესაც შოუბიზნესში ხარ, გჭირდება მსგავსი რაღაცები და მეც სიამოვნებით შევუწყვე ხელი ამ ინტრიგას.
- ძირითადად რა ფიზიკური ნაკლი აქვთ ქართველ მოდელებს?
- განიერი თეძოები და წონა. მომწონს, ბოლო დროს აქტიურად რომ დაიწყო ჯანსაღი ცხოვრების წესის პროპაგანდა.
- პოლიტიკოსი ქალბატონებიდან და მამაკაცებიდან ვის გადაიღებდი?
- სალომე ზურაბიშვილს... საინტერესო ქალია, ეტყობა, რომ ევროპაშია ნაცხოვრები. სახეზე ინტელექტი აქვს ასახული. რაც შეეხება მამაკაცებს, გამხდარი ხალხი მიყვარს. ახლა ვერც ერთს ვერ ვიხსენებ.
- ქართულ პოლიტიკაში მძიმეწონიანი მამაკაცები ჭარბობენ, პრემიერ-მინისტრი ირაკლი ღარიბაშვილია შედარებით გამხდარი...
- (იცინის) ვფიქრობ, მაგრამ არავინ მახსენდება. ალბათ, პეტრე ცისკარიშვილი... ყველაზე საინტერესო გადასაღები მაინც გიორგი თარგამაძე მგონია. ტომ კრუზის გარეგნობა აქვს. თმით, იერით ჰგავს.
- პრეზიდენტის მეორე ნახევარს თუ გადაიღებდი?
- მაკა ჩიჩუა საინტერესო ქალია. ჩემი კოლეგის ფოტოსესია ვნახე, მაგრამ მე ცოტა სხვანაირად გადავიღებდი. უფრო შავ- თეთრ პორტრეტებზე ვხედავ, ბევრი ჩრდილით. ჩემს ფოტოებში ცოტა დრამატული, სევდიანი იქნებოდა. ეტყობა, რომ ხელოვანია და მომწონს. სხვათა შორის, განსაკუთრებულად კარგად ვიღებ მსახიობებს.
- შენი საყვარელი ფოტო რომელია?
- ქობულეთში ვისვენებდი, გარეთ წვიმდა და ამ დროს კაფეში ვიჯექი. გზად ვიღაც ქოლგით მიდიოდა და თან ჰორიზონტი ჩანდა. ასევე ძალიან მომწონს ჩემი ავტოპორტრეტი. სახლშიც დავკიდე დიდი ზომის და ყველას ნახატი ჰგონია.
- იკა, წელიწადის რომელი დრო გიყვარს გადასაღებად?
- განსაკუთრებულად ზაფხული. ასევე შემოდგომა და გაზაფხული. ზამთარი, სიცივე არ მიყვარს... ჩემს ფოტოარქივში არ არის ზამთარში გადაღებული ფოტოები. საერთოდ, ძალიან ცვალებადი ხასიათი მაქვს, შეიძლება, დადგეს ჩემს ცხოვრებაში პერიოდი, უარი ვთქვა ამ ყველაფერზე და სხვა გზა ავირჩიო.
- ყველა ხელოვანი ოცნებობს პროექტებზე, რომლებიც ჯერ არ განუხორციელებია. შენ რაზე ოცნებობ?
- აუცილებლად წავიდოდი საქართველოდან, ჰოლივუდში და პორტრეტებზე ვიმუშავებდი. პირველ რიგში, გადავიღებდი მერილ სტრიპს, ასევე შარლიზ ტერონს, ჯულია რობერტსს, ბრეტ პიტსა და რობერტ დე ნიროს. იმედია, ეს ოცნება ოდესმე ამისრულდება.
ნინო გიგიშვილი
ჟურნალი „რეიტინგი“
- დავიბადე და გავიზარდე თბილისში. პროფესიით გეოგრაფი ვარ. 17 წლის ვიყავი, სახლში ფოტოაპარატი რომ აღმოვაჩინე და სურათების გადაღება დავიწყე. შემდეგ მქონდა მობეზრების პერიოდიც, მაგრამ ბოლოს ისევ დავუბრუნდი. საკუთარი ფოტოაპარატი შევიძინე და ჩემს პატარა დისშვილს, ლიზას, უამრავ სურათს ვუღებდი. ბავშვს თავს ვაბეზრებდი. მერე თურქეთში მომიხდა წასვლა, სადაც თოლიებს ძალიან ლამაზი სურათი გადავუღე. დღემდე არ მესმის, მოძრავ ფრინველებს ასეთი ფოტო როგორ გადავუღე. როდესაც სურათი ჩემმა მეგობარმა კახა შარტავამ ნახა, მოეწონა და მითხრა, რომ ეს საქმე უნდა გამეგრძელებინა. ერთ-ერთ ფორუმზე დავრეგისტრირდი და ორ დღეში ერთხელ ჩემს გადაღებულ ფოტოებს ვტვირთავდი. იყო კრიტიკა, მაგრამ ვცდილობდი, ისეთი სურათები დამედო, რომ მოწონება დაემსახურებინა.
- შენს არქივშია შიშველი გოგონას ფოტოსესია...
- ის მოდელი არ ყოფილა, უბრალოდ, გადავწყვიტეთ, რომ ფოტოსესია ჩაგვეტარებინა. ზეთამამი გოგონაა და კარგად გამოსდის პოზირება. მას შემდეგ არ შემხვედრია გოგონა, რომელიც ასეთი თამამი იქნებოდა. ფოტოსესიას „ევა და ვაშლი“ დავარქვი, ჰაერში ძაფებით უამრავი ვაშლი დავკიდე და ისე ვიღებდი, რომ ძაფი არ გამოჩენილიყო. ეს სურათები ყველას ძალიან მოეწონა. სიურრეალისტური გადაღება იყო. მას შემდეგ დიდი ხანი გავიდა, მაგრამ განსაკუთრებულად მახსენდება. დღეს უკვე ბევრი შეკვეთა მაქვს, მაგრამ თავადაც ვერ გავიგე, როგორ მოვხვდი მოდის ფოტოგრაფიაში.
- მოდელებიდან ვინ პოზირებს ყველაზე კარგად?
- კრისტი ყიფშიძე, მაგრამ ამ შემთხვევაში გამოცდილება არაფერ შუაშია. შეიძლება, მოდელი დიდხანს იყოს ამ სფეროში, მაგრამ კამერის წინ იდგეს და შენ გელოდებოდეს, როდის ეტყვი რა გააკეთოს. განსაკუთრებულად მახსენდება დიზაინერ აკა ნანიტაშვილის მოდელების ფოტოსესია. მაშინ მსახიობი თინა დალაქიშვილი გადავიღე და დღემდე განსაკუთრებულად მომწონს მისი სურათები. მსახიობებიდან გადამიღია ნინო ლეჟავაც. ერთხელ გიორგი ნაზღაიძეს სააგენტოში გასაგზავნად დასჭირდა და პორტფოლიოსთვის ნახევრად შიშველი ფოტოები გადავუღე. მესმის მისი, როდესაც შოუბიზნესში ხარ, გჭირდება მსგავსი რაღაცები და მეც სიამოვნებით შევუწყვე ხელი ამ ინტრიგას.
- ძირითადად რა ფიზიკური ნაკლი აქვთ ქართველ მოდელებს?
- განიერი თეძოები და წონა. მომწონს, ბოლო დროს აქტიურად რომ დაიწყო ჯანსაღი ცხოვრების წესის პროპაგანდა.
- პოლიტიკოსი ქალბატონებიდან და მამაკაცებიდან ვის გადაიღებდი?
- სალომე ზურაბიშვილს... საინტერესო ქალია, ეტყობა, რომ ევროპაშია ნაცხოვრები. სახეზე ინტელექტი აქვს ასახული. რაც შეეხება მამაკაცებს, გამხდარი ხალხი მიყვარს. ახლა ვერც ერთს ვერ ვიხსენებ.
- ქართულ პოლიტიკაში მძიმეწონიანი მამაკაცები ჭარბობენ, პრემიერ-მინისტრი ირაკლი ღარიბაშვილია შედარებით გამხდარი...
- (იცინის) ვფიქრობ, მაგრამ არავინ მახსენდება. ალბათ, პეტრე ცისკარიშვილი... ყველაზე საინტერესო გადასაღები მაინც გიორგი თარგამაძე მგონია. ტომ კრუზის გარეგნობა აქვს. თმით, იერით ჰგავს.
- პრეზიდენტის მეორე ნახევარს თუ გადაიღებდი?
- მაკა ჩიჩუა საინტერესო ქალია. ჩემი კოლეგის ფოტოსესია ვნახე, მაგრამ მე ცოტა სხვანაირად გადავიღებდი. უფრო შავ- თეთრ პორტრეტებზე ვხედავ, ბევრი ჩრდილით. ჩემს ფოტოებში ცოტა დრამატული, სევდიანი იქნებოდა. ეტყობა, რომ ხელოვანია და მომწონს. სხვათა შორის, განსაკუთრებულად კარგად ვიღებ მსახიობებს.
- შენი საყვარელი ფოტო რომელია?
- ქობულეთში ვისვენებდი, გარეთ წვიმდა და ამ დროს კაფეში ვიჯექი. გზად ვიღაც ქოლგით მიდიოდა და თან ჰორიზონტი ჩანდა. ასევე ძალიან მომწონს ჩემი ავტოპორტრეტი. სახლშიც დავკიდე დიდი ზომის და ყველას ნახატი ჰგონია.
- იკა, წელიწადის რომელი დრო გიყვარს გადასაღებად?
- განსაკუთრებულად ზაფხული. ასევე შემოდგომა და გაზაფხული. ზამთარი, სიცივე არ მიყვარს... ჩემს ფოტოარქივში არ არის ზამთარში გადაღებული ფოტოები. საერთოდ, ძალიან ცვალებადი ხასიათი მაქვს, შეიძლება, დადგეს ჩემს ცხოვრებაში პერიოდი, უარი ვთქვა ამ ყველაფერზე და სხვა გზა ავირჩიო.
- ყველა ხელოვანი ოცნებობს პროექტებზე, რომლებიც ჯერ არ განუხორციელებია. შენ რაზე ოცნებობ?
- აუცილებლად წავიდოდი საქართველოდან, ჰოლივუდში და პორტრეტებზე ვიმუშავებდი. პირველ რიგში, გადავიღებდი მერილ სტრიპს, ასევე შარლიზ ტერონს, ჯულია რობერტსს, ბრეტ პიტსა და რობერტ დე ნიროს. იმედია, ეს ოცნება ოდესმე ამისრულდება.
ნინო გიგიშვილი
ჟურნალი „რეიტინგი“
