ლიზა ვადაჭკორია: "სტეფანემ ჩემს სტილსა და გარეგნობაზე ცინიკურად იხუმრა"
2 021 ნახვა
"მიუზიქ ბოქსის" ხელმძღვანელი, ტელეწამყვანი ლიზა ვადაჭკორია გემოვნებისა და უგემოვნობის ზღვარზე ხშირად არის. საკმარისია ერთი არასწორად შერჩეული აქსესუარი თუ პატარა დეტალი და შეიძლება კრიტიკის ქარცეცხლში აღმოჩნდეს. თუმცა ექსპერიმენტირებას მაინც მედგრად აგრძელებს და მოდის თამამ ტენდენციებსაც არ ჩამორჩება.
40 წლის ტელეწამყვანი სახის და სხეულის მოვლას უკვე მეტ ყურადღებას უთმობს. საკუთარ თავს ძვირადღირებული პროცედურების ჩატარების უფლებასაც აძლევს, ფიგურას კი მუდმივი ვარჯიშით ინარჩუნებს. ქმარი და ერთადერთი ქალიშვილი კომპლიმენტებით ხშირად ანებივრებენ, მაგრამ მისი თამამი ექსპერიმენტები ზოგჯერ მათაც არ მოსწონთ და ლიზა მათგან შენიშვნებსაც იმსახურებს.
– ლიზა, არაქართული იერი გაქვთ, უფრო – სლავური. გვარში უცხოელი გყავთ ვინმე?
– დედითაც ქართველი ვარ და მამითაც, მაგრამ მამა ტიპურ ევროპელს ჰგავდა გრძელი სახით, ქერა თმით და მომწვანო თვალებით. ერთი პერიოდი რუსეთში ვსწავლობდი და ვმუშაობდი, ამანაც იქონია გავლენა ჩემს სტილზე. აღმოვაჩინე, რომ ჩემი სტილი და იმიჯი ერთ–ერთი რუსი მსახიობისას ზუსტად ემთხვევა. ფილმ "ბრილიანტის ხელის" ვარსკვლავ სვეტლანა სვეტლიჩნაიასთან მქონდა ინტერვიუ. მივედი ჩემი სტილით – მეცვა მოკლე კაბა და მეხურა პატარა შლაპა. რომ დამინახა, მოეწონა. მითხრა, როგორც გაცვია, ეს ჩემი სტილიაო. მას დღემდე აცვია მოკლე კაბები, მიუხედავად იმისა, რომ 75 წლისაა.
ყოველთვის მიყვარდა მოკლე კაბები. პატარა გოგო აღარ ვარ, მაგრამ ახლაც ვიცვამ. ეს ვიღაცას უხდება, ვიღაცას – არა. მახსოვს, ლელა წურწუმია ამბობდა, ჩემთვის მიუღებელია მოკლე კაბები, რადგან ეს არ არის ჩემი სტილიო. მართლაც, ლელა ძალიან კლასიკური და აკადემიური სტილის ქალია. მე კი გრძელ კაბებში ვიკარგები. არ მაქვს პრეტენზია, რომ საქართველოში ყველაზე გემოვნებიანი ვარ, თუმცა ვიცი, რას რა არ უხდება და რას რა უნდა შევუხამო. წითელზე ვარდისფერს არ ჩავიცვამ, მიუხედავად იმისა, რომ ამჟამად მოდაში ეკლექტიკაა და სამეჯლისო კაბაზე უხეში ჩექმების ჩაცმაც კი ტრენდია. მე ჩემი სტილი და გემოვნება მაქვს.
მახსოვს, ერთხელ სტეფანემ დამცინა კიდეც. მქონდა ჩემი საიტი, სადაც სტატიებს, მუსიკას და ჩემს ფოტოებს ვდებდი. ეს ის პერიოდი იყო, როცა გადაცემა "პრეს–პრესის" გამო მთელი შოუბიზნესი გადამტერებული მყავდა. ერთ გადაცემაში სტეფანეს ვუთხარი, რომ ჯორჯ მაიკლს ჰგავდა. რატომღაც ეწყინა. ერთ მშვენიერ დღეს გადაცემაში როლები შევცვალეთ, მომღერლები ჟურნალისტებად ვაქციეთ, ჩვენ კი მათი რესპონდენტები გავხდით. სტეფანემ მითხრა, ჯობია, შენს საიტს მიხედო, ძალიან სასაცილო ფოტოები რომ გიდევსო, ანუ ჩემს სტილსა და გარეგნობაზე ცინიკურად იხუმრა. არ მწყენია, მაგრამ დამამახსოვრდა. ძალიან მიხარია, როცა იმიჯთან დაკავშირებით კომპლიმენტს ვიღებ. მიყვარს ფერები.
– განსაკუთრებით რომელი ფერი გიზიდავთ?
– უპირატესობას იმ ფერს ვანიჭებ, რომელსაც ბევრი სახიფათოდ მიიჩნევს. ჩანთა, პალტო თუ ფეხსაცმელი ხშირ შემთხვევაში წითელი მაქვს. შავს უხდება ეს ფერი. წითელი ყურადღებას იქცევს, მე კი ის ქალი ვარ, ვისაც ყურადღება მოსწონს.
– აქსესუარების სიყვარულშიც ხართ შემჩნეული.
– ევროპული სახე რომ მაქვს, ყველანაირი ქუდი მიხდება. ქუდს აქსესუარად ბევრი იმიტომ ვერ იყენებს, რომ უბრალოდ არ უხდებათ. მე კი ქუდების დიდი კოლექცია მაქვს. საზღვარგარეთ ყოფნისას ხშირად ვყიდულობ. მიყვარს ხელთათმანებიც. საერთოდ აქსესუარებს დიდ ყურადღებას ვაქცევ. შეიძლება მქონდეს ერთი კაბა და პალტო, მაგრამ ბევრი აქსესუარი – ჩანთები, შარფები თუ ქუდები.
– თავის მოვლის საშუალებები თანდათან უფრო იხვეწება. კანის მოვლისთვის თქვენ რა ხერხებს მიმართავთ?
– კოსმეტიკის გამოყენება 30 წლიდან დავიწყე. კანის მოვლისთვის საცხები თუ ნიღბები ნებისმიერ ასაკშია აუცილებელი, მაგრამ ჩემსავით 40 წლის თუ ხარ, მაშინ კანის მოვლისთვის ნამდვილად დიდი ძალისხმევაა საჭირო. ამიტომ მეზოთერაპიას, სპეციალურ ფილერებს და ვიტამინების კოქტეილებს ვიყენებ, თუმცა ყოველთვის არ მაქვს ამის დრო ან ფინანსები. ვიცნობ ქალებს, რომლებიც ნარკომანებივით არიან – სულ დადიან პლასტიკურ ქირურგებთან თუ კოსმეტოლოგებთან. კიდევ კარგი, მსგავსი რამ არ მჭირს, მაგრამ წელიწადში ორჯერ თავს აუცილებლად ვაძლევ უფლებას, სერიოზული პროცედურები ჩავიტარო კანის გაჯანსაღებისთვის. კი, გენეტიკა მიწყობს ხელს, რომ კარგად გამოვიყურებოდე, მაგრამ უკვე 40 წლის ვარ, ამიტომ შესაბამისად უნდა მოვუარო თავს.
– პლასტიკური ქირურგიის გამოყენებაზე გიფიქრიათ?
– მიფიქრია, მაგრამ არასდროს შევიცვლი სახის ნაკვთებს. ნინა წკრიალაშვილს პირდაპირ ვუთხარი, შენს ცხვირს რას ერჩოდი–მეთქი. თვითონაც მითხრა, არ ვიცი, რაღაც იდეალურ ფორმას ვეძებდიო. ყველა ქალს უნდა, სრულყოფილი იყოს, მაგრამ რაც ბუნებრივად გაქვს, ის უკეთესია, თუ ძალიან დიდი დეფექტი არ არის. გარეგნობაში არასოდეს არაფერს შევიცვლი, მაგრამ, როცა საჭირო გახდება, კანს აუცილებლად გადავიჭიმავ. დანაოჭებული სახის ყურება ვის სიამოვნებს?!
– სხეულს, წონას, ფიგურას ფხიზლად აკონტროლებთ?
– რაც მანქანა შევიძინე, ნაკლებად ვმოძრაობ და ზედმეტი კილოგრამები რომ მეტყობა, ვნერვიულობ, ამიტომ ფორმის შესანარჩუნებლად რამდენიმე მეთოდი მაქვს: მასაჟები, რომლებიც ძვირადღირებულია და ამის საშუალება ყოველთვის არ არსებობს; პერიოდულად ტრენაჟორებზე ვვარჯიშობ ან ვცურავ და მესამე – სირბილი ლისის ტბაზე, რომელიც ჩემს სახლთან ახლოს არის.
– თავის მოვლის საშუალებებში ფული არ გენანებათ?
– როგორც ყველა ქალი, მეც მუდმივად ძიებაში ვარ. სახის მოვლის ძალიან ძვირადღირებული საშუალებებიც შემიძენია და მერე მიფიქრია, ვაიმე, რაში ვხარჯავ ფულს, რად მინდოდა–მეთქი. მერე წავსულვარ და რუსული წარმოების ყველაზე დაბალფასიანი საცხი მიყიდია. სამწუხაროდ, უნდა ვთქვა, რომ იგივე შედეგი მიმიღია, რაც ძვირადღირებულის გამოყენებისას. სუნამოზე კი ეკონომიას არასოდეს ვაკეთებ.
– სარკეში ყურებისას ყველაზე მეტად როდის მოგწონთ საკუთარი თავი?
– აბაზანიდან თავზე პირსახოცშემოხვეული რომ გამოვდივარ, მაშინ. არასოდეს ვიხედები სარკეში სამსახურის დასრულების მერე, რადგან დაღლილობისგან ძალიან ცუდად გამოვიყურები.
– ვინ გიყურებთ სარკიდან?
– სარკიდან ძალიან ნაზი, სათნო სახის და სიმპათიური ქალი მიყურებს, მაგრამ სინამდვილეში ეს ქალი ძალიან ძლიერი და დამოუკიდებელია.
– ხშირად მოგზაურობთ საზღვარგარეთ. შეადარეთ ქართველი და უცხოელი ქალების ჩაცმის სტილი.
– რუსეთშიც არსებობს ელიტა, სადაც ძალიან გემოვნებით იცვამენ, მათ შორის დავასახელებ თინა კანდელაკსაც. თუმცა ახლახან რომ ჩამოვიდა საქართველოში, ძალიან უგემოვნო, ვულგარული კაბა ეცვა. ზოგადად რუსებს ძალიან უყვართ ბრჭყვიალა ელემენტები და ეს ხშირად უგემოვნობაში გადასდით.
გერმანიაში ქალები დიდი ზომის მოკლე შარვლებითა და კაცის ფეხსაცმელებით დადიან. იქ ქალურობას ხაზს არ უსვამენ. საფრანგეთში გემოვნება იგრძნობა, მაგრამ ის ქალები, რომლებც ძალიან კარგად იცვამენ, ქუჩაში ფეხით ნამდვილად არ დადიან.
რაც შეეხება ქართველებს, მიმაჩნია, რომ გემოვნება გვაქვს, მაგრამ ბევრს იმდენად დიდი კომპლექსი აქვს სხეულის ფორმებთან დაკავშირებით, რომ მათ შესანიღბად მასობრივად შავ ფერს ატარებენ. არადა სხვა ფერითაც შეიძლება ფორმის დამალვა. შავი ფერი, რომელიც ელეგანტურობასთან ასოცირდება, საქართველოში გაუფასურებულია.
– რა მიგაჩნიათ ცუდ ტონად?
– ვერ ვიტან სნობიზმს. მგონი, სალომე გოგიაშვილმა ვიღაც ცნობილი სახის ფოტო დადო და გააკრიტიკა – ეს ცუდი ტონია. შინაგანი კულტურა უნდა გქონდეს, რომ ვიღაც თუ არ მოგწონს, ეს არ თქვა. კი, მე გავაკრიტიკე თიკა კანდელაკის კაბა, მაგრამ კონკრეტული "ლუქი" გავაკრიტიკე და არა – თიკა კანდელაკი. კრიტიკასა და დაცინვას შორის დიდი განსხვავებაა.
– ხშირად აკრიტიკებთ ხოლმე ცნობილ სახეებს. ეს ურთიერთობებში ხელს არ გიშლით?
– ინტერვიუების გამოსვლის შემდეგ ბევრი რჩება განაწყენებული. ზოგი მირეკავს და მეუბნება, ზოგი არ მეუბნება, მაგრამ ბოლოს მაინც ვიგებ. არ მიყვარს ზოგადი ლაპარაკი. ჩემს რესპონდენტებსაც სულ ვთხოვ, კონკრეტული გვარები დაასახელონ. როცა ამბობენ, რომ ქართული შოუბიზნესის დაღმასვლაში ვიღაცეები არიან დამნაშავეები... ვინ ვიღაცეები? სახელები და გვარები ახსენონ!
– თქვენი ოჯახის უფროსი თაობის ქალებისგან რაიმე რჩევები მიგიღიათ თავის მოვლასთან დაკავშირებით?
– დედა ყველანაირი კოსმეტიკის წინააღმდეგი იყო. ბუნებრიობას იმდენად დიდ პატივს სცემს, რომ ყურიც არ აქვს გახვრეტილი. თავს ბუნებრივი საშუალებებით უვლის და არაჩვეულებრივად გამოიყურება. მე, რა თქმა უნდა, თანამედროვე საშუალებებს ვიყენებ. ჩემი შვილი კი საზღვარგარეთ მოგზაურობისას სხვადასხვა კოსმეტიკას თუ სახის საცხებს იძენს და მჩუქნის.
– ქმარი როდის გეუბნებათ განსაკუთრებულ კომპლიმენტებს?
– თითქმის ყოველთვის. მინდა, ერთი სასაცილო ისტორია გავიხსენო: ამ სეზონის მოდური ტრენდია თხელი წინდები, ე.წ. კოლგოტები, რომელიც მუხლის ზემოთ მთავრდება, მაგრამ კაბა არ ფარავს. ერთ დღესაც ასე გამოვეწყვე, რასაც ჩემი მეუღლის გაოცება მოჰყვა. საბოლოოდ მთხოვა, რომ მუხლის ქვემოთ, გეტრების მსგავსად ჩამეცვა. მისი სურვილი გავითვალისწინე.
– თვითკრიტიკული ხართ?
– ყოველთვის, მით უმეტეს, იმ სტილიდან გამომდინარე, რაც მაქვს – ფერების სიყვარულს ვგულისხმობ. ვცდილობ, ზღვარს არ გადავიდე, მაგრამ არის შემთხვევები, როცა ჩემი ქალიშვილი, 24 წლის ია, მეუბნება, რა არის, დედა, რა ნაძვის ხესავით აჩონჩხლილხარო.
მანანა ნოდია, ჟურნალი სარკე
40 წლის ტელეწამყვანი სახის და სხეულის მოვლას უკვე მეტ ყურადღებას უთმობს. საკუთარ თავს ძვირადღირებული პროცედურების ჩატარების უფლებასაც აძლევს, ფიგურას კი მუდმივი ვარჯიშით ინარჩუნებს. ქმარი და ერთადერთი ქალიშვილი კომპლიმენტებით ხშირად ანებივრებენ, მაგრამ მისი თამამი ექსპერიმენტები ზოგჯერ მათაც არ მოსწონთ და ლიზა მათგან შენიშვნებსაც იმსახურებს.
– ლიზა, არაქართული იერი გაქვთ, უფრო – სლავური. გვარში უცხოელი გყავთ ვინმე?
– დედითაც ქართველი ვარ და მამითაც, მაგრამ მამა ტიპურ ევროპელს ჰგავდა გრძელი სახით, ქერა თმით და მომწვანო თვალებით. ერთი პერიოდი რუსეთში ვსწავლობდი და ვმუშაობდი, ამანაც იქონია გავლენა ჩემს სტილზე. აღმოვაჩინე, რომ ჩემი სტილი და იმიჯი ერთ–ერთი რუსი მსახიობისას ზუსტად ემთხვევა. ფილმ "ბრილიანტის ხელის" ვარსკვლავ სვეტლანა სვეტლიჩნაიასთან მქონდა ინტერვიუ. მივედი ჩემი სტილით – მეცვა მოკლე კაბა და მეხურა პატარა შლაპა. რომ დამინახა, მოეწონა. მითხრა, როგორც გაცვია, ეს ჩემი სტილიაო. მას დღემდე აცვია მოკლე კაბები, მიუხედავად იმისა, რომ 75 წლისაა.
ყოველთვის მიყვარდა მოკლე კაბები. პატარა გოგო აღარ ვარ, მაგრამ ახლაც ვიცვამ. ეს ვიღაცას უხდება, ვიღაცას – არა. მახსოვს, ლელა წურწუმია ამბობდა, ჩემთვის მიუღებელია მოკლე კაბები, რადგან ეს არ არის ჩემი სტილიო. მართლაც, ლელა ძალიან კლასიკური და აკადემიური სტილის ქალია. მე კი გრძელ კაბებში ვიკარგები. არ მაქვს პრეტენზია, რომ საქართველოში ყველაზე გემოვნებიანი ვარ, თუმცა ვიცი, რას რა არ უხდება და რას რა უნდა შევუხამო. წითელზე ვარდისფერს არ ჩავიცვამ, მიუხედავად იმისა, რომ ამჟამად მოდაში ეკლექტიკაა და სამეჯლისო კაბაზე უხეში ჩექმების ჩაცმაც კი ტრენდია. მე ჩემი სტილი და გემოვნება მაქვს.
მახსოვს, ერთხელ სტეფანემ დამცინა კიდეც. მქონდა ჩემი საიტი, სადაც სტატიებს, მუსიკას და ჩემს ფოტოებს ვდებდი. ეს ის პერიოდი იყო, როცა გადაცემა "პრეს–პრესის" გამო მთელი შოუბიზნესი გადამტერებული მყავდა. ერთ გადაცემაში სტეფანეს ვუთხარი, რომ ჯორჯ მაიკლს ჰგავდა. რატომღაც ეწყინა. ერთ მშვენიერ დღეს გადაცემაში როლები შევცვალეთ, მომღერლები ჟურნალისტებად ვაქციეთ, ჩვენ კი მათი რესპონდენტები გავხდით. სტეფანემ მითხრა, ჯობია, შენს საიტს მიხედო, ძალიან სასაცილო ფოტოები რომ გიდევსო, ანუ ჩემს სტილსა და გარეგნობაზე ცინიკურად იხუმრა. არ მწყენია, მაგრამ დამამახსოვრდა. ძალიან მიხარია, როცა იმიჯთან დაკავშირებით კომპლიმენტს ვიღებ. მიყვარს ფერები.
– განსაკუთრებით რომელი ფერი გიზიდავთ?
– უპირატესობას იმ ფერს ვანიჭებ, რომელსაც ბევრი სახიფათოდ მიიჩნევს. ჩანთა, პალტო თუ ფეხსაცმელი ხშირ შემთხვევაში წითელი მაქვს. შავს უხდება ეს ფერი. წითელი ყურადღებას იქცევს, მე კი ის ქალი ვარ, ვისაც ყურადღება მოსწონს.
– აქსესუარების სიყვარულშიც ხართ შემჩნეული.
– ევროპული სახე რომ მაქვს, ყველანაირი ქუდი მიხდება. ქუდს აქსესუარად ბევრი იმიტომ ვერ იყენებს, რომ უბრალოდ არ უხდებათ. მე კი ქუდების დიდი კოლექცია მაქვს. საზღვარგარეთ ყოფნისას ხშირად ვყიდულობ. მიყვარს ხელთათმანებიც. საერთოდ აქსესუარებს დიდ ყურადღებას ვაქცევ. შეიძლება მქონდეს ერთი კაბა და პალტო, მაგრამ ბევრი აქსესუარი – ჩანთები, შარფები თუ ქუდები.
– თავის მოვლის საშუალებები თანდათან უფრო იხვეწება. კანის მოვლისთვის თქვენ რა ხერხებს მიმართავთ?
– კოსმეტიკის გამოყენება 30 წლიდან დავიწყე. კანის მოვლისთვის საცხები თუ ნიღბები ნებისმიერ ასაკშია აუცილებელი, მაგრამ ჩემსავით 40 წლის თუ ხარ, მაშინ კანის მოვლისთვის ნამდვილად დიდი ძალისხმევაა საჭირო. ამიტომ მეზოთერაპიას, სპეციალურ ფილერებს და ვიტამინების კოქტეილებს ვიყენებ, თუმცა ყოველთვის არ მაქვს ამის დრო ან ფინანსები. ვიცნობ ქალებს, რომლებიც ნარკომანებივით არიან – სულ დადიან პლასტიკურ ქირურგებთან თუ კოსმეტოლოგებთან. კიდევ კარგი, მსგავსი რამ არ მჭირს, მაგრამ წელიწადში ორჯერ თავს აუცილებლად ვაძლევ უფლებას, სერიოზული პროცედურები ჩავიტარო კანის გაჯანსაღებისთვის. კი, გენეტიკა მიწყობს ხელს, რომ კარგად გამოვიყურებოდე, მაგრამ უკვე 40 წლის ვარ, ამიტომ შესაბამისად უნდა მოვუარო თავს.
– პლასტიკური ქირურგიის გამოყენებაზე გიფიქრიათ?
– მიფიქრია, მაგრამ არასდროს შევიცვლი სახის ნაკვთებს. ნინა წკრიალაშვილს პირდაპირ ვუთხარი, შენს ცხვირს რას ერჩოდი–მეთქი. თვითონაც მითხრა, არ ვიცი, რაღაც იდეალურ ფორმას ვეძებდიო. ყველა ქალს უნდა, სრულყოფილი იყოს, მაგრამ რაც ბუნებრივად გაქვს, ის უკეთესია, თუ ძალიან დიდი დეფექტი არ არის. გარეგნობაში არასოდეს არაფერს შევიცვლი, მაგრამ, როცა საჭირო გახდება, კანს აუცილებლად გადავიჭიმავ. დანაოჭებული სახის ყურება ვის სიამოვნებს?!
– სხეულს, წონას, ფიგურას ფხიზლად აკონტროლებთ?
– რაც მანქანა შევიძინე, ნაკლებად ვმოძრაობ და ზედმეტი კილოგრამები რომ მეტყობა, ვნერვიულობ, ამიტომ ფორმის შესანარჩუნებლად რამდენიმე მეთოდი მაქვს: მასაჟები, რომლებიც ძვირადღირებულია და ამის საშუალება ყოველთვის არ არსებობს; პერიოდულად ტრენაჟორებზე ვვარჯიშობ ან ვცურავ და მესამე – სირბილი ლისის ტბაზე, რომელიც ჩემს სახლთან ახლოს არის.
– თავის მოვლის საშუალებებში ფული არ გენანებათ?
– როგორც ყველა ქალი, მეც მუდმივად ძიებაში ვარ. სახის მოვლის ძალიან ძვირადღირებული საშუალებებიც შემიძენია და მერე მიფიქრია, ვაიმე, რაში ვხარჯავ ფულს, რად მინდოდა–მეთქი. მერე წავსულვარ და რუსული წარმოების ყველაზე დაბალფასიანი საცხი მიყიდია. სამწუხაროდ, უნდა ვთქვა, რომ იგივე შედეგი მიმიღია, რაც ძვირადღირებულის გამოყენებისას. სუნამოზე კი ეკონომიას არასოდეს ვაკეთებ.
– სარკეში ყურებისას ყველაზე მეტად როდის მოგწონთ საკუთარი თავი?
– აბაზანიდან თავზე პირსახოცშემოხვეული რომ გამოვდივარ, მაშინ. არასოდეს ვიხედები სარკეში სამსახურის დასრულების მერე, რადგან დაღლილობისგან ძალიან ცუდად გამოვიყურები.
– ვინ გიყურებთ სარკიდან?
– სარკიდან ძალიან ნაზი, სათნო სახის და სიმპათიური ქალი მიყურებს, მაგრამ სინამდვილეში ეს ქალი ძალიან ძლიერი და დამოუკიდებელია.
– ხშირად მოგზაურობთ საზღვარგარეთ. შეადარეთ ქართველი და უცხოელი ქალების ჩაცმის სტილი.
– რუსეთშიც არსებობს ელიტა, სადაც ძალიან გემოვნებით იცვამენ, მათ შორის დავასახელებ თინა კანდელაკსაც. თუმცა ახლახან რომ ჩამოვიდა საქართველოში, ძალიან უგემოვნო, ვულგარული კაბა ეცვა. ზოგადად რუსებს ძალიან უყვართ ბრჭყვიალა ელემენტები და ეს ხშირად უგემოვნობაში გადასდით.
გერმანიაში ქალები დიდი ზომის მოკლე შარვლებითა და კაცის ფეხსაცმელებით დადიან. იქ ქალურობას ხაზს არ უსვამენ. საფრანგეთში გემოვნება იგრძნობა, მაგრამ ის ქალები, რომლებც ძალიან კარგად იცვამენ, ქუჩაში ფეხით ნამდვილად არ დადიან.
რაც შეეხება ქართველებს, მიმაჩნია, რომ გემოვნება გვაქვს, მაგრამ ბევრს იმდენად დიდი კომპლექსი აქვს სხეულის ფორმებთან დაკავშირებით, რომ მათ შესანიღბად მასობრივად შავ ფერს ატარებენ. არადა სხვა ფერითაც შეიძლება ფორმის დამალვა. შავი ფერი, რომელიც ელეგანტურობასთან ასოცირდება, საქართველოში გაუფასურებულია.
– რა მიგაჩნიათ ცუდ ტონად?
– ვერ ვიტან სნობიზმს. მგონი, სალომე გოგიაშვილმა ვიღაც ცნობილი სახის ფოტო დადო და გააკრიტიკა – ეს ცუდი ტონია. შინაგანი კულტურა უნდა გქონდეს, რომ ვიღაც თუ არ მოგწონს, ეს არ თქვა. კი, მე გავაკრიტიკე თიკა კანდელაკის კაბა, მაგრამ კონკრეტული "ლუქი" გავაკრიტიკე და არა – თიკა კანდელაკი. კრიტიკასა და დაცინვას შორის დიდი განსხვავებაა.
– ხშირად აკრიტიკებთ ხოლმე ცნობილ სახეებს. ეს ურთიერთობებში ხელს არ გიშლით?
– ინტერვიუების გამოსვლის შემდეგ ბევრი რჩება განაწყენებული. ზოგი მირეკავს და მეუბნება, ზოგი არ მეუბნება, მაგრამ ბოლოს მაინც ვიგებ. არ მიყვარს ზოგადი ლაპარაკი. ჩემს რესპონდენტებსაც სულ ვთხოვ, კონკრეტული გვარები დაასახელონ. როცა ამბობენ, რომ ქართული შოუბიზნესის დაღმასვლაში ვიღაცეები არიან დამნაშავეები... ვინ ვიღაცეები? სახელები და გვარები ახსენონ!
– თქვენი ოჯახის უფროსი თაობის ქალებისგან რაიმე რჩევები მიგიღიათ თავის მოვლასთან დაკავშირებით?
– დედა ყველანაირი კოსმეტიკის წინააღმდეგი იყო. ბუნებრიობას იმდენად დიდ პატივს სცემს, რომ ყურიც არ აქვს გახვრეტილი. თავს ბუნებრივი საშუალებებით უვლის და არაჩვეულებრივად გამოიყურება. მე, რა თქმა უნდა, თანამედროვე საშუალებებს ვიყენებ. ჩემი შვილი კი საზღვარგარეთ მოგზაურობისას სხვადასხვა კოსმეტიკას თუ სახის საცხებს იძენს და მჩუქნის.
– ქმარი როდის გეუბნებათ განსაკუთრებულ კომპლიმენტებს?
– თითქმის ყოველთვის. მინდა, ერთი სასაცილო ისტორია გავიხსენო: ამ სეზონის მოდური ტრენდია თხელი წინდები, ე.წ. კოლგოტები, რომელიც მუხლის ზემოთ მთავრდება, მაგრამ კაბა არ ფარავს. ერთ დღესაც ასე გამოვეწყვე, რასაც ჩემი მეუღლის გაოცება მოჰყვა. საბოლოოდ მთხოვა, რომ მუხლის ქვემოთ, გეტრების მსგავსად ჩამეცვა. მისი სურვილი გავითვალისწინე.
– თვითკრიტიკული ხართ?
– ყოველთვის, მით უმეტეს, იმ სტილიდან გამომდინარე, რაც მაქვს – ფერების სიყვარულს ვგულისხმობ. ვცდილობ, ზღვარს არ გადავიდე, მაგრამ არის შემთხვევები, როცა ჩემი ქალიშვილი, 24 წლის ია, მეუბნება, რა არის, დედა, რა ნაძვის ხესავით აჩონჩხლილხარო.
მანანა ნოდია, ჟურნალი სარკე
