''გრძნობა განელებული რომ არ ყოფილიყო, ახლაც ერთად ვიქნებოდით'' ...
1 745 ნახვა
''იმედის'' არხზე ცოტა ხნის წინ გამოჩნდა ახალი სერიალი ''ჩვენი ამბავი'' , რომელმაც ''შუა ქალაქში'' ჩანაცვლა. ესეც სიტუაციური კომედიაა, დაკომპლექტებული სხვა მსახიობებით და განსხვავებული სცენარით.
''ჩვენს ამბავში'' ერთ-ერთ მთავარ როლს მუსიკისა და დრამის თეატრის მსახიობი ტატო ჩახუნაშვილი ასრულებს, რომელსაც მაყურებელი სულ ცოტა ხანში ''ჯი-დი-ეს'' -ზეც იხილავს. მანამდე კი მასთან ჩაწერილ შემოქმედებით ინტერვიუს გთავაზობთ, რომელიც პირადი დეტალებითაცაა გაჯერებული. ინფორმაციისთვის გეტყვით, რომ ტატოს და ''ჩემი ცოლის დაქალების'' მსახიობ მაკა ძაგანიას რამდენიმე წლის განმავლობაში სასიყვარულო ურთიერთობა ჰქონდათ, დაშორების თემაზე და ზოგადად, წყვილის ურთიერთობაზე თავად ტატო გესაუბრებათ.
- სერიალში ვთამაშობ მწერალ ზურა თარხან-მოურავს, რომელიც თავის დროზე წარმატებული გახლდათ, მაგრამ ახლა შემოქმედებითი კრიზისი აქვს და ვერაფრის დიდებით ვერ წერს მეორე წიგნს, ეს კი განპირობებულია იმით, რომ ცოლთან აქვს პრობლემები, ბევრჯერ დაშორდნენ, შერიგდნენ, ბოლოს იქამდე მივიდნენ, რომ ხელიც კი გააწერეს, თუმცა მაყურებელს ვეტყვი, რომ სიურპრიზი ელოდება - ქეთი და ზურა შერიგდებიან, ხელსაც მოაწერენ და თაფლობის თვის გასატარებლად ეგვიპტეშიც წავლენ.
- რეალურად რამდენად აისახება თქვენი პირადი პრობლემები შემოქმედებაზე?
- თავისთავად აისახება. სცენარი ციდან ჩამოვარდნილი ამბებით არ იწერება, სცენარისტები კონკრეტულ ადამიანებზე არ წერენ, მაგრამ სცენარში ბევრი ისეთი ფაქტია ჩადებული, რაც რეალობასთან ახლოსაა. ცხოვრება დალაგებულად და დაწყობილად არ მიდის, როცა პრობლემა და საფიქრალი გაქვს, ეს შენი ნამუშევრის ხარისხსაც ეტყობა და ამას ალბათ მაყურებელიც გრძნობს და ხვდება.
- რა საერთო აქვთ ტატოსა და ზურას, ანუ თქვენ და თქვენს გმირს?
- საერთო გვაქვს ის, რომ მასაც და მეც ძალიან კარგი მეგობრები გვყავს, პირადად მე ვამაყობ მათით. ზურას, ისევე როგორც მე, მეგობრები გაჭირვებაშიც და ლხინშიც გვერდით უდგანან და ბევრ ისეთ რამეს უკეთებენ, რაც მან შეიძლება, არც კი იცის, მაგრამ ისინი ცდილობენ, ჩემს გმირს ბედნიერად აგრძნობინონ თავი და მდგომარეობიდან გამოიყვანონ. კიდევ საერთო გვაქვს ის, რომ ორივეს გვიყვარს წიგნის კითხვა, ამ შემთხვევაში ზურას წიგნის წერაც მოსწონს, მაგრამ ტატო ამისგან შორსაა. ზურას უყვარს დალევა, მეც, ისევე როგორც ყველა ქართველ მამაკაცს, ოღონდ ზომიერების ფარგლებში. ზურა თუ შეყვარებულია, ძალიან ერთგულია, ორიენტირებულია მხოლოდ ერთ ადამიანზე და არ ცდილობს სხვასთან ურთიერთობის გაბმას, მთელი სეზონის განმავლობაში მხოლოდ ერთხელ ჰქონდა სხვა ქალთან კონტაქტის დამყარების მცდელობა, მაგრამ მალევე მიხვდა, რომ ეს მისი საქმე არ იყო და დაანება თავი. მეც, თუ შეყვარებული ვარ, მიყვარს და ვუერთგულებ მას ბოლომდე, თუმცა ამ ეტაპზე არ ვარ შეყვარებული და ამ საკითხში ჩემს გმირს ვერ დავემთხვევი.
- შაბათ-კვირას ათ საათზე, ''ჩვენი ამბის'' პარალელურად, გადის ძალიან რეიტინგული სერიალი ''ჩემი ცოლის დაქალები'' , ამის ფონზე შეგიძლიათ გვითხრათ, როგორი გამოხმაურება აქვს თქვენს სერიალს?
- საქართველოში ძალიან ძნელია თავის დამკვიდრება, ''შუა ქალაქში'' ჩაანაცვლა სერიალმა ''ჩვენი ამბავი'' და ეს ცვლილება მაყურებელმა საკმაოდ რთულად მიიღო. თუმცა მერე და მერე აშკარად წამოვიდა სითბო, მაგრამ თავიდან ასე არ იყო, ახლა სულ სხვაგვარ სტატუსებს წერენ და სხვაგვარი გამოხმაურება აქვს. ''ჩემი ცოლის დაქალებს'' თავისი მაყურებელი ჰყავს, ჩვენ კი ჩვენი, პირადად მე ძალიან იშვიათად ვუყურებ ქართულ სერიალებს, მაგრამ რომელს აირჩევს ადამიანი, ეს უკვე მის განწყობაზეა დამოკიდებული, სხვადასხვა არხი იმისთვის არსებობს, რომ რაც უნდათ, იმას უყურონ. უბრალოდ, ქართველი მაყურებელი ძალიან პრეტენზიულია და ვერ იტანს ცვლილებებს.
- ''ჩემი ცოლის დაქალებში'' თამაშობს მაკა ძაგანია, რომელთანაც სასიყვარულო ურთიერთობა გქონდათ, ამის შესახებ ჩვენს ჟურნალშიც დაიწერა. რა გახდა თქვენი დაშორების მიზეზი? მით უმეტეს, რომ საკმაოდ დიდხანს იყავით ერთად.
- მართალია, გვქონდა გრძელვადიანი ურთიერთობა, მაგრამ დამთავრდა, რამე კონკრეტული არ მომხდარა. რაღაც პერიოდი ვიყავით ერთად, მაგრამ მერე აღმოჩნდა, რომ უნდა დავშორებოდით, ამას რაიმე კონკრეტული მიზეზი ნამდვილად არ ჰქონია და ამის შესახებ ვერც მე და ვერც მაკა ვერაფერს ვიტყვით.
- დაშორების შემდეგ თუ შეხვედრიხართ ერთმანეთს, ნაცნობობის დონეზე მაინც თუ აგრძელებთ ურთიერთობას?
- მართალი გითხრათ, მას შემდეგ არსად შევხვედრივართ ერთმანეთს, არსად არ გადაკვეთილა ჩვენი გზები.
- რამდენად რთული გადასატანი იყო ეს დაშორება? ზემოთ თქვით, ვინც მიყვარს, მიყვარს ბოლომდეო, ამას თუ გავითვალისწინებთ, მარტივი არ უნდა ყოფილიყო.…
- კი, ასე ვარ მაშინ, როცა საქმე ეხება ნამდვილ სიყვარულს და როცა ურთიერთობაში ყველაფერი დალაგებულია. ჩვენთან კი მოვლენები ისე განვითარდა, ურთიერთობას ეს ფინალი უნდა ჰქონოდა. ჩვენი ერთად ყოფნის პირველივე წელს რომ დავშორებოდით ერთმანეთს, ალბათ ძალიან ცუდ დღეში ჩავვარდებოდი და დეპრესიული გავხდებოდი, მაგრამ ყველაფერი ისე მომწიფდა, რომ დეპრესიამაც აღარ იჩინა თავი.
- ანუ შეიძლება ითქვას, რომ გარკვეულწილად გრძნობა განელებული იყო და ამან მიგიყვანათ ურთიერთობის დასრულებამდე?
- კი, გრძნობა განელებული რომ არ ყოფილიყო, ჩვენ ახლაც ერთად ვიქნებოდით.
- მაკაზე, როგორც მსახიობზე, რას იტყვით, როგორ შეაფასებთ?
- სიმართლე გითხრათ, ''ჩემი ცოლის დაქალების'' თითზე ჩამოსათვლელის სერია მაქვს ნანახი, ისიც ერთად ყოფნის დროს. რაც ვნახე, იმის მიხედვით შემიძლია გითხრათ, რომ მაკა ძალიან ნიჭიერი ადამიანია, თუმცა მის ნიჭიერებაში არც მანამდე მეპარებოდა ეჭვი, წარმატებები მინდა ვუსურვო არა მარტო სერიალში, არამედ სცენაზეც, სადაც ასევე კარგად აკეთებს თავის საქმეს.
- როგორ ფიქრობთ, ჰგავს თინა მაკას?
- არა, რადიკალურად განსხვავდება, რეალურად სულაც არაა მაკა კაცთმოძულე ფემინისტი, ჩვენი ერთად ყოფნის დროს ნამდვილად არ ჰგავდა თინას და მეეჭვება, რომ ამ ასაკში შეიცვალოს.
- ახლა რა ხდება თქვენს პირად ცხოვრებაში, არის რაიმე ახალი, საინტერესო?
- არაფერი, სრულიად თავისუფალი ვარ და ძალიან კომფორტულად ვგრძნობ თავს.
- რაც შეეხება სერიალს ''პანიკის გარეშე'' , რომელიც სულ მალე ''ჯი-დი-ეს'' -ზე უნდა დაიწყოს... ერთდროულად ორ სხვადასხვა არხზე მუშაობა, როგორც ვხვდებით, პრობლემას არ წარმოადგენს?
- არა, ჯერჯერობით არ ქმნის პრობლემას, მაგრამ მერე თუ დავდექი არჩევანის წინაშე, ძალიან გამიჭირდება გადაწყვეტილების მიღება, ჯერ ამაზე არ ვფიქრობ.
- ვიცით, რომ ეს იქნება მისტიკური კომედია, მაგრამ უფრო მეტი გვაინტერესებს სერიალის შესახებ.
- ძალიან საინტერესო სამუშაოა, რადგან ბევრი ჟანრია გაერთიანებული ერთმანეთში, კარგი მასალაა კომედიის, ფანტასტიკის, დეტექტივის ელემენტებით. რაც შეეხება ჩემს გმირს, მისი სახელია ''ბალნოი'' , ანუ ავადმყოფი, სახელიდან გამომდინარე, როგორი იქნება, ალბათ ხვდებით. მე, გიორგი გიორგანაშვილი და მარიამ ნადირაშვილი ვთამაშობთ მეგობრებს, რომლებიც აშკარად არ არიან დალაგებულები. ამ სამ ადამიანს გამოეცხადებათ ბაბუა იმ ქვეყნიდან და მაშინ იწყება საოცრებები...
- ტატო, პოპულარობაზე მინდა გკითხოთ, რაოდენ ცნობილიც უნდა იყოს ადამიანი, ტელევიზიაში ხშირი გამოჩენის შემდეგ იზრდება მისი პოპულარობა, თქვენ იგრძენით უკვე ეს?
- კი, ამ დროს ბავშვები არიან განსაკუთრებულად კარგი სანახავები, თავიდან გაოგნებული სახეები აქვთ, მერე მიხვდებიან, რომ ''ის'' ხარ და შემდეგ ყველაზე კარგად და ალალად გამოხატავენ თავიანთ გრძნობებს.
- დასასრულ, თეატრის შესახებაც გვითხარით, თუ მუშაობთ ახალ სპექტაკლზე.
- ერთი თვის წინ გვქონდა პრემიერა ნინო ბურდულის სპექტაკლისა ''ინტერმედია'' , მას შემდეგ ახალი არაფერია, თუმცა ვთამაშობთ ძველ სპექტაკლებს, საახალწლოდ იგეგმება სიახლები და ვნახოთ, როგორ განვითარდება მოვლენები.
ციცი ომანიძე
ჟურნალი ''რეიტინგი''
''ჩვენს ამბავში'' ერთ-ერთ მთავარ როლს მუსიკისა და დრამის თეატრის მსახიობი ტატო ჩახუნაშვილი ასრულებს, რომელსაც მაყურებელი სულ ცოტა ხანში ''ჯი-დი-ეს'' -ზეც იხილავს. მანამდე კი მასთან ჩაწერილ შემოქმედებით ინტერვიუს გთავაზობთ, რომელიც პირადი დეტალებითაცაა გაჯერებული. ინფორმაციისთვის გეტყვით, რომ ტატოს და ''ჩემი ცოლის დაქალების'' მსახიობ მაკა ძაგანიას რამდენიმე წლის განმავლობაში სასიყვარულო ურთიერთობა ჰქონდათ, დაშორების თემაზე და ზოგადად, წყვილის ურთიერთობაზე თავად ტატო გესაუბრებათ.
- სერიალში ვთამაშობ მწერალ ზურა თარხან-მოურავს, რომელიც თავის დროზე წარმატებული გახლდათ, მაგრამ ახლა შემოქმედებითი კრიზისი აქვს და ვერაფრის დიდებით ვერ წერს მეორე წიგნს, ეს კი განპირობებულია იმით, რომ ცოლთან აქვს პრობლემები, ბევრჯერ დაშორდნენ, შერიგდნენ, ბოლოს იქამდე მივიდნენ, რომ ხელიც კი გააწერეს, თუმცა მაყურებელს ვეტყვი, რომ სიურპრიზი ელოდება - ქეთი და ზურა შერიგდებიან, ხელსაც მოაწერენ და თაფლობის თვის გასატარებლად ეგვიპტეშიც წავლენ.
- რეალურად რამდენად აისახება თქვენი პირადი პრობლემები შემოქმედებაზე?
- თავისთავად აისახება. სცენარი ციდან ჩამოვარდნილი ამბებით არ იწერება, სცენარისტები კონკრეტულ ადამიანებზე არ წერენ, მაგრამ სცენარში ბევრი ისეთი ფაქტია ჩადებული, რაც რეალობასთან ახლოსაა. ცხოვრება დალაგებულად და დაწყობილად არ მიდის, როცა პრობლემა და საფიქრალი გაქვს, ეს შენი ნამუშევრის ხარისხსაც ეტყობა და ამას ალბათ მაყურებელიც გრძნობს და ხვდება.
- რა საერთო აქვთ ტატოსა და ზურას, ანუ თქვენ და თქვენს გმირს?
- საერთო გვაქვს ის, რომ მასაც და მეც ძალიან კარგი მეგობრები გვყავს, პირადად მე ვამაყობ მათით. ზურას, ისევე როგორც მე, მეგობრები გაჭირვებაშიც და ლხინშიც გვერდით უდგანან და ბევრ ისეთ რამეს უკეთებენ, რაც მან შეიძლება, არც კი იცის, მაგრამ ისინი ცდილობენ, ჩემს გმირს ბედნიერად აგრძნობინონ თავი და მდგომარეობიდან გამოიყვანონ. კიდევ საერთო გვაქვს ის, რომ ორივეს გვიყვარს წიგნის კითხვა, ამ შემთხვევაში ზურას წიგნის წერაც მოსწონს, მაგრამ ტატო ამისგან შორსაა. ზურას უყვარს დალევა, მეც, ისევე როგორც ყველა ქართველ მამაკაცს, ოღონდ ზომიერების ფარგლებში. ზურა თუ შეყვარებულია, ძალიან ერთგულია, ორიენტირებულია მხოლოდ ერთ ადამიანზე და არ ცდილობს სხვასთან ურთიერთობის გაბმას, მთელი სეზონის განმავლობაში მხოლოდ ერთხელ ჰქონდა სხვა ქალთან კონტაქტის დამყარების მცდელობა, მაგრამ მალევე მიხვდა, რომ ეს მისი საქმე არ იყო და დაანება თავი. მეც, თუ შეყვარებული ვარ, მიყვარს და ვუერთგულებ მას ბოლომდე, თუმცა ამ ეტაპზე არ ვარ შეყვარებული და ამ საკითხში ჩემს გმირს ვერ დავემთხვევი.
- შაბათ-კვირას ათ საათზე, ''ჩვენი ამბის'' პარალელურად, გადის ძალიან რეიტინგული სერიალი ''ჩემი ცოლის დაქალები'' , ამის ფონზე შეგიძლიათ გვითხრათ, როგორი გამოხმაურება აქვს თქვენს სერიალს?
- საქართველოში ძალიან ძნელია თავის დამკვიდრება, ''შუა ქალაქში'' ჩაანაცვლა სერიალმა ''ჩვენი ამბავი'' და ეს ცვლილება მაყურებელმა საკმაოდ რთულად მიიღო. თუმცა მერე და მერე აშკარად წამოვიდა სითბო, მაგრამ თავიდან ასე არ იყო, ახლა სულ სხვაგვარ სტატუსებს წერენ და სხვაგვარი გამოხმაურება აქვს. ''ჩემი ცოლის დაქალებს'' თავისი მაყურებელი ჰყავს, ჩვენ კი ჩვენი, პირადად მე ძალიან იშვიათად ვუყურებ ქართულ სერიალებს, მაგრამ რომელს აირჩევს ადამიანი, ეს უკვე მის განწყობაზეა დამოკიდებული, სხვადასხვა არხი იმისთვის არსებობს, რომ რაც უნდათ, იმას უყურონ. უბრალოდ, ქართველი მაყურებელი ძალიან პრეტენზიულია და ვერ იტანს ცვლილებებს.
- ''ჩემი ცოლის დაქალებში'' თამაშობს მაკა ძაგანია, რომელთანაც სასიყვარულო ურთიერთობა გქონდათ, ამის შესახებ ჩვენს ჟურნალშიც დაიწერა. რა გახდა თქვენი დაშორების მიზეზი? მით უმეტეს, რომ საკმაოდ დიდხანს იყავით ერთად.
- მართალია, გვქონდა გრძელვადიანი ურთიერთობა, მაგრამ დამთავრდა, რამე კონკრეტული არ მომხდარა. რაღაც პერიოდი ვიყავით ერთად, მაგრამ მერე აღმოჩნდა, რომ უნდა დავშორებოდით, ამას რაიმე კონკრეტული მიზეზი ნამდვილად არ ჰქონია და ამის შესახებ ვერც მე და ვერც მაკა ვერაფერს ვიტყვით.
- დაშორების შემდეგ თუ შეხვედრიხართ ერთმანეთს, ნაცნობობის დონეზე მაინც თუ აგრძელებთ ურთიერთობას?
- მართალი გითხრათ, მას შემდეგ არსად შევხვედრივართ ერთმანეთს, არსად არ გადაკვეთილა ჩვენი გზები.
- რამდენად რთული გადასატანი იყო ეს დაშორება? ზემოთ თქვით, ვინც მიყვარს, მიყვარს ბოლომდეო, ამას თუ გავითვალისწინებთ, მარტივი არ უნდა ყოფილიყო.…
- კი, ასე ვარ მაშინ, როცა საქმე ეხება ნამდვილ სიყვარულს და როცა ურთიერთობაში ყველაფერი დალაგებულია. ჩვენთან კი მოვლენები ისე განვითარდა, ურთიერთობას ეს ფინალი უნდა ჰქონოდა. ჩვენი ერთად ყოფნის პირველივე წელს რომ დავშორებოდით ერთმანეთს, ალბათ ძალიან ცუდ დღეში ჩავვარდებოდი და დეპრესიული გავხდებოდი, მაგრამ ყველაფერი ისე მომწიფდა, რომ დეპრესიამაც აღარ იჩინა თავი.
- ანუ შეიძლება ითქვას, რომ გარკვეულწილად გრძნობა განელებული იყო და ამან მიგიყვანათ ურთიერთობის დასრულებამდე?
- კი, გრძნობა განელებული რომ არ ყოფილიყო, ჩვენ ახლაც ერთად ვიქნებოდით.
- მაკაზე, როგორც მსახიობზე, რას იტყვით, როგორ შეაფასებთ?
- სიმართლე გითხრათ, ''ჩემი ცოლის დაქალების'' თითზე ჩამოსათვლელის სერია მაქვს ნანახი, ისიც ერთად ყოფნის დროს. რაც ვნახე, იმის მიხედვით შემიძლია გითხრათ, რომ მაკა ძალიან ნიჭიერი ადამიანია, თუმცა მის ნიჭიერებაში არც მანამდე მეპარებოდა ეჭვი, წარმატებები მინდა ვუსურვო არა მარტო სერიალში, არამედ სცენაზეც, სადაც ასევე კარგად აკეთებს თავის საქმეს.
- როგორ ფიქრობთ, ჰგავს თინა მაკას?
- არა, რადიკალურად განსხვავდება, რეალურად სულაც არაა მაკა კაცთმოძულე ფემინისტი, ჩვენი ერთად ყოფნის დროს ნამდვილად არ ჰგავდა თინას და მეეჭვება, რომ ამ ასაკში შეიცვალოს.
- ახლა რა ხდება თქვენს პირად ცხოვრებაში, არის რაიმე ახალი, საინტერესო?
- არაფერი, სრულიად თავისუფალი ვარ და ძალიან კომფორტულად ვგრძნობ თავს.
- რაც შეეხება სერიალს ''პანიკის გარეშე'' , რომელიც სულ მალე ''ჯი-დი-ეს'' -ზე უნდა დაიწყოს... ერთდროულად ორ სხვადასხვა არხზე მუშაობა, როგორც ვხვდებით, პრობლემას არ წარმოადგენს?
- არა, ჯერჯერობით არ ქმნის პრობლემას, მაგრამ მერე თუ დავდექი არჩევანის წინაშე, ძალიან გამიჭირდება გადაწყვეტილების მიღება, ჯერ ამაზე არ ვფიქრობ.
- ვიცით, რომ ეს იქნება მისტიკური კომედია, მაგრამ უფრო მეტი გვაინტერესებს სერიალის შესახებ.
- ძალიან საინტერესო სამუშაოა, რადგან ბევრი ჟანრია გაერთიანებული ერთმანეთში, კარგი მასალაა კომედიის, ფანტასტიკის, დეტექტივის ელემენტებით. რაც შეეხება ჩემს გმირს, მისი სახელია ''ბალნოი'' , ანუ ავადმყოფი, სახელიდან გამომდინარე, როგორი იქნება, ალბათ ხვდებით. მე, გიორგი გიორგანაშვილი და მარიამ ნადირაშვილი ვთამაშობთ მეგობრებს, რომლებიც აშკარად არ არიან დალაგებულები. ამ სამ ადამიანს გამოეცხადებათ ბაბუა იმ ქვეყნიდან და მაშინ იწყება საოცრებები...
- ტატო, პოპულარობაზე მინდა გკითხოთ, რაოდენ ცნობილიც უნდა იყოს ადამიანი, ტელევიზიაში ხშირი გამოჩენის შემდეგ იზრდება მისი პოპულარობა, თქვენ იგრძენით უკვე ეს?
- კი, ამ დროს ბავშვები არიან განსაკუთრებულად კარგი სანახავები, თავიდან გაოგნებული სახეები აქვთ, მერე მიხვდებიან, რომ ''ის'' ხარ და შემდეგ ყველაზე კარგად და ალალად გამოხატავენ თავიანთ გრძნობებს.
- დასასრულ, თეატრის შესახებაც გვითხარით, თუ მუშაობთ ახალ სპექტაკლზე.
- ერთი თვის წინ გვქონდა პრემიერა ნინო ბურდულის სპექტაკლისა ''ინტერმედია'' , მას შემდეგ ახალი არაფერია, თუმცა ვთამაშობთ ძველ სპექტაკლებს, საახალწლოდ იგეგმება სიახლები და ვნახოთ, როგორ განვითარდება მოვლენები.
ციცი ომანიძე
ჟურნალი ''რეიტინგი''
