ვინ არის ბორის ბედიას რჩეული ქალი - „ცოტა გავასუქე“...

მომღერალმა ბორის ბედიამ „ფეისბუქის“ საკუთარ გვერდზე ვიდეო ატვირთა, სადაც ერთ-ერთ რესტორანში რუსულ სიმღერას ასრულებს. მოულოდნელად, სცენაზე გრძელფეხება, ლამაზი გოგონა ადის და მასთან ერთად მღერის.

წყვილი სიმღერის დროს ცეკვას იწყებს. ბოლოს ბორისი მადლობას უხდის გოგონას, რომელიც როგორც შემდეგ გავარკვიეთ, თამარელა ქაჩიბაიაა. ეს გოგონა რომ არა, ამ სიმღერას ასე ვერ შევასრულებდიო, - ამბობს ბორისი.

ვიდეოს ქვევით მისი მეგობრების კომენტარებს ვკითხულობთ. ასე თუ გააგრძელა ბორისმა, მალე თბილისში ყველა ქალი მისი იქნება და ჩვენ რაღა ვქნათო.

მალე ბორიამ თამარელასთან გადაღებული საკმაოდ პიკანტური ფოტოები გამოაქვეყნა და მეგობრების მილოცვებიც მიიღო. იხარეთ და იბედნიერეთო - სწერდნენ მომღერალს.

ვიფიქრე, რომ მომღერალმა ცოლი მოიყვანა და სოციალური ქსელის საშუალებით ინტერვიუ ჩავწერე.

- ბორის, ვინ არის ეს ლამაზი გოგონა, ცოლი მოიყვანე?
- არა, გაგიჟდით, რა ცოლი, ჩემი ქალია.
- ქალი რას ნიშნავს?
- რა გითხრა, არც შეყვარებულია და არც საცოლე.
- სად გაიცანი?
- რესტორანში ვუმღერე და მისი გული დავიპყარი.
- ხშირად იპყრობ ასე გოგონების გულს?
- უმეტეს შემთხვევაში, კი.
- რა პროფესიის არის თამარელა?
- იურისტია, სხვათა შორის, კარგი გოგოა.
- მერე, თუ კარგი გოგოა, საცოლე რატომ არ არის?
- რა ვიცი, ვნახოთ. შეიძლება ჩემი ბედიც არის. მთავარია ერთმანეთს ვუგებთ ყველაფერში.
- დაკავებული ხომ არ არის, მეუღლე ჰყავს?
- არა, თავისუფალია.
- მეჩვენება თუ ამ ფოტოში ფეხმძიმედ არის?
- არა, ცოტა გავასუქე (იცინის). 8 თვეა ერთად ვართ.
- მაშ, წარმატებებს გისურვებთ. ბევრი არ აჭამო, მერე ფეხმძიმობა აღარ შეეტყობა.

ნინო მჭედლიშვილი
რეიტინგი