15 მიზეზი, რის გამოც მამაკაცი ქორწინდება
სოციოლოგიურ გამოკითხვაში 19-იდან 39 წლამდე მამაკაცები მონაწილეობდნენ და აი, რა პასუხები მივიღეთ:
ასე სურთ ქალებს (64%)
თუ მამაკაცი დიდხანს ხვდება ერთ ქალს, შესაძლოა, ერთადაც ცხოვრობდნენ, ქალი გამუდმებით ჩასჩიჩინებს, რომ დროა, ურთიერთობა ოფიციალურად გააფორმონ. თუ მამაკაცისთვის ქალი ძვირფასია, მის თხოვნას თანხმდება.
კარიერისთვის (59%)
ყოველმა მეორე მამაკაცმა ეს პირობა დაასახელა. ხელმძღვანელებმა იციან, რომ დაქორწინებული მამაკაცი უფრო ორგანიზებულია. ამიტომ მათ მაღალ თანამდებობებზეც ნიშნავენ. ცოლიანი კაცი დროს სამსახურებრივ საქმეებზე ხარჯავს და არა მორიგი საყვარლის ძებნაში.
საყვარელი ქალი ფეხმძიმედაა (44%)
ფეხმძიმე შეყვარებულზე მხოლოდ ის მამაკაცი ქორწინდება, რომელსაც პასუხისმგებლობის გრძნობა გააჩნია და ქალი მართლაც უყვარს. გათხოვების გამო დაფეხმძიმება დაუშვებელია, რადგან ადვილი შესაძლებელია, მამაკაცმა ან მიგატოვოთ, ან აბორტის გაკეთება გაიძულოთ.
ერთხელ ხომ უნდა გამოვცადო (40%)
ქორწინება ექსპერიმენტივითაა. თუ ოჯახურ ცხოვრებაში გაუმართლა, კარგია; თუ არადა, მეგობრებს საკუთარი გამოცდილების შესახებ მოუყვება.
მარტოობის დასამარცხებლად (38%)
თავისუფლების მიუხედავად, მარტოხელა მამაკაცი ყოველთვის სიცარიელეს გრძნობს. მასაც სურს, სახლში მოსიყვარულე ცოლი ელოდებოდეს.
ტრადიცია (33%)
ყოველი მესამე მამაკაცი თვლის, რომ ქორწინება აუცილებელია და, ადრე თუ გვიან, ოჯახს ქმნის. მისთვის ნათელი მაგალითი მისი მშობლებია, რომლებიც სირთულეების მიუხედავად, მაინც დაქორწინდნენ.
სიმშვიდის მოსაპოვებლად (31%)
30 წელს გადაცილებული მამაკაცი თვლის, რომ მის ცხოვრებაში ექსპერიმენტები და სასიყვარულო თავგადასავლები დასრულდა და სიმშვიდეს მხოლოდ ერთ ქალთან მოიპოვებს.
ცოლი ძვირფასი სამკაულივითაა (29%)
ყოველ მამაკაცს სურს, გვერდით ლამაზი, განათლებული ქალი ჰყავდეს, რომლის გამოც საზოგადოებაში არ შერცხვება.
მხარდაჭერისთვის (25%)
ყოველი მეოთხე მამაკაცი მეგობარ ქალზე იმიტომ ქორწინდება, რომ ცხოვრებისეულ რთულ მომენტებში მხარდაჭერა აღმოუჩინოს.
ქორწინება რომანტიკულია (23%)
18-25 წლის მამაკაცები თვლიან, რომ თავბრუდამხვევი რომანი, მიუხედავად მშობლების წინააღმდეგობისა, ქორწინებით უნდა დაგვირგვინდეს.
სიმდიდრის გამო (23%)
ყოველ მეხუთე მამაკაცს მდიდარი ქალი "ყიდულობს".
სიბერის შიში (19%)
"მარტოხელა მეფესავით ცხოვრობს და ძაღლივით კვდება" - ასე ფიქრობენ 30-39 წლის მამაკაცები და, ძირითადად, ანგარებით ქორწინდებიან.
შიშის გამო (17%)
მარტო ქალებს არ სურთ გვერდით ძლიერი მამაკაცი ჰყავდეთ, რომელიც რთულ სიტუაციაში მხარში ამოუდგებათ; მშიშარა მამაკაცებიც არსებობენ, რომლებიც სირთულეებს მარტოები ვერ უმკლავდებიან და ქორწინდებიან.
ასე სურთ ნათესავებს (12%)
თუ მშობლებმა გადაწყვიტეს, რომ მათ ვაჟს დაქორწინების ასაკი დაუდგა, მამაკაცი ქორწინდება. სხვათა შორის, შვილის დაქორწინების საკითხში დედები უფრო აქტიურობენ, ვიდრე მამები.
სიყვარულის გამო (10%)
გამოკითხულთა მხოლოდ 10 პროცენტი ქორწინდება სიყვარულით.
ჟურნალი "და ქალი"
