საოცარი რეალობა სულთანისა და მისი ცოლების შესახებ

2011-2012 წლებში თურქებმა გადაიღეს სერიალი, რომელიც თურქეთის მე16 საუკუნის რეალობაზეა დაფუძნებული. რა ხდებოდა მაშინ სასახლეში და როგორი იყო პოლიტიკური ვითარება...

სერიალი იწყება სულთან სულეიმანის ტახტზე ასვლით და გვაჩვენებენ თავიანთი უნიკალური იუმორით და საქმის უბადლო შესრულებით, თუ როგორ მიმდინარეობდა ქვეყანაში ესა თუ ის პროცესი.

სულთან სულეიმანს მოსიყვარულე ცოლი და 5 წლის ბიჭი ჰყავდა, როდესაც მის სასახლეში უკრაინელი გოგონა მოიყვანეს მის ხარჭად.გოგონას ალექსანდრა ერქვა.ერთ დღეს გამოაწყვეს ლამაზად და სულთანის აპარტამენტში შეუშვეს.პირველად ისტორიაში სულთანმა ღამე გაათენა ქალთან ერთად და მეორე დღეც გადააბა ისე, რომ აღარც კი ახსოვდა, ის ღამე ცოლთან ერთად რომ უნდა გაეტარებინა.სხვა ხარჭებს ყოველთვის უკან უშვებდა ნახევარი საათის შემდეგ.ალექსანდრა კი ისე მოეწონა, სახელიც შეუცვალა და ყველაზე ლამაზი სიტყვების აღმნიშვნელი "ხიურ რემ" დაარქვა.

სულთანის ცოლი ყველანაირად ცდილობს ამ გოგონასგან გათავისუფლებას, მაგრამ არაფერი არ გამოსდის. საბოლოოდ სულთანი თავის პირველ ცოლს ზედაც აღარ უყურებს და ჰიურემზე ქორწინდება. ხუთ შვილს აჩენენ და ცხოვრობენ უდიდესი ემოციებით, უბედურებებითა და სიხარულით სავსე სასახლეში. სადაც ქმრისა და შვილების გარდა ეს ქალი არავის არ უყვარს. მიზეზი კი მხოლოდ ის არის, რომ სულთანი ყველანაირ გამონაკლისს უშვებს მისთვის, იმდენად უყვარს.

არც ერთი სერია არ ჰგავს ტიპურ სერიალს, არის შესანიშნავად გადაღებული. მონაწილეობენ ულამაზესი მსახიობები შესანიშნავი იუმორის გრძნობით.

გადაღებულია ორი სეზონი და ახლა მესამეს იღებენ.როგორც გავიგე, ბრედ პიტიც კი დათანხმდა ამ სერიალში გადაღებას და მალე სულთან სულეიმანის მოწინააღმდეგედ მოგვევლინება მე16 საუკუნის ფორმაში.

პირველ სურათზე ჰიურემის როლის შემსრულებელია, მეორე სურათზე_ნამდვილი ხიურემი.მესამე სურათზე_სულეიმანის როლის შემსრულებელი და მეოთხეზე_ნამდვილი სულეიმანი, რომელმაც დაიპყრო თითქმის მთელი ევროპა და იმპერატორადაც კი მოიხსენიებოდა თავის დროში.