"ათი წლის ოჯახი დაანგრია, ქმართან გაყრის შემდეგ კი ორ კვირაში გათხოვდა"
1 867 ნახვა
არიან ქალები, რომლებიც საკუთარ ქალურ სისუსტეს საშიშ იარაღად აქცევენ ხოლმე. წინასწარ გაანგარიშებით და კარგად გათვლილი სვლებით ადამიანებს ჭადრაკის ქვებივით ათამაშებენ. მათი მიზანი ანგარებაა, მაგრამ ამ თამაშს ყოველთვის არ აქვს კარგი ბოლო. ყველაფერს ვერ გათვლი და სწორედ იქ იგემებ მარცხს, სადაც ყველაზე ნაკლებად ელოდები. ჩვენმა რესპონდენტმა, ქალბატონმა ლელამ, ეს თავისი რძლის მაგალითზე ნახა. ქალი, რომელიც წლების განმავლობაში კაცებზე ნადირობდა, ქმრებს ანგარებით ირჩევდა, თვლიდა, რომ მათ თავის ჭკუაზე ატარებდა, შვილებისგან აღმოჩნდა უარყოფილი... ეს კი ყველაზე მძიმე სასჯელია დედისთვის.
ლელა:
– ჩემმა ძმამ, გიგამ, ხათუნა რომ მოიყვანა ცოლად, ყველა შოკში ჩავცვივდით. ხათუნა ორშვილიანი იყო, გიგაზე ბევრად უფროსი და გამოცდილი. ჩემი ძმის სიალალით ისარგებლა, თავი შეაცოდა და შეასაღა... საცოდავი გიგა, რა დღეში ჩააგდო იმ საშინელმა ქალმა!
– მოდით, თავიდან დავიწყოთ, გიგას და ხათუნას ურთიერთობა როგორ დაიწყო?
– გიგამ ხათუნა კორპუსის ეზოში გაიცნო. ძმაკაცს ელოდებოდა მანქანით, უცებ დაინახა, მტირალი ქალი მორბოდა, ნაძვთან ჩაიკეცა და ფეხზე ვერ დგებოდა. ირგვლივ არავინ იყო. გიგა მანქანიდან გადავიდა, ქალი წამოაყენა და მანქანაში ჩასვა. უთხრა, ამ მდგომარეობაში ვერ დაგტოვებთ, სადაც გნებავთ, მიგიყვანთო. ქალი მხოლოდ ქვითინებდა და ამბობდა, უბედური ვარ, სიკვდილი მინდაო. გიგამ დამშვიდება დაუწყო. ძმაკაცმაც მოსვლა დაიგვიანა, ჩემს ძმას ქალთან საუბარი გაუგრძელდა და დააწყნარა. ქალს სახე გადაეწმინდა, თვალები გაუნათდა და გიგამ მასში ულამაზესი არსება დაინახა. ქალმა არ გაანდო ტირილის მიზეზი, მხოლოდ მადლობა გადაუხადა დახმარებისთვის, უთხრა, თქვენი თავი ღმერთმა გამომიგზავნა, რომ გადაგერჩინეთო.
მერე გიგას ძმაკაციც მოვიდა. თვალი შეავლო ქალს და ეუცხოვა... გიგამ არც იცოდა, როგორ წარედგინა მეგობრისთვის. ქალი მანქანიდან გადავიდა, გიგაც გაჰყვა, თავისი სავიზიტო ბარათი დაუტოვა, თუ დაგჭირდე, დამირეკეო და სახელი ჰკითხა. ეს იყო ხათუნა.
– ქალს რა პრობლემა ჰქონდა, რატომ ტიროდა?
– როგორც შემდგომ გაირკვა, ქმარი პათოლოგიურად ეჭვიანი ჰყავდა, ცუდ დღეში აგდებდა. არც უშვებდა, რომ თავის გზაზე წასულიყო და არც თავისთვის უნდოდა. ერთი სიტყვით, არ ახარებდა. გიგასთან შეხვედრის შემდეგ ხათუნამ გამოსავალი იპოვა, გადაწყვიტა, ჩემი ძმა ქმრის მოსაშორებლად გამოეყენებინა.
– გიგა ქმარს როგორ მოაშორებდა?
– ფარულად ხვდებოდა, თანდათანობით დაუახლოვდა და თავი შეაყვარა. გიგა უჩვეულოდ ერთგული და კეთილშობილია. ამ სიყვარულმა კი მთლად გადარია. გადაწყვიტა, საყვარელი ქალისთვის თავი დაედო და მისი ბოროტი ქმრისთვის "ჭკუა ესწავლებინა". იმ კაცს შეხვდა და უთხრა, ხათუნას სათანადოდ მოეპყარი ან გაეყარეო.
– კაცთან არამკითხესავით რომ მივიდა, თავი რა სტატუსით წარუდგინა, როგორ გაეცნო?
– როგორც ახლობელი და ოჯახის გულშემატკივარი. მართლაც, გიგა ხათუნასთან მეგობრობდა, მაგრამ მათ შორის სასიყვარულო კავშირი არ ყოფილა. იმ საღამოს იმ კაცმა გიგა მაგრად მიბეგვა.
– აბა, რას იზამდა?! მას შემდეგ ცოლზე კონტროლი არ გაამძაფრა?
– უფრო გამძვინვარდა და ცოლი სახლში ჩაკეტა. მაშინ გიგამ იურიდიულად მოუგვარა საქმე და ხათუნა ქმარს გააშორა. იმ კაცმა შური იძია, ერთ ღამეს გიგას ჩაუსაფრდა და მძიმე ჭრილობა მიაყენა. ღვთის მადლით, გიგა გადარჩა, ის კაცი კი ციხეში მოხვდა. ჩემი ძმა საავადმყოფოში რომ იწვა, ხათუნა აკითხავდა, ღამეებს უთენებდა. მაშინ გავიგე, რაც ხდებოდა, მანამდე არაფერი ვიცოდი. მერე მათი რომანიც დაიწყო. ხათუნა რძლად არავის გვინდოდა. ბევრი ვეცადეთ, გიგასთვის აზრი შეგვეცვლევინებინა, მაგრამ ვერაფერს გავხდით, ხათუნას გამო ჩვენ მოგვიძულა. ის მაინც შეირთო, ბინა იქირავა და ცოლთან და გერებთან ერთად გადავიდა.
– ბავშვები დედის გათხოვებას როგორ შეხვდნენ, მამინაცვალი იგუეს?
– თქვენ არ იცით, გიგა როგორია! უჩვეულო ადამიანია, მისნაირი ალბათ არც დაბადებულა. ყველაფერი გააკეთა იმისთვის, რომ ოჯახი ფეხზე დაეყენებინა, ბევრი იშრომა და ბინაც შეიძინა. ხათუნას შვილებსაც ძალიან შეუყვარდათ ჩემი ძმა. ორი წლის შემდეგ ხათუნასთან შვილიც შეეძინა, ულამაზესი გოგონა – მაკუნა.
– როგორც ჩანს, ბედნიერი ოჯახი შექმნეს. მაინც არ მოგწონდათ რძალი?
– თავიდან იმდენად ბედნიერები ჩანდნენ, რომ ვფიქრობდი, რამხელა ცოდვას ჩავდიოდი, მათ ქორწინებას ხელს რომ ვუშლიდი–მეთქი. მაკუნას გაჩენის შემდეგ მათთან მონანიებით მივედი და რძალს შევურიგდი (მანამდე არ ველაპარაკებოდი). მას შემდეგ ჩვენ შორის, ასე თუ ისე, ურთიერთობა დამყარდა, მაგრამ გულის სიღრმეში მაინც ვერ ვეგუებოდი იმ ფაქტს, რომ ხათუნა ჩემს ძმას იყენებდა.
– ანუ?
– თავისი უფროსი შვილებისთვის ბინები აყიდვინა (მიუხედავად იმისა, რომ ბავშვები ჯერ კიდევ არასრულწლოვნები იყვნენ), თავისთვის კი – მანქანა.
– თუ ქმარს ასეთი კარგი შემოსავალი ჰქონდა, ცოლი პრაქტიკულად და წინდახედულად მოქცეულა, რომ ამ ფულს მიმართულება მისცა. "ქმრის გამოყენებას" რას ეძახით?
– ბოლომდე რომ მოგიყვებით, ყველაფერს მიხვდებით. წლების განმავლობაში, თანაცხოვრებისას, ცოლ–ქმარს შორის შეუსაბამობებმა იჩინა თავი. ხათუნა ძალიან გაუმაძღარი გახდა, ტყავში ვერ ეტეოდა. ჩემს ძმას ძალიან უყვარდა და ყველა სურვილს უსრულებდა.
– შეუსაბამობები რითი გამოიხატებოდა?
– მათ მკვეთრად განსხვავებულ ხასიათებს ვგულისხმობ – როგორც ცა და დედამიწა, ისე განსხვავდებოდნენ ერთმანეთისგან. ჰქონდათ უსიამოვნებებიც, დაპირისპირებაც, მაგრამ ბოლოს მაინც რიგდებოდნენ. ჩემი ძმის სიყვარული და ადამიანური ბუნება ძლევდა. მერე ხათუნამ ქმარზე ეჭვიანობა დაიწყო და სისხლს უშრობდა.
– უსაფუძვლოდ ეჭვიანობდა?
– გიგას, ხათუნას გარდა, სხვა ქალი არასდროს ჰყვარებია. როგორც უკვე აღვნიშნე, ბუნებითაც ძალიან ერთგულია. რა თქმა უნდა, ცოლისთვის საბაბი არ მიუცია. ერთხელ სოციალურ ქსელში ხათუნამ ნახა გიგას მიმოწერა ვინმე ნაიასთან, რომელიც მის ქმარს ეფლირტავებოდა. ამის გამო გადაირია, ისტერიკები მოაწყო და გიგას ოფიციალურად გაეყარა, ათი წლის ოჯახი დაანგრია. ამგვარი საქციელი სამი შვილის დედისგან მოსიყვარულე ქმრის მიმართ უჩვეულოდ არ გეჩვენებათ?
– სხვა მიზეზი ჰქონდა?
– სწორედ ამაშია საქმე. გიგასთან გაყრის შემდეგ ორ კვირაში გათხოვდა.
– გინდათ თქვათ, რომ კაცი, რომელსაც ხათუნა გაჰყვა, ცოლ–ქმარს შორის მანამდეც იდგა?
– რა თქმა უნდა. აბა, ორ კვირაში კაცის გაცნობას ვერ მოასწრებ, არათუ გათხოვებას. ისეთი წინდახედული ქალისგან, როგორიც ხათუნაა, ასეთი უგუნურობა ხომ წარმოუდგენელია.
– ზოგჯერ ეჭვიანობა ადამიანს მართლაც უგუნურად აქცევს და მეუღლის ჯიბრზე არასწორ ნაბიჯს გადაადგმევინებს.
– სამწუხაროდ, ასეც ხდება, მაგრამ ამ შემთხვევაში ხათუნა გიგას ჯიბრზე არ გათხოვილა. ეს მისი გეგმის ნაწილი იყო – ქმარი მობეზრდა და გადაწყვიტა, ცხოვრება შეეცვალა. დარწმუნებული ვარ, იმ კაცთან მანამდეც ექნებოდა კავშირი. ყველაფერი გათვალა, ყველაფერი მისი ინსცენირებით მოხდა. ის ნაიაც ხათუნას ნაცნობი აღმოჩნდა, გიგასთან რომ გააბა ფლირტი. ესეც წინასწარ იყო გათვლილი. ხომ იცით, თბილისში არაფერი დაიმალება.
– ბავშვებს რა ბედი ეწიათ? ისინი ხომ ამით ყველაზე მეტად დაზარალდებოდნენ.
– ხათუნას უფროსი გოგო სტუდენტია, ბიჭი – უფროსკლასელი. მაკუნა ჯერ მხოლოდ 8 წლისაა. გიგასთან გაყრის შემდეგ ხათუნამ შვილები თან წაიყვანა, მაგრამ როგორც კი გათხოვდა, სამივე შვილი გიგასთან დაბრუნდა, სხვა კაცზე გათხოვილ დედასთან ცხოვრება არც ერთმა მოინდომა. ბავშვები მომხდარს უზომოდ განიცდიან. მაკუნას დედის ხსენებაზე გული უჩუყდება, უფროს შვილებს კი უფრო მკაცრი დამოკიდებულება აქვთ – დედასთან ყოფნას ყოფილ მამინაცვალთან ცხოვრება ურჩევნიათ. ჩემი ძმა სამ შვილს მარტო უვლის.
– ხათუნას შვილებთან განშორება არ უჭირს?
– ძალიან ცუდ დღეშია. როგორც ჩანს, ეს ვეღარ გათვალა და კოვზი ნაცარში ჩაუვარდა. მაგაზე თავის დროზე უნდა ეფიქრა, ძალიან უმსგავსოდ მოიქცა. ვინ იცის, იქნებ თავის დროზე მისი პირველი ქმრის ეჭვიანობაც არ იყო უსაფუძვლო. იქნებ ის კაცი ცოლთან დამოკიდებულებაში მართალი გახლდათ, იმ სიტუაციაში ქმარი იყო მსხვერპლი და არა – ხათუნა. ჩემი ძმა კი ანკესს წამოეგო და გაბრიყვდა.
ნანა კობახიძე, ჟურნალი სარკე
ლელა:
– ჩემმა ძმამ, გიგამ, ხათუნა რომ მოიყვანა ცოლად, ყველა შოკში ჩავცვივდით. ხათუნა ორშვილიანი იყო, გიგაზე ბევრად უფროსი და გამოცდილი. ჩემი ძმის სიალალით ისარგებლა, თავი შეაცოდა და შეასაღა... საცოდავი გიგა, რა დღეში ჩააგდო იმ საშინელმა ქალმა!
– მოდით, თავიდან დავიწყოთ, გიგას და ხათუნას ურთიერთობა როგორ დაიწყო?
– გიგამ ხათუნა კორპუსის ეზოში გაიცნო. ძმაკაცს ელოდებოდა მანქანით, უცებ დაინახა, მტირალი ქალი მორბოდა, ნაძვთან ჩაიკეცა და ფეხზე ვერ დგებოდა. ირგვლივ არავინ იყო. გიგა მანქანიდან გადავიდა, ქალი წამოაყენა და მანქანაში ჩასვა. უთხრა, ამ მდგომარეობაში ვერ დაგტოვებთ, სადაც გნებავთ, მიგიყვანთო. ქალი მხოლოდ ქვითინებდა და ამბობდა, უბედური ვარ, სიკვდილი მინდაო. გიგამ დამშვიდება დაუწყო. ძმაკაცმაც მოსვლა დაიგვიანა, ჩემს ძმას ქალთან საუბარი გაუგრძელდა და დააწყნარა. ქალს სახე გადაეწმინდა, თვალები გაუნათდა და გიგამ მასში ულამაზესი არსება დაინახა. ქალმა არ გაანდო ტირილის მიზეზი, მხოლოდ მადლობა გადაუხადა დახმარებისთვის, უთხრა, თქვენი თავი ღმერთმა გამომიგზავნა, რომ გადაგერჩინეთო.
მერე გიგას ძმაკაციც მოვიდა. თვალი შეავლო ქალს და ეუცხოვა... გიგამ არც იცოდა, როგორ წარედგინა მეგობრისთვის. ქალი მანქანიდან გადავიდა, გიგაც გაჰყვა, თავისი სავიზიტო ბარათი დაუტოვა, თუ დაგჭირდე, დამირეკეო და სახელი ჰკითხა. ეს იყო ხათუნა.
– ქალს რა პრობლემა ჰქონდა, რატომ ტიროდა?
– როგორც შემდგომ გაირკვა, ქმარი პათოლოგიურად ეჭვიანი ჰყავდა, ცუდ დღეში აგდებდა. არც უშვებდა, რომ თავის გზაზე წასულიყო და არც თავისთვის უნდოდა. ერთი სიტყვით, არ ახარებდა. გიგასთან შეხვედრის შემდეგ ხათუნამ გამოსავალი იპოვა, გადაწყვიტა, ჩემი ძმა ქმრის მოსაშორებლად გამოეყენებინა.
– გიგა ქმარს როგორ მოაშორებდა?
– ფარულად ხვდებოდა, თანდათანობით დაუახლოვდა და თავი შეაყვარა. გიგა უჩვეულოდ ერთგული და კეთილშობილია. ამ სიყვარულმა კი მთლად გადარია. გადაწყვიტა, საყვარელი ქალისთვის თავი დაედო და მისი ბოროტი ქმრისთვის "ჭკუა ესწავლებინა". იმ კაცს შეხვდა და უთხრა, ხათუნას სათანადოდ მოეპყარი ან გაეყარეო.
– კაცთან არამკითხესავით რომ მივიდა, თავი რა სტატუსით წარუდგინა, როგორ გაეცნო?
– როგორც ახლობელი და ოჯახის გულშემატკივარი. მართლაც, გიგა ხათუნასთან მეგობრობდა, მაგრამ მათ შორის სასიყვარულო კავშირი არ ყოფილა. იმ საღამოს იმ კაცმა გიგა მაგრად მიბეგვა.
– აბა, რას იზამდა?! მას შემდეგ ცოლზე კონტროლი არ გაამძაფრა?
– უფრო გამძვინვარდა და ცოლი სახლში ჩაკეტა. მაშინ გიგამ იურიდიულად მოუგვარა საქმე და ხათუნა ქმარს გააშორა. იმ კაცმა შური იძია, ერთ ღამეს გიგას ჩაუსაფრდა და მძიმე ჭრილობა მიაყენა. ღვთის მადლით, გიგა გადარჩა, ის კაცი კი ციხეში მოხვდა. ჩემი ძმა საავადმყოფოში რომ იწვა, ხათუნა აკითხავდა, ღამეებს უთენებდა. მაშინ გავიგე, რაც ხდებოდა, მანამდე არაფერი ვიცოდი. მერე მათი რომანიც დაიწყო. ხათუნა რძლად არავის გვინდოდა. ბევრი ვეცადეთ, გიგასთვის აზრი შეგვეცვლევინებინა, მაგრამ ვერაფერს გავხდით, ხათუნას გამო ჩვენ მოგვიძულა. ის მაინც შეირთო, ბინა იქირავა და ცოლთან და გერებთან ერთად გადავიდა.
– ბავშვები დედის გათხოვებას როგორ შეხვდნენ, მამინაცვალი იგუეს?
– თქვენ არ იცით, გიგა როგორია! უჩვეულო ადამიანია, მისნაირი ალბათ არც დაბადებულა. ყველაფერი გააკეთა იმისთვის, რომ ოჯახი ფეხზე დაეყენებინა, ბევრი იშრომა და ბინაც შეიძინა. ხათუნას შვილებსაც ძალიან შეუყვარდათ ჩემი ძმა. ორი წლის შემდეგ ხათუნასთან შვილიც შეეძინა, ულამაზესი გოგონა – მაკუნა.
– როგორც ჩანს, ბედნიერი ოჯახი შექმნეს. მაინც არ მოგწონდათ რძალი?
– თავიდან იმდენად ბედნიერები ჩანდნენ, რომ ვფიქრობდი, რამხელა ცოდვას ჩავდიოდი, მათ ქორწინებას ხელს რომ ვუშლიდი–მეთქი. მაკუნას გაჩენის შემდეგ მათთან მონანიებით მივედი და რძალს შევურიგდი (მანამდე არ ველაპარაკებოდი). მას შემდეგ ჩვენ შორის, ასე თუ ისე, ურთიერთობა დამყარდა, მაგრამ გულის სიღრმეში მაინც ვერ ვეგუებოდი იმ ფაქტს, რომ ხათუნა ჩემს ძმას იყენებდა.
– ანუ?
– თავისი უფროსი შვილებისთვის ბინები აყიდვინა (მიუხედავად იმისა, რომ ბავშვები ჯერ კიდევ არასრულწლოვნები იყვნენ), თავისთვის კი – მანქანა.
– თუ ქმარს ასეთი კარგი შემოსავალი ჰქონდა, ცოლი პრაქტიკულად და წინდახედულად მოქცეულა, რომ ამ ფულს მიმართულება მისცა. "ქმრის გამოყენებას" რას ეძახით?
– ბოლომდე რომ მოგიყვებით, ყველაფერს მიხვდებით. წლების განმავლობაში, თანაცხოვრებისას, ცოლ–ქმარს შორის შეუსაბამობებმა იჩინა თავი. ხათუნა ძალიან გაუმაძღარი გახდა, ტყავში ვერ ეტეოდა. ჩემს ძმას ძალიან უყვარდა და ყველა სურვილს უსრულებდა.
– შეუსაბამობები რითი გამოიხატებოდა?
– მათ მკვეთრად განსხვავებულ ხასიათებს ვგულისხმობ – როგორც ცა და დედამიწა, ისე განსხვავდებოდნენ ერთმანეთისგან. ჰქონდათ უსიამოვნებებიც, დაპირისპირებაც, მაგრამ ბოლოს მაინც რიგდებოდნენ. ჩემი ძმის სიყვარული და ადამიანური ბუნება ძლევდა. მერე ხათუნამ ქმარზე ეჭვიანობა დაიწყო და სისხლს უშრობდა.
– უსაფუძვლოდ ეჭვიანობდა?
– გიგას, ხათუნას გარდა, სხვა ქალი არასდროს ჰყვარებია. როგორც უკვე აღვნიშნე, ბუნებითაც ძალიან ერთგულია. რა თქმა უნდა, ცოლისთვის საბაბი არ მიუცია. ერთხელ სოციალურ ქსელში ხათუნამ ნახა გიგას მიმოწერა ვინმე ნაიასთან, რომელიც მის ქმარს ეფლირტავებოდა. ამის გამო გადაირია, ისტერიკები მოაწყო და გიგას ოფიციალურად გაეყარა, ათი წლის ოჯახი დაანგრია. ამგვარი საქციელი სამი შვილის დედისგან მოსიყვარულე ქმრის მიმართ უჩვეულოდ არ გეჩვენებათ?
– სხვა მიზეზი ჰქონდა?
– სწორედ ამაშია საქმე. გიგასთან გაყრის შემდეგ ორ კვირაში გათხოვდა.
– გინდათ თქვათ, რომ კაცი, რომელსაც ხათუნა გაჰყვა, ცოლ–ქმარს შორის მანამდეც იდგა?
– რა თქმა უნდა. აბა, ორ კვირაში კაცის გაცნობას ვერ მოასწრებ, არათუ გათხოვებას. ისეთი წინდახედული ქალისგან, როგორიც ხათუნაა, ასეთი უგუნურობა ხომ წარმოუდგენელია.
– ზოგჯერ ეჭვიანობა ადამიანს მართლაც უგუნურად აქცევს და მეუღლის ჯიბრზე არასწორ ნაბიჯს გადაადგმევინებს.
– სამწუხაროდ, ასეც ხდება, მაგრამ ამ შემთხვევაში ხათუნა გიგას ჯიბრზე არ გათხოვილა. ეს მისი გეგმის ნაწილი იყო – ქმარი მობეზრდა და გადაწყვიტა, ცხოვრება შეეცვალა. დარწმუნებული ვარ, იმ კაცთან მანამდეც ექნებოდა კავშირი. ყველაფერი გათვალა, ყველაფერი მისი ინსცენირებით მოხდა. ის ნაიაც ხათუნას ნაცნობი აღმოჩნდა, გიგასთან რომ გააბა ფლირტი. ესეც წინასწარ იყო გათვლილი. ხომ იცით, თბილისში არაფერი დაიმალება.
– ბავშვებს რა ბედი ეწიათ? ისინი ხომ ამით ყველაზე მეტად დაზარალდებოდნენ.
– ხათუნას უფროსი გოგო სტუდენტია, ბიჭი – უფროსკლასელი. მაკუნა ჯერ მხოლოდ 8 წლისაა. გიგასთან გაყრის შემდეგ ხათუნამ შვილები თან წაიყვანა, მაგრამ როგორც კი გათხოვდა, სამივე შვილი გიგასთან დაბრუნდა, სხვა კაცზე გათხოვილ დედასთან ცხოვრება არც ერთმა მოინდომა. ბავშვები მომხდარს უზომოდ განიცდიან. მაკუნას დედის ხსენებაზე გული უჩუყდება, უფროს შვილებს კი უფრო მკაცრი დამოკიდებულება აქვთ – დედასთან ყოფნას ყოფილ მამინაცვალთან ცხოვრება ურჩევნიათ. ჩემი ძმა სამ შვილს მარტო უვლის.
– ხათუნას შვილებთან განშორება არ უჭირს?
– ძალიან ცუდ დღეშია. როგორც ჩანს, ეს ვეღარ გათვალა და კოვზი ნაცარში ჩაუვარდა. მაგაზე თავის დროზე უნდა ეფიქრა, ძალიან უმსგავსოდ მოიქცა. ვინ იცის, იქნებ თავის დროზე მისი პირველი ქმრის ეჭვიანობაც არ იყო უსაფუძვლო. იქნებ ის კაცი ცოლთან დამოკიდებულებაში მართალი გახლდათ, იმ სიტუაციაში ქმარი იყო მსხვერპლი და არა – ხათუნა. ჩემი ძმა კი ანკესს წამოეგო და გაბრიყვდა.
ნანა კობახიძე, ჟურნალი სარკე
