ჯასტინ ბიბერი ფილიპინებში ტაიფუნით დაზარალებულებს ეხმარება

ცოტა ხნის წინ ჯასტინ ბიბერი საკონცერტო ტურის ფარგლებში ფილიპინებს ესტუმრა, თუმცა, მის გეგმებში მხოლოდ პუბლიკის გართობა არ შედიოდა. მომღერალმა დამანგრეველი ტაიფუნით დაზარალებული ადამიანების დახმარება გადაწყვიტა. მან თაყვანისმცემელს მოუწოდა სტიქიის მსხვერპლთათვის ფულის შეგროვებაში წვლილი შეეტანათ, სანაცვლოდ კი მათ სიუპრიზის გაკეთებას შეჰპირდა. თავდაპირველად, ბიბერი ფილიპინებში ჩასვლის შემდეგ ერთ-ერთ ადგილობრივ სკოლას ეწვია, რათა ბავშვებს პირადად გასაუბრებოდა. ფილიპინებში ბოლოს მომხდარი ტაიფუნის შედეგად 6 ათასი დაიღუპა, ბევრი უგზოუკვლოდ დაიკარგა, მილიონი ადამიანი კი უსახლკაროდ დარჩა. ჯასტინის გარდა, ცნობილი სახეებიდან საქველმოქმედო აქციაში ჩაბმა ვიქტორია და დევიდ ბექჰემებმა და ნაომი კემპბელმა მოინდომეს.
ავტორი: ეთუნა მზარეულიშვილი