სარფიანი ქორწინება თუ სიყვარული?

არ ვიცი, ევროპულ ქვეყნებში ქორწინების საკითხში რა როგორაა, მაგრამ საქართველოში რატომღაც ქორწინების სარფიანობას იმის მიხედვით განსაზღვრავენ ხოლმე ხშირად, თუ რამდენად მდიდარი ოჯახიდან შემოდის რძალი ან სიძე.ეს რომ სწორი მიდგომა არაა, ყველა დამეთანხმებით, ალბათ, მაგრამ მაინც ვერ გავექცევით ჩვენს "ვაიკულტურას" და გვიწევს ასეთ სიტუაციებთან შეჯახება, ოჯახი რომ შვილს აღარ ელაპარაკება იმის გამო, რომ ღარიბს გაჰყვა და შეარცხვინა ოჯახი ან მოიყვანა ღარიბი გოგონა და ეს არ მოსწონთ მშობლებს...რა თქმა უნდა, ღვთის მადლით, ყველა ასე არ უდგება ამ საკითხს და დღევანდელ საზოგადოებაში საკმაოდ მცირდება ისეთი ადამიანების რიცხვი, ვინც ხმამაღლა ამბობს, რომ უკმაყოფილოა ქორწინების, რადგან მეუღლეს კარგი შემოსავალი არ აქვს.

თუმცა არიან ზედმეტად დაუკვირვებლებიც, ვითომ რომ მთავარი მათს ცხოვრებაში სიყვარულია და სხვას არაფერს არ დაგიდევენ.დროთა განმავლობაში კი სიღარიბე ისე გამოსჭამთ ხოლმე გვერდებს, სიყვარული აღარ ახსოვს არავის.

მგონი საუკეთესო ვარიანტი ქორწინების დროს ის იქნებოდა, ყოფილიყო წყვილს შორის დიდი სიყვარული, ელემენტარული გაგება და ცოტაოდენი ფული (ბევრი არა), ადამიანის აუცილებელი მოთხოვნილებების დასაკმაყოფილებლად.მაგრამ ბევრისთვის ეს სულაც არაა საკმარისი და სიყვარული არაფრად უღირთ, თუ ფული არ აქვს პარტნიორს.ეს ალბათ რთული შემთხვევაა და არ მინდა, ჩავეძიო.

ყველას გისურვებთ ისეთ ძლიერ სიყვარულს, ფული რომ მასზე წინ არ დაეყენებინოს არასდროს თქვენს რჩეულს...

წყარო