„ქალურობა სულაც არ ნიშნავს მოტკეცილი სამოსის ტარებას“
1 771 ნახვა
სხვათა შორის, არც ერთ ინტერვიუში არ ვაკონკრეტებ სტილისტურ დეტალებს, რადგან ვფიქრობ, რომ ამგვარი მიდგომა არ არის სწორი. შემიძლია, რჩევა მივცე კონკრეტულ ადამიანებს თავიანთი გარეგნობიდან გამომდინარე, არ მიყვარს ზოგადად საუბარი ამ თემაზე, აქცენტის გაკეთება სიგრძესა თუ ფერზე, რადგან მგონია, რომ ადამიანს უნდა ეცვას ის, რაც უხდება და მორჩა“, - გვითხრა ინტერვიუს დასაწყისში დიზაინერმა ტატიანა მეფარიძემ, თუმცა ზოგადი რჩევები მოდის თანამედროვე ტენდენციებთან დაკავშირებით მაინც მოგვცა.
- ამ ეტაპზე ორიენტირებული ვარ სოფო გელოვანზე, რომელიც ევროტურნეში მიემგზავრება და ამისთვის კოსტიუმებს ვუმზადებ. მანამდე იყო ინდივიდუალური შეკვეთები, უფრო ადრე კი ვმუშაობდი ორ დიდ პროექტზე „საქართველოს ვარსკვლავი“ და „ევროვიზია“, „ნიჭიერშიც“ ერთ-ერთი მონაწილის ჩაცმულობის საკითხი მე მოვაგვარე. რაც შეეხება რჩევებს, საუბარს დავიწყებ იმ ფრაზით, რომელსაც ყოველთვის ვითვალისწინებ და ჩემი პირველი კოლექციის მთავარი სლოგანიც ეს იყო – ადამიანს ყოველთვის უნდა ეცვას ის, რაც უხდება, შესაბამისად, უნდა იცოდეს, რა უხდება. ყველას ვურჩევ, ყურადღება გაამახვილონ სხეულის იმ ნაწილზე, რომელიც განსაკუთრებული აქვთ, ამის მიხედვით ჩამოყალიბდება მათი სტილი. ჩემი კოსტიუმები ძირითადად ორიენტირებულია იმაზე, რომ გაუძლოს დროს, ეს კი ნიშნავს, რომ ჩემი სამოსი ყოველთვის არის კლასიკური, სადა. რაც უფრო აქტუალურია სამოსი და რაც უფრო მეტ თანამედროვე დეტალს შეიცავს, კარგია, მაგრამ მალე გასდის ვადა, რადგან მოდა სწრაფად იცვლება. სწორედ ამიტომ ვანიჭებ უპირატესობას კლასიკურ და სადა სტილს. თუმცა 2013-2014 წლის კოლექციებში მკაფიოდ გამოიხატება კონტრასტი სტილსა და ფერებს შორის.
- ანუ ეს ნიშნავს, რომ კლასიკური კაბა შეიძლება ჩავიცვათ უხეშ „ბათინკზე"?
- დიახ, თავისუფლად, თან ეს იქნება ძალიან აქტუალური. ასევე მოდურია ჰაეროვანი ქსოვილის შეხამება უხეშ ფეხსაცმელთან.
- ტყავი და ბეწვი გასულ სეზონზე ძალიან აქტუალური იყო, წელს ამას დაემატა ქურთუკები...
- რასაც ვუყურებ, ერთმნიშვნელოვნად პოპულარულია თავისუფალი სტილის ქურთუკები, მამაკაცური ფორმებით, განიერი მხრებით, რომელიც ქვემოთ შეიძლება დავიწროვდეს და ა.შ. ტყავი და ბეწვი კლასიკაა, რომელიც ყოველთვის შეიძლება ატრიალო სხვადასხვა მიმართულებით და შეიძლება ითქვას, რომ არასდროს დაბერდება, თუმცა სხვა ბევრი ფაქტურაც არსებობს, რომელიც შეიძლება ქურთუკში, პალტოში გადათამაშდეს და საინტერესო გამოვიდეს.
- როგორც აღნიშნეთ, განიერი მხრები აქტუალურია, ეს ნიშნავს იმას, რომ მაღალმხრებიანი სამოსიც მოდურია ამ სეზონზე?
- ამ შემთხვევაშიც დავრჩები ჩემს აზრზე და ვიტყვი, რომ ე.წ. ლიპა, ან გადმოსული მკლავი უნდა მოირგოს ადამიანმა, რომელსაც ის უხდება. ეს დეტალები ძალიან პრეტენზიულია და ადვილად შეიძლება, ცუდად ჩაცმული აღმოჩნდე. სპორტით დაკავებულმა ქალბატონმა, რომელსაც განიერი მხრები აქვს, ლიპა არ უნდა მოირგოს.
- კიდევ რა არის მნიშვნელოვანი და ყურადღებამისაქცევი სამოსის ფორმებთან დაკავშირებით?
- ჩემი აზრით, ყველა სტილს უნდა ახლდეს ქალურობის უმცირესი დეტალი, ყველა ქალბატონს თავისი ხიბლი აქვს, ამიტომ ჩემ მიერ შექმნილ სამოსში უმეტესად ქალურ დეტალებზე ვამახვილებ ყურადღებას; თუმცა ქალურობა სულაც არ ნიშნავს მოტკეცილი სამოსის ტარებას, ქალს შეიძლება, ჰქონდეს გრძელი კისერი, რაც ულამაზესია, ასევე შეიძლება ჰქონდეს ლამაზი დეკოლტე, რომელიც იმდენად ავსებს კაბას, რომ მისი ფორმები ნაკლებად იქცევს ყურადღებას. შეიძლება ჰქონდეს ლამაზი ზურგი და ა.შ.
- „ბათინკები“ უკვე რამდენიმე სეზონია აქტუალურია, მათ, ვისაც არ უნდა „ბათინკი“, რის ჩაცმას ურჩევთ?
- რამდენიმე კოლექციაში ვიხილე და მეც მინდოდა მაღალქუსლიანი, მაგრამ კომფორტული ჩექმისა თუ ფეხსაცმლის გაკეთება. ქუსლი შეიძლება შეესაბამოს დაბალძირიანი ფეხსაცმლისა თუ ბათინკის ფორმებს და გამოვიდეს კომფორტული და იმავდროულად გამოსასვლელი ფეხსაცმელი. ხანდახან აუცილებელია ტანდემის გაკეთება, სტილის აღრევა ინდივიდუალურობას გამოკვეთს. ესაა კონტრასტის ხიბლი, რომ ასე ჩაცმულ ქალბატონს შეუძლია, წავიდეს სამსახურშიც და წვეულებაზეც.
- აქსესუარებთან დაკავშირებით რა სიახლეებია?
- დიდი კოლიეები, მეტალის სამკაულები შარშან უფრო აქტუალური იყო, ახლა ნაკლებად არის, თუმცა მაინც მოდურია მასიური აქსესუარები, რომლებიც თან ახლავს სადა სამოსს.
ციცი ომანიძე
ჟურნალი „რეიტინგი“
- ამ ეტაპზე ორიენტირებული ვარ სოფო გელოვანზე, რომელიც ევროტურნეში მიემგზავრება და ამისთვის კოსტიუმებს ვუმზადებ. მანამდე იყო ინდივიდუალური შეკვეთები, უფრო ადრე კი ვმუშაობდი ორ დიდ პროექტზე „საქართველოს ვარსკვლავი“ და „ევროვიზია“, „ნიჭიერშიც“ ერთ-ერთი მონაწილის ჩაცმულობის საკითხი მე მოვაგვარე. რაც შეეხება რჩევებს, საუბარს დავიწყებ იმ ფრაზით, რომელსაც ყოველთვის ვითვალისწინებ და ჩემი პირველი კოლექციის მთავარი სლოგანიც ეს იყო – ადამიანს ყოველთვის უნდა ეცვას ის, რაც უხდება, შესაბამისად, უნდა იცოდეს, რა უხდება. ყველას ვურჩევ, ყურადღება გაამახვილონ სხეულის იმ ნაწილზე, რომელიც განსაკუთრებული აქვთ, ამის მიხედვით ჩამოყალიბდება მათი სტილი. ჩემი კოსტიუმები ძირითადად ორიენტირებულია იმაზე, რომ გაუძლოს დროს, ეს კი ნიშნავს, რომ ჩემი სამოსი ყოველთვის არის კლასიკური, სადა. რაც უფრო აქტუალურია სამოსი და რაც უფრო მეტ თანამედროვე დეტალს შეიცავს, კარგია, მაგრამ მალე გასდის ვადა, რადგან მოდა სწრაფად იცვლება. სწორედ ამიტომ ვანიჭებ უპირატესობას კლასიკურ და სადა სტილს. თუმცა 2013-2014 წლის კოლექციებში მკაფიოდ გამოიხატება კონტრასტი სტილსა და ფერებს შორის.
- ანუ ეს ნიშნავს, რომ კლასიკური კაბა შეიძლება ჩავიცვათ უხეშ „ბათინკზე"?
- დიახ, თავისუფლად, თან ეს იქნება ძალიან აქტუალური. ასევე მოდურია ჰაეროვანი ქსოვილის შეხამება უხეშ ფეხსაცმელთან.
- ტყავი და ბეწვი გასულ სეზონზე ძალიან აქტუალური იყო, წელს ამას დაემატა ქურთუკები...
- რასაც ვუყურებ, ერთმნიშვნელოვნად პოპულარულია თავისუფალი სტილის ქურთუკები, მამაკაცური ფორმებით, განიერი მხრებით, რომელიც ქვემოთ შეიძლება დავიწროვდეს და ა.შ. ტყავი და ბეწვი კლასიკაა, რომელიც ყოველთვის შეიძლება ატრიალო სხვადასხვა მიმართულებით და შეიძლება ითქვას, რომ არასდროს დაბერდება, თუმცა სხვა ბევრი ფაქტურაც არსებობს, რომელიც შეიძლება ქურთუკში, პალტოში გადათამაშდეს და საინტერესო გამოვიდეს.
- როგორც აღნიშნეთ, განიერი მხრები აქტუალურია, ეს ნიშნავს იმას, რომ მაღალმხრებიანი სამოსიც მოდურია ამ სეზონზე?
- ამ შემთხვევაშიც დავრჩები ჩემს აზრზე და ვიტყვი, რომ ე.წ. ლიპა, ან გადმოსული მკლავი უნდა მოირგოს ადამიანმა, რომელსაც ის უხდება. ეს დეტალები ძალიან პრეტენზიულია და ადვილად შეიძლება, ცუდად ჩაცმული აღმოჩნდე. სპორტით დაკავებულმა ქალბატონმა, რომელსაც განიერი მხრები აქვს, ლიპა არ უნდა მოირგოს.
- კიდევ რა არის მნიშვნელოვანი და ყურადღებამისაქცევი სამოსის ფორმებთან დაკავშირებით?
- ჩემი აზრით, ყველა სტილს უნდა ახლდეს ქალურობის უმცირესი დეტალი, ყველა ქალბატონს თავისი ხიბლი აქვს, ამიტომ ჩემ მიერ შექმნილ სამოსში უმეტესად ქალურ დეტალებზე ვამახვილებ ყურადღებას; თუმცა ქალურობა სულაც არ ნიშნავს მოტკეცილი სამოსის ტარებას, ქალს შეიძლება, ჰქონდეს გრძელი კისერი, რაც ულამაზესია, ასევე შეიძლება ჰქონდეს ლამაზი დეკოლტე, რომელიც იმდენად ავსებს კაბას, რომ მისი ფორმები ნაკლებად იქცევს ყურადღებას. შეიძლება ჰქონდეს ლამაზი ზურგი და ა.შ.
- „ბათინკები“ უკვე რამდენიმე სეზონია აქტუალურია, მათ, ვისაც არ უნდა „ბათინკი“, რის ჩაცმას ურჩევთ?
- რამდენიმე კოლექციაში ვიხილე და მეც მინდოდა მაღალქუსლიანი, მაგრამ კომფორტული ჩექმისა თუ ფეხსაცმლის გაკეთება. ქუსლი შეიძლება შეესაბამოს დაბალძირიანი ფეხსაცმლისა თუ ბათინკის ფორმებს და გამოვიდეს კომფორტული და იმავდროულად გამოსასვლელი ფეხსაცმელი. ხანდახან აუცილებელია ტანდემის გაკეთება, სტილის აღრევა ინდივიდუალურობას გამოკვეთს. ესაა კონტრასტის ხიბლი, რომ ასე ჩაცმულ ქალბატონს შეუძლია, წავიდეს სამსახურშიც და წვეულებაზეც.
- აქსესუარებთან დაკავშირებით რა სიახლეებია?
- დიდი კოლიეები, მეტალის სამკაულები შარშან უფრო აქტუალური იყო, ახლა ნაკლებად არის, თუმცა მაინც მოდურია მასიური აქსესუარები, რომლებიც თან ახლავს სადა სამოსს.
ციცი ომანიძე
ჟურნალი „რეიტინგი“
