ბიონსემ სუპერმარკეტის ყველა მყიდველის ნაცვლად გადაიხადა

გასულ უქმეებზე მასაჩუსეტსის შტატის ქალაქ ტიუკსბერის მცხოვრებლები მოულოდნელი სიურპრიზის მოწმენი გახდნენ. საყიდლებზე „Walmart“-ში წასულ მომხმარებელს სუპერმარკეტში ბიონსე დახვდათ, რომელიც თავადაც საშობაო სამზადისში გახლდათ ჩართული. თუმცა, მომღერალმა მხოლოდ საკუთარ თავზე როდი იზრუნა. მან „Walmart“-ის ყველა მყიდველის ნაცვლად გადახდა გადაწყვიტა. „თითოეული აქ მყოფის საჩუქრის პირველ 50 დოლარს მე ავანაზღაურებ“, - განაცხადა ბიონსემ. ასეთი გულუხვობა ვარსკვლავს სულ რაღაც 37,5 ათასა დოლარი დაუჯდა, ვინაიდან მან საკუთარ თავზე 750 ადამიანის შენაძენის გადახდა მოინდომა. თუმცა, ისიც უნდა აღინიშნოს, რომ ზემოთ აღნიშნული თანხა ბიონსესთვის და მისი მეუღლისთვის ზღვაში წვეთია. მათი წყვილი შოუ ბიზნესში ყველაზე მდიდარია. ამას გარდა, მომღერალს ახალი ალბომი დიდ წარმატებას უქადის. დისკი გამოსვლიდან სამ დღეში სამი მილიონი ტირაჟით გაიყიდა. სხვათაშორის, მომღერლის ამჟამინდელი „Walmart“-ში შოპინგი საკმაოდ მოკრძალებული გამოდგა. მან ქალიშვილს, ბლუ აივის თოჯინა და რამდენიმე წვრილმანი უყიდა.