ნანუკა ჟორჟოლიანი: "გოიმობაა ის პოპულიზმი, როცა ვიღაც მადლობას იხდის, ამ დაჯილდოებულთა სიაში რომ ვერ მოხვდა"
1 822 ნახვა
მიხეილ სააკაშვილმა თავისი პრეზიდენტობის დასასრულს "კუდი" ერთხელ კიდევ მოიქნია და საქართველოში ვარდოსანთა ეპოქა რამდენიმე მოულოდნელი და ექსტრაორდინარული ქმედებით დაამთავრა, მათ შორის – უცხოელებისთვის საქართველოს მოქალაქეობის მასობრივი ჩამორიგებით, საშიშ დამნაშავეთა ამნისტიით და სხვ. ერთ–ერთი ასეთი უცნაური ნაბიჯი იყო მხოლოდ მისთვის გასაგები პრინციპით ტელეჟურნალისტთა დაჯილდოებაც.
16 ნოემბერს, თავისი პრეზიდენტობის უკანასკნელ დღეს, მან სახელმწიფოს განვითარებაში შეტანილი წვლილისათვის ორდენები მიაკუთვნა – ზოგს თამარის, ზოგს ღირსების – მაია ასათიანს, ნანუკა ჟორჟოლიანს, ნინო შუბლაძეს, დოდო შონავას, ინგა გრიგოლიას, სოფო მოსიძეს. ამის შესახებ საზოგადოებამაც და თავად დაჯილდოებულებმაც მიხეილ სააკაშვილის "ფეისბუქის" ოფიციალური გვერდიდან შეიტყვეს.
"საქართველოს პრეზიდენტმა, მიხეილ სააკაშვილმა საპრეზიდენტო ვადის ბოლო დღე გამორჩეულ ადამიანებს დაუთმო, ადამიანებს, რომლებმაც საკუთარი პროფესიული საქმიანობით დიდი წვლილი შეიტანეს სახელმწიფოს ჩამოყალიბებასა და განვითარებაში და მნიშვნელოვან წარმატებებს მიაღწიეს თავიანთი მოღვაწეობის სფეროში, ასევე – საქართველოს მეგობრებს, რომლებიც ჩვენს ქვეყანას დაეხმარნენ ტერიტორიული მთლიანობისთვის ბრძოლაში და საერთაშორისო ასპარეზზე ადგილის დამკვიდრებაში", – განმარტებულია მიხეილ სააკაშვილის ოფიციალურ გვერდზე.
16 ნოემბერს სახელმწიფო ჯილდოები ათასზე მეტმა ადამიანმა მიიღო, მაგრამ გაკვირვება და გამოხმაურება მედიის წარმომადგენლების დაჯილდოებას მოჰყვა. თავად ჟურნალისტებიდანაც ზოგიერთმა ვერ გაიგო, თუ რატომ მოხვდა ამ სიაში, ზოგმაც პრეზიდენტის ეს გადაწყვეტილება გააკრიტიკა.
განსაკუთრებით გაოცებული ინგა გრიგოლია დარჩა, რომელსაც თამარ მეფის ორდენი ერგო. სწორედ სააკაშვილის 9 წლიანი მმართველობის პერიოდში დაიხურა მისი ყველა გადაცემა სხვადასხვა წლებში სხვადასხვა ტელეარხზე. "ფეისბუქის" საკუთარ გვერდზე ინგამ ასეთი სტატუსი დაწერა: "...დილით ჟურნალისტმა რომ დამირეკა, რა კომენტარს გააკეთებ პრეზიდენტის ორდენზეო, მეგონა, ხუმრობდა... ინფორმაცია მერე ვნახე. ცნობისთვის, ჩემთვის არავის დაურეკავს და არც არანაირი ორდენი გადმოუციათ... დაჯილდოებულთა სიაში რატომ მოვხვდი, ამ კითხვას მიშას თავად დავუსვამ, თუ ოდესმე მოვახერხე მასთან ინტერვიუ... მიმაჩნია, რომ ხელისუფლების ორდენები ჟურნალისტებს არ სჭირდებათ, არამარტო ჩვენთან, ყველა ქვეყანაში".
თამარ მეფის ორდენოსანი ნანუკა ჟორჟოლიანი ამბობს, რომ მას ეს ჯილდო ჯერ არ მიუღია და არ იცის, კონკრეტულად რა დამსახურებისთვის მისცეს იგი. მიუხედავად ამისა, ყოფილ პრეზიდენტს "ფეისბუქის" საშუალებით მადლობა მაინც გადაუხადა.
– ნანუკა, რა რეაქცია გქონდათ, როცა გაიგეთ, რომ პრეზიდენტმა თამარ მეფის ორდენით დაგაჯილდოვათ?
– ჩვეულებრივი, რა რეაქცია უნდა მქონოდა?
– როგორ შეიტყვეთ ამის შესახებ?
– "ფეისბუქიდან". მეგობარმა ლინკი ჩამიგდო.
– რას ნიშნავს ეს ჯილდო თქვენთვის?
– ჩემთვის ეს ჯილდო ჯერ არ მოუციათ და კონკრეტულად რა წერია იქ, არ ვიცი. თუმცა ალბათ იმას ნიშნავს, რაც "ფეისბუქზე" წავიკითხე. ამ ჯილდოსთვის მიხეილ სააკაშვილს "ფეისბუქით" მადლობაც გადავუხადე. ჩემთვის გოიმობაა ის პოპულიზმი, როცა ვიღაც მადლობას იხდის, ამ დაჯილდოებულთა სიაში რომ ვერ მოხვდა.
– ვის გულისხმობთ?
– ჟურნალისტებს, რომლებმაც კოლეგებს უნებლიეთ მიაყენეს შეურაცხყოფა. ეს ჩემთვის მიუღებელია. ინგა გრიგოლია არის ჟურნალისტი, რომელიც ყველა ეტაპზე ყველა კითხვას სვამდა. ის ყველა ეტაპზე ახერხებდა, რეიტინგული ყოფილიყო. ყველამ უნდა ვაღიაროთ, რომ ინგამ ამ ქვეყანაში მედიისთვის გამორჩეულად ბევრი შექმნა.
ნამდვილად არ ველოდი, რომ ამ ჯილდოს მივიღებდი და თქვენი ჟურნალის საშუალებით მიხეილ სააკაშვილს კიდევ ერთხელ ვეტყვი მადლობას.
– როგორ ფიქრობთ, რითი დაიმსახურეთ თამარ მეფის ორდენი?
– ეს უკვე ნამდვილად არ ვიცი.
...
დოდო შონავას ღირსების ორდენი ერგო. მადლობელი დარჩა, თუმცა ერჩივნა, რაიმე ჟურნალისტური ჯილდო მიეღო. ყოველ შემთხვევაში, არც უფიქრია, ორდენზე უარი ეთქვა და სხვისგანაც ასეთ ნაბიჯს პოპულიზმად მიიჩნევს.
დოდო შონავა:
– ეს ჩემთვის მოულოდნელი იყო, მაგრამ ყველა ჯილდო სასიამოვნოა. ალბათ შემდეგში განმარტებულიც იქნება, თუ რა დამსახურებებისთვის მომანიჭეს ეს ორდენი. მიმაჩნია, რომ ჯილდოზე უარის თქმა ცოტა პოპულიზმის ელფერს ატარებს. ეს შეიძლება მანამდე თქვა, რომ მთლად იმხელა დამსახურების არ ხარ, ამხელა ორდენი მიიღო, მაგრამ როცა უკვე მონიჭებული გაქვს, ამაზე საუბარი ზედმეტია! დიდი მადლობა მას, ვინც გადაწყვიტა, რომ ეს ორდენი მეკუთვნოდა. მე, პირადად, როგორც ჟურნალისტს, მირჩევნია, ჟურნალისტური ჯილდოები მივიღო.
– ამის შესახებ თქვენც სხვისგან შეიტყვეთ?
– 17 ნოემბერს, პრეზიდენტის ინაუგურაციის დღეს, თანამშრომელმა დამირეკა და მომილოცა. ინაუგურაციაზე წასასვლელად ვემზადებოდი, მეგონა, ამ დღეს მილოცავდა, როგორც მოვლენას ქვეყნისთვის. აღმოჩნდა, რომ ჯილდოს მილოცავდა.
– თქვენი აზრით, პრეზიდენტმა ეს ჯილდოები პრეზიდენტობის ვადის ბოლო დღეს რატომ გასცა?
– ამ კითხვაზე პასუხი არ მაქვს.
– პირადად იცნობთ მიხეილ სააკაშვილს?
– დიახ. ის ჟურნალისტი ვარ, რომელმაც მიხეილ სააკაშვილი პირველმა მიიწვია რადიოში. როცა ის ნიუ იორკში იყო, მაშინ რადიოში, გადაცემა "პიკის საათში" ვმუშაობდი. მიხეილ სააკაშვილი ამერიკიდან გვერთვებოდა, კორუფციის დამარცხებაზე ვსაუბრობდით ხოლმე. სანამ პრეზიდენტი გახდებოდა, მანამდე მქონდა მასთან, როგორც რესპონდენტთან ურთიერთობა, მერე გადაცემაში არ მყოლია. მინდა გითხრათ, რომ ჩემს ჟურნალისტურ საქმიანობაში ერთ–ერთი ყველაზე საინტერესო რესპონდენტი იყო.
...
დანარჩენ ორდენოსან ჟურნალისტებს მათი დაჯილდოების შესახებ აზრი საჯაროდ არ გამოუთქვამთ. ფაქტია, რომ ისინი თავს არიდებენ ამ თემაზე ლაპარაკს, ამიტომ უცნობია, სასიამოვნო აღმოჩნდა მათთვის თუ უსიამოვნო პრეზიდენტისგან მოულოდნელი საჩუქარი. მაგალითად, ღირსების ორდენოსანმა სოფო მოსიძემ "სარკის" სატელეფონო ზარს არ უპასუხა. არც თამარის ორდენოსანმა მაია ასათიანმა ისურვა კომენტარის გაკეთება და არც ასევე თამარის ორდენის მფლობელმა ნინო შუბლაძემ.
...
ტელეჟურნალისტ ეკა ხოფერიას ორდენი არ შეხვდა. ამბობს, რომ მაინც უარს იტყოდა. "ფეისბუქზე" ირონიული კომენტარიც გამოაქვეყნა, თვითონაც არ იცის მიშამ, რა კარგი საქმე გამიკეთა იმით, რომ ორდენი არ მომცაო. მისი აზრით, ასეთი ჯილდო ზოგადად ჟურნალისტს გმირობის ტოლფასი დამსახურებისთვის უფრო ეკუთვნის.
ეკა ხოფერია:
– ჩემი აზრით, პრეზიდენტმა ბევრი კითხვა გააჩინა. თავად ჟურნალისტები კითხულობდნენ, გვაინტერესებს, რისთვის დაგვაჯილდოვაო. ცოტა გაუგებარი სიტუაცია შეიქმნა. ყველა ჩემს კოლეგას პატივს ვცემ და მათი კითხვებიც მესმის. კარგი იქნებოდა, ამ სიაში ომის დროს მომუშავე ჟურნალისტებიც ყოფილიყვნენ.
– ამ სიაში თქვენც რომ ყოფილიყავით, იტყოდით ჯილდოზე უარს?
– ალბათ, რადგან განსაკუთრებული არაფერი გამიკეთებია.
– თქვენი აზრით, რა დამსახურების მიხედვით შეარჩია პრეზიდენტმა ეს ადამიანები?
– არ ვიცი. თავის მიმართულებაში ყველა პროფესიონალია, ეს სადაო არ არის. უბრალოდ, მაინც მგონია, რომ ჯილდო თუ ორდენი ადამიანს განსაკუთრებული მიღწევებისთვის უნდა გადაეცეს, მაგალითად, თუ იყო ომში, იბრძოდა ადამიანის უფლებებისთვის, ჩაატარა ჟურნალისტური გამოძიება, რომელმაც მოვლენებზე გავლენა მოახდინა, გადაარჩინა ადამიანი... ეს უფრო გასაგები იქნებოდა.
ეკა ლემონჯავა, ჟურნალი სარკე
16 ნოემბერს, თავისი პრეზიდენტობის უკანასკნელ დღეს, მან სახელმწიფოს განვითარებაში შეტანილი წვლილისათვის ორდენები მიაკუთვნა – ზოგს თამარის, ზოგს ღირსების – მაია ასათიანს, ნანუკა ჟორჟოლიანს, ნინო შუბლაძეს, დოდო შონავას, ინგა გრიგოლიას, სოფო მოსიძეს. ამის შესახებ საზოგადოებამაც და თავად დაჯილდოებულებმაც მიხეილ სააკაშვილის "ფეისბუქის" ოფიციალური გვერდიდან შეიტყვეს.
"საქართველოს პრეზიდენტმა, მიხეილ სააკაშვილმა საპრეზიდენტო ვადის ბოლო დღე გამორჩეულ ადამიანებს დაუთმო, ადამიანებს, რომლებმაც საკუთარი პროფესიული საქმიანობით დიდი წვლილი შეიტანეს სახელმწიფოს ჩამოყალიბებასა და განვითარებაში და მნიშვნელოვან წარმატებებს მიაღწიეს თავიანთი მოღვაწეობის სფეროში, ასევე – საქართველოს მეგობრებს, რომლებიც ჩვენს ქვეყანას დაეხმარნენ ტერიტორიული მთლიანობისთვის ბრძოლაში და საერთაშორისო ასპარეზზე ადგილის დამკვიდრებაში", – განმარტებულია მიხეილ სააკაშვილის ოფიციალურ გვერდზე.
16 ნოემბერს სახელმწიფო ჯილდოები ათასზე მეტმა ადამიანმა მიიღო, მაგრამ გაკვირვება და გამოხმაურება მედიის წარმომადგენლების დაჯილდოებას მოჰყვა. თავად ჟურნალისტებიდანაც ზოგიერთმა ვერ გაიგო, თუ რატომ მოხვდა ამ სიაში, ზოგმაც პრეზიდენტის ეს გადაწყვეტილება გააკრიტიკა.
განსაკუთრებით გაოცებული ინგა გრიგოლია დარჩა, რომელსაც თამარ მეფის ორდენი ერგო. სწორედ სააკაშვილის 9 წლიანი მმართველობის პერიოდში დაიხურა მისი ყველა გადაცემა სხვადასხვა წლებში სხვადასხვა ტელეარხზე. "ფეისბუქის" საკუთარ გვერდზე ინგამ ასეთი სტატუსი დაწერა: "...დილით ჟურნალისტმა რომ დამირეკა, რა კომენტარს გააკეთებ პრეზიდენტის ორდენზეო, მეგონა, ხუმრობდა... ინფორმაცია მერე ვნახე. ცნობისთვის, ჩემთვის არავის დაურეკავს და არც არანაირი ორდენი გადმოუციათ... დაჯილდოებულთა სიაში რატომ მოვხვდი, ამ კითხვას მიშას თავად დავუსვამ, თუ ოდესმე მოვახერხე მასთან ინტერვიუ... მიმაჩნია, რომ ხელისუფლების ორდენები ჟურნალისტებს არ სჭირდებათ, არამარტო ჩვენთან, ყველა ქვეყანაში".
თამარ მეფის ორდენოსანი ნანუკა ჟორჟოლიანი ამბობს, რომ მას ეს ჯილდო ჯერ არ მიუღია და არ იცის, კონკრეტულად რა დამსახურებისთვის მისცეს იგი. მიუხედავად ამისა, ყოფილ პრეზიდენტს "ფეისბუქის" საშუალებით მადლობა მაინც გადაუხადა.
– ნანუკა, რა რეაქცია გქონდათ, როცა გაიგეთ, რომ პრეზიდენტმა თამარ მეფის ორდენით დაგაჯილდოვათ?
– ჩვეულებრივი, რა რეაქცია უნდა მქონოდა?
– როგორ შეიტყვეთ ამის შესახებ?
– "ფეისბუქიდან". მეგობარმა ლინკი ჩამიგდო.
– რას ნიშნავს ეს ჯილდო თქვენთვის?
– ჩემთვის ეს ჯილდო ჯერ არ მოუციათ და კონკრეტულად რა წერია იქ, არ ვიცი. თუმცა ალბათ იმას ნიშნავს, რაც "ფეისბუქზე" წავიკითხე. ამ ჯილდოსთვის მიხეილ სააკაშვილს "ფეისბუქით" მადლობაც გადავუხადე. ჩემთვის გოიმობაა ის პოპულიზმი, როცა ვიღაც მადლობას იხდის, ამ დაჯილდოებულთა სიაში რომ ვერ მოხვდა.
– ვის გულისხმობთ?
– ჟურნალისტებს, რომლებმაც კოლეგებს უნებლიეთ მიაყენეს შეურაცხყოფა. ეს ჩემთვის მიუღებელია. ინგა გრიგოლია არის ჟურნალისტი, რომელიც ყველა ეტაპზე ყველა კითხვას სვამდა. ის ყველა ეტაპზე ახერხებდა, რეიტინგული ყოფილიყო. ყველამ უნდა ვაღიაროთ, რომ ინგამ ამ ქვეყანაში მედიისთვის გამორჩეულად ბევრი შექმნა.
ნამდვილად არ ველოდი, რომ ამ ჯილდოს მივიღებდი და თქვენი ჟურნალის საშუალებით მიხეილ სააკაშვილს კიდევ ერთხელ ვეტყვი მადლობას.
– როგორ ფიქრობთ, რითი დაიმსახურეთ თამარ მეფის ორდენი?
– ეს უკვე ნამდვილად არ ვიცი.
...
დოდო შონავას ღირსების ორდენი ერგო. მადლობელი დარჩა, თუმცა ერჩივნა, რაიმე ჟურნალისტური ჯილდო მიეღო. ყოველ შემთხვევაში, არც უფიქრია, ორდენზე უარი ეთქვა და სხვისგანაც ასეთ ნაბიჯს პოპულიზმად მიიჩნევს.
დოდო შონავა:
– ეს ჩემთვის მოულოდნელი იყო, მაგრამ ყველა ჯილდო სასიამოვნოა. ალბათ შემდეგში განმარტებულიც იქნება, თუ რა დამსახურებებისთვის მომანიჭეს ეს ორდენი. მიმაჩნია, რომ ჯილდოზე უარის თქმა ცოტა პოპულიზმის ელფერს ატარებს. ეს შეიძლება მანამდე თქვა, რომ მთლად იმხელა დამსახურების არ ხარ, ამხელა ორდენი მიიღო, მაგრამ როცა უკვე მონიჭებული გაქვს, ამაზე საუბარი ზედმეტია! დიდი მადლობა მას, ვინც გადაწყვიტა, რომ ეს ორდენი მეკუთვნოდა. მე, პირადად, როგორც ჟურნალისტს, მირჩევნია, ჟურნალისტური ჯილდოები მივიღო.
– ამის შესახებ თქვენც სხვისგან შეიტყვეთ?
– 17 ნოემბერს, პრეზიდენტის ინაუგურაციის დღეს, თანამშრომელმა დამირეკა და მომილოცა. ინაუგურაციაზე წასასვლელად ვემზადებოდი, მეგონა, ამ დღეს მილოცავდა, როგორც მოვლენას ქვეყნისთვის. აღმოჩნდა, რომ ჯილდოს მილოცავდა.
– თქვენი აზრით, პრეზიდენტმა ეს ჯილდოები პრეზიდენტობის ვადის ბოლო დღეს რატომ გასცა?
– ამ კითხვაზე პასუხი არ მაქვს.
– პირადად იცნობთ მიხეილ სააკაშვილს?
– დიახ. ის ჟურნალისტი ვარ, რომელმაც მიხეილ სააკაშვილი პირველმა მიიწვია რადიოში. როცა ის ნიუ იორკში იყო, მაშინ რადიოში, გადაცემა "პიკის საათში" ვმუშაობდი. მიხეილ სააკაშვილი ამერიკიდან გვერთვებოდა, კორუფციის დამარცხებაზე ვსაუბრობდით ხოლმე. სანამ პრეზიდენტი გახდებოდა, მანამდე მქონდა მასთან, როგორც რესპონდენტთან ურთიერთობა, მერე გადაცემაში არ მყოლია. მინდა გითხრათ, რომ ჩემს ჟურნალისტურ საქმიანობაში ერთ–ერთი ყველაზე საინტერესო რესპონდენტი იყო.
...
დანარჩენ ორდენოსან ჟურნალისტებს მათი დაჯილდოების შესახებ აზრი საჯაროდ არ გამოუთქვამთ. ფაქტია, რომ ისინი თავს არიდებენ ამ თემაზე ლაპარაკს, ამიტომ უცნობია, სასიამოვნო აღმოჩნდა მათთვის თუ უსიამოვნო პრეზიდენტისგან მოულოდნელი საჩუქარი. მაგალითად, ღირსების ორდენოსანმა სოფო მოსიძემ "სარკის" სატელეფონო ზარს არ უპასუხა. არც თამარის ორდენოსანმა მაია ასათიანმა ისურვა კომენტარის გაკეთება და არც ასევე თამარის ორდენის მფლობელმა ნინო შუბლაძემ.
...
ტელეჟურნალისტ ეკა ხოფერიას ორდენი არ შეხვდა. ამბობს, რომ მაინც უარს იტყოდა. "ფეისბუქზე" ირონიული კომენტარიც გამოაქვეყნა, თვითონაც არ იცის მიშამ, რა კარგი საქმე გამიკეთა იმით, რომ ორდენი არ მომცაო. მისი აზრით, ასეთი ჯილდო ზოგადად ჟურნალისტს გმირობის ტოლფასი დამსახურებისთვის უფრო ეკუთვნის.
ეკა ხოფერია:
– ჩემი აზრით, პრეზიდენტმა ბევრი კითხვა გააჩინა. თავად ჟურნალისტები კითხულობდნენ, გვაინტერესებს, რისთვის დაგვაჯილდოვაო. ცოტა გაუგებარი სიტუაცია შეიქმნა. ყველა ჩემს კოლეგას პატივს ვცემ და მათი კითხვებიც მესმის. კარგი იქნებოდა, ამ სიაში ომის დროს მომუშავე ჟურნალისტებიც ყოფილიყვნენ.
– ამ სიაში თქვენც რომ ყოფილიყავით, იტყოდით ჯილდოზე უარს?
– ალბათ, რადგან განსაკუთრებული არაფერი გამიკეთებია.
– თქვენი აზრით, რა დამსახურების მიხედვით შეარჩია პრეზიდენტმა ეს ადამიანები?
– არ ვიცი. თავის მიმართულებაში ყველა პროფესიონალია, ეს სადაო არ არის. უბრალოდ, მაინც მგონია, რომ ჯილდო თუ ორდენი ადამიანს განსაკუთრებული მიღწევებისთვის უნდა გადაეცეს, მაგალითად, თუ იყო ომში, იბრძოდა ადამიანის უფლებებისთვის, ჩაატარა ჟურნალისტური გამოძიება, რომელმაც მოვლენებზე გავლენა მოახდინა, გადაარჩინა ადამიანი... ეს უფრო გასაგები იქნებოდა.
ეკა ლემონჯავა, ჟურნალი სარკე
