ნინი ბადურაშვილი: "მე და ჩემმა ყოფილმა ქმარმა ურთიერთობები დავალაგეთ"
3 078 ნახვა
2013 წელს მომღერალ ნინი ბადურაშვილის გარშემო ატეხილმა აჟიოტაჟმა ყველა სკანდალური პერსონა დაჩრდილა ქართველ საზოგადოებაში. ქმართან, მოსკოვში მცხოვრებ ბიზნესმენ ირაკლი კუტალაძესთან გაშორება, ორსულობა და ბავშვის დაბადება თვეების განმავლობაში ტელევიზიასა თუ პრესაში მთავარი თემა იყო, რომელიც ნინის ყოფილი მამამთილის აქტიურობით აგორდა, როცა მისი ორგანიზებით მისივე ვაჟის, ირაკლი კუტალაძის ინტერვიუ გამოქვეყნდა. იმ პერიოდში მომღერალი 8 თვის ფეხმძიმე იყო. ამ კამპანიაში ჩართვაზე "სარკემ" პრინციპულად თქვა უარი. დაელოდა იმ პერიოდს, როდესაც ნინი თავად ალაპარაკდებოდა იმ მოვლენებზე, რომლებმაც მისი ცხოვრება აბსოლუტურად შეცვალა.
ნინისთვის 2013 წელი, სკანდალებისა და იმედგაცრუების მიუხედავად, დიდი სიხარულის მომტანი იყო, ის 5 თვის წინ დედა გახდა. ამ მოვლენამ ყველაფერი დაავიწყა. ახლა მისი ყოველი დილა ბედნიერების შეგრძნებით იწყება, გახალისდა, ცხოვრებას ოპტიმისტურად უყურებს და იმედი აქვს, რომ მომავალში ბედნიერ ოჯახს შექმნის.
– ნინი, მოდით, შევაჯამოთ, როგორი იყო თქვენთვის 2013 წელი.
– მიუხედავად იმისა, რომ ამ წელს ჩემს ცხოვრებაში ბევრი რამ იყო ნეგატიური, ჩემთვის მაინც ყველაზე მნიშვნელოვანი გახლდათ – დედა გავხდი. არ მეგონა, თუ ასეთი დიდი სიყვარულის უნარი მქონდა, დედაშვილობა ფანტასტიკური გრძნობაა, რომელსაც დედამიწის ზურგზე არაფერი შეედრება! მშობიარობა დიდი სტრესია, ელენე პირველად რომ დავინახე, ვერ აღვიქვი. დილის 6 საათზე რომ შემომიყვანეს პალატაში, მაშინ მივხვდი, ეს როგორი არაჩვეულებრივი შეგრძნებაა. ღმერთს მადლობას ვეუბნები, რომ ასეთი საჩუქარი გამომიგზავნა. მიუხედავად ყველაფრისა, 2013 წელი დიდი ბედნიერების მომტანი იყო ჩემთვის.
საქმის მხრივაც, ეს წელი ძალიან მნიშვნელოვანი იყო. "რუსთავი 2"–ის პროექტში "საქართველოს ვარსკვლავი" ჟიურის წევრი ვიყავი. თავიდან ვფიქრობდი, როგორ შევძლებდი ჩემი თანატოლების ან ასაკით ჩემზე უფროსი კონკურსანტების შეფასებას და მიხარია, რომ ჩემი თავით უკმაყოფილო არ ვარ.
– ელენეს დაბადებამ როგორ შეცვალა თქვენი ცხოვრების წესი, რიტმი?
– ადრე რასაც ვაკეთებდი, საკუთარი თავისთვის ვაკეთებდი, ახლა ყველაფერი მას ეძღვნება. ელენეს დაბადებამ შეცვალა ჩემი აზროვნება, გაჩნდა სხვა ფასეულობები, ყველაფერს სხვა თვალით ვუყურებ, ხასიათიც კი შემეცვალა. უფრო სხვანაირი ვარ, ვიდრე უწინ. არც კი ვიცი, ამ ყველაფერს რა დავარქვა.
– რთული მშობიარობა გქონდათ?
– ძალიან მინდოდა ფიზიოლოგიურად მშობიარობა, მაგრამ ისე აეწყო ყველაფერი, რომ ადვილი შესაძლებელი იყო, საკეისრო დამჭირვებოდა. საბედნიეროდ, გადავრჩი და ყოველგვარი გართულების და ჩარევის გარეშე გავაჩინე შვილი. ელენე 3 კილოგრამი და 180 გრამი და 51 სანტიმეტრი დაიბადა. თავიდან ძალიან მეშინოდა მისი ხელში დაჭერა, მაგრამ დედის ინსტინქტებმა მალე გაიღვიძა ჩემში და ყველაფერს სწრაფად ავუღე ალღო.
– ვინ გეხმარებათ მის გაზრდაში?
– თავიდან ბებიები და დედა მეხმარებოდნენ, ახლა ძიძა ავიყვანე. პროექტში "ცეკვავენ ვარსკვლავები" აქტიურად ვარ დაკავებული, მის პროდიუსინგში ვარ ჩართული, ამიტომ მომიწია დამხმარე ქალის აყვანა. ეს არ ნიშნავს იმას, რომ ჩემი შვილის აღზრდაში მონაწილეობას არ ვიღებ. როგორც კი დრო გამომიჩნდება, მასთან გავრბივარ.
გარდა იმისა, რომ ვმუშაობ, დავდივარ კონცერტებზე, კვირაში ერთ დღეს კლუბში ვმღერი. როგორც კი საქმეს ვრჩები, ჩემი მთავარი მოვალეობა დედობაა. ფაქტობრივად ჩამოვშორდი მეგობრებს, ალბათ ისინი ჩემზე ნაწყენები არიან, მაგრამ იმედია, გამიგებენ.
– ბებიებისგან და დედისგან რჩევა–დარიგებებს იღებთ, როგორც ახალბედა დედა?
– ყველა თავისებურ რჩევას მაძლევს, ყველა მათგანს ვუსმენ, მაგრამ მაინც ჩემი მეთოდებით ვზრდი. დღემდე ყველა აქტიურად რაღაცას მირჩევს და ეს არ მიკვირს, რადგან ჩემი შვილი რომ გაიზრდება, ალბათ მეც მივცემ რჩევა–დარიგებას, თუ როგორ უნდა აღზარდოს ბავშვი.
– რას გეუბნებათ დედა, ეკა კახიანი, ელენეს თქვენს პატარაობას ამსგავსებს?
– ელენე ჰიპერაქტიურია. პედიატრმა მითხრა, მის ასაკთან შედარებით ბევრად განვითარებულიაო. ძალიან ხვანცალაა და ძალიან ჰგავს ჩემი დის, ანასტასიას ბავშვობას. ანასტასიას შვილი, პატარა ლადუკა კი მე მგავს. დინჯი, გაწონასწორებული ბავშვია, ისეთი, როგორიც მე ვიყავი ბავშვობაში. დააწვენ და არ ტირის, ელენეს კი ერთი წუთით ვერ დააწვენ, სულ ხელში უნდა გყავდეს, სულ უნდა ეთამაშო. რამდენიმე დღის წინ ჩემი მეგობარი ფოტოგრაფი მოვიდა ჩვენთან და ერთი წუთი ვერ გავაჩერე, რომ წესიერი კადრები გამოსულიყო.
– თქვენ და ანასტასიამ თითქმის ერთდროულად გააჩინეთ შვილები. რომელი უფრო ყოჩაღი დედაა თქვენ შორის?
– ჯერ მე ვიმშობიარე, ორი კვირის შემდეგ – ანასტასიამ. ერთდროულად მოგვიწია დედის როლის მორგება და გათავისება. მცხეთაში ვიყავით ორივე. ანასტასია უფრო დაფეთებული დედაა, ბავშვს იშვიათად გვატანს და, თუ ცოტა დავაგვიანეთ მიყვანა, გაუთავებლად რეკავს და ამბებს კითხულობს. ორივე ყოჩაღი დედა ვართ. ჩემს მეგობრებს უკვირდათ, არ ეგონათ, თუ ასე კარგად გავართმევდი შვილის მოვლას თავს, მაგრამ თურმე შემძლებია.
– ელენე დაბადების დღიდან საზოგადოების ყურადღების ქვეშ არის, ყველას აინტერესებს დედა–შვილის მდგომარეობა. საზოგადოების ასეთ დიდ ინტერესს რითი ხსნით?
– ელენე მართლაც დაბადების დღიდან მოექცა ხალხის ყურადღების ქვეშ. დღემდე ვერ ამიხსნია, რატომ არის ჩემი პირადი ცხოვრება ასეთი საინტერესო. ერთი მხრივ, კარგია: როცა საზოგადოება ერევა შენს პირად ცხოვრებაში, ესე იგი აქტუალური ხარ, მაგრამ, მეორე მხრივ, ძალიან დამღლელია. ელენე უკვე 5 თვისაა. თავიდან ვერიდებოდი მისი სურათების გავრცელებას სოციალურ ქსელში, რადგან არ მიმაჩნია სწორად ერთი საათის დაბადებული ბავშვის ფოტოების გასაჯაროება. მით უმეტეს, ჩემი შვილის სურათების გამოჩენა არ მინდოდა, ვიცოდი, რა მოლოდინიც იყო. ყველას აინტერესებს, ვის ჰგავს, როგორია და ა.შ. მერე აღმოჩნდა, რომ ვიღაცამ სხვა ბავშვის ფოტოებს მიაწერა ჩემი შვილის სახელი, ამაზე გავბრაზდი და გადავწყვიტე, ელენეს სურათები გამომეფინა.
– ელენეს ნათლიებს შორის პოპულარული სახეები არიან. როგორ აღნიშნეთ ეს მნიშვნელოვანი დღე?
– ელენე მონათლეს ჩემი ბავშვობის მეგობარმა კატია სამსონაძემ, თაკო გაჩეჩილაძემ, სალომე გო–გიაშვილმა, ქრისტინე იმედაძემ, მამა მიქაელმა და ქეთა თოფურიამ, რომელიც ვერ დაესწრო ნათლობის ცერემონიალს, მაგრამ ამ რამდენიმე ხნის წინ ქეთა ჩამოსული იყო საქართველოში, მოვიდა, ელენე მოინახულა და ნათლობის ჯვარი აჩუქა. ელენეს ნათლობა ძალიან მოკრძალებულად, მეგობრების გარემოცვაში აღვნიშნეთ. პატარა სუფრა გვქონდა გაშლილი მცხეთაში.
– ელენე მამამ მოინახულა?
– ეს შეკითხვა ძალიან ბევრს აქვს. დღემდე ყველას აინტერესებს, ჩამოვიდა თუ არა ირაკლი შვილის სანახავად. დიახ, ჩამოვიდა, ნახა, მოეფერა პატარას და კიდევ აპირებს ჩამოსვლას. ასეც უნდა ყოფილიყო და ამის მოლოდინი მქონდა. გაგიჟდა, ისე მოეწონა თავისი შვილი. ელენე მამის გვარს ატარებს.
– თქვენ და ირაკლიმ თუ დაალაგეთ ურთიერთობები?
– კი, რა თქმა უნდა, ჩვენ ერთმანეთთან ძალიან ცივილური ურთიერთობა გვაქვს.
– ირაკლიმ შვილზე მეურვეობა იკისრა?
– რასაკვირველია.
– ნინი, უახლოეს მომავალში რას გეგმავთ, მომავალი წლისთვის რის გაკეთებას აპირებთ?
– უკვე დაგეგმილია რამდენიმე საახალწლო კონცერტი, გადაღება. შარშან საახალწლოდ ქუჩის კონცერტი არ ჩატარებულა და მიხარია, რომ ამჯერად კეთდება, ბევრს არ აქვს იმის საშუალება, რომ რესტორანში აღნიშნოს ახალი წელი, ამიტომ სახალხო საახალწლო ზეიმი მისასალმებელია. არაჩვეულებრივი პროგრამაა. დეტალებს არ გაგიმხელთ, მაგრამ წინ დიდი სანახაობა გელით. მე, თაკო გაჩეჩილაძე და ქრისტინე იმედაძე ერთობლივი ნომრით წარვდგებით მაყურებლის წინაშე.
ჩემს შემოქმედებაში ბევრი სიახლეა, ვმუშაობ სტუდია "ბრავო რექორდსის" პროექტზე "მომღერლები და შეზღუდული უნარ–ჩვევების ადამიანები". ამ პროექტის ფარგლებში დუეტი ჩავწერე აზერბაიჯანელ უსინათლო ბიჭთან, შაბან მამედოვთან, რომელიც საქართველოში ცხოვრობს. სიდი გაყიდვაში ძალიან მალე გამოვა. შაბანს ჩემი ნამღერი მანამდე არ ჰქონდა მოსმენილი და ჩაწერის წინ იკითხა, სიმღერას ხომ არ გამიფუჭებსო. სხვათა შორის, ჩაწერაზე ძალიან ვინერვიულე, თავად იმდენად კარგად მღერის, თან არაერთი კონკურსის გამარჯვებულია, რომ მინდოდა, მოვწონებოდი. დუეტი მასაც ძალიან მოეწონა და მეც.
"რუსთავი 2"–ის ინიციატივით, რეჟისორმა დათო დოიაშვილმა გადაიღო სახალწლო მიუზიკლი "ლურჯი ფრინველი", სადაც მზის სხივის როლს ვასრულებ. გადაღებები დუბაიში მიმდინარეობდა. მართლაც კარგი ფილმი გამოვიდა, რომელსაც მაყურებელი ბედობადღეს, 2 იანვარს იხილავს. ვნახოთ, შეიძლება თეატრშიც ვცადო ძალები. ახალი სიმღერების ჩაწერასაც ვგეგმავ.
– როგორია თქვენი წინასაახალწლო განწყობა?
– რაც შვილი გავაჩინე, ბევრად ხალისიანი გავხდი, ყოველი დღის გათენება მიხარია. ახლა უფრო ბევრი კარგი სიახლის მოლოდინი მაქვს. წინასაახალწლოდ სრული ქაოსი მაქვს – გადაღებები, კორპორატიული საღამოები. ძალიან აქტიური ხანა დამიდგა. მე და კახა კუხიანიძემ გავხსენით საბავშვო სტუდია, სადაც ცნობილი პედაგოგი ია ტომაში ასწავლის, ჩვენ მასტერკლასებს ვუტარებთ. ბავშვები ჩართული არიან სხვადასხვა საახალწლო კონცერტში, ჩვენ მათთან ერთად ვმღერით.
– თქვენი წლევანდელი დაბადების დღე როგორია?
– ჩემი დაბადების დღე ძალიან მიყვარს. წელს 28 წლის გავხდი და არ მომწონს, რომ მალე 30 წელს მივუახლოვდები. ყოველთვის გრანდიოზულად აღვნიშნავდი დაბადების დღეს, შარშან მეგობრების გარემოცვაში, სახლში ვიზეიმე, წელს კონცერტი მაქვს ერთ–ერთ კლუბში და მეგობრებთან ერთად იქ მოვილხენ. მიყვარს საჩუქრების მიღება. სხვებს ყოველთვის მამაჩემი ასწრებს მოლოცვას, როგორც კი ღამის 12 საათი დადგება, მაშინვე მირეკავს. ჯერ მისთვის არავის დაუსწრია მოლოცვა.
– როგორია ნინი ბადურაშვილი 28 წლის ასაკში?
– ზუსტად ისეთივე, როგორიც 18 წლის ვიყავი, უბრალოდ, ცოტა ჭკუა და გამოცდილება მომემატა. წლები არაფერია, მხოლოდ ციფრების თამაშია.
– ოჯახის წევრები საახალწლოდ არ უკეთებთ საჩუქრებს ერთმანეთს?
– როგორ არა?! მეგონა, თოვლის ბაბუაში მამაკაცი იგულისხმეთ, ასეთი თოვლის ბაბუა არ მყავს. ასე თავს ძალიან კარგად ვგრძნობ, თურმე რა კარგი ყოფილა მარტო ყოფნა. თავს არაჩვეულებრივად ვგრძნობ!
– ძნელი დასაჯერებელი იქნება, რომ მითხრათ, თაყვანისმცემლები არ მაინტერესებსო.
– ბუნებრივია, თაყვანისმცემლები მყავს, მაგრამ ჩემი საქმე მაქვს, შვილი მყავს, ასე რომ, ზედმეტი სანტები არ მჭირდება!
– ოჯახის დანგრევამ კომპლექსები ხომ არ გაგიჩინათ?
– არა, არანაირი კომპლექსი არ გამჩენია. ოდესმე ხელმეორედ შევქმნი ოჯახს, მაგრამ ახლა ამაზე არც ვფიქრობ და არც მზად ვარ.
– რა მოლოდინი გაქვთ 2014 წლისგან?
– როგორც ვიცი, ცხენის წელი მოდის. მინდა, 2014 წელი აქტიური და პროდუქტიული იყოს, ჩვენს ქვეყანაში სიმშვიდე სუფევდეს, ბევრი ბედნიერი და გაღიმებული ადამიანი ვნახო. ვისურვებდი ჩემი ახლობლების ჯანმრთელობას, რადგან ცხოვრებაში უმთავრესი ეს არის. აქვე ვისარგებლებ შემთხვევით და თქვენს მკითხველს დიდი სიყვარულით მივულოცავ დამდეგ ახალ წელს!
ლანა კიკნაძე, ჟურნალი სარკე
ნინისთვის 2013 წელი, სკანდალებისა და იმედგაცრუების მიუხედავად, დიდი სიხარულის მომტანი იყო, ის 5 თვის წინ დედა გახდა. ამ მოვლენამ ყველაფერი დაავიწყა. ახლა მისი ყოველი დილა ბედნიერების შეგრძნებით იწყება, გახალისდა, ცხოვრებას ოპტიმისტურად უყურებს და იმედი აქვს, რომ მომავალში ბედნიერ ოჯახს შექმნის.
– ნინი, მოდით, შევაჯამოთ, როგორი იყო თქვენთვის 2013 წელი.
– მიუხედავად იმისა, რომ ამ წელს ჩემს ცხოვრებაში ბევრი რამ იყო ნეგატიური, ჩემთვის მაინც ყველაზე მნიშვნელოვანი გახლდათ – დედა გავხდი. არ მეგონა, თუ ასეთი დიდი სიყვარულის უნარი მქონდა, დედაშვილობა ფანტასტიკური გრძნობაა, რომელსაც დედამიწის ზურგზე არაფერი შეედრება! მშობიარობა დიდი სტრესია, ელენე პირველად რომ დავინახე, ვერ აღვიქვი. დილის 6 საათზე რომ შემომიყვანეს პალატაში, მაშინ მივხვდი, ეს როგორი არაჩვეულებრივი შეგრძნებაა. ღმერთს მადლობას ვეუბნები, რომ ასეთი საჩუქარი გამომიგზავნა. მიუხედავად ყველაფრისა, 2013 წელი დიდი ბედნიერების მომტანი იყო ჩემთვის.
საქმის მხრივაც, ეს წელი ძალიან მნიშვნელოვანი იყო. "რუსთავი 2"–ის პროექტში "საქართველოს ვარსკვლავი" ჟიურის წევრი ვიყავი. თავიდან ვფიქრობდი, როგორ შევძლებდი ჩემი თანატოლების ან ასაკით ჩემზე უფროსი კონკურსანტების შეფასებას და მიხარია, რომ ჩემი თავით უკმაყოფილო არ ვარ.
– ელენეს დაბადებამ როგორ შეცვალა თქვენი ცხოვრების წესი, რიტმი?
– ადრე რასაც ვაკეთებდი, საკუთარი თავისთვის ვაკეთებდი, ახლა ყველაფერი მას ეძღვნება. ელენეს დაბადებამ შეცვალა ჩემი აზროვნება, გაჩნდა სხვა ფასეულობები, ყველაფერს სხვა თვალით ვუყურებ, ხასიათიც კი შემეცვალა. უფრო სხვანაირი ვარ, ვიდრე უწინ. არც კი ვიცი, ამ ყველაფერს რა დავარქვა.
– რთული მშობიარობა გქონდათ?
– ძალიან მინდოდა ფიზიოლოგიურად მშობიარობა, მაგრამ ისე აეწყო ყველაფერი, რომ ადვილი შესაძლებელი იყო, საკეისრო დამჭირვებოდა. საბედნიეროდ, გადავრჩი და ყოველგვარი გართულების და ჩარევის გარეშე გავაჩინე შვილი. ელენე 3 კილოგრამი და 180 გრამი და 51 სანტიმეტრი დაიბადა. თავიდან ძალიან მეშინოდა მისი ხელში დაჭერა, მაგრამ დედის ინსტინქტებმა მალე გაიღვიძა ჩემში და ყველაფერს სწრაფად ავუღე ალღო.
– ვინ გეხმარებათ მის გაზრდაში?
– თავიდან ბებიები და დედა მეხმარებოდნენ, ახლა ძიძა ავიყვანე. პროექტში "ცეკვავენ ვარსკვლავები" აქტიურად ვარ დაკავებული, მის პროდიუსინგში ვარ ჩართული, ამიტომ მომიწია დამხმარე ქალის აყვანა. ეს არ ნიშნავს იმას, რომ ჩემი შვილის აღზრდაში მონაწილეობას არ ვიღებ. როგორც კი დრო გამომიჩნდება, მასთან გავრბივარ.
გარდა იმისა, რომ ვმუშაობ, დავდივარ კონცერტებზე, კვირაში ერთ დღეს კლუბში ვმღერი. როგორც კი საქმეს ვრჩები, ჩემი მთავარი მოვალეობა დედობაა. ფაქტობრივად ჩამოვშორდი მეგობრებს, ალბათ ისინი ჩემზე ნაწყენები არიან, მაგრამ იმედია, გამიგებენ.
– ბებიებისგან და დედისგან რჩევა–დარიგებებს იღებთ, როგორც ახალბედა დედა?
– ყველა თავისებურ რჩევას მაძლევს, ყველა მათგანს ვუსმენ, მაგრამ მაინც ჩემი მეთოდებით ვზრდი. დღემდე ყველა აქტიურად რაღაცას მირჩევს და ეს არ მიკვირს, რადგან ჩემი შვილი რომ გაიზრდება, ალბათ მეც მივცემ რჩევა–დარიგებას, თუ როგორ უნდა აღზარდოს ბავშვი.
– რას გეუბნებათ დედა, ეკა კახიანი, ელენეს თქვენს პატარაობას ამსგავსებს?
– ელენე ჰიპერაქტიურია. პედიატრმა მითხრა, მის ასაკთან შედარებით ბევრად განვითარებულიაო. ძალიან ხვანცალაა და ძალიან ჰგავს ჩემი დის, ანასტასიას ბავშვობას. ანასტასიას შვილი, პატარა ლადუკა კი მე მგავს. დინჯი, გაწონასწორებული ბავშვია, ისეთი, როგორიც მე ვიყავი ბავშვობაში. დააწვენ და არ ტირის, ელენეს კი ერთი წუთით ვერ დააწვენ, სულ ხელში უნდა გყავდეს, სულ უნდა ეთამაშო. რამდენიმე დღის წინ ჩემი მეგობარი ფოტოგრაფი მოვიდა ჩვენთან და ერთი წუთი ვერ გავაჩერე, რომ წესიერი კადრები გამოსულიყო.
– თქვენ და ანასტასიამ თითქმის ერთდროულად გააჩინეთ შვილები. რომელი უფრო ყოჩაღი დედაა თქვენ შორის?
– ჯერ მე ვიმშობიარე, ორი კვირის შემდეგ – ანასტასიამ. ერთდროულად მოგვიწია დედის როლის მორგება და გათავისება. მცხეთაში ვიყავით ორივე. ანასტასია უფრო დაფეთებული დედაა, ბავშვს იშვიათად გვატანს და, თუ ცოტა დავაგვიანეთ მიყვანა, გაუთავებლად რეკავს და ამბებს კითხულობს. ორივე ყოჩაღი დედა ვართ. ჩემს მეგობრებს უკვირდათ, არ ეგონათ, თუ ასე კარგად გავართმევდი შვილის მოვლას თავს, მაგრამ თურმე შემძლებია.
– ელენე დაბადების დღიდან საზოგადოების ყურადღების ქვეშ არის, ყველას აინტერესებს დედა–შვილის მდგომარეობა. საზოგადოების ასეთ დიდ ინტერესს რითი ხსნით?
– ელენე მართლაც დაბადების დღიდან მოექცა ხალხის ყურადღების ქვეშ. დღემდე ვერ ამიხსნია, რატომ არის ჩემი პირადი ცხოვრება ასეთი საინტერესო. ერთი მხრივ, კარგია: როცა საზოგადოება ერევა შენს პირად ცხოვრებაში, ესე იგი აქტუალური ხარ, მაგრამ, მეორე მხრივ, ძალიან დამღლელია. ელენე უკვე 5 თვისაა. თავიდან ვერიდებოდი მისი სურათების გავრცელებას სოციალურ ქსელში, რადგან არ მიმაჩნია სწორად ერთი საათის დაბადებული ბავშვის ფოტოების გასაჯაროება. მით უმეტეს, ჩემი შვილის სურათების გამოჩენა არ მინდოდა, ვიცოდი, რა მოლოდინიც იყო. ყველას აინტერესებს, ვის ჰგავს, როგორია და ა.შ. მერე აღმოჩნდა, რომ ვიღაცამ სხვა ბავშვის ფოტოებს მიაწერა ჩემი შვილის სახელი, ამაზე გავბრაზდი და გადავწყვიტე, ელენეს სურათები გამომეფინა.
– ელენეს ნათლიებს შორის პოპულარული სახეები არიან. როგორ აღნიშნეთ ეს მნიშვნელოვანი დღე?
– ელენე მონათლეს ჩემი ბავშვობის მეგობარმა კატია სამსონაძემ, თაკო გაჩეჩილაძემ, სალომე გო–გიაშვილმა, ქრისტინე იმედაძემ, მამა მიქაელმა და ქეთა თოფურიამ, რომელიც ვერ დაესწრო ნათლობის ცერემონიალს, მაგრამ ამ რამდენიმე ხნის წინ ქეთა ჩამოსული იყო საქართველოში, მოვიდა, ელენე მოინახულა და ნათლობის ჯვარი აჩუქა. ელენეს ნათლობა ძალიან მოკრძალებულად, მეგობრების გარემოცვაში აღვნიშნეთ. პატარა სუფრა გვქონდა გაშლილი მცხეთაში.
– ელენე მამამ მოინახულა?
– ეს შეკითხვა ძალიან ბევრს აქვს. დღემდე ყველას აინტერესებს, ჩამოვიდა თუ არა ირაკლი შვილის სანახავად. დიახ, ჩამოვიდა, ნახა, მოეფერა პატარას და კიდევ აპირებს ჩამოსვლას. ასეც უნდა ყოფილიყო და ამის მოლოდინი მქონდა. გაგიჟდა, ისე მოეწონა თავისი შვილი. ელენე მამის გვარს ატარებს.
– თქვენ და ირაკლიმ თუ დაალაგეთ ურთიერთობები?
– კი, რა თქმა უნდა, ჩვენ ერთმანეთთან ძალიან ცივილური ურთიერთობა გვაქვს.
– ირაკლიმ შვილზე მეურვეობა იკისრა?
– რასაკვირველია.
– ნინი, უახლოეს მომავალში რას გეგმავთ, მომავალი წლისთვის რის გაკეთებას აპირებთ?
– უკვე დაგეგმილია რამდენიმე საახალწლო კონცერტი, გადაღება. შარშან საახალწლოდ ქუჩის კონცერტი არ ჩატარებულა და მიხარია, რომ ამჯერად კეთდება, ბევრს არ აქვს იმის საშუალება, რომ რესტორანში აღნიშნოს ახალი წელი, ამიტომ სახალხო საახალწლო ზეიმი მისასალმებელია. არაჩვეულებრივი პროგრამაა. დეტალებს არ გაგიმხელთ, მაგრამ წინ დიდი სანახაობა გელით. მე, თაკო გაჩეჩილაძე და ქრისტინე იმედაძე ერთობლივი ნომრით წარვდგებით მაყურებლის წინაშე.
ჩემს შემოქმედებაში ბევრი სიახლეა, ვმუშაობ სტუდია "ბრავო რექორდსის" პროექტზე "მომღერლები და შეზღუდული უნარ–ჩვევების ადამიანები". ამ პროექტის ფარგლებში დუეტი ჩავწერე აზერბაიჯანელ უსინათლო ბიჭთან, შაბან მამედოვთან, რომელიც საქართველოში ცხოვრობს. სიდი გაყიდვაში ძალიან მალე გამოვა. შაბანს ჩემი ნამღერი მანამდე არ ჰქონდა მოსმენილი და ჩაწერის წინ იკითხა, სიმღერას ხომ არ გამიფუჭებსო. სხვათა შორის, ჩაწერაზე ძალიან ვინერვიულე, თავად იმდენად კარგად მღერის, თან არაერთი კონკურსის გამარჯვებულია, რომ მინდოდა, მოვწონებოდი. დუეტი მასაც ძალიან მოეწონა და მეც.
"რუსთავი 2"–ის ინიციატივით, რეჟისორმა დათო დოიაშვილმა გადაიღო სახალწლო მიუზიკლი "ლურჯი ფრინველი", სადაც მზის სხივის როლს ვასრულებ. გადაღებები დუბაიში მიმდინარეობდა. მართლაც კარგი ფილმი გამოვიდა, რომელსაც მაყურებელი ბედობადღეს, 2 იანვარს იხილავს. ვნახოთ, შეიძლება თეატრშიც ვცადო ძალები. ახალი სიმღერების ჩაწერასაც ვგეგმავ.
– როგორია თქვენი წინასაახალწლო განწყობა?
– რაც შვილი გავაჩინე, ბევრად ხალისიანი გავხდი, ყოველი დღის გათენება მიხარია. ახლა უფრო ბევრი კარგი სიახლის მოლოდინი მაქვს. წინასაახალწლოდ სრული ქაოსი მაქვს – გადაღებები, კორპორატიული საღამოები. ძალიან აქტიური ხანა დამიდგა. მე და კახა კუხიანიძემ გავხსენით საბავშვო სტუდია, სადაც ცნობილი პედაგოგი ია ტომაში ასწავლის, ჩვენ მასტერკლასებს ვუტარებთ. ბავშვები ჩართული არიან სხვადასხვა საახალწლო კონცერტში, ჩვენ მათთან ერთად ვმღერით.
– თქვენი წლევანდელი დაბადების დღე როგორია?
– ჩემი დაბადების დღე ძალიან მიყვარს. წელს 28 წლის გავხდი და არ მომწონს, რომ მალე 30 წელს მივუახლოვდები. ყოველთვის გრანდიოზულად აღვნიშნავდი დაბადების დღეს, შარშან მეგობრების გარემოცვაში, სახლში ვიზეიმე, წელს კონცერტი მაქვს ერთ–ერთ კლუბში და მეგობრებთან ერთად იქ მოვილხენ. მიყვარს საჩუქრების მიღება. სხვებს ყოველთვის მამაჩემი ასწრებს მოლოცვას, როგორც კი ღამის 12 საათი დადგება, მაშინვე მირეკავს. ჯერ მისთვის არავის დაუსწრია მოლოცვა.
– როგორია ნინი ბადურაშვილი 28 წლის ასაკში?
– ზუსტად ისეთივე, როგორიც 18 წლის ვიყავი, უბრალოდ, ცოტა ჭკუა და გამოცდილება მომემატა. წლები არაფერია, მხოლოდ ციფრების თამაშია.
– ოჯახის წევრები საახალწლოდ არ უკეთებთ საჩუქრებს ერთმანეთს?
– როგორ არა?! მეგონა, თოვლის ბაბუაში მამაკაცი იგულისხმეთ, ასეთი თოვლის ბაბუა არ მყავს. ასე თავს ძალიან კარგად ვგრძნობ, თურმე რა კარგი ყოფილა მარტო ყოფნა. თავს არაჩვეულებრივად ვგრძნობ!
– ძნელი დასაჯერებელი იქნება, რომ მითხრათ, თაყვანისმცემლები არ მაინტერესებსო.
– ბუნებრივია, თაყვანისმცემლები მყავს, მაგრამ ჩემი საქმე მაქვს, შვილი მყავს, ასე რომ, ზედმეტი სანტები არ მჭირდება!
– ოჯახის დანგრევამ კომპლექსები ხომ არ გაგიჩინათ?
– არა, არანაირი კომპლექსი არ გამჩენია. ოდესმე ხელმეორედ შევქმნი ოჯახს, მაგრამ ახლა ამაზე არც ვფიქრობ და არც მზად ვარ.
– რა მოლოდინი გაქვთ 2014 წლისგან?
– როგორც ვიცი, ცხენის წელი მოდის. მინდა, 2014 წელი აქტიური და პროდუქტიული იყოს, ჩვენს ქვეყანაში სიმშვიდე სუფევდეს, ბევრი ბედნიერი და გაღიმებული ადამიანი ვნახო. ვისურვებდი ჩემი ახლობლების ჯანმრთელობას, რადგან ცხოვრებაში უმთავრესი ეს არის. აქვე ვისარგებლებ შემთხვევით და თქვენს მკითხველს დიდი სიყვარულით მივულოცავ დამდეგ ახალ წელს!
ლანა კიკნაძე, ჟურნალი სარკე
