თუ გახდომას აპირებთ იკვებეთ სწორად

საახალწლო დღესასწაულები ახლოვდება და ქალბატონები განსაკუთრებული მონდომებით ზრუნავენ საკუთარ გარეგნობაზე. გულმოდგინედ იცავენ სხვადასხვა დიეტას და მტანჯველ შიმშილსაც გმირულად უძლებენ. სილამაზეზე ზრუნვა წამებად რომ არ გექცეთ, სპეციალისტთა რჩევები გაითვალისწინეთ.

იკვებეთ სწორად

ეცადეთ, რაციონი მაქსიმალურად გაამდიდროთ სასარგებლო პროდუქტებით. ასეთი მიდგომა რამდენიმე კილოგრამის დაკლებაში დაგეხმარებათ. უარი თქვით ძნელად მოსანელებელ, კონსერვანტების შემცველ საკვებზე, ტკბილეულზე, შებოლილ და ცხიმიან ხორცზე.

ნუ იშიმშილებთ

რაციონის კალორიულობის მკვეთრი შემცირებით წონაში ვერ დაიკლებთ. ხშირად ასეთი ქმედება ნივთიერებათა ცვლის შენელებას იწვევს, რადგან ორგანიზმი კალორიების შენარჩუნებისთვის იწყებს ბრძოლას. რასაკვირველია, კალორიების შეზღუდვა საჭიროა, მაგრამ ბევრი რამ თქვენი ცხოვრების რეჟიმზე, აღნაგობასა და სხვა ინდივიდუალურ ფაქტორებზეა დამოკიდებული. საშუალოდ დღიური რაციონი არანაკლებ 1200-1500 კკალორიას უნდა შეიცავდეს.

სასმელები კალორიულია

ნებისმიერი სასმელი, წყლის გარდა, კალორიებს შეიცავს. ერთი ბოკალი ღვინო დაახლოებით 120-180 კკალორიას შეიცავს. განსაკუთრებით კალორიულია ლუდი. რაც შეეხება გაზიან სასმელებს, ყველაფერთან ერთად ხელოვნურ დამატკბობლებსაც შეიცავს, რომლებიც ჯანმრთელობისთვის საზიანოა და ორგანიზმს ნახშირწყლებით მდიდარი საკვების მიღების სურვილს აღუძრავს.

თეთრი ფქვილისაგან მომზადებული ნაწარმი

რაციონიდან გამორიცხე თეთრი ფქვილისაგან მომზადებული საკვები სისხლში შაქრის დონეს ამაღლებს და კუჭქვეშა ჯირკვალს ინსულინის გაძლიერებული რეჟიმის გამომუშავებისკენ უბიძგებს. ასეთი სიტუაციის გამო მადის კონტროლი ძნელდება და ენერგიის ნაკლებობას განიცდით.

ჟურნალი ''რეიტინგი''