რაზე სწყდება ყველაზე მეტად გული ნანა ნებიერიძეს
1 426 ნახვა
ზოგს მიაჩნია, რომ პროექტ ''ცეკვავენ ვარსკვლავებს'' ნანა ნებიერიძე და ლევან ახვლედიანი უსამართლოდ გამოეთიშნენ. გოჩა ჩერტკოევმა წყვილს ტანგოს და რუმბას ტურში დაბალი ქულა დაუწერა და თან აღნიშნა, რომ ლევანმა სწორად არ იცეკვა. მოგვიანებით განაწყენებულ ლევანს, რომელიც ამბობდა, რომ უკვე მესამე სეზონია, გოჩა ჩერტკოევი ჟიურის მართავს, ნანა ნებიერიძემაც დაუჭირა მხარი და აღნიშნა, რომ ეს იყო ხალხის პროექტი და არა გოჩა ჩერტკოევის. პროექტის დატოვების შემდეგ ნანა კვლავ ძალიან დაკავებულია. სპექტაკლ ''ყინულის დედოფალში'' მონაწილეობს და ''ცეკვავენ ვარსკვლავებში'' მომხდარ ამბავზე ბევრს არ ლაპარაკობს.
- ''ცეკვავენ ვარსკვლავებს'' აქვს თავისი ბევრი პლუსი. ახალი მეგობარი შევიძინე ლევან ახვლედიანის სახით. ასევე ძალიან ბევრი გულშემატკივარი მყავს. არ მეგონა, ამდენ ხალხს თუ მოეწონებოდა ჩვენი ცეკვა. სულ მინდოდა, ცეკვა მესწავლა. სამწუხაროდ, ამ პროექტამდე ცეკვასთან არანაირი შეხება არ მქონდა.
- ალბათ გულდასაწყვეტია პროექტიდან წამოსვლა, როცა ფინალამდე ერთი ნაბიჯი იყო დარჩენილი. ხომ არ ფიქრობთ, ცეკვის სწავლას მონდომება სულ ცოტა დააკელით და იმიტომ არ ხართ ფინალში.
- სულ ვამბობ, რომ ეს არის შოუ. ერთი ვარდება, მეორე რჩება, ესაა ჩვეულებრივი ჯანსაღი კონკურსი, სხვა არაფერი. მარტო მე არა, ყველა დაიღალა. ყველამ ძალიან დიდი შრომა ჩავდეთ ამ შოუში. სამწუხაროდ, ესაა რეალური ცხოვრება და ყველაფერი ხდება. ბევრი რამ ვისწავლე პროექტში.
- რა მოხდა შოუს შემდეგ ჟიურის წევრებსა და თქვენ შორის?
- ჩვენ შორის არანაირი საუბარი არ ყოფილა. ჩემთვის დამთავრდა პროექტი და წამოვედი. ერთადერთი, რაზეც ვნერვიულობ და გული მწყდება ისაა, რომ ვერ მოვასწარი ''პასოდობლეს'' ცეკვა. სამწუხაროდ, ფინალში ცეკვა არ გამომივიდა. არა უშავს.
- იმ ცეკვაზე, რომელშიც დაბალი ქულები მიიღეთ, გოჩა ჩერტკოევმა ლევან ახვლედიანზე თქვა, რომ მან სწორად არ იცეკვა. მოგვიანებით დანარჩენმა მონაწილეებმაც ისაუბრეს, გიორგი ყიფშიძე ამბობდა, ცეკვა გამეორებით რომ ვნახე, მივხვდი, რომ რაღაც მომენტებში არასწორად იცეკვეს, ოღონდ არა ნანამო. როგორ ფიქრობთ, შეიძლებოდა, უკეთ შეგესრულებინათ?
- არ ვიცი, რა გიპასუხოთ. ჯერ ერთი, ძალიან მაგარი კონკურენტები არიან და ყველა მონაწილე მიყვარს. კარგად ცეკვავენ. რაც შეეხება ცეკვას, რაც შემეძლო, ყველაფერი გავაკეთე. მთლიანად ცეკვებზე ვიყავი გადართული. ყველა მიტოვებული მყავდა, ბავშვი, ოჯახი და პირადი ცხოვრება. მე უკვე გავაკეთე კომენტარი და არ დავიწყებ ყოველდღიურად ახსნა-განმარტებას იმასთან დაკავშირებით, რაც მოხდა. ლევანს მხარი დავუჭირე და ვთქვი, რომ ესაა ხალხის პროექტი.
- გულწრფელად გვითხრით, გოჩა ჩერტკოევზე ნაწყენი არ ხართ?
- მხოლოდ იმის თქმა შემიძლია, რომ მე წინ მივდივარ და უკან არ ვიყურები.
- ''ყინულის დედოფალში'' მონაწილეობთ, რას იტყვით პროექტზე, რომელიც საქართველოში პირველად კეთდება?
- ძალიან საინტერესო პროექტია, რომელიც მთელ მსოფლიოში მესამედ კეთდება. ცხოვრებაში პირველად ვმონაწილეობ სპექტაკლში. დამირეკეს და მითხრეს, სახით ჰგავხარ ყინულის დედოფალსო. არ ვიცი, ასე რატომ იფიქრეს და უარი არ მითქვამს. როცა მაჩვენეს რის გაკეთებას აპირებდნენ, გული გამისკდა. უზარმაზარი პასუხისმგებლობაა ამ სპექტაკლში მონაწილეობა. პროექტში ვცეკვავდი, დავხტოდი. აქ სულ სხვანაირი, ღირსეული ყინულის დედოფალი ვარ.
- რთული ილეთებია შესასრულებელი?
- როგორც წესი, ასეთ პროექტებში ყველაფერი რთულია. უზარმაზარი სცენაა, 750 კვადრატული მეტრი, ამიტომ ვცდილობ, მაქსიმალურად სწორად და კარგად შევასრულო ყველაფერი.
- მოგეწონათ მსახიობობა? ხომ არ ფიქრობთ, რომ ამ კუთხითაც შეიძლება გაგრძელდეს თქვენი კარიერა?
- ძალიან დიდი მადლობა, რომ ეს კითხვა დამისვით. მსახიობობა ჩემი ბავშვობის ოცნება იყო. ყოველთვის სცენაზე გამოსვლაზე ვოცნებობდი. სამწუხაროდ, მშობლებმა ცურვაზე შემიყვანეს, სადაც ასევე წარმატებული ვიყავი. არ არის ჩემგან საკუთარ თავზე ასე ლაპარაკი ლამაზი, მაგრამ ფაქტია, რომ წყალში ხტომაში ევროპის ჩემპიონი და ოლიმპიადის მონაწილე ვარ. ძალიან ბედნიერი ვარ, რომ ამდენი წლის მერე ბავშვობის ოცნება ამისრულდა.
- ახალი წლის დღეებში სცენაზე ყოფნა დაგებედებათ და ალბათ მომავალ წელს სხვა სპექტაკლებში მიიღებთ მონაწილეობას.
- ვნახოთ, რა მოხდება. ჯერჯერობით იმითაც ძალიან ბედნიერი ვარ, რომ ''ყინულის დედოფალში'' ვმონაწილეობ.
მერი კობიაშვილი
ჟურნალი ''რეიტინგი''
- ''ცეკვავენ ვარსკვლავებს'' აქვს თავისი ბევრი პლუსი. ახალი მეგობარი შევიძინე ლევან ახვლედიანის სახით. ასევე ძალიან ბევრი გულშემატკივარი მყავს. არ მეგონა, ამდენ ხალხს თუ მოეწონებოდა ჩვენი ცეკვა. სულ მინდოდა, ცეკვა მესწავლა. სამწუხაროდ, ამ პროექტამდე ცეკვასთან არანაირი შეხება არ მქონდა.
- ალბათ გულდასაწყვეტია პროექტიდან წამოსვლა, როცა ფინალამდე ერთი ნაბიჯი იყო დარჩენილი. ხომ არ ფიქრობთ, ცეკვის სწავლას მონდომება სულ ცოტა დააკელით და იმიტომ არ ხართ ფინალში.
- სულ ვამბობ, რომ ეს არის შოუ. ერთი ვარდება, მეორე რჩება, ესაა ჩვეულებრივი ჯანსაღი კონკურსი, სხვა არაფერი. მარტო მე არა, ყველა დაიღალა. ყველამ ძალიან დიდი შრომა ჩავდეთ ამ შოუში. სამწუხაროდ, ესაა რეალური ცხოვრება და ყველაფერი ხდება. ბევრი რამ ვისწავლე პროექტში.
- რა მოხდა შოუს შემდეგ ჟიურის წევრებსა და თქვენ შორის?
- ჩვენ შორის არანაირი საუბარი არ ყოფილა. ჩემთვის დამთავრდა პროექტი და წამოვედი. ერთადერთი, რაზეც ვნერვიულობ და გული მწყდება ისაა, რომ ვერ მოვასწარი ''პასოდობლეს'' ცეკვა. სამწუხაროდ, ფინალში ცეკვა არ გამომივიდა. არა უშავს.
- იმ ცეკვაზე, რომელშიც დაბალი ქულები მიიღეთ, გოჩა ჩერტკოევმა ლევან ახვლედიანზე თქვა, რომ მან სწორად არ იცეკვა. მოგვიანებით დანარჩენმა მონაწილეებმაც ისაუბრეს, გიორგი ყიფშიძე ამბობდა, ცეკვა გამეორებით რომ ვნახე, მივხვდი, რომ რაღაც მომენტებში არასწორად იცეკვეს, ოღონდ არა ნანამო. როგორ ფიქრობთ, შეიძლებოდა, უკეთ შეგესრულებინათ?
- არ ვიცი, რა გიპასუხოთ. ჯერ ერთი, ძალიან მაგარი კონკურენტები არიან და ყველა მონაწილე მიყვარს. კარგად ცეკვავენ. რაც შეეხება ცეკვას, რაც შემეძლო, ყველაფერი გავაკეთე. მთლიანად ცეკვებზე ვიყავი გადართული. ყველა მიტოვებული მყავდა, ბავშვი, ოჯახი და პირადი ცხოვრება. მე უკვე გავაკეთე კომენტარი და არ დავიწყებ ყოველდღიურად ახსნა-განმარტებას იმასთან დაკავშირებით, რაც მოხდა. ლევანს მხარი დავუჭირე და ვთქვი, რომ ესაა ხალხის პროექტი.
- გულწრფელად გვითხრით, გოჩა ჩერტკოევზე ნაწყენი არ ხართ?
- მხოლოდ იმის თქმა შემიძლია, რომ მე წინ მივდივარ და უკან არ ვიყურები.
- ''ყინულის დედოფალში'' მონაწილეობთ, რას იტყვით პროექტზე, რომელიც საქართველოში პირველად კეთდება?
- ძალიან საინტერესო პროექტია, რომელიც მთელ მსოფლიოში მესამედ კეთდება. ცხოვრებაში პირველად ვმონაწილეობ სპექტაკლში. დამირეკეს და მითხრეს, სახით ჰგავხარ ყინულის დედოფალსო. არ ვიცი, ასე რატომ იფიქრეს და უარი არ მითქვამს. როცა მაჩვენეს რის გაკეთებას აპირებდნენ, გული გამისკდა. უზარმაზარი პასუხისმგებლობაა ამ სპექტაკლში მონაწილეობა. პროექტში ვცეკვავდი, დავხტოდი. აქ სულ სხვანაირი, ღირსეული ყინულის დედოფალი ვარ.
- რთული ილეთებია შესასრულებელი?
- როგორც წესი, ასეთ პროექტებში ყველაფერი რთულია. უზარმაზარი სცენაა, 750 კვადრატული მეტრი, ამიტომ ვცდილობ, მაქსიმალურად სწორად და კარგად შევასრულო ყველაფერი.
- მოგეწონათ მსახიობობა? ხომ არ ფიქრობთ, რომ ამ კუთხითაც შეიძლება გაგრძელდეს თქვენი კარიერა?
- ძალიან დიდი მადლობა, რომ ეს კითხვა დამისვით. მსახიობობა ჩემი ბავშვობის ოცნება იყო. ყოველთვის სცენაზე გამოსვლაზე ვოცნებობდი. სამწუხაროდ, მშობლებმა ცურვაზე შემიყვანეს, სადაც ასევე წარმატებული ვიყავი. არ არის ჩემგან საკუთარ თავზე ასე ლაპარაკი ლამაზი, მაგრამ ფაქტია, რომ წყალში ხტომაში ევროპის ჩემპიონი და ოლიმპიადის მონაწილე ვარ. ძალიან ბედნიერი ვარ, რომ ამდენი წლის მერე ბავშვობის ოცნება ამისრულდა.
- ახალი წლის დღეებში სცენაზე ყოფნა დაგებედებათ და ალბათ მომავალ წელს სხვა სპექტაკლებში მიიღებთ მონაწილეობას.
- ვნახოთ, რა მოხდება. ჯერჯერობით იმითაც ძალიან ბედნიერი ვარ, რომ ''ყინულის დედოფალში'' ვმონაწილეობ.
მერი კობიაშვილი
ჟურნალი ''რეიტინგი''
