ნანა ნებიერიძე:თუ ოდესმე ძალიან დამჭირდება კანის გადაჭიმვა, ალბათ უარს არ ვიტყვი.
1 866 ნახვა
წარსულში სპორტსმენი – წყალში მხტომელი, სიდნეის ოლიმპიადის მონაწილე ნანა ნებიერიძე, საზოგადოებამ პროექტიდან "ცეკვავენ ვარსკვლავები" ახალი კუთხით გაიცნო. მან შესანიშნავი საცეკვაო მონაცემები გამოავლინა, რითიც მაყურებელიც მოხიბლა და ჟიურიც. მისდამი სიმპათიას თავად ნანას მომხიბვლელობაც აძლიერებს. მისი ქალურობისა და სილამაზის საიდუმლო კი თურმე სიყვარული ყოფილა. საყვარელი მამაკაცი სტიმულს აძლევს, ყოველთვის კარგად გამოიყურებოდეს, ხოლო ცუდ განწყობას ვარჯიშით და ცურვით ებრძვის. ყოველთვის იცის, როგორი სტილის სამოსი თუ ვარცხნილობა უხდება და ისიც გაგვიმხილა, რომ მაკიაჟის გაკეთება საქართველოს პრეზიდენტის, გიორგი მარგველაშვილის მეგობარმა ქალმა, მაკა ჩიჩუამ ასწავლა. მაშინ ისინი თანამშრომლები იყვნენ, ნანა ტელეკომპანია "პიკის" წამყვანი გახლდათ, მაკა ჩიჩუა – ვიზაჟისტი.
– ქალბატონო ნანა, სანამ ჩვენს რუბრიკაზე გადავალთ, პროექტის შესახებ გკითხავთ. კონკურსი უკვე დაძაბულ ფაზაში შევიდა, როგორ გრძნობთ თავს?
– ეს ყველაფერი ნამდვილად არ არის ადვილი. უკვე ორი თვეა ყოველდღიურად რეპეტიციები მაქვს. აქამდე არ მიგრძვნია, მაგრამ ახლა უკვე ვამჩნევ, რომ კონკურსანტების სავარძლები ცარიელდება, ეს, რა თქმა უნდა, სამწუხაროა.
– კონკურსის შემდეგ როგორ გააგრძელებთ ცხოვრებას?
– აქამდე ტელეკომპანია "პიკში" ვმუშაობდი, წამყვანი ვიყავი. კონკურსის მერე, ვერ გეტყვით, რას გავაკეთებ. რა თქმა უნდა, არსებობს გეგმები და მიზნები, მაგრამ ხვალ რა იქნება, ზუსტად არ ვიცი.
– მართალია, ეკრანზე ჩანდით, მანამდე კი წარმატებული სპორტსმენი იყავით, მაგრამ ყველაზე მეტი პოპულარობა მაინც ტელეპროექტმა მოგიტანათ. გრძნობთ ხალხისგან ყურადღებას?
– ცოტა ხნის წინ მაღაზიაში შევედი და გამყიდველმა მითხრა, გგულშემატკივრობთო. ისე დავიბენი... უკვე ორი თვეა პროექტში ვარ, მაგრამ მაინც ვერ მივეჩვიე, რომ მცნობენ. მანქანის საბურავის გასაკეთებლად მისულს ასევე მითხრეს, გქომაგობთო და ესეც ჩემთვის მოულოდნელი იყო. ძალიან სასიამოვნოა ეს ყველაფერი. საერთოდ, არ მიყვარს სიტყვა "ვარსკვლავი". ვარსკვლავი მადონაა, მე – კონკურსანტი.
– კონკურსში ყოველთვის კარგი მაკიაჟით ჩნდებით. როგორც ტელეწამყვანს, მაკიაჟის გაკეთება ალბათ თავადაც გეცოდინებათ.
– "პიკში" რომ ვმუშაობდი, ზუსტად იმ პერიოდში მაკა ჩიჩუა, ახლანდელი საქართველოს პირველი ლედი, ჩვენი ვიზაჟისტი იყო. მან მასწავლა მაკიაჟის სწორად გაკეთება, მანამდე თვალსაც კი ვერ ვიღებავდი. სხვათა შორის, თვალების დახატვა სრულყოფილად დღემდე ვერ გამომდის. კოსმეტიკას ჩანთით არ ვატარებ, რადგან ძირითადად არ ვიყენებ. ერთადერთი, ტონალური კრემი და ტუში შეიძლება წავისვა.
– ოდესმე პლასტიკური ქირურგია თუ დაგჭირვებიათ?
– არასოდეს! ჩემზე ამბობენ, ბოტოქსი აქვს გაკეთებულიო, მაგრამ სიმართლე არ არის. მერწმუნეთ, ჩემი ნაოჭები ჩემი სიამაყეა. მირჩევნია, ბუნებრივად გამოვიყურებოდე, ყოველ შემთხვევაში, ჯერჯერობით ასე ვფიქრობ. თუ ოდესმე ძალიან დამჭირდება კანის გადაჭიმვა, ალბათ უარს არ ვიტყვი.
– ვის რჩევებს ენდობით გარეგნობასთან დაკავშირებით?
– საკუთარ იმიჯზე თავად ვზრუნავ, მაგრამ რჩევებს მაძლევენ ჩემი ქალიშვილი, რომელიც 19 წლის არის და ჩემი საყვარელი ადამიანი. მათ აზრს ყოველთვის ვითვალისწინებ.
– ვინ დგას თქვენ გვერდით, მის სახელს და გვარს არ გვეტყვით?
– ჯერჯერობით – არა. ეს ცოტა ნაადრევი იქნება. თან ვფიქრობ, რომ პირადი ცხოვრების აფიშირება სწორი არ არის. არ მიყვარს ამაზე საუბარი.
– საყვარელი მამაკაცისგან რა რჩევებს იღებთ? შეგიძლიათ ერთი კონკრეტული შემთხვევა გაიხსენოთ?
– ერთხელ სტუმრად მივდიოდი პრეზენტაციზე და გამოსასვლელ სამოსს ვარჩევდი მაღაზიაში. კაბაც მომეწონა და შარვალიც. არჩევანი ვერ გავაკეთე, ამიტომ მობილურით ორივეს გადავუღე სურათი და ჩემს საყვარელ ადამიანს გავუგზავნე. მომწერა, შარვალი ძალიან მაგარიაო და ის ვიყიდე.
– ალბათ ქალიშვილიც მოგმართავთ რჩევებისთვის.
– დიახ, ახლაც, სანამ ინტერვიუზე შეგხვდებოდით, მთხოვა, ერთ–ერთ მაღაზიაში შემევლო და მისთვის შარვალი შემერჩია. ჰყავს უამრავი მეგობარი, მაგრამ ჩემს გემოვნებას განსაკუთრებულად ენდობა. ეს კი ჩემთვის დიდი კომპლიმენტია. მე და ნინის დედაშვილური ურთიერთობაც გვაქვს და მეგობრულიც.
– არის რაიმე, რასაც უშლით მას?
– არაფერს. ტატუ აქვს გაკეთებული, თან – არაერთი. პირველად რომ გაიკეთა, ვთხოვე, ასეთი რამ ჩემთვის არ დაემალა და სხვა დროს ერთად შეგვერჩია, რას დაიხატავდა. გასაგებია, რომ ის ყოველთვის ბავშვი იქნება ჩემთვის, მაგრამ ნინა უკვე 19 წლისაა და დამოუკიდებლად უნდა გადაწყვიტოს, რა უნდა.
– როგორ აქსესუარებს და სამკაულებს ანიჭებთ უპირატესობას?
– ჩემი აქსესუარები დიდი ზომის არასდროს არის, სადაა. ოქრო მიყვარს. ბევრი სამკაული არ მაქვს, მაგრამ, რაც მაქვს, ოქროსია, თან ყველა რაღაც ისტორიას უკავშირდება და ამიტომ ისინი ძალიან ძვირფასია ჩემთვის.
– ბევრ ქალაქში გიცხოვრიათ – კიევში, მოსკოვში, ნიუ იორკში... თქვენი დაკვირვებით, სად უფრო უვლიან ქალები თავს?
– ჩემი აზრთ, იტალიელი ქალები ძალიან კარგად უვლიან თავს. ნიუ იორკში ყოფნისას ჩემთვის საინტერესო დასკვნა გავაკეთე: მანჰეტენზე სეირნობისას თუ დაინახავ, რომ ქალი მაღალქუსლიანი ფეხსაცმელებით მოდის, ის აუცილებლად ან უკრაინელი იქნება, ან რუსი, იმიტომ, რომ სხვა ეროვნების ქალი, მით უმეტეს, ამერიკელი, მანჰეტენზე ასეთი ფეხსაცმლით არ ივლის. შეიძლება ჩანთაში ჰქონდეთ გამოსასვლელი ფეხსაცმელი, მაგრამ ყოველდღიურად არ იყენებენ.
თბილისში გოგონები თავისუფლები გახდნენ და ეს მომწონს. მიუხედავად იმისა, რომ შეიძლება მსუქნები იყვნენ, კომპლექსი არ აქვთ, იცვამენ იმას, რაც მოსწონთ, მოკლე კაბას თუ შემოჭერილ შარვლებს. ეს კარგია, რადგან ადამიანმა უნდა ჩაიცვას ის, რაშიც თავს კარგად გრძნობს. ადრე მაინც იმაზე ფიქრობდნენ, ვინ რას იტყოდა და ვინ როგორ შეხედავდა.
– თქვენი მოხდენილი ფიგურის საიდუმლო რა არის?
– ორი რამ: ჯერ ერთი, ცომეულს არ ვჭამ და მეორე, ვცდილობ, სულ შეყვარებული ვიყო. როცა პირად ცხოვრებაში მშვიდად ხარ, სულ სხვანაირად გრძნობ თავს. მერე თავის მოვლაც გინდა, სულ კარგ ფორმაში ყოფნა და ეს ბუნებრივად გამოგდის. ამ დროს ყველაფერი გიხარია. ფორმის შენარჩუნებისთვის მხოლოდ დიეტა და ვარჯიში არ არის საკმარისი, შეყვარებულიც უნდა იყო. ეს არის ბედნიერების რეცეპტი.
– რა არის თქვენი ქალური სისუსტე?
– სუნამო, რომლის გარეშეც სახლიდან არ გავდივარ. სუნამოს სურნელი აუცილებლად ოდნავ ტკბილი უნდა იყოს. ჩემთვის ძალიან მნიშვნელოვანია, როცა მამაკაცსაც კარგი სუნამო ასხია.
– საყვარელ მამაკაცს სუნამოს თავად ურჩევთ?
– არა, რადგან ვფიქრობ, ეს ინდივიდუალურია და ადამიანმა თავად უნდა შეარჩიოს სუნამოს სურნელი.
– რა საშუალებებს მიმართავთ კანის, თმის მოვლისთვის?
– თუ არ გამოიძინებ, დილით ლამაზი და ჯანმრთელი ვერ ადგები. შესაბამისად, ვცდილობ, ძილს თავისი დრო დავუთმო, რამდენადაც შემიძლია.
– უფროსი თაობისგან რაიმე რჩევები გახსოვთ თავის მოვლასთან დაკავშირებით?
– დედის მხრიდან ბებია მყავდა გრაფინია რაზუმოვსკაია. ის ყოველთვის მასწავლიდა, ქალმა შუადღეზე, მინიმუმი, 20 წუთი უნდა დაიძინოსო. მეც ვცდილობ, დღეში 10 წუთი მაინც დავისვენო. ასევე მეუბნებოდა, როცა წვეულებაზე წახვალ, სახლში მიიღე საკვები, სტუმრად ყოფნისას ჭამა ლამაზი არ არისო. დედა სულ მასწავლიდა, კომპლიმენტების მიღებისას ნუ მორცხვობ, ბუნებრივად მიიღეო, მაგრამ დღემდე მიჭირს ეს, როცა კომპლიმენტს მეუბნებიან, ძალიან ვნერვიულობ.
– სარკის წინ რა დროს ატარებთ?
– ახლა დიდ დროს ვატარებ, რადგან დარბაზში, სადაც ცეკვებს ვსწავლობთ, ყველგან სარკეა. ზოგადად, სწრაფად შემიძლია თავის მოწესრიგება.
– ყოველთვის კმაყოფილი რჩებით, როცა სარკეში თქვენს თავს უყურებთ?
– განწყობას გააჩნია. ხანდახან არ მომწონს საკუთარი გარეგნობა, მაგრამ ამ დროს არაფერი უნდა შეცვალო, რადგან შეიძლება შედეგით კმაყოფილი არ დარჩე. ცუდ განწყობას თავადვე უნდა მოერიო, ძლიერი უნდა იყო. ასეთ დროს ყველაზე კარგი საშუალება ცურვა ან ვარჯიშია.
– საკუთარ გარეგნობაზე, სტილზე ექსპერიმენტები ჩაგიტარებიათ?
– არა. ერთხელ ვცადე თმის გაზრდა და მივხვდი, რომ ეს ჩემი სტილი არ არის.
– რას თვლით ცუდ ტონად?
– სუნამოს მეტისმეტად მძაფრ სურნელს. როცა ადამიანს ზედმეტი სუნამო ასხია, ეს ცუდი ტონია, ჩემი აზრით.
– რა ხდის ქალს მიმზიდველს, სასურველს?
– ყველაფერი შიგნიდან მოდის. ძალიან კარგია, როცა მოვლილი და ლამაზად ჩაცმული ხარ, მაგრამ თუ ადამიანი ბოღმიანია, გარეგნული მოვლა ვერ უშველის, კარგს ვერაფერს შემატებს.
– ქალბატონო ნანა, სანამ ჩვენს რუბრიკაზე გადავალთ, პროექტის შესახებ გკითხავთ. კონკურსი უკვე დაძაბულ ფაზაში შევიდა, როგორ გრძნობთ თავს?
– ეს ყველაფერი ნამდვილად არ არის ადვილი. უკვე ორი თვეა ყოველდღიურად რეპეტიციები მაქვს. აქამდე არ მიგრძვნია, მაგრამ ახლა უკვე ვამჩნევ, რომ კონკურსანტების სავარძლები ცარიელდება, ეს, რა თქმა უნდა, სამწუხაროა.
– კონკურსის შემდეგ როგორ გააგრძელებთ ცხოვრებას?
– აქამდე ტელეკომპანია "პიკში" ვმუშაობდი, წამყვანი ვიყავი. კონკურსის მერე, ვერ გეტყვით, რას გავაკეთებ. რა თქმა უნდა, არსებობს გეგმები და მიზნები, მაგრამ ხვალ რა იქნება, ზუსტად არ ვიცი.
– მართალია, ეკრანზე ჩანდით, მანამდე კი წარმატებული სპორტსმენი იყავით, მაგრამ ყველაზე მეტი პოპულარობა მაინც ტელეპროექტმა მოგიტანათ. გრძნობთ ხალხისგან ყურადღებას?
– ცოტა ხნის წინ მაღაზიაში შევედი და გამყიდველმა მითხრა, გგულშემატკივრობთო. ისე დავიბენი... უკვე ორი თვეა პროექტში ვარ, მაგრამ მაინც ვერ მივეჩვიე, რომ მცნობენ. მანქანის საბურავის გასაკეთებლად მისულს ასევე მითხრეს, გქომაგობთო და ესეც ჩემთვის მოულოდნელი იყო. ძალიან სასიამოვნოა ეს ყველაფერი. საერთოდ, არ მიყვარს სიტყვა "ვარსკვლავი". ვარსკვლავი მადონაა, მე – კონკურსანტი.
– კონკურსში ყოველთვის კარგი მაკიაჟით ჩნდებით. როგორც ტელეწამყვანს, მაკიაჟის გაკეთება ალბათ თავადაც გეცოდინებათ.
– "პიკში" რომ ვმუშაობდი, ზუსტად იმ პერიოდში მაკა ჩიჩუა, ახლანდელი საქართველოს პირველი ლედი, ჩვენი ვიზაჟისტი იყო. მან მასწავლა მაკიაჟის სწორად გაკეთება, მანამდე თვალსაც კი ვერ ვიღებავდი. სხვათა შორის, თვალების დახატვა სრულყოფილად დღემდე ვერ გამომდის. კოსმეტიკას ჩანთით არ ვატარებ, რადგან ძირითადად არ ვიყენებ. ერთადერთი, ტონალური კრემი და ტუში შეიძლება წავისვა.
– ოდესმე პლასტიკური ქირურგია თუ დაგჭირვებიათ?
– არასოდეს! ჩემზე ამბობენ, ბოტოქსი აქვს გაკეთებულიო, მაგრამ სიმართლე არ არის. მერწმუნეთ, ჩემი ნაოჭები ჩემი სიამაყეა. მირჩევნია, ბუნებრივად გამოვიყურებოდე, ყოველ შემთხვევაში, ჯერჯერობით ასე ვფიქრობ. თუ ოდესმე ძალიან დამჭირდება კანის გადაჭიმვა, ალბათ უარს არ ვიტყვი.
– ვის რჩევებს ენდობით გარეგნობასთან დაკავშირებით?
– საკუთარ იმიჯზე თავად ვზრუნავ, მაგრამ რჩევებს მაძლევენ ჩემი ქალიშვილი, რომელიც 19 წლის არის და ჩემი საყვარელი ადამიანი. მათ აზრს ყოველთვის ვითვალისწინებ.
– ვინ დგას თქვენ გვერდით, მის სახელს და გვარს არ გვეტყვით?
– ჯერჯერობით – არა. ეს ცოტა ნაადრევი იქნება. თან ვფიქრობ, რომ პირადი ცხოვრების აფიშირება სწორი არ არის. არ მიყვარს ამაზე საუბარი.
– საყვარელი მამაკაცისგან რა რჩევებს იღებთ? შეგიძლიათ ერთი კონკრეტული შემთხვევა გაიხსენოთ?
– ერთხელ სტუმრად მივდიოდი პრეზენტაციზე და გამოსასვლელ სამოსს ვარჩევდი მაღაზიაში. კაბაც მომეწონა და შარვალიც. არჩევანი ვერ გავაკეთე, ამიტომ მობილურით ორივეს გადავუღე სურათი და ჩემს საყვარელ ადამიანს გავუგზავნე. მომწერა, შარვალი ძალიან მაგარიაო და ის ვიყიდე.
– ალბათ ქალიშვილიც მოგმართავთ რჩევებისთვის.
– დიახ, ახლაც, სანამ ინტერვიუზე შეგხვდებოდით, მთხოვა, ერთ–ერთ მაღაზიაში შემევლო და მისთვის შარვალი შემერჩია. ჰყავს უამრავი მეგობარი, მაგრამ ჩემს გემოვნებას განსაკუთრებულად ენდობა. ეს კი ჩემთვის დიდი კომპლიმენტია. მე და ნინის დედაშვილური ურთიერთობაც გვაქვს და მეგობრულიც.
– არის რაიმე, რასაც უშლით მას?
– არაფერს. ტატუ აქვს გაკეთებული, თან – არაერთი. პირველად რომ გაიკეთა, ვთხოვე, ასეთი რამ ჩემთვის არ დაემალა და სხვა დროს ერთად შეგვერჩია, რას დაიხატავდა. გასაგებია, რომ ის ყოველთვის ბავშვი იქნება ჩემთვის, მაგრამ ნინა უკვე 19 წლისაა და დამოუკიდებლად უნდა გადაწყვიტოს, რა უნდა.
– როგორ აქსესუარებს და სამკაულებს ანიჭებთ უპირატესობას?
– ჩემი აქსესუარები დიდი ზომის არასდროს არის, სადაა. ოქრო მიყვარს. ბევრი სამკაული არ მაქვს, მაგრამ, რაც მაქვს, ოქროსია, თან ყველა რაღაც ისტორიას უკავშირდება და ამიტომ ისინი ძალიან ძვირფასია ჩემთვის.
– ბევრ ქალაქში გიცხოვრიათ – კიევში, მოსკოვში, ნიუ იორკში... თქვენი დაკვირვებით, სად უფრო უვლიან ქალები თავს?
– ჩემი აზრთ, იტალიელი ქალები ძალიან კარგად უვლიან თავს. ნიუ იორკში ყოფნისას ჩემთვის საინტერესო დასკვნა გავაკეთე: მანჰეტენზე სეირნობისას თუ დაინახავ, რომ ქალი მაღალქუსლიანი ფეხსაცმელებით მოდის, ის აუცილებლად ან უკრაინელი იქნება, ან რუსი, იმიტომ, რომ სხვა ეროვნების ქალი, მით უმეტეს, ამერიკელი, მანჰეტენზე ასეთი ფეხსაცმლით არ ივლის. შეიძლება ჩანთაში ჰქონდეთ გამოსასვლელი ფეხსაცმელი, მაგრამ ყოველდღიურად არ იყენებენ.
თბილისში გოგონები თავისუფლები გახდნენ და ეს მომწონს. მიუხედავად იმისა, რომ შეიძლება მსუქნები იყვნენ, კომპლექსი არ აქვთ, იცვამენ იმას, რაც მოსწონთ, მოკლე კაბას თუ შემოჭერილ შარვლებს. ეს კარგია, რადგან ადამიანმა უნდა ჩაიცვას ის, რაშიც თავს კარგად გრძნობს. ადრე მაინც იმაზე ფიქრობდნენ, ვინ რას იტყოდა და ვინ როგორ შეხედავდა.
– თქვენი მოხდენილი ფიგურის საიდუმლო რა არის?
– ორი რამ: ჯერ ერთი, ცომეულს არ ვჭამ და მეორე, ვცდილობ, სულ შეყვარებული ვიყო. როცა პირად ცხოვრებაში მშვიდად ხარ, სულ სხვანაირად გრძნობ თავს. მერე თავის მოვლაც გინდა, სულ კარგ ფორმაში ყოფნა და ეს ბუნებრივად გამოგდის. ამ დროს ყველაფერი გიხარია. ფორმის შენარჩუნებისთვის მხოლოდ დიეტა და ვარჯიში არ არის საკმარისი, შეყვარებულიც უნდა იყო. ეს არის ბედნიერების რეცეპტი.
– რა არის თქვენი ქალური სისუსტე?
– სუნამო, რომლის გარეშეც სახლიდან არ გავდივარ. სუნამოს სურნელი აუცილებლად ოდნავ ტკბილი უნდა იყოს. ჩემთვის ძალიან მნიშვნელოვანია, როცა მამაკაცსაც კარგი სუნამო ასხია.
– საყვარელ მამაკაცს სუნამოს თავად ურჩევთ?
– არა, რადგან ვფიქრობ, ეს ინდივიდუალურია და ადამიანმა თავად უნდა შეარჩიოს სუნამოს სურნელი.
– რა საშუალებებს მიმართავთ კანის, თმის მოვლისთვის?
– თუ არ გამოიძინებ, დილით ლამაზი და ჯანმრთელი ვერ ადგები. შესაბამისად, ვცდილობ, ძილს თავისი დრო დავუთმო, რამდენადაც შემიძლია.
– უფროსი თაობისგან რაიმე რჩევები გახსოვთ თავის მოვლასთან დაკავშირებით?
– დედის მხრიდან ბებია მყავდა გრაფინია რაზუმოვსკაია. ის ყოველთვის მასწავლიდა, ქალმა შუადღეზე, მინიმუმი, 20 წუთი უნდა დაიძინოსო. მეც ვცდილობ, დღეში 10 წუთი მაინც დავისვენო. ასევე მეუბნებოდა, როცა წვეულებაზე წახვალ, სახლში მიიღე საკვები, სტუმრად ყოფნისას ჭამა ლამაზი არ არისო. დედა სულ მასწავლიდა, კომპლიმენტების მიღებისას ნუ მორცხვობ, ბუნებრივად მიიღეო, მაგრამ დღემდე მიჭირს ეს, როცა კომპლიმენტს მეუბნებიან, ძალიან ვნერვიულობ.
– სარკის წინ რა დროს ატარებთ?
– ახლა დიდ დროს ვატარებ, რადგან დარბაზში, სადაც ცეკვებს ვსწავლობთ, ყველგან სარკეა. ზოგადად, სწრაფად შემიძლია თავის მოწესრიგება.
– ყოველთვის კმაყოფილი რჩებით, როცა სარკეში თქვენს თავს უყურებთ?
– განწყობას გააჩნია. ხანდახან არ მომწონს საკუთარი გარეგნობა, მაგრამ ამ დროს არაფერი უნდა შეცვალო, რადგან შეიძლება შედეგით კმაყოფილი არ დარჩე. ცუდ განწყობას თავადვე უნდა მოერიო, ძლიერი უნდა იყო. ასეთ დროს ყველაზე კარგი საშუალება ცურვა ან ვარჯიშია.
– საკუთარ გარეგნობაზე, სტილზე ექსპერიმენტები ჩაგიტარებიათ?
– არა. ერთხელ ვცადე თმის გაზრდა და მივხვდი, რომ ეს ჩემი სტილი არ არის.
– რას თვლით ცუდ ტონად?
– სუნამოს მეტისმეტად მძაფრ სურნელს. როცა ადამიანს ზედმეტი სუნამო ასხია, ეს ცუდი ტონია, ჩემი აზრით.
– რა ხდის ქალს მიმზიდველს, სასურველს?
– ყველაფერი შიგნიდან მოდის. ძალიან კარგია, როცა მოვლილი და ლამაზად ჩაცმული ხარ, მაგრამ თუ ადამიანი ბოღმიანია, გარეგნული მოვლა ვერ უშველის, კარგს ვერაფერს შემატებს.
