ეკა ანდრონიკაშვილი არისტოკრატ მამაკაცს ელოდება
2 554 ნახვა
მსახიობი ეკა ანდრონიკაშვილი პროექტ ''ერთი-ერთში'' მონაწილეობაზე დიდხანს ფიქრობდა, სიმღერა არ გამოსდის და ამის გამო ჟიურის წევრებისგან ხშირად დაბალ ქულებს იღებს. მიუხედავად ამისა, არ ნანობს, რომ პროექტში მონაწილეობს. რადგან, როგორც მსახიობს, ასე მოკლე დროში არ ექნებოდა იმის საშუალება, რომ რამდენიმე პერსონაჟი განესახიერებინა. გასულ კვირას ეკას ''ერთი ერთში'' დაწყებამდე შევხვდით.
- ყველაზე კარგად თავი მერილინ მონროს განსახიერებისას ვიგრძენი, თუმცა თავიდან რომ ვიწყებდე, ახლა სხვანაირად მივუდგებოდი და სხვანაირად ვისიამოვნებდი ამ გარდასახვით. ბევრი ვინერვიულე და ეს ხელს მიშლიდა. ჩემი რადიკალური გარდასახვა, რა თქმა უნდა, იყო აფრიკ სიმონი. ჩემი მეგობარი გვერდით მედგა და ვერ მიხვდა, რომ მე ვიყავი. ყველაზე რთული ჩემთვის ეს იყო.
- ''ერთი ერთშის'' მონაწილეები ხშირად აღნიშნავენ, რომ ჟიურის შეფასებით კმაყოფილები არ არიან.
- არამარტო მონაწილეები ვამბობთ ამას. მაყურებელი ''ფეისბუქზე'' ხშირად მწერს, რომ შოუს სუსტი წერტილი არის ჟიური.
- თქვენ რატომ ეთანხმებით ამ მოსაზრებას? ფიქრობთ, რომ დაბალ შეფასებებს არ იმსახურებთ?
- ჩემიდან გამომდინარე არ ვამბობ. არათანაბარ ბრძოლაში ვარ. ყველა მომღერალია და მხოლოდ მე ვარ მსახიობი. ვერანაირად ვერ გავუწევ სიმღერაში კონკურენციას დანარჩენებს. ამას მე თავადაც ვამბობ. არსებობს ვერსია, რომ მონაწილეთა პედაგოგები არ უნდა იყვნენ ჟიურიში, ამ მოსაზრებას ვეთანხმები. თანაც, როცა ასეთ პროექტში უცხოენოვანი ჟიური ზის, მან კარგად უნდა იცოდეს არამცთუ ქართველი და რუსი მომღერლები, არამედ Bძველი თაობის შემსრულებლებიც. მათ კი არ იციან. ჟიურის ასეთი წევრი რომ ვყოფილიყავი, თუნდაც გადაცემის წინა დღეს დავჯდებოდი და ''იუთუბზე'' მაინც შევხედავდი ვიდეოებს. უფრო კომპეტენტური და საინტერესო ჟიურის დასმა შეიძლებოდა. მონაწილეებს გვიჭირს, რადგან თითქმის ყოველთვის ქართული და რუსული სიმღერა ვარდება.
- გაუჭირდათ პროექტზე თქვენი დათანხმება?
- სამი კვირა ვფიქრობდი, მიმეღო თუ არა პროექტში მონაწილეობა. მოვითხოვე ვოკალის პედაგოგი, რომელიც შემამოწმებდა და საკუთარ თავზე აიღებდა პასუხისმგებლობას. შემამოწმა და თქვა, სმენა აქვს და მოახერხებს მონაწილეობის მიღებასო. ამ პროექტში რომ ვარ, მთლად ჩემი ბრალი არ არის, კარგი იქნებოდა, ჩემ გარდა პროექტში კიდევ რამდენიმე მსახიობი ყოფილიყო. მაშინ უფრო საინტერესო იქნებოდა. ამ შემთხვევაში თეთრი ყვავივით არ ვიქნებოდი. თუმცა არ ვნანობ, რომ დავთანხმდი, რადგან მსახიობს ძალიან იშვიათად აქვს ამის შესაძლებლობა, ასე ხშირად გარდაისახოს. ამან ყველაზე მეტად მომხიბლა. გარდა ამისა, უზარმაზარ გამოცდილებას ვიღებ. მივიჩნევ, რომ ვოკალურადაც გავიზარდე, რეპეტიციებმა თავისი გააკეთა. სარგებლის მეტი არაფერი მოუცია. კარგი შოუა, მთელი ზაფხული პროექტის რუსულ ვერსიას ვუყურებდი და ძალიან მომწონდა. ყველა შოუს შორის, რაც ჩვენთან გასულა, ყველაზე მეტად მომწონს. აქედან გამომდინარე წავედი რისკზე და მივიღე მონაწილეობა. მიმაჩნია, რომ ჩემს გამოსვლებს ძალიან კრიტიკულად არ უნდა მივუდგე. გასართობი შოუა.
- შოუ ალბათ იმითაც არის საინტერესო, რომ პროექტს არავინ ტოვებს.
- ასე რომ არ ყოფილიყო, მე ალბათ მეორე საკონკურსო დღესვე დავტოვებდი პროექტს. შოუ გაძლევს იმის საშუალებას, რომ მაყურებელს კარგი კუთხით დაანახვო თავი.
- რას ფიქრობენ თქვენს სიმღერაზე ოჯახის წვერები?
- მეგობრები და ოჯახის წევრები, რასაკვირველია, მგულშემატკივრობენ. ჩემი შვილი, ლუკა ნაკაშიძე, სამი თვე ბერლინში იყო და ბერლინშიც ნახულობდა ჩემს გამოსვლებს. აფრიკ სიმონი რომ ვიყავი და ჩემი პორტრეტი დავდე წარწერით დედაშენი, მიაწერა, სიგიჟეაო. დედის მაგივრად აფროამერიკელი კაცი უყურებდა და ვერ დაიჯერა, რომ მე ვიყავი. ოჯახის წევრებს უხარიათ, რომ ავმღერდი და ასეთ კარგ პროექტში ვმონაწილეობ. თუმცა იმასაც ვიტყვი, რომ დამკარგეს. პრაქტიკულად, მთელი დღეები სახლიდან ვარ გამოსული.
- პროექტში მონაწილეობამ თქვენს მთავარ საქმიანობაში, მსახიობობაში ხელი ხომ არ შეგიშალათ?
- ძველებურად მაქვს შემოთავაზებები. სერიალში ვიწყებ თამაშს. როლზე დამამტკიცეს. სერიალი თურქულიდან გადმოაქართულეს. გადაღებები იანვრიდან დაიწყება.
- ამ ეტაპზე, ალბათ, რთული იქნება, ''ჩემი ცოლის დაქალებს'' რომელიმე სერიალმა კონკურენცია გაუწიოს.
- კარგ სერიალს ყოველთვის ეყოლება მაყურებელი.
- ხართ ''ჩემი ცოლის დაქალების'' მაყურებელი, სადაც თქვენი ყოფილი მეუღლე, გიორგი ნაკაშიძე თამაშობს?
- სამწუხაროდ, დრო არ მაქვს. ჩემ გარშემო ბევრი უყურებს. ყველაზე წარმატებული სერიალია, რაც კი საქართველოში გადაღებულა. უბრალოდ, ადრე თუ გვიან, ყველა სერიალი თავის თავს ამოწურავს და როდისმე უნდა დამთავრდეს. მახსოვს, ჩემს ბავშვობაში ''სანტა ბარბარა'' გადიოდა თორმეტი წელი. ბოლოს უაზრობებს იგონებდნენ, რომ გაეწელათ და საბოლოოდ გააფუჭეს. უნდა მიხვდე, როდის გაჩერდე, რომ სერიალი არ გაფუჭდეს.
- გიორგი ნაკაშიძის გმირზე რა აზრის ხართ?
- გიორგის თამაში ყოველთვის მომწონს და მივიჩნევ, რომ საქართველოში ერთ-ერთი კარგი მსახიობია. ის თავისი საქმის ფანატიკურად ერთგულია და რაღაც ნიშნულის ქვევით ვერანაირად ვერ ჩამოვა. რაღაც როლები უფრო მეტად მომწონს და რაღაც როლები - ნაკლებად. სერიალის პერსონაჟს ვერანაირად ვერ შევადარებ ''მანდარინების'' პერსონაჟს, რომელშიც ძალიან მომეწონა. ვფიქრობ, გიორგი ძალიან მაგარია ''მანდარინებში''. მან რამდენიმე უაღრესად საინტერესო როლი შექმნა. დიდ პატივს ვცემ მის პროფესიონალიზმს.
- თქვენი ''ერთი-ერთში'' მონაწილეობასთან დაკავშირებით რა აზრისაა? მოსწონს თქვენი გარდასახვები?
- ზუსტად იმავეს ფიქრობს, რასაც მე. ამბობს, რომ არათანაბარ პროექტში ვარ ჩართული და ამის გამო წუხს. მსახიობი ვერასდროს აჯობებს ვოკალით მომღერალს. თუმცა ის პერსონაჟი, რაც მე ამ პროექტის სცენაზე გავაკეთე, თეატრში რომ გამეკეთებინა, აბსოლუტურად სხვა პერსონაჟი იქნებოდა.
- გიმესიჯებთ?
- არ მგონია, მიმესიჯებდეს. მილიონი მეგობარი მყავს და მათ მეტი შესაძლებლობა აქვთ და შეიძლება, ისინიც არ მიმესიჯებდნენ. მესიჯები მხოლოდ ლაივის დროს იგზავნება და შეიძლება, ზუსტად იმ დროს არ მოხვდნენ ტელეეკრანთან. ყველა შოუსგან განსხვავებით, ამ შოუში რატომღაც მარტო პირდაპირი ეთერის დროს იგზავნება ესემესები. ასეთი მიდგომა შემოსული ესემესების რაოდენობას ძალიან ზღუდავს. გიორგიმ მითხრა, რამეში რომ დაგჭირდე, დაგეხმარებიო.
- რატომ არ შესთავაზეთ გიორგის მერილინ მონროს შესრულების დროს ქალის როლებიდან რომელიმე? ამ როლებს გადასარევად გაართვეს თავი ჯაბა კილაძემ და დუტა სხირტლაძემ, მაგრამ ყოფილი მეუღლის თქვენთან ერთად სცენაზე ხილვაც საინტერესო იქნებოდა.
- შევთავაზე, მაგრამ თეატრალური ფესტივალის ჟიურიში იჯდა და ვერ მოახერხებდა. თუმცა რატომ არ უნდა ყოფილიყვნენ დუტა და ჯაბა, რომლებიც საოცრად ჰგავდნენ დაფნას და ჟოზეფინას?!.. გიორგი ჟიურის წევრი რომ არ ყოფილიყო, აუცილებლად დამეხმარებოდა ამ ნომრის მომზადებაში. მოგვიანებით, თუ დამჭირდა და მოუხდება გიორგი პერსონაჟს, მონაწილეობას შევთავაზებ.
- ისეთი მამაკაცი, როგორსაც გიორგი სერიალ ''ჩემი ცოლის დაქალებში'' თამაშობს, მოგეწონებოდათ?
- რთულ კითხვას მისვამ. ქალი ვარ, რომელიც თერთმეტი წელი გათხოვილი ვიყავი გიორგიზე. დავშორდით და ახლა იმაზე ფიქრი, პერსონაჟი მომეწონებოდა თუ არა, რთული იქნება.
- ჰგავს გიორგი ''ჩემი ცოლის დაქალების'' პერსონაჟს?
- საერთოდ არ ჰგავს.
- თქვით, რომ თქვენი შვილი გერმანიაში იყო. რას საქმიანობს?
- ენის სამთვიან კურსებზე იყო, რათა გაეგო, როგორია მარტო ცხოვრება და მარტო ყოფნა. ძალიან უნდა, უცხოეთში ჩააბაროს. თბილისში თეატრალურში სარეჟისოროზე ჩააბარა, მაგრამ ბერლინის სარეჟისორო სკოლის გავლის სურვილი აქვს. ვიფიქრე, ჯერ სამთვიანი ტესტი გაგვეკეთებინა, როგორ მოეწონებოდა ბერლინში ცხოვრება.
- რა ხდება თქვენს პირად ცხოვრებაში?
- სად მცალია პირადი ცხოვრებისთვის? სულ დაკავებული ვარ. ახლა ვხვდები, რომ პირადი ცხოვრებისთვის არასდროს მცალია. ეს კატასტროფაა. ამ საკითხზე მართლა უნდა დავფიქრდე. დილა რომ იწყება, ვჯდები საჭესთან და დღის განმავლობაში რამდენიმე სამსახურში მივდივარ. ძალიან ვიღლები. მხოლოდ შაბათ-კვირას ვახერხებ მეგობრების ნახვას. რაღაც უნდა შევცვალო, თორემ ასე ვერასდროს მოვიცლი პირადი ცხოვრებისთვის.
- სოციალური ქსელი არ გეხმარებათ ვინმეს გაცნობაში?
- ''ერთი-ერთში'' დაწყების მერე აბსოლუტურად უცნობი ადამიანები მწერენ და რჩევებს მაძლევენ. თუმცა ''ფეისბუქზე'' გაცნობილ ადამიანს არასდროს არ შევხვდები. ვირტუალურ ურთიერთობას ყოველთვის ნამდვილი ურთიერთობა მირჩევნია. არ მცალია იმისთვის, რომ ჩემი ცხოვრების რაღაც ნაწილი, რომელიც თავისუფალი მაქვს, ვირტუალურ ურთიერთობას დავუთმო, სოციალურ ქსელს საქმიანობაში ვიყენებ.
- გაუმხელთ ჩვენს მკითხველს, როდის იყო ეკა ანდრონიკაშვილი ბოლოს შეყვარებული?
- ძალიან რთული შეკითხვა დამისვი.
- ეს ისე დიდი ხნის წინ იყო, რომ დიდხანს უნდა ითვალოთ?
- ცხოვრებაში ყველა ურთიერთობა არ გულისხმობს ნამდვილ შეყვარებულობას. რომ მიხვდე, შეყვარებული ხარ თუ არა, ურთიერთობის რაღაც ეტაპამდე უნდა მიხვიდე. შეიძლება, ისე გაიაროს ურთიერთობამ, რომ ნამდვილი გრძნობა და ნამდვილი სიყვარული ვერ შედგეს. არასდროს მითქვამს, თქვენს ჟურნალთან გავამხელ. ნამდვილად ცხოვრებაში მხოლოდ ორჯერ მიყვარდა. ამას დღევანდელი გადმოსახედიდან ვამბობ.
- როგორც ვხვდები, ერთი მათგანი გიორგი ნაკაშიძე იყო.
- ნამდვილად იყო და მეორის ვინაობას არ გეტყვით. ჩემთვის დავიტოვებ.
- მეორეც მსახიობია?
- არ იყო მსახიობი. ღმერთი სამობითაა, შეიძლება, კიდევ შემიყვარდეს.
- როგორი უნდა იყოს მამაკაცი, რომ თქვენ შეგიყვარდეთ?
- ჭკვიანი, იუმორის ნიჭით დაჯილდოებული, არისტოკრატი.
- მგონი, საქართველოს სამეფო სახლი თქვენზე ზრუნავს. მათი წყალობით უკვე იმდენი რაინდი გვყავს, რომელიმე მათგანზე არჩევანის გაკეთება არ იქნება რთული.
- არისტოკრატში წარმომავლობას არ ვგულისხმობ, ეს მეც არ მაკლია. ვგულისხმობ შინაგან მდგომარეობას, აღზრდას, ინტელექტს და ა.შ. პიტერ ოტულის მსგავსი ტიპაჟი მომწონს. ''როგორ მოვიპაროთ მილიონში'' მთავარ როლს რომ თამაშობს. მაღალი აღნაგობის, ცისფერი თვალებით, ბუნებით ცოტა ავანტიურისტი, იუმორის მქონე და თან მდიდარი. ძალიან კარგი ვინმე აღვწერე, ხომ?.. იმედია, ასეთი პიროვნება წაიკითხავს ამ ინტერვიუს და მიხვდება, რომ მას ველოდები.
მერი კობიაშვილი
ჟურნალი ''რეიტინგი''
- ყველაზე კარგად თავი მერილინ მონროს განსახიერებისას ვიგრძენი, თუმცა თავიდან რომ ვიწყებდე, ახლა სხვანაირად მივუდგებოდი და სხვანაირად ვისიამოვნებდი ამ გარდასახვით. ბევრი ვინერვიულე და ეს ხელს მიშლიდა. ჩემი რადიკალური გარდასახვა, რა თქმა უნდა, იყო აფრიკ სიმონი. ჩემი მეგობარი გვერდით მედგა და ვერ მიხვდა, რომ მე ვიყავი. ყველაზე რთული ჩემთვის ეს იყო.
- ''ერთი ერთშის'' მონაწილეები ხშირად აღნიშნავენ, რომ ჟიურის შეფასებით კმაყოფილები არ არიან.
- არამარტო მონაწილეები ვამბობთ ამას. მაყურებელი ''ფეისბუქზე'' ხშირად მწერს, რომ შოუს სუსტი წერტილი არის ჟიური.
- თქვენ რატომ ეთანხმებით ამ მოსაზრებას? ფიქრობთ, რომ დაბალ შეფასებებს არ იმსახურებთ?
- ჩემიდან გამომდინარე არ ვამბობ. არათანაბარ ბრძოლაში ვარ. ყველა მომღერალია და მხოლოდ მე ვარ მსახიობი. ვერანაირად ვერ გავუწევ სიმღერაში კონკურენციას დანარჩენებს. ამას მე თავადაც ვამბობ. არსებობს ვერსია, რომ მონაწილეთა პედაგოგები არ უნდა იყვნენ ჟიურიში, ამ მოსაზრებას ვეთანხმები. თანაც, როცა ასეთ პროექტში უცხოენოვანი ჟიური ზის, მან კარგად უნდა იცოდეს არამცთუ ქართველი და რუსი მომღერლები, არამედ Bძველი თაობის შემსრულებლებიც. მათ კი არ იციან. ჟიურის ასეთი წევრი რომ ვყოფილიყავი, თუნდაც გადაცემის წინა დღეს დავჯდებოდი და ''იუთუბზე'' მაინც შევხედავდი ვიდეოებს. უფრო კომპეტენტური და საინტერესო ჟიურის დასმა შეიძლებოდა. მონაწილეებს გვიჭირს, რადგან თითქმის ყოველთვის ქართული და რუსული სიმღერა ვარდება.
- გაუჭირდათ პროექტზე თქვენი დათანხმება?
- სამი კვირა ვფიქრობდი, მიმეღო თუ არა პროექტში მონაწილეობა. მოვითხოვე ვოკალის პედაგოგი, რომელიც შემამოწმებდა და საკუთარ თავზე აიღებდა პასუხისმგებლობას. შემამოწმა და თქვა, სმენა აქვს და მოახერხებს მონაწილეობის მიღებასო. ამ პროექტში რომ ვარ, მთლად ჩემი ბრალი არ არის, კარგი იქნებოდა, ჩემ გარდა პროექტში კიდევ რამდენიმე მსახიობი ყოფილიყო. მაშინ უფრო საინტერესო იქნებოდა. ამ შემთხვევაში თეთრი ყვავივით არ ვიქნებოდი. თუმცა არ ვნანობ, რომ დავთანხმდი, რადგან მსახიობს ძალიან იშვიათად აქვს ამის შესაძლებლობა, ასე ხშირად გარდაისახოს. ამან ყველაზე მეტად მომხიბლა. გარდა ამისა, უზარმაზარ გამოცდილებას ვიღებ. მივიჩნევ, რომ ვოკალურადაც გავიზარდე, რეპეტიციებმა თავისი გააკეთა. სარგებლის მეტი არაფერი მოუცია. კარგი შოუა, მთელი ზაფხული პროექტის რუსულ ვერსიას ვუყურებდი და ძალიან მომწონდა. ყველა შოუს შორის, რაც ჩვენთან გასულა, ყველაზე მეტად მომწონს. აქედან გამომდინარე წავედი რისკზე და მივიღე მონაწილეობა. მიმაჩნია, რომ ჩემს გამოსვლებს ძალიან კრიტიკულად არ უნდა მივუდგე. გასართობი შოუა.
- შოუ ალბათ იმითაც არის საინტერესო, რომ პროექტს არავინ ტოვებს.
- ასე რომ არ ყოფილიყო, მე ალბათ მეორე საკონკურსო დღესვე დავტოვებდი პროექტს. შოუ გაძლევს იმის საშუალებას, რომ მაყურებელს კარგი კუთხით დაანახვო თავი.
- რას ფიქრობენ თქვენს სიმღერაზე ოჯახის წვერები?
- მეგობრები და ოჯახის წევრები, რასაკვირველია, მგულშემატკივრობენ. ჩემი შვილი, ლუკა ნაკაშიძე, სამი თვე ბერლინში იყო და ბერლინშიც ნახულობდა ჩემს გამოსვლებს. აფრიკ სიმონი რომ ვიყავი და ჩემი პორტრეტი დავდე წარწერით დედაშენი, მიაწერა, სიგიჟეაო. დედის მაგივრად აფროამერიკელი კაცი უყურებდა და ვერ დაიჯერა, რომ მე ვიყავი. ოჯახის წევრებს უხარიათ, რომ ავმღერდი და ასეთ კარგ პროექტში ვმონაწილეობ. თუმცა იმასაც ვიტყვი, რომ დამკარგეს. პრაქტიკულად, მთელი დღეები სახლიდან ვარ გამოსული.
- პროექტში მონაწილეობამ თქვენს მთავარ საქმიანობაში, მსახიობობაში ხელი ხომ არ შეგიშალათ?
- ძველებურად მაქვს შემოთავაზებები. სერიალში ვიწყებ თამაშს. როლზე დამამტკიცეს. სერიალი თურქულიდან გადმოაქართულეს. გადაღებები იანვრიდან დაიწყება.
- ამ ეტაპზე, ალბათ, რთული იქნება, ''ჩემი ცოლის დაქალებს'' რომელიმე სერიალმა კონკურენცია გაუწიოს.
- კარგ სერიალს ყოველთვის ეყოლება მაყურებელი.
- ხართ ''ჩემი ცოლის დაქალების'' მაყურებელი, სადაც თქვენი ყოფილი მეუღლე, გიორგი ნაკაშიძე თამაშობს?
- სამწუხაროდ, დრო არ მაქვს. ჩემ გარშემო ბევრი უყურებს. ყველაზე წარმატებული სერიალია, რაც კი საქართველოში გადაღებულა. უბრალოდ, ადრე თუ გვიან, ყველა სერიალი თავის თავს ამოწურავს და როდისმე უნდა დამთავრდეს. მახსოვს, ჩემს ბავშვობაში ''სანტა ბარბარა'' გადიოდა თორმეტი წელი. ბოლოს უაზრობებს იგონებდნენ, რომ გაეწელათ და საბოლოოდ გააფუჭეს. უნდა მიხვდე, როდის გაჩერდე, რომ სერიალი არ გაფუჭდეს.
- გიორგი ნაკაშიძის გმირზე რა აზრის ხართ?
- გიორგის თამაში ყოველთვის მომწონს და მივიჩნევ, რომ საქართველოში ერთ-ერთი კარგი მსახიობია. ის თავისი საქმის ფანატიკურად ერთგულია და რაღაც ნიშნულის ქვევით ვერანაირად ვერ ჩამოვა. რაღაც როლები უფრო მეტად მომწონს და რაღაც როლები - ნაკლებად. სერიალის პერსონაჟს ვერანაირად ვერ შევადარებ ''მანდარინების'' პერსონაჟს, რომელშიც ძალიან მომეწონა. ვფიქრობ, გიორგი ძალიან მაგარია ''მანდარინებში''. მან რამდენიმე უაღრესად საინტერესო როლი შექმნა. დიდ პატივს ვცემ მის პროფესიონალიზმს.
- თქვენი ''ერთი-ერთში'' მონაწილეობასთან დაკავშირებით რა აზრისაა? მოსწონს თქვენი გარდასახვები?
- ზუსტად იმავეს ფიქრობს, რასაც მე. ამბობს, რომ არათანაბარ პროექტში ვარ ჩართული და ამის გამო წუხს. მსახიობი ვერასდროს აჯობებს ვოკალით მომღერალს. თუმცა ის პერსონაჟი, რაც მე ამ პროექტის სცენაზე გავაკეთე, თეატრში რომ გამეკეთებინა, აბსოლუტურად სხვა პერსონაჟი იქნებოდა.
- გიმესიჯებთ?
- არ მგონია, მიმესიჯებდეს. მილიონი მეგობარი მყავს და მათ მეტი შესაძლებლობა აქვთ და შეიძლება, ისინიც არ მიმესიჯებდნენ. მესიჯები მხოლოდ ლაივის დროს იგზავნება და შეიძლება, ზუსტად იმ დროს არ მოხვდნენ ტელეეკრანთან. ყველა შოუსგან განსხვავებით, ამ შოუში რატომღაც მარტო პირდაპირი ეთერის დროს იგზავნება ესემესები. ასეთი მიდგომა შემოსული ესემესების რაოდენობას ძალიან ზღუდავს. გიორგიმ მითხრა, რამეში რომ დაგჭირდე, დაგეხმარებიო.
- რატომ არ შესთავაზეთ გიორგის მერილინ მონროს შესრულების დროს ქალის როლებიდან რომელიმე? ამ როლებს გადასარევად გაართვეს თავი ჯაბა კილაძემ და დუტა სხირტლაძემ, მაგრამ ყოფილი მეუღლის თქვენთან ერთად სცენაზე ხილვაც საინტერესო იქნებოდა.
- შევთავაზე, მაგრამ თეატრალური ფესტივალის ჟიურიში იჯდა და ვერ მოახერხებდა. თუმცა რატომ არ უნდა ყოფილიყვნენ დუტა და ჯაბა, რომლებიც საოცრად ჰგავდნენ დაფნას და ჟოზეფინას?!.. გიორგი ჟიურის წევრი რომ არ ყოფილიყო, აუცილებლად დამეხმარებოდა ამ ნომრის მომზადებაში. მოგვიანებით, თუ დამჭირდა და მოუხდება გიორგი პერსონაჟს, მონაწილეობას შევთავაზებ.
- ისეთი მამაკაცი, როგორსაც გიორგი სერიალ ''ჩემი ცოლის დაქალებში'' თამაშობს, მოგეწონებოდათ?
- რთულ კითხვას მისვამ. ქალი ვარ, რომელიც თერთმეტი წელი გათხოვილი ვიყავი გიორგიზე. დავშორდით და ახლა იმაზე ფიქრი, პერსონაჟი მომეწონებოდა თუ არა, რთული იქნება.
- ჰგავს გიორგი ''ჩემი ცოლის დაქალების'' პერსონაჟს?
- საერთოდ არ ჰგავს.
- თქვით, რომ თქვენი შვილი გერმანიაში იყო. რას საქმიანობს?
- ენის სამთვიან კურსებზე იყო, რათა გაეგო, როგორია მარტო ცხოვრება და მარტო ყოფნა. ძალიან უნდა, უცხოეთში ჩააბაროს. თბილისში თეატრალურში სარეჟისოროზე ჩააბარა, მაგრამ ბერლინის სარეჟისორო სკოლის გავლის სურვილი აქვს. ვიფიქრე, ჯერ სამთვიანი ტესტი გაგვეკეთებინა, როგორ მოეწონებოდა ბერლინში ცხოვრება.
- რა ხდება თქვენს პირად ცხოვრებაში?
- სად მცალია პირადი ცხოვრებისთვის? სულ დაკავებული ვარ. ახლა ვხვდები, რომ პირადი ცხოვრებისთვის არასდროს მცალია. ეს კატასტროფაა. ამ საკითხზე მართლა უნდა დავფიქრდე. დილა რომ იწყება, ვჯდები საჭესთან და დღის განმავლობაში რამდენიმე სამსახურში მივდივარ. ძალიან ვიღლები. მხოლოდ შაბათ-კვირას ვახერხებ მეგობრების ნახვას. რაღაც უნდა შევცვალო, თორემ ასე ვერასდროს მოვიცლი პირადი ცხოვრებისთვის.
- სოციალური ქსელი არ გეხმარებათ ვინმეს გაცნობაში?
- ''ერთი-ერთში'' დაწყების მერე აბსოლუტურად უცნობი ადამიანები მწერენ და რჩევებს მაძლევენ. თუმცა ''ფეისბუქზე'' გაცნობილ ადამიანს არასდროს არ შევხვდები. ვირტუალურ ურთიერთობას ყოველთვის ნამდვილი ურთიერთობა მირჩევნია. არ მცალია იმისთვის, რომ ჩემი ცხოვრების რაღაც ნაწილი, რომელიც თავისუფალი მაქვს, ვირტუალურ ურთიერთობას დავუთმო, სოციალურ ქსელს საქმიანობაში ვიყენებ.
- გაუმხელთ ჩვენს მკითხველს, როდის იყო ეკა ანდრონიკაშვილი ბოლოს შეყვარებული?
- ძალიან რთული შეკითხვა დამისვი.
- ეს ისე დიდი ხნის წინ იყო, რომ დიდხანს უნდა ითვალოთ?
- ცხოვრებაში ყველა ურთიერთობა არ გულისხმობს ნამდვილ შეყვარებულობას. რომ მიხვდე, შეყვარებული ხარ თუ არა, ურთიერთობის რაღაც ეტაპამდე უნდა მიხვიდე. შეიძლება, ისე გაიაროს ურთიერთობამ, რომ ნამდვილი გრძნობა და ნამდვილი სიყვარული ვერ შედგეს. არასდროს მითქვამს, თქვენს ჟურნალთან გავამხელ. ნამდვილად ცხოვრებაში მხოლოდ ორჯერ მიყვარდა. ამას დღევანდელი გადმოსახედიდან ვამბობ.
- როგორც ვხვდები, ერთი მათგანი გიორგი ნაკაშიძე იყო.
- ნამდვილად იყო და მეორის ვინაობას არ გეტყვით. ჩემთვის დავიტოვებ.
- მეორეც მსახიობია?
- არ იყო მსახიობი. ღმერთი სამობითაა, შეიძლება, კიდევ შემიყვარდეს.
- როგორი უნდა იყოს მამაკაცი, რომ თქვენ შეგიყვარდეთ?
- ჭკვიანი, იუმორის ნიჭით დაჯილდოებული, არისტოკრატი.
- მგონი, საქართველოს სამეფო სახლი თქვენზე ზრუნავს. მათი წყალობით უკვე იმდენი რაინდი გვყავს, რომელიმე მათგანზე არჩევანის გაკეთება არ იქნება რთული.
- არისტოკრატში წარმომავლობას არ ვგულისხმობ, ეს მეც არ მაკლია. ვგულისხმობ შინაგან მდგომარეობას, აღზრდას, ინტელექტს და ა.შ. პიტერ ოტულის მსგავსი ტიპაჟი მომწონს. ''როგორ მოვიპაროთ მილიონში'' მთავარ როლს რომ თამაშობს. მაღალი აღნაგობის, ცისფერი თვალებით, ბუნებით ცოტა ავანტიურისტი, იუმორის მქონე და თან მდიდარი. ძალიან კარგი ვინმე აღვწერე, ხომ?.. იმედია, ასეთი პიროვნება წაიკითხავს ამ ინტერვიუს და მიხვდება, რომ მას ველოდები.
მერი კობიაშვილი
ჟურნალი ''რეიტინგი''
