თიკა ჯამბურიამ საკუთარი ნიშნობა კაფეში გაითამაშა და მედიას დასცინა +ვიდეო

ალბათ, გახსოვთ, ცოტა ხნის წინ მომღერალი თიკა ჯამბურია "ფეისბუქიდან" საკუთარი ნიშნობის შესახებ რომ გვატყობინებდა. მეორე დღეს თიკას ამ განცხადებას მისი ყოფილი დედამთილის, ხათუნა ხოფერიას კომენტარებიც მოჰყვა.

ზოგმა დაიჯერა თიკას გათხოვების ამბავი, ზოგმა კი - არა.

როგორც ჩანს, კრეატიულმა თიკამ ექსპერიმენტის ჩატარება გადაწყვიტა და ერთ-ერთ კაფეში მარტომ (ქართული ფილმის - "რაც გინახავს, ვეღარ ნახავ" მსგავსად) ჯერ საკუთარი თავი დანიშნა, შემდეგ კი ფოტოები "ფეისბუქზე" გამოაქვეყნა.
ეს ყველაფერი ვიდეოგადაღების ქვეშ მიმდინარეობდა (აბა, ისე ხომ ექსპერიმენტი არასრულყოფილი იქნებოდა). როგორც ვიდეოდან გვატყობინებენ, ექსპერიმენტის მიზანი იყო, თიკას ყვითელი პრესის ჟურნალისტებისთვის ეთქვა, რომ კატეგორია ექსკლუზივის ქვეშ მათ მიერ მოპოვებული მასალები ხშირად რამდენიმე წამში იქმნება.

მაგრამ მაინც... აშკარაა, თიკა ახალ-ახალი სიმღერების ჩაწერებს შორის "ექსპერიმენტებითა" თუ "ხუმრობებით" ცდილობს პრესის ყურადღების ცენტრში მოხვედრას.