ნინო შავგულიძე: "ქართველი მამაკაცების მიმართ განსაკუთრებულად ეჭვიანი ვარ"
2 175 ნახვა
26 წლის მსახიობი ნინო შავგულიძე ეკრანზე ეჭვიანი ცოლის ამპლუაში გამოჩნდა სერიალში "ჩვენი ამბავი". ეს მისი პირველი ეკრანული როლია და მის შექმნაში საკუთარი ხასიათის ბევრი შტრიხი გამოიყენა. მაგალითად, ძლიერ სქესს თვითონაც არ ენდობა, ეჭვიანია, არშემდგარი მოცეკვავეა და ა.შ. გარკვეული თვისებები ამ გმირისთვის თავისი ნაცნობებისგანაც ისესხა.
ნინო სოხუმის დრამატული თეატრის მსახიობია, ასევე – თამაშობს მარჯანიშვილის თეატრში და ერთ–ერთი რადიოს მუსიკალური წამყვანიცაა. მისი სამუშაო დღე დილის 7 საათზე იწყება და ძალიან გვიან მთავრდება... დანარჩენს თავად გვიამბობს.
– ნინო, ამ სერიალამდე რა გზა გამოიარეთ, როგორც მსახიობმა?
– ამ სერიალში მოხვედრამდე ბევრი ეტაპი გავიარე. "ღამის შოუს სტუდიასთან" თანამშრომლობა ყოველთვის მომწონდა. დამატებით, ეპიზოდური როლის შემსრულებელი მსახიობი თუ სჭირდებოდათ, ხშირად მირეკავდნენ. მეც სიამოვნებით მივდიოდი, რადგან არაჩვეულებრივი გუნდი და გარემოა. როცა რაიმე ახალს იწყებდნენ, შესარჩევ კონკურსზე ყოველთვის მიწვევდნენ, მაგრამ რატომღაც აქამდე ვერც ერთი როლი მოვირგე. როცა ამ სერიალზე დაიწყეს მუშაობა, თამუნას როლის შესასრულებლად კონკურსში მიმიწვიეს. პირველივე ეტაპიდან მათი მხრიდან დადებითი ემოცია ვიგრძენი. საბოლოოდ კი დამამტკიცეს.
– დაახასიათეთ თქვენი პერსონაჟი, თამუნა. როგორ იმუშავეთ ამ როლზე, რა თვისებები დაინახეთ მასში?
– სხვათა შორის, ჩემი პერსონაჟი რაღაცეებით მგავს. ამ გუნდს ძალიან კარგი თვისება აქვს – ყოველთვის გეკითხებიან, შენ როგორი ხარ და რა თვისებებს შესძენდი გმირს, რომელსაც თავად ქმნიან. თავიდანვე ვცდილობდით, ერთობლივად შეგვექმნა ჩემი პერსონაჟის სახე. როგორც ჩემი გმირი, მეც დავდიოდი ცეკვაზე, მაგრამ მოცეკვავედ ვერ შევდექი, მიუხედავად იმისა, რომ კარგად ვცეკვავდი. მეც საშინლად ეჭვიანი ვარ. უბრალოდ ჩემი პერსონაჟი ამას გამოხატავს, მე კი – არა. თამუნასნაირი ადამიანები მართლა არსებობენ და ასეთი მეგობარიც მყავს. როცა სერიალი იწყებოდა, ვუთხარი კიდეც, რომ ზუსტად მისნაირ პერსონაჟს განვასახიერებდი.
ვიცნობ გოგოებს, რომლებიც ლამაზი გოგოს დანახვაზე ცუდად ხდებიან. თამუნა გარკვეული დოზით ჰგავს ერთ ადამიანს, რომელსაც ვიცნობ. მას ლამაზი გოგოს დანახვაზე უბრალოდ ბურძგლავს. ჩემს პერსონაჟსაც ლამაზი გოგოს დანახვაზე ბურძგლავს, რადგან არაჩვეულებრივი ქმარი უდგას გვერდით და ეშინია, მას ვინმესკენ არ გაეპაროს თვალი. ყველას ვაკვირდები და თამუნასთვის ხასიათის შტრიხებს ვაგროვებ, მაგრამ, რა თქმა უნდა, სერიალში უტრირება, ცოტა გადაჭარბებაც შეიძლება.
– ვისზე ეჭვიანობთ, თქვენ გვერდით არის მამაკაცი – ქმარი ან შეყვარებული?
– გათხოვილი არ ვარ და ამ ეტაპზე არც შეყვარებული გახლავართ. მყავს და, დედა, ბებია და ძაღლი ლულუ. ბაბუა ცოტა ხნის წინ გარდამეცვალა და სახლში სულ ქალები ვართ.
– ეჭვიანობას თქვენს პირად ცხოვრებაში პრობლემები ხომ არ შეუქმნია?
– შეუქმნია. ვთვლი, რომ ჯანსაღ ურთიერთობას გულწრფელობა სჭირდება, მაგრამ მე ეჭვიანობას ხშირად ვმალავ, რადგან ამას ურთიერთობა კრახისკენ მიჰყავს. ქართველი მამაკაცების მიმართ კი განსაკუთრებულად ეჭვიანი ვარ. საქართველოში კაცი არ მეგულება, ვინც ბოლომდე თავისი რჩეულის ერთგული დარჩება...
– ნამდვილად ჰგავხართ თქვენს პერსონაჟს.
– კი, თამუნას ვგავარ. გეგულებათ ერთგული მამაკაცი?! ვინც სამაგალითო ადამიანები მეგონა, მათზეც კი გამიგია, რომ ცოლებისთვის უღალატიათ. და ღალატი მარტო სხვა ქალთან ურთიერთობას არ გულისხმობს.
– როგორი მამაკაცი წარმოგიდგენიათ გვერდით?
– ყურადღებიანი და ერთგული.
– ამ სერიალში გამოჩენის შემდეგ მამაკაცებისგან რა შეფასებებს იღებთ?
– მეუბნებიან, შენთან ურთიერთობა ძალიან სასაცილო იქნება და ძალიან საყვარელი ხარო. პრინციპში, ისე გამოვიდა, რომ თითქმის უარყოფითი პერსონაჟი მაყურებლისთვის დადებითი გახდა.
– მსახიობთა გუნდი მალევე დაუახლოვდით ერთმანეთს?
– ბევრ მსახიობს შორიდან ვიცნობდი. სხვათა შორის, დიდი მნიშვნელობა აქვს, ოპერატორებს და რეჟისორს იცნობ თუ არა. უფრო ადვილია მუშაობა, როცა გადამღებ გუნდთან მეგობრობ. როლანდ ოქროპირიძეს, რომელიც სერიალში ჩემი ქმრის როლს თამაშობს, კარგად არ ვიცნობდი.
– უცნობ "ქმართან" თამაში არ გაგიჭირდათ?
– სანამ სერიალის გადაღება დაიწყებოდა, ორი თვის განმავლობაში პილოტების ჩაწერაზე თუ თათბირებზე დავდიოდით და მალევე დავუახლოვდით ერთმანეთს.
– შეგიძლიათ, გვითხრათ, რა მოხდა რუსკა მაყაშვილთან დაკავშირებით, რომელიც სერიალის დასაწყისში თქვენს გუნდში იყო, შემდეგ კი სოციალური ქსელით განაცხადა, სცენარისტები ჩემს გმირს ვეღარ ავითარებენ ან, ეტყობა, უნიჭო მსახიობი ვარო?
– ეს სტატუსი ბევრმა ადამიანმა სხვანაირად გაიგო... თავიდანვე იყო შეთანხმება, რომ რუსკა სერიალში მთავარი გმირების ერთ–ერთი მეგობარი იქნებოდა. ის თავიდანვე ხან იყო სერიალში, ხან – არა. ეს იმაზე იყო დამოკიდებული, სცენარი რამდენად მოითხოვდა მის პერსონაჟს. რუსკა არ წასულა სერიალიდან და არც არავის გაუშვია. ამ სტატუსით ალბათ თავისი დამოკიდებულება გამოხატა. რუსკა რომ ძალიან ნიჭიერია, ამას ხაზგასმა არ სჭირდება, ისედაც ნათელია. რა თქმა უნდა, შეიძლება ისევ გამოჩნდეს სერიალში.
– ამბობენ, რომ კომედიური პერსონაჟის თამაში უფრო ძნელია, ვიდრე ტრაგიკულის. ამ სიძნელეებს თქვენც წააწყდით?
– გარკვეული დოზები უნდა დაიცვა, მაგრამ ხანდახან მეც ვაჭარბებ. ჩვენი სერიალის გადაღებას მაყურებელიც ესწრება, ანუ, როგორც თეატრში, ისე ვგრძნობთ თავს. როცა მაყურებელი ესწრება დადგმას, იუმორში დოზის გადამეტება შესაძლებელია, თუმცა ეს ყველაფერი ეკრანზე უკვე სხვანაირად და შეიძლება გამაღიზიანებლადაც გამოჩნდეს. პირველ სერიებს რომ ვუყურებ, ხანდახან გული მისკდება, ამ მხრივ, ბევრი გადაჭარბება მაქვს. ახლა ვცდილობ, ნელ–ნელა ოქროს შუალედი დავიცვა.
– ბევრ მსახიობს ეშინია დაშტამპვის. თქვენ არ ფიქრობთ, რომ მაყურებლისთვის და რეჟისორებისთვის ამ ჟანრის მსახიობად დარჩებით?
– ძალიან მეშინია. გამოგიტყდებით, რომ ერთ–ერთ სპექტაკლში თამუნას მსგავსად დავუკარი ტაში. ეს რომ დავაფიქსირე, ჟრუანტელმა დამიარა. მივხვდი, რომ ყურადღების კონცენტრირებაა საჭირო და როლში ჩარჩენა არავითარ შემთხვევაში არ შეიძლება.
– ვინ არის თქვენი შემფასებელი, ვის რჩევებს ენდობით?
– ყველაზე მეტად დედის შეფასებას ვენდობი, რადგან ყოველთვის ობიექტურია. თუ არაფერს მეუბნება, ე.ი. რაღაც არ მოეწონა და თვითონ უნდა მივხვდე, რა გამოვასწორო, სხვა შემთხვევაში კი მეუბნება, რომ კარგია.
– უცბათ გახდით ცნობილი სახე. რა პასუხისმგებლობა, სირთულე ახლავს პოპულარობას?
– ნამდვილად დიდი პასუხისმგებლობაა. ძალიან ვნერვიულობდი, ჩემს პერსონაჟს მაყურებელი როგორ მიიღებდა. მიკვირს, როცა ამბობენ, რომ პოპულარობა და ყურადღება დამღლელია, პირიქით. ქუჩაში რომ მივდივარ და ვიღაც მიღიმის ან მეუბნება, რომ მიყურებს და მოსწონს ჩემი პერსონაჟი, ეს ძალიან სასიამოვნოა. ადამიანებისგან თბილ დამოკიდებულებას ვგრძნობ.
– სერიოზული კონკურენტი გყავთ სერიალ "ჩემი ცოლის დაქალების" სახით. ეს მსახიობებს ალბათ სტიმულს გაძლევთ, რომ მუდამ კარგ ფორმაში იყოთ.
– რა თქმა უნდა, რადგან ეს სერიალი სერიოზული კონკურენტია. თუმცა ამის არ შეგვშინებია, რადგან გეგმაშიც არ ყოფილა, რომ ახალი სერიალი პირველივე სეზონიდან რეიტინგით გაასწრებდა რომელიმეს. უბრალოდ კარგი, ხარისხიანი, პროდუქტიული, ახალი ფორმატის სერიალის გაკეთება გვინდოდადა ეს გამოვიდა.
მანანა ნოდია, ჟურნალი სარკე
ნინო სოხუმის დრამატული თეატრის მსახიობია, ასევე – თამაშობს მარჯანიშვილის თეატრში და ერთ–ერთი რადიოს მუსიკალური წამყვანიცაა. მისი სამუშაო დღე დილის 7 საათზე იწყება და ძალიან გვიან მთავრდება... დანარჩენს თავად გვიამბობს.
– ნინო, ამ სერიალამდე რა გზა გამოიარეთ, როგორც მსახიობმა?
– ამ სერიალში მოხვედრამდე ბევრი ეტაპი გავიარე. "ღამის შოუს სტუდიასთან" თანამშრომლობა ყოველთვის მომწონდა. დამატებით, ეპიზოდური როლის შემსრულებელი მსახიობი თუ სჭირდებოდათ, ხშირად მირეკავდნენ. მეც სიამოვნებით მივდიოდი, რადგან არაჩვეულებრივი გუნდი და გარემოა. როცა რაიმე ახალს იწყებდნენ, შესარჩევ კონკურსზე ყოველთვის მიწვევდნენ, მაგრამ რატომღაც აქამდე ვერც ერთი როლი მოვირგე. როცა ამ სერიალზე დაიწყეს მუშაობა, თამუნას როლის შესასრულებლად კონკურსში მიმიწვიეს. პირველივე ეტაპიდან მათი მხრიდან დადებითი ემოცია ვიგრძენი. საბოლოოდ კი დამამტკიცეს.
– დაახასიათეთ თქვენი პერსონაჟი, თამუნა. როგორ იმუშავეთ ამ როლზე, რა თვისებები დაინახეთ მასში?
– სხვათა შორის, ჩემი პერსონაჟი რაღაცეებით მგავს. ამ გუნდს ძალიან კარგი თვისება აქვს – ყოველთვის გეკითხებიან, შენ როგორი ხარ და რა თვისებებს შესძენდი გმირს, რომელსაც თავად ქმნიან. თავიდანვე ვცდილობდით, ერთობლივად შეგვექმნა ჩემი პერსონაჟის სახე. როგორც ჩემი გმირი, მეც დავდიოდი ცეკვაზე, მაგრამ მოცეკვავედ ვერ შევდექი, მიუხედავად იმისა, რომ კარგად ვცეკვავდი. მეც საშინლად ეჭვიანი ვარ. უბრალოდ ჩემი პერსონაჟი ამას გამოხატავს, მე კი – არა. თამუნასნაირი ადამიანები მართლა არსებობენ და ასეთი მეგობარიც მყავს. როცა სერიალი იწყებოდა, ვუთხარი კიდეც, რომ ზუსტად მისნაირ პერსონაჟს განვასახიერებდი.
ვიცნობ გოგოებს, რომლებიც ლამაზი გოგოს დანახვაზე ცუდად ხდებიან. თამუნა გარკვეული დოზით ჰგავს ერთ ადამიანს, რომელსაც ვიცნობ. მას ლამაზი გოგოს დანახვაზე უბრალოდ ბურძგლავს. ჩემს პერსონაჟსაც ლამაზი გოგოს დანახვაზე ბურძგლავს, რადგან არაჩვეულებრივი ქმარი უდგას გვერდით და ეშინია, მას ვინმესკენ არ გაეპაროს თვალი. ყველას ვაკვირდები და თამუნასთვის ხასიათის შტრიხებს ვაგროვებ, მაგრამ, რა თქმა უნდა, სერიალში უტრირება, ცოტა გადაჭარბებაც შეიძლება.
– ვისზე ეჭვიანობთ, თქვენ გვერდით არის მამაკაცი – ქმარი ან შეყვარებული?
– გათხოვილი არ ვარ და ამ ეტაპზე არც შეყვარებული გახლავართ. მყავს და, დედა, ბებია და ძაღლი ლულუ. ბაბუა ცოტა ხნის წინ გარდამეცვალა და სახლში სულ ქალები ვართ.
– ეჭვიანობას თქვენს პირად ცხოვრებაში პრობლემები ხომ არ შეუქმნია?
– შეუქმნია. ვთვლი, რომ ჯანსაღ ურთიერთობას გულწრფელობა სჭირდება, მაგრამ მე ეჭვიანობას ხშირად ვმალავ, რადგან ამას ურთიერთობა კრახისკენ მიჰყავს. ქართველი მამაკაცების მიმართ კი განსაკუთრებულად ეჭვიანი ვარ. საქართველოში კაცი არ მეგულება, ვინც ბოლომდე თავისი რჩეულის ერთგული დარჩება...
– ნამდვილად ჰგავხართ თქვენს პერსონაჟს.
– კი, თამუნას ვგავარ. გეგულებათ ერთგული მამაკაცი?! ვინც სამაგალითო ადამიანები მეგონა, მათზეც კი გამიგია, რომ ცოლებისთვის უღალატიათ. და ღალატი მარტო სხვა ქალთან ურთიერთობას არ გულისხმობს.
– როგორი მამაკაცი წარმოგიდგენიათ გვერდით?
– ყურადღებიანი და ერთგული.
– ამ სერიალში გამოჩენის შემდეგ მამაკაცებისგან რა შეფასებებს იღებთ?
– მეუბნებიან, შენთან ურთიერთობა ძალიან სასაცილო იქნება და ძალიან საყვარელი ხარო. პრინციპში, ისე გამოვიდა, რომ თითქმის უარყოფითი პერსონაჟი მაყურებლისთვის დადებითი გახდა.
– მსახიობთა გუნდი მალევე დაუახლოვდით ერთმანეთს?
– ბევრ მსახიობს შორიდან ვიცნობდი. სხვათა შორის, დიდი მნიშვნელობა აქვს, ოპერატორებს და რეჟისორს იცნობ თუ არა. უფრო ადვილია მუშაობა, როცა გადამღებ გუნდთან მეგობრობ. როლანდ ოქროპირიძეს, რომელიც სერიალში ჩემი ქმრის როლს თამაშობს, კარგად არ ვიცნობდი.
– უცნობ "ქმართან" თამაში არ გაგიჭირდათ?
– სანამ სერიალის გადაღება დაიწყებოდა, ორი თვის განმავლობაში პილოტების ჩაწერაზე თუ თათბირებზე დავდიოდით და მალევე დავუახლოვდით ერთმანეთს.
– შეგიძლიათ, გვითხრათ, რა მოხდა რუსკა მაყაშვილთან დაკავშირებით, რომელიც სერიალის დასაწყისში თქვენს გუნდში იყო, შემდეგ კი სოციალური ქსელით განაცხადა, სცენარისტები ჩემს გმირს ვეღარ ავითარებენ ან, ეტყობა, უნიჭო მსახიობი ვარო?
– ეს სტატუსი ბევრმა ადამიანმა სხვანაირად გაიგო... თავიდანვე იყო შეთანხმება, რომ რუსკა სერიალში მთავარი გმირების ერთ–ერთი მეგობარი იქნებოდა. ის თავიდანვე ხან იყო სერიალში, ხან – არა. ეს იმაზე იყო დამოკიდებული, სცენარი რამდენად მოითხოვდა მის პერსონაჟს. რუსკა არ წასულა სერიალიდან და არც არავის გაუშვია. ამ სტატუსით ალბათ თავისი დამოკიდებულება გამოხატა. რუსკა რომ ძალიან ნიჭიერია, ამას ხაზგასმა არ სჭირდება, ისედაც ნათელია. რა თქმა უნდა, შეიძლება ისევ გამოჩნდეს სერიალში.
– ამბობენ, რომ კომედიური პერსონაჟის თამაში უფრო ძნელია, ვიდრე ტრაგიკულის. ამ სიძნელეებს თქვენც წააწყდით?
– გარკვეული დოზები უნდა დაიცვა, მაგრამ ხანდახან მეც ვაჭარბებ. ჩვენი სერიალის გადაღებას მაყურებელიც ესწრება, ანუ, როგორც თეატრში, ისე ვგრძნობთ თავს. როცა მაყურებელი ესწრება დადგმას, იუმორში დოზის გადამეტება შესაძლებელია, თუმცა ეს ყველაფერი ეკრანზე უკვე სხვანაირად და შეიძლება გამაღიზიანებლადაც გამოჩნდეს. პირველ სერიებს რომ ვუყურებ, ხანდახან გული მისკდება, ამ მხრივ, ბევრი გადაჭარბება მაქვს. ახლა ვცდილობ, ნელ–ნელა ოქროს შუალედი დავიცვა.
– ბევრ მსახიობს ეშინია დაშტამპვის. თქვენ არ ფიქრობთ, რომ მაყურებლისთვის და რეჟისორებისთვის ამ ჟანრის მსახიობად დარჩებით?
– ძალიან მეშინია. გამოგიტყდებით, რომ ერთ–ერთ სპექტაკლში თამუნას მსგავსად დავუკარი ტაში. ეს რომ დავაფიქსირე, ჟრუანტელმა დამიარა. მივხვდი, რომ ყურადღების კონცენტრირებაა საჭირო და როლში ჩარჩენა არავითარ შემთხვევაში არ შეიძლება.
– ვინ არის თქვენი შემფასებელი, ვის რჩევებს ენდობით?
– ყველაზე მეტად დედის შეფასებას ვენდობი, რადგან ყოველთვის ობიექტურია. თუ არაფერს მეუბნება, ე.ი. რაღაც არ მოეწონა და თვითონ უნდა მივხვდე, რა გამოვასწორო, სხვა შემთხვევაში კი მეუბნება, რომ კარგია.
– უცბათ გახდით ცნობილი სახე. რა პასუხისმგებლობა, სირთულე ახლავს პოპულარობას?
– ნამდვილად დიდი პასუხისმგებლობაა. ძალიან ვნერვიულობდი, ჩემს პერსონაჟს მაყურებელი როგორ მიიღებდა. მიკვირს, როცა ამბობენ, რომ პოპულარობა და ყურადღება დამღლელია, პირიქით. ქუჩაში რომ მივდივარ და ვიღაც მიღიმის ან მეუბნება, რომ მიყურებს და მოსწონს ჩემი პერსონაჟი, ეს ძალიან სასიამოვნოა. ადამიანებისგან თბილ დამოკიდებულებას ვგრძნობ.
– სერიოზული კონკურენტი გყავთ სერიალ "ჩემი ცოლის დაქალების" სახით. ეს მსახიობებს ალბათ სტიმულს გაძლევთ, რომ მუდამ კარგ ფორმაში იყოთ.
– რა თქმა უნდა, რადგან ეს სერიალი სერიოზული კონკურენტია. თუმცა ამის არ შეგვშინებია, რადგან გეგმაშიც არ ყოფილა, რომ ახალი სერიალი პირველივე სეზონიდან რეიტინგით გაასწრებდა რომელიმეს. უბრალოდ კარგი, ხარისხიანი, პროდუქტიული, ახალი ფორმატის სერიალის გაკეთება გვინდოდადა ეს გამოვიდა.
მანანა ნოდია, ჟურნალი სარკე
