ვიქტორია ბექჰემი ხმებმა ქმრის ღალატის შესახებ შოკში ჩააგდო

გავრცელდა ხმები, რომ დევიდ ბექჰემსა და მომღერალ კეტრინ ჯენკინსს შორის რომანი გაჩაღდა. ამ ხმებმა ვიქტორია ბექჰემამდეც მიაღწია.
ვიქტორიასა და დევიდის 13-წლიანი ქორწინება ერთ-ერთ ყველაზე მყარ ვარსკვლავურ კავშირად ითვლება, თუმცა პერიოდულად დევიდის ერთგულება ეჭვქვეშ დამდგარა. ახლაც გავრცელდა ხმები, რომ ფეხბურთელმა ცოლს მომღერალ კეტრინ ჯენკინსთან უღალატა. თავად კეტრინი ამ ჭორებს კატეგორიულად უარყოფს. თუმცა ცოტა ხნის წინ "ტვიტერში" კეტრინმა თავის მიკრობლოგში დევიდთან მისი პათეტიკური რომანის შესახებ დაწერა.

ბექჰემების ოჯახის ახლობლების თქმით, ვიქტორია ძალიან განერვიულებულია მომხდარით. "ვიქტორიამ და დევიდმა ბევრ ქარცეცხლს გაუძლეს და ერთმანეთი ძალიან უყვართ. ვიქტორია თავს დამნაშავედ თვლის, რომ მისი ოჯახი "ტვიტერში" ამ საპნის ოპერაში გაეხვა." "დევიდის ღალატის შესახებ ჭორები შორსაა სიმართლისგან, მაგრამ ეს ხელს არ უშლის იმას, რომ ვიქტორიასა და მის ოჯახს ჩრდილი მიადგეთ".

როცა კეტრინი სახალხოდ უარყოფდა ხმებს დევიდთან რომანის შესახებ, მან უნებლიეთ ხალხს ყურადღება გაამახვილებინა ამბავზე, რომელიც უმეტესობას აქამდე არც კი სმენოდა.

"მეგობრებო, მე გავიგე საშინელი ჭორი და მინდა ის გავაბათილო. კატეგორიულად უარვყოფ, რომ მე დევიდ ბექჰემთან რომანი მაქვს. დევიდს მხოლოდ ორჯერ შევხვედრივარ: ერთხელ Military Awards-ის პრემიის გადაცემის ცერემონიალზე 2010 წელს და მეორედ 2012 წლის თებერვალში, ერთ-ერთ ღამის კლუბში", - გამოტყდა მომღერალი "ტვიტერში". სწორედ ჭორის "გაბათილების" ამ მეთოდმა დააყენა ბექჰემების ოჯახი საფრთხის წინაშე.