გივი სიხარულიძე ”ამ ჭორს მიგონებენ ცისფერები და გათახსირებული ქალები”

"იდენტობის" საიტზე ვიდეო გამოქვეყნდა, სადაც ვაგზალზე მცხოვრები უსახლკარო - გელა სიხარულიძე (სურათზე, მარჯვნივ) თავის ხალხს ასე აცნობს - ”ვინცაა გაჭირვებული, ნახევაზე მეტი დაიხოცა.. ორი გაიყინა უკვე ვაგზალზე. მე თვითონ ვნახე, მერაბი ერქვა საწყალს, კარგი ბიჭი იყო. მე თვითონ გურიაში ვცხოვრობდი, მერე გავყიდე სახლი, რაღაც პრობლემები მქონდა და ჩამოვედი თბილისში. ძმა მყავს თბილისში, ბიძაც მყავს, ბიძაშვილიც, მაგრამ მაგათთან აღარ მაქვს ურთიერთობა, ვიჩხუბეთ. მთვრალი ვიყავი...… გივი სიხარულიძის ძმისშვილი ვარ. დალევა რომ გიყვარს ადამიანს, არავის არ უყვარხარ..."

ამ ინფორმაციის გადამოწმება თავად გივი სიხარულიძესთან ვცადეთ, რომელიც ჩვენმა ნაამბობმა აღაშფოთა..

გივი სიხარულიძე:

- რაო? ვინ გელა, რა გელა, მერამდენედ უნდა დამირეკონ ამ შეკითხვით, აღარ რცხვენიათ?! ამ ხალხს აკლია თუ მე მასულელებენ... საერთოდ ეს ფეისბუქი და ასეთივე ყველა საიტი გახრწნილობაა და მეტი არაფერი! ძმა ან და რომ მყოლოდა, ჩემზე ბედნიერი ვინ იქნებოდა. ან ჩემი ძმიშვილი მანდ იქნებოდა?! უნამუსო ხალხი რაებს მიგონებს. ჭორიკნების ბუდედ იქცა მთელი საქართველო და ეგ არის რა... ზოგს იმდენად გაუსქელებია შუბლი, რომ ისიც კი დაუწერიათ, თითქოს ეგ გელა სიხარულიძე ჩემი შვილია. ზოგი ამბობს ძმა არისო,... სად ვცხოვრობ, დავიღალე ხალხნო!

- როგორც ჩანს, ეს გელა სიხარულიძე თქვენი ნათესავი კი არა, ნაცნობიც კი არ არის...

- არ ვიცი კაცო, ვინ არის, მე საიდან უნდა ვიცნობდე?! ზოგიერთებს ვერ აუტანიათ ის, რომ მე გივი სიხარულიძე ვარ. მე ვარ კეთილი და ამას ვერ იტანენ ზუსტად! ამ ყველაფერს ვერ იტანენ "ცისფერები", რადგან მე, რა თქმა უნდა, გათახსირების წინააღმდეგი ვარ. მე მინდა ჩემს სამშობლოში ვაჟკაცები იყვნენ და ქალები კდემამოსილებით სავსე, ახლა რომ წაგვლეკეს ქალად ქცეულმა კაცებმა, ეგრე კი არა. ამ გარყვნილებას ვებრძვი და ამ ბრძოლას მაპატიებს ახლანდელი ქვეყანა ახლა მე?! ამ ჭორსაც ჩემზე ცისფერები და გათახსირებული ქალები ავრცელებენ.

მანანა გაბრიჭიძე