გაამართლა თუ არა ეკო ფანგანის ცხვირის ოპერაციამ
2 061 ნახვა
შოუბიზნესის პოპულარული სახე, ეკო ფანგანი, ცხვირის ოპერაციის გაკეთებამ ისე შეცვალა, რომ ახლო მეგობრებიც კი ვეღარ ცნობენ. თავიდან თვითონაც ეუცხოვა საკუთარი თავი, მთელი ერთი თვე სახლიდან გარეთ ვერ გადიოდა, მერე კი თანდათან შეეჩვია და "ახალი სახე" მოიხდინა კიდეც. ახლა თავიდან სწავლობს, როგორი მაკიაჟი, როგორი ვარცხნილობა მოუხდება.
– ეკო, ყოველთვის მომხიბვლელ, ეფექტურ ქალად ითვლებოდით. რატომ გადაწყვიტეთ გარეგნობის შეცვლა, ცხვირი დისკომფორტს გიქმნიდათ?
– ძალიან მინიმალური რაღაც გავიკეთე ცხვირზე და რატომღაც ძალიან შემცვალა. ნამდვილად არ მეგონა, ჩემს ძველ გარეგნობასთან ამხელა სხვაობა თუ იქნებოდა.
– როცა ასე რადიკალურად იცვლიან გარეგნობას, ამას თავისი მიზეზები აქვს. თქვენს შემთხვევაში რა იყო ეს?
– არ მიმაჩნია, რომ გარეგნობა რადიკალურად შევიცვალე. ცხვირის წვერი ავიწიე ოდნავ. მართლა არ ვიცი, ამ პატარა დეტალმა ასე რატომ შემცვალა. არც მინდოდა ასეთი რადიკალური ცვლილება, მაგრამ ასე გამოვიდა.
– არ გეშინოდათ უარყოფითი შედეგის? გარეგნობაში ასეთი ექსპერიმენტი ხომ სარისკოა.
– შიშის მომენტი არ მქონია. ექიმებს ვენდობოდი. მინდოდა ოდნავი ცვლილება, მაგრამ ფაქტია, რომ ძალიან სხვანაირი გავხდი. არ აქვს მნიშვნელობა, კარგი შედეგია თუ ცუდი, სხვა რომ ხარ, უცნაური შეგრძნებაა. მანამდეც სავსებით მაკმაყოფილებდა ჩემი გარეგნობა, უბრალოდ ოდნავ გაუმჯობესება მინდოდა. თავიდან მეუცნაურებოდა ჩემი სახე, ახლა ნელ–ნელა მივეჩვიე.
მეგობრებმა ამ ნაბიჯის მერე გიჟი მიწოდეს, რადგან დამოუკიდებლად, უცბათ მივიღე გადაწყვეტილება და უარყოფით შედეგზე არც მიფიქრია, მით უმეტეს, რომ გარეგნობაში აუცილებლად შესაცვლელი არაფერი მქონდა და ეს უბრალოდ ჩემი სურვილი იყო.
– თქვენი ოპერაცია, გარეგნობა სოციალურ ქსელებში განხილვის საგანი გახდა. ეს როგორ მოქმედებს თქვენზე?
– არ იცით, რამდენი წერილი მომდის "ფეისბუქზე" და რა შინაარსის. უკვე აღარ შემიძლია! უცნობი ადამიანები ჩემს ამ ნაბიჯს იწონებენ, მაგრამ უარყოფითი გამოხმაურებებიც იყო. სრულიად უცნობები მწერდნენ: "ძველი ეკო მენატრება", "რატომ შეიცვალე ცხვირი", "თავი დაგიმახინჯებია" და ა.შ. მიმაჩნია, რომ ეს ბოროტებაა. როცა ადამიანს არ იცნობ და სურვილი გიჩნდება, ცუდი უთხრა, ე.ი. კარგი პიროვნება არ ხარ. მეც არ მომწონებია ვიღაცის რაღაცეები, მაგრამ ეს იმას არ ნიშნავს, რომ ვეტყვი ან ამაზე ვილაპარაკებ.
საერთოდ, ვერ ვხვდები, ჩემს ამ ნაბიჯს ასეთი გამოხმაურება რატომ მოჰყვა. სხვებს უფრო ბევრი ოპერაციაც აქვთ გაკეთებული და ამის შესახებ ან ლაპარაკობენ, ან – არა. ბევრი მალავს, რომ ცხვირი აქვს შეცვლილი, ტუჩები – დაბერილი, მკერდი – გაზრდილი. ეს ინდივიდუალურია, თუ გინდა, დამალავ, თუ გინდა – არა. იდეალური ადამიანი არ არსებობს და, თუ გაქვს საშუალება, უკეთესად გამოიყურებოდე, რატომ არ უნდა გააკეთო? რა არის ამაში დასამალი, ამასაც ვერ ვხვდები, მაგრამ ასე იოლია ლაპარაკი. შეიძლება ყველას თავისი მიზეზი ჰქონდეს, რაღაცას რატომ არ ამბობს. მე არანაირი მიზეზი არ მქონდა, რომ დამემალა.
ზოგი ფიქრობს, რომ ამ ნაბიჯით ეშხი დავკარგე. არ მიმაჩნია, რომ ცხვირის წვერი ქმნის ეშხს. ერთი სიტყვით, ასეთ გამოხმაურებას ნამდვილად არ ველოდი. ჩემთვის ვფიქრობ, რადგან ასეთი აჟიოტაჟი ატყდა, ე.ი. უმრავლესობა თვლის, რომ გარეგნობაში შესაცვლელი არც არაფერი მქონდა.
– რა იყო თქვენი პირველი ემოცია, როდესაც სარკეში ახალ სახეს შეხედეთ?
– პრინციპში, ისეთი სახვევები არ მქონდა გაკეთებული, რომ ვერ მივმხვდარიყავი, რა შედეგი მივიღე. მაგრამ, რა თქმა უნდა, სახვევების მოხსნის მერე მაინც მქონდა გაუცხოების შეგრძნება. ცოტა მეუცნაურა ჩემი გარეგნობა და გამიჭირდა შეგუება. ერთი თვე ვცდილობდი, გარეთ არ გავსულიყავი. ამასობაში ცხვირმა თანდათან თავისი ფორმა მიიღო. კიდევ 6 თვე უნდა, რომ საბოლოოდ ჩამოყალიბდეს.
– ოჯახს, ახლობლებს რა რეაქცია ჰქონდათ?
– მშობლებს თავიდან გაუჭირდათ ჩემი ახალი იმიჯის მიღება. თითქოს ვერ ეგუებოდნენ, მაგრამ მერე მიეჩვივნენ.
– მართლა ვერ გცნობენ მეგობრები?
– ასე ამბობენ, რომ ვერ მცნობენ. გიორგი ყიფშიძეს ერთი საათი ვაჯანჯღარებდი და ამბობდა, ნუ მატყუებთ, ეს ეკო არ არისო. ვინც დიდი ხანია არ მინახავს, ისინი ვერც ხვდებიან, რამე თუ გავიკეთე. საკმაოდ რთულია იმის გადახარშვა, რომ გარშემომყოფები ვერ გცნობენ და უკვირთ შენი დანახვა. მაგრამ ეს ეტაპიც გადავლახე. ვფიქრობ, ამ ოპერაციამ ასაკით ცოტა დამაპატარავა, ბავშვობისდროინდელი იერი დამიბრუნა.
– ცნობილი სერიალის პერსონაჟს, ნიკიტას გამსგავსებენ. თქვენც პოულობთ რამე მსგავსებას მასთან?
– ეს მეც გავიგე. ნიკიტას სულ სხვანაირი ცხვირი ჰქონდა, მაგრამ შეიძლება რაღაცით ვგავდეთ ერთმანეთს. მშვენიერ, შხვართ გოგოს მამსგავსებენ, რა მაქვს საწინააღმდეგო!
– ცხვირის ოპერაციამ თქვენი სტილიც შეცვალა?
– თავიდან ვარკვევ, როგორი მაკიაჟი მჭირდება, თმა როგორ მიხდება და ა.შ. რაც მანამდე მიხდებოდა, ახლა შეიძლება აღარ მომეწონოს და პირიქით. ახლა ცხვირს სხვა მაკიაჟს ვურჩევ, თუმცა ვერ ვიტყვი, რომ სტილს რადიკალურად ვიცვლი.
– ეს ოპერაცია პირველია თუ მანამდეც დაწოლილხართ პლასტიკური ქირურგის დანის ქვეშ?
– სულ ამბობენ, რომ ტუჩები მაქვს გაკეთებული, არადა ბუნებრივი მაქვს. მხოლოდ ბოტოქსი გავიკეთე. როგორც წესი, ცხვირის ოპერაციის შემდეგ ტუჩებსაც იდიდებენ, რადგან ცხვირსა და ტუჩებს შორის ადგილი იზრდება, მაგრამ მე ამას არ ვაპირებ, რადგან ეს დაშორება შესამჩნევი არ არის.
– ცნობილია, რომ პლასტიკურმა ოპერაციებმა "მიჩვევა" იცის. კიდევ ხომ არ გინდათ რამის გადაკეთება–გაუმჯობესება გარეგნობაში?
– არ ვარ ის ადამიანი, რომელსაც ნებისყოფა არ აქვს და რაიმეზე დამოკიდებული ხდება, პირიქით. ცხვირის წვერის შეცვლამდე თმის ფერის შეცვლას ვაპირებდი, მაგრამ ახლა უკვე გადავიფიქრე. ამდენი ცვლილება არ მინდა. პლასტიკურ ოპერაციებზე დამოკიდებული ნამდვილად არ გავხდები.
– როგორ ფიქრობთ, თქვენი ახალი სახე ახალ შეთავაზებებს მოიზიდავს ტელეარხებიდან?
– ნამდვილად მაქვს შემოთავაზებები, მაგრამ ჯერჯერობით ვერაფერს გეტყვით. თან ჩემი ცხვირი კარგად უნდა ჩადგეს ფორმაში და მერე ალბათ რაიმეს გავაკეთებ.
– თქვენს პირად ცხოვრებაშიც ხომ არ არის სიახლე?
– არა, პირად ცხოვრებაში სიახლე არ არის, პრინციპში, არც მინდა, რომ ჯერ რაიმე სიახლე იყოს. ის პერიოდი მაქვს, როცა ყველაფრისგან ვისვენებ და კარგად ვარ.
მანანა ნოდია, ჟურნალი სარკე
– ეკო, ყოველთვის მომხიბვლელ, ეფექტურ ქალად ითვლებოდით. რატომ გადაწყვიტეთ გარეგნობის შეცვლა, ცხვირი დისკომფორტს გიქმნიდათ?
– ძალიან მინიმალური რაღაც გავიკეთე ცხვირზე და რატომღაც ძალიან შემცვალა. ნამდვილად არ მეგონა, ჩემს ძველ გარეგნობასთან ამხელა სხვაობა თუ იქნებოდა.
– როცა ასე რადიკალურად იცვლიან გარეგნობას, ამას თავისი მიზეზები აქვს. თქვენს შემთხვევაში რა იყო ეს?
– არ მიმაჩნია, რომ გარეგნობა რადიკალურად შევიცვალე. ცხვირის წვერი ავიწიე ოდნავ. მართლა არ ვიცი, ამ პატარა დეტალმა ასე რატომ შემცვალა. არც მინდოდა ასეთი რადიკალური ცვლილება, მაგრამ ასე გამოვიდა.
– არ გეშინოდათ უარყოფითი შედეგის? გარეგნობაში ასეთი ექსპერიმენტი ხომ სარისკოა.
– შიშის მომენტი არ მქონია. ექიმებს ვენდობოდი. მინდოდა ოდნავი ცვლილება, მაგრამ ფაქტია, რომ ძალიან სხვანაირი გავხდი. არ აქვს მნიშვნელობა, კარგი შედეგია თუ ცუდი, სხვა რომ ხარ, უცნაური შეგრძნებაა. მანამდეც სავსებით მაკმაყოფილებდა ჩემი გარეგნობა, უბრალოდ ოდნავ გაუმჯობესება მინდოდა. თავიდან მეუცნაურებოდა ჩემი სახე, ახლა ნელ–ნელა მივეჩვიე.
მეგობრებმა ამ ნაბიჯის მერე გიჟი მიწოდეს, რადგან დამოუკიდებლად, უცბათ მივიღე გადაწყვეტილება და უარყოფით შედეგზე არც მიფიქრია, მით უმეტეს, რომ გარეგნობაში აუცილებლად შესაცვლელი არაფერი მქონდა და ეს უბრალოდ ჩემი სურვილი იყო.
– თქვენი ოპერაცია, გარეგნობა სოციალურ ქსელებში განხილვის საგანი გახდა. ეს როგორ მოქმედებს თქვენზე?
– არ იცით, რამდენი წერილი მომდის "ფეისბუქზე" და რა შინაარსის. უკვე აღარ შემიძლია! უცნობი ადამიანები ჩემს ამ ნაბიჯს იწონებენ, მაგრამ უარყოფითი გამოხმაურებებიც იყო. სრულიად უცნობები მწერდნენ: "ძველი ეკო მენატრება", "რატომ შეიცვალე ცხვირი", "თავი დაგიმახინჯებია" და ა.შ. მიმაჩნია, რომ ეს ბოროტებაა. როცა ადამიანს არ იცნობ და სურვილი გიჩნდება, ცუდი უთხრა, ე.ი. კარგი პიროვნება არ ხარ. მეც არ მომწონებია ვიღაცის რაღაცეები, მაგრამ ეს იმას არ ნიშნავს, რომ ვეტყვი ან ამაზე ვილაპარაკებ.
საერთოდ, ვერ ვხვდები, ჩემს ამ ნაბიჯს ასეთი გამოხმაურება რატომ მოჰყვა. სხვებს უფრო ბევრი ოპერაციაც აქვთ გაკეთებული და ამის შესახებ ან ლაპარაკობენ, ან – არა. ბევრი მალავს, რომ ცხვირი აქვს შეცვლილი, ტუჩები – დაბერილი, მკერდი – გაზრდილი. ეს ინდივიდუალურია, თუ გინდა, დამალავ, თუ გინდა – არა. იდეალური ადამიანი არ არსებობს და, თუ გაქვს საშუალება, უკეთესად გამოიყურებოდე, რატომ არ უნდა გააკეთო? რა არის ამაში დასამალი, ამასაც ვერ ვხვდები, მაგრამ ასე იოლია ლაპარაკი. შეიძლება ყველას თავისი მიზეზი ჰქონდეს, რაღაცას რატომ არ ამბობს. მე არანაირი მიზეზი არ მქონდა, რომ დამემალა.
ზოგი ფიქრობს, რომ ამ ნაბიჯით ეშხი დავკარგე. არ მიმაჩნია, რომ ცხვირის წვერი ქმნის ეშხს. ერთი სიტყვით, ასეთ გამოხმაურებას ნამდვილად არ ველოდი. ჩემთვის ვფიქრობ, რადგან ასეთი აჟიოტაჟი ატყდა, ე.ი. უმრავლესობა თვლის, რომ გარეგნობაში შესაცვლელი არც არაფერი მქონდა.
– რა იყო თქვენი პირველი ემოცია, როდესაც სარკეში ახალ სახეს შეხედეთ?
– პრინციპში, ისეთი სახვევები არ მქონდა გაკეთებული, რომ ვერ მივმხვდარიყავი, რა შედეგი მივიღე. მაგრამ, რა თქმა უნდა, სახვევების მოხსნის მერე მაინც მქონდა გაუცხოების შეგრძნება. ცოტა მეუცნაურა ჩემი გარეგნობა და გამიჭირდა შეგუება. ერთი თვე ვცდილობდი, გარეთ არ გავსულიყავი. ამასობაში ცხვირმა თანდათან თავისი ფორმა მიიღო. კიდევ 6 თვე უნდა, რომ საბოლოოდ ჩამოყალიბდეს.
– ოჯახს, ახლობლებს რა რეაქცია ჰქონდათ?
– მშობლებს თავიდან გაუჭირდათ ჩემი ახალი იმიჯის მიღება. თითქოს ვერ ეგუებოდნენ, მაგრამ მერე მიეჩვივნენ.
– მართლა ვერ გცნობენ მეგობრები?
– ასე ამბობენ, რომ ვერ მცნობენ. გიორგი ყიფშიძეს ერთი საათი ვაჯანჯღარებდი და ამბობდა, ნუ მატყუებთ, ეს ეკო არ არისო. ვინც დიდი ხანია არ მინახავს, ისინი ვერც ხვდებიან, რამე თუ გავიკეთე. საკმაოდ რთულია იმის გადახარშვა, რომ გარშემომყოფები ვერ გცნობენ და უკვირთ შენი დანახვა. მაგრამ ეს ეტაპიც გადავლახე. ვფიქრობ, ამ ოპერაციამ ასაკით ცოტა დამაპატარავა, ბავშვობისდროინდელი იერი დამიბრუნა.
– ცნობილი სერიალის პერსონაჟს, ნიკიტას გამსგავსებენ. თქვენც პოულობთ რამე მსგავსებას მასთან?
– ეს მეც გავიგე. ნიკიტას სულ სხვანაირი ცხვირი ჰქონდა, მაგრამ შეიძლება რაღაცით ვგავდეთ ერთმანეთს. მშვენიერ, შხვართ გოგოს მამსგავსებენ, რა მაქვს საწინააღმდეგო!
– ცხვირის ოპერაციამ თქვენი სტილიც შეცვალა?
– თავიდან ვარკვევ, როგორი მაკიაჟი მჭირდება, თმა როგორ მიხდება და ა.შ. რაც მანამდე მიხდებოდა, ახლა შეიძლება აღარ მომეწონოს და პირიქით. ახლა ცხვირს სხვა მაკიაჟს ვურჩევ, თუმცა ვერ ვიტყვი, რომ სტილს რადიკალურად ვიცვლი.
– ეს ოპერაცია პირველია თუ მანამდეც დაწოლილხართ პლასტიკური ქირურგის დანის ქვეშ?
– სულ ამბობენ, რომ ტუჩები მაქვს გაკეთებული, არადა ბუნებრივი მაქვს. მხოლოდ ბოტოქსი გავიკეთე. როგორც წესი, ცხვირის ოპერაციის შემდეგ ტუჩებსაც იდიდებენ, რადგან ცხვირსა და ტუჩებს შორის ადგილი იზრდება, მაგრამ მე ამას არ ვაპირებ, რადგან ეს დაშორება შესამჩნევი არ არის.
– ცნობილია, რომ პლასტიკურმა ოპერაციებმა "მიჩვევა" იცის. კიდევ ხომ არ გინდათ რამის გადაკეთება–გაუმჯობესება გარეგნობაში?
– არ ვარ ის ადამიანი, რომელსაც ნებისყოფა არ აქვს და რაიმეზე დამოკიდებული ხდება, პირიქით. ცხვირის წვერის შეცვლამდე თმის ფერის შეცვლას ვაპირებდი, მაგრამ ახლა უკვე გადავიფიქრე. ამდენი ცვლილება არ მინდა. პლასტიკურ ოპერაციებზე დამოკიდებული ნამდვილად არ გავხდები.
– როგორ ფიქრობთ, თქვენი ახალი სახე ახალ შეთავაზებებს მოიზიდავს ტელეარხებიდან?
– ნამდვილად მაქვს შემოთავაზებები, მაგრამ ჯერჯერობით ვერაფერს გეტყვით. თან ჩემი ცხვირი კარგად უნდა ჩადგეს ფორმაში და მერე ალბათ რაიმეს გავაკეთებ.
– თქვენს პირად ცხოვრებაშიც ხომ არ არის სიახლე?
– არა, პირად ცხოვრებაში სიახლე არ არის, პრინციპში, არც მინდა, რომ ჯერ რაიმე სიახლე იყოს. ის პერიოდი მაქვს, როცა ყველაფრისგან ვისვენებ და კარგად ვარ.
მანანა ნოდია, ჟურნალი სარკე
