რას ფიქრობს სოფო ბედიას ყოფილი ქმარი მომღერალზე – მთავარია მორწმუნე იყოს...

როგორც ცნობილი გახდა, რომ მომღერალი სოფო ბედია შეყვარებულია. სოფოს რჩეული უფლებადამცველი და პოლიტპატიმარი მიშა მესხია.

მიშამ ''რეიტინგის'' საიტთან საუბრისას მათი სიყვარული დაადასტურა და აღნიშნა, რომ ასე ძალიან ცხოვრებაში პირველად შეუყვარდა.

სოფოს ყოფილი ქმარი მიშა შაყულაშვილი ერთი თვის წინ, ჟურნალ ''რეიტინგთან'' ინტერვიუში, იმედს არ კარგავდა, რომ მათი ოჯახი აღდგებოდა და ყველაფერი შერიგებით დამთავრდებოდა.

''ვადასტურებ, რომ დღეს მე და სოფო გაშორებული ვართ. სამოქალაქო რეესტრში ჩვენ ხელი გავაწერეთ, მაგრამ უფლის წინაშე ჯვარდაწერილები ვართ. წინასწარმეტყველი არ ვარ. არ ვიცი, მერე რა იქნება. ყოველ შემთხვევაში, ძალიან დიდი სურვილი მაქვს, რომ ჩვენი ლამაზი ოჯახი აღდგეს'' - ამბობდა მიშა.

მას შემდეგ, რაც სოფოს ახალი სიყვარულის შესახებ გახდა ცნობილი, მომღერლის ყოფილ მეუღლეს, მიშა შაყულაშვილს რამდენიმე კითხვით მივმართეთ:

- მიშა, გაიგებდით ალბათ, რომ სოფო შეყვარებულია.
- არ ვიცი. სოფოს ცხოვრების თვალყურის დევნებით არ ვარ დაკავებული.
- მახსოვს, იმედი გქონდათ, რომ შერიგდებოდით.
- იმედი ყოველთვის აქვს ადამიანს. დანარჩენი რაც ხდება, ყველაფერი ღმერთის ნებაა. თუ ღმერთს უნდა, გათხოვდება. თუ ჩემთან შესარიგებელი იქნება, შემირიგდება. როგორც არ უნდა მოხდეს, უფალს მინდა ვთხოვო, რომ ბედნიერი ამყოფოს. ჩემთან იქნება თუ სხვასთან, ამას მნიშვნელობა, ჩემი შვილის დედაა. მთავარია ღვთისმორწმუნე იყოს.
- შენს პირად ცხოვრებაში ხდება რამე?
- არაფერი არ ხდება და ძალიან დიდი ხანი არც მოხდება.
- მახსოვს გეგმები გქონდა, რომ ''ახალ ხმაში'' მიგეღო მონაწილეობა, ეს გეგმები ძალაში რჩება?
- რასაკვირველია, ძალაში რჩება. აქტიურ შემოქმედებითი ცხოვრების დაწყებას ვაპირებ.

რეიტინგი