• დათა თუთაშხია: "ჩემ დღეშია, საწყალი ბიძინა..."

    ალბათ, დიდი სიცხეების ბრალია, ძვირფასო მკითხველო, ჩვენი ფანტაზიის ასე შორს წასვლა და უკვდავი რომანის გმირთან ინტერვიუს ჩაწერა. თუმცა, სხვა ვერსიაც გვაქვს - რესპონდენტების ერთი და იმავე აზრების მოსმენა მოგვწყინდა. მაშ, ასე, გთავაზობთ ინტერვიუს დათა თუთაშხიასთან.

    - მოგესალმებით, დათა ბატონო, როგორ ბრძანდებით?
    - კაი გამარჯობა შენი... როგორ ვიქნები ამ მთავრობის ხელში? კაცი არ მომიკლავს ჯერ და ესენი მომაკვლევინებენ ნამდვილად...
    - ვის ემუქრებით, დათა ბატონო, თუ საიდუმლო არ არის?
    - ჩინელებს! მე, დათა თუთაშხიას, ტყეში არ მიშვებენ, ეგ წუპაკი მამაძაღლები...
    - მხოლოდ ეს არის თქვენი წყრომის მიზეზი?
    - არა, მიზეზების მეტი რაა! აბელა სეთურის მერე თუ რამე გამიკვირდებოდა, არ მეგონა ნამდვილად, მარა, თქვენ რომ გიყურებთ, სეთურის ხალხი მონაგონია, ასე მგონია მე...
    - მოდი, კონკრეტულ კითხვებზე გადავიდეთ... არჩევნები ახლოვდება, ვის უჭერთ მხარს?
    - არავის საქმეში არ ვერევი მე და ნურც ნურავინ ჩაერევა ჩემსაში-მეთქი, ვთქვი ერთხელ! არ მჯერა მე მაგ პარტიების, მარა ახლა ნამეტანი ცუდადაა საქმე. რაღაც უნდა შეიცვალოს, თორემ შეჭამეს ქვეყანა გათახსირებულებმა. მუშნის არ იყოს: კაცი უნდა ეყოს ფულს და არა - ფული კაცს... ამათ არაფერი არ ყოფნით, ასეა ეს!..

    - ბიძინა ივანიშვილზე რას იტყვით?
    - რა უნდა ვთქვა, ჩემ დღეშია, საწყალი... ვისაც ჩააცვა, ისინი ხდიან სწორედ, მარა ვიცი, არ შეარჩენს არასდიდებით...
    - ამბობენ, გააყალბებენ არჩევნებს ნაციონალებიო...
    - ბიძინას რომ გაუყალბონ, ის კაცები არ არიან ნაციონალები, "გრეჩიხას" რომ გაუყალბებენ, ის კაცები არიან...
    - ვანო მერაბიშვილს იცნობთ, არა?
    - ხელმწიფის ტოლი გამხდარა აგერ, ახლა... კი ვიცნობ, ჭკვიანი კაცია, მაგრამ მასეთი კაცები რატომ მიდიან მიშას სამსახურში, მაცოდინა ნეტავი...
    - აუცილებლად უნდა გკითხოთ რუსეთ-საქართველოს ომზე... თქვენც ხომ რუსეთს ებრძოდით?
    - ვებრძოდი და ვებრძვი კიდევაც, მაგრამ სიფრთხილე გვმართებს... მგლის ფიქრი მარტო ის კი არაა, ვინმე შევჭამოო, იმასაც ფიქრობს მგელი - ისეთი შევჭამო, არ დამასწროს და აქეთ არ შემჭამოსო. მგელი ფიქრობს ასე და ადამიანმა რატომ არ უნდა იფიქროს ვითომ?
    - თქვენ შევარდნაძესაც არ წყალობდით.

    - მართალიც ვიყავი. ვამბობდი მე: არ უნდა დასცალდეს შევარდნაძეს მისი აღმოჩენილი ახალგაზრდების გაზრდა, თორემ თუ გაზარდა, მასზე უკეთესი რატომ გამოვა რომელიმე-მეთქი, მაგრამ ვინ დამიჯერა?!
    - ამომრჩევლის მოსყიდვასთან დაკავშირებით დიდი ამბებია ატეხილი, თუმცა ამას წინათ აღმოჩნდა, რომ თავად ხელისუფლება ხალხს ფქვილს ურიგებს, ეს არ არის მოსყიდვა?
    - ხალხს მინდა ვუთხრა: ფქვილი არ აიღოთ, ხალხო, გაგაფუჭებთ და წაგახდენთ ეგ ფქვილი!
    - და ბოლოს, რას ეტყვით ჩვენს პრეზიდენტს?
    - წადი შენი გზით, მიშა, ბიძიკო!


    2 557 ნახვა
    25-07-2016, 20:50
    GOGATV