ნინო მუმლაძე: "საყვარელი მამაკაცი წელს მაინც მოკაკუნდება ჩემთან"
1 568 ნახვა
მსახიობ ნინო მუმლაძეს 2 წლის ასაკიდან აღარ აქვს ილუზიები თოვლის ბაბუასა და საახალწლო სასწაულებზე. ამ ყველაფერს ძალიან რეალისტურად უყურებს. 1 იანვრის ღამე მისთვის გაცილებით საინტერესოა იმით, რომ სხვადასხვა საღამოსა და კონცერტზე იწვევენ, რასაც შესაბამისად კარგი ანაზღაურება მოჰყვება ხოლმე. 2013–მა წელმა მისთვის არცთუ ურიგოდ ჩაიარა – ითამაშა სკანდალური როლი პოპულარულ სერიალში, გადაიღეს სრულმეტრაჟიან ფილმშიც, წლის ბოლოს სახლისთვისაც შეიძინა საჭირო ნივთები... აი, ასეთი პრაგმატული წელი გააცილა ახალგაზრდა მსახიობმა და 2014 წელიც აქტიური მუშაობით დაიწყო.
– ნინო, როგორ და სად შეხვდით ახალ წელს?
– ახალი წლის ღამეს ერთ–ერთი კორპორატიული საღამოს წამყვანი ვიყავი. შოუბიზნესის წარმომადგენლები დამეთანხმებიან, რომ ახალი წლის ღამე შემოსავლის მხრივ კარგია. მადლობა ღმერთს, რომ ამჯერადაც მომეცა საშუალება, რაღაც პროექტებში ჩავრთულიყავი. წლევანდელი ახალი წელი აქტიური იყო. 20 იანვრის ჩათვლით მოზარდ მაყურებელთა თეატრში მაქვს სპექტაკლი. ძალიან დატვირთული ვარ.
– რა ტრადიციებით ხვდება თქვენი ოჯახი ახალი წლის დღესასწაულს?
– მე და ჩემი და ბავშვობიდან მიგვაჩვიეს ნაძვის ხის ქვეშ შენახულ საჩუქრებს. ეს ტრადიცია ძალიან დიდი ხანი შევინარჩუნეთ, უფროს ასაკამდეც კი, თუმცა პატარაობიდანვე ვიცოდი, რომ არ არსებობდა თოვლის ბაბუა, მაგრამ ამას არ ვამბობდი. 2 წლის ვიყავი, როცა მამამ ფორმა ჩაიცვა, მოიტანა საჩუქრები და მე და ჩემმა დამ ლექსები ვუთხარით. მოკლედ, ყველაფერმა კარგად ჩაიარა. მეორე დღეს, დილით, შევედი მამასთან ოთახში და შემდეგი სიტყვებით გავაღვიძე: "გეყოფა ძილი, თოვლის ბაბუა, გაიღვიძე!". არ შევიმჩნიე, რომ ახალი წლის ღამესვე მივხვდი, თოვლის ბაბუა მამა რომ იყო, ანუ ბავშვობიდანვე მქონდა მსახიობური მონაცემები.
ბოლო რამდენიმე წელია მე და ჩემი და ოჯახისთვის საახალწლო საჩუქრებს ვიძენთ. ამ საკითხს უკვე პრაქტიკულად მივუდექით.
– საახალწლო სუფრის მომზადებაში თუ მონაწილეობთ?
– ძალიან მიყვარს, როცა საახალწლო სუფრაზე ჩემი მომზადებული ორიგინალური კერძებია. მაგალითად, ტრადიციულად, ახალი წლის ღამისთვის ვაკეთებ თევზს, რომლის რეცეპტიც ჟურნალისტ ნინო არაზაშვილისგან ვისწავლე: ორაგულს ღრმა ტაფაში ზეთში ოდნავ ვწვავ, შემდეგ ვასხამ ნახევარ ბოთლ შამპანურს და ორივე მხრიდან კარგად ვშუშავ. როცა შამპანური აორთქლდება და ორაგული დარბილდება, ნაღებს ვასხამ და კიდევ ვშუშავ ორივე მხრიდან. საბოლოოდ თევზი გამოდის ნაღების სოუსში. გემოვნებით ვაყრი მარილს და პილპილს. ძალიან მარტივი მოსამზადებელია და თან – უგემრიელესი.
– ახალი წლის ჯადოსნური ღამე თქვენს ცხოვრებაში ყოფილა?
– ალბათ უფრო ვატყუებთ საკუთარ თავს, რომ ახალი წლის ღამე ჯადოსნურია და გვინდა, ამის გვჯეროდეს. ჯერჯერობით ჩემს ცხოვრებაში ახალი წლის ღამეს სასწაული არ მომხდარა. ერთადერთი, განსაკუთრებულად მახსოვს პირველი ახალი წელი, რომელსაც სახლის გარეთ, სამსახურებრივი მოვალეობის შესრულებისას შევხვდი. 2003 წელი იყო, სტუდენტი ვიყავი. ეს იყო პირველი ახალი წელი, რომელიც ქუჩაში აღინიშნა შოუბიზნესის სახეებთან ერთად. დიდი კონცერტი ჩატარდა. მე სხვებთან ერთად ვცეკვავდი სცენაზე, ანგელოზის ფორმა მეცვა და ასე შევხვდი 12 საათს. ყველაფერი ძალიან ლამაზი იყო და ეს ემოცია არ მავიწყდება.
– როგორ ახალ წელზე ოცნებობთ?
– ყოველთვის მინდოდა, ახალ წელს ძალიან მაგარ ადგილზე ვყოფილიყავი. როცა ფილმი "დიდი გეტსბი" ვნახე, წვეულების სცენამ ძალიან მომხიბლა. მივხვდი, რომ ეს არის წვეულება, რომელზეც მთელი ცხოვრება ვოცნებობ.
– ამ ახალ წელს სასურველი მამაკაცი თუ იყო თქვენ გვერდით?
– ჯერჯერობით არავინ გამოჩენილა. 2014 წელი ცხენისაა და იქნებ ცხენით მოკაკუნდეს ჩემთან საყვარელი მამაკაცი.
– როგორი იყო თქვენთვის 2013 წელი – წარმატება ჭარბობდა თუ იმედგაცრუება?
– არ ვთვლი, რომ 2013 წელი ჩემთვის პიკი იყო. "ჩემი ცოლის დაქალები" ძალიან წარმატებული სერიალია, თუმცა წინა სერიალში, ვგულისხმობ "ჩვენს ოფისს", უფრო სტაბილურად ვიყავი. თან აქ ჩემმა პერსონაჟმა, ნათიამ, აზრთა სხვადასხვაობა გამოიწვია. ამაზე მეცინება... საბოლოო ჯამში, ვიტყოდი, რომ კარგი წელი იყო. 2013 წელს ვითამაშე ფილმში "საზღვარი", სადაც პირველად მოვირგე "ჯარისქალის" როლი. ესეც საინტერესო იყო. ტელეეკრანზე ბოლო წლები აქტიურად ვჩანვარ. მინდა, ტელეწამყვანობას დავუბრუნდე.
– ხომ არ გინანიათ ნათიას როლის თამაში იმის გამო, რომ ამ პერსონაჟმა მაყურებელში აზრთა სხვადასხვაობა გამოიწვია?
– არა, რა თქმა უნდა. დიდი სიამოვნებით ვაკეთებ ამ როლს და იმედი მაქვს, კიდევ დიდხანს ვიქნები სერიალში.
– თავად მოგწონთ თქვენი პერსონაჟი?
– ვერ ვიტყვი, რომ მომწონს, მაგრამ რეალური პერსონაჟია, ნათიას მსგავსი ადამიანები არსებობენ. თუმცა არც მინახავს და არც გამიგია ისეთი ურთიერთობა, როგორიც ნათიას და დათოს ცოლს ნინას აქვთ. როგორც წესი, ცოლები ასეთ ფაქტებზე თვალს ხუჭავენ და ურჩევნიათ, თავი მოიტყუონ, რომ ვითომ არაფერი იციან, ან ისტერიკას უმართავენ ქმარს. ნინა ნამდვილად კარგად მოიქცა, როცა რეალობას გაუსწორა თვალი. ნათიას მე ვერ შევაფასებ. არც არავის მხრიდან იქნება სწორი მისი გაკიცხვა. არ არსებობს ერთმნიშვნელოვნად ცუდი ან კარგი. ყველა ჩვენგანშია როგორც ცუდი, ასევე კარგი თვისებები. თავად ის ადამიანები, რომლებიც დღეს ნათიას აკრიტიკებენ, იმავე სიტუაციაში რომ მოხვედრილიყვნენ, რას იზამდნენ, არავინ იცის. სხვათა შორის, ნათიას პერსონაჟს ბევრი დადებითად ახასიათებს და ეს მეც მიკვირს.
– რა გაატანეთ 2013 წელს?
– ცხოვრებაში არაფერს ვნანობ. მიმაჩნია, რომ, რამეს თუ ინანებ, ეს უკან გადადგმული ნაბიჯი იქნება. შეცდომას თუ უშვებ, ის უკვე დაშვებულია და არაფერი გამოასწორებს, მთავარია აღარ გაიმეორო. ამიტომ არაფერს ვატან 2013 წელს.
მანანა ნოდია, ჟურნალი სარკე
– ნინო, როგორ და სად შეხვდით ახალ წელს?
– ახალი წლის ღამეს ერთ–ერთი კორპორატიული საღამოს წამყვანი ვიყავი. შოუბიზნესის წარმომადგენლები დამეთანხმებიან, რომ ახალი წლის ღამე შემოსავლის მხრივ კარგია. მადლობა ღმერთს, რომ ამჯერადაც მომეცა საშუალება, რაღაც პროექტებში ჩავრთულიყავი. წლევანდელი ახალი წელი აქტიური იყო. 20 იანვრის ჩათვლით მოზარდ მაყურებელთა თეატრში მაქვს სპექტაკლი. ძალიან დატვირთული ვარ.
– რა ტრადიციებით ხვდება თქვენი ოჯახი ახალი წლის დღესასწაულს?
– მე და ჩემი და ბავშვობიდან მიგვაჩვიეს ნაძვის ხის ქვეშ შენახულ საჩუქრებს. ეს ტრადიცია ძალიან დიდი ხანი შევინარჩუნეთ, უფროს ასაკამდეც კი, თუმცა პატარაობიდანვე ვიცოდი, რომ არ არსებობდა თოვლის ბაბუა, მაგრამ ამას არ ვამბობდი. 2 წლის ვიყავი, როცა მამამ ფორმა ჩაიცვა, მოიტანა საჩუქრები და მე და ჩემმა დამ ლექსები ვუთხარით. მოკლედ, ყველაფერმა კარგად ჩაიარა. მეორე დღეს, დილით, შევედი მამასთან ოთახში და შემდეგი სიტყვებით გავაღვიძე: "გეყოფა ძილი, თოვლის ბაბუა, გაიღვიძე!". არ შევიმჩნიე, რომ ახალი წლის ღამესვე მივხვდი, თოვლის ბაბუა მამა რომ იყო, ანუ ბავშვობიდანვე მქონდა მსახიობური მონაცემები.
ბოლო რამდენიმე წელია მე და ჩემი და ოჯახისთვის საახალწლო საჩუქრებს ვიძენთ. ამ საკითხს უკვე პრაქტიკულად მივუდექით.
– საახალწლო სუფრის მომზადებაში თუ მონაწილეობთ?
– ძალიან მიყვარს, როცა საახალწლო სუფრაზე ჩემი მომზადებული ორიგინალური კერძებია. მაგალითად, ტრადიციულად, ახალი წლის ღამისთვის ვაკეთებ თევზს, რომლის რეცეპტიც ჟურნალისტ ნინო არაზაშვილისგან ვისწავლე: ორაგულს ღრმა ტაფაში ზეთში ოდნავ ვწვავ, შემდეგ ვასხამ ნახევარ ბოთლ შამპანურს და ორივე მხრიდან კარგად ვშუშავ. როცა შამპანური აორთქლდება და ორაგული დარბილდება, ნაღებს ვასხამ და კიდევ ვშუშავ ორივე მხრიდან. საბოლოოდ თევზი გამოდის ნაღების სოუსში. გემოვნებით ვაყრი მარილს და პილპილს. ძალიან მარტივი მოსამზადებელია და თან – უგემრიელესი.
– ახალი წლის ჯადოსნური ღამე თქვენს ცხოვრებაში ყოფილა?
– ალბათ უფრო ვატყუებთ საკუთარ თავს, რომ ახალი წლის ღამე ჯადოსნურია და გვინდა, ამის გვჯეროდეს. ჯერჯერობით ჩემს ცხოვრებაში ახალი წლის ღამეს სასწაული არ მომხდარა. ერთადერთი, განსაკუთრებულად მახსოვს პირველი ახალი წელი, რომელსაც სახლის გარეთ, სამსახურებრივი მოვალეობის შესრულებისას შევხვდი. 2003 წელი იყო, სტუდენტი ვიყავი. ეს იყო პირველი ახალი წელი, რომელიც ქუჩაში აღინიშნა შოუბიზნესის სახეებთან ერთად. დიდი კონცერტი ჩატარდა. მე სხვებთან ერთად ვცეკვავდი სცენაზე, ანგელოზის ფორმა მეცვა და ასე შევხვდი 12 საათს. ყველაფერი ძალიან ლამაზი იყო და ეს ემოცია არ მავიწყდება.
– როგორ ახალ წელზე ოცნებობთ?
– ყოველთვის მინდოდა, ახალ წელს ძალიან მაგარ ადგილზე ვყოფილიყავი. როცა ფილმი "დიდი გეტსბი" ვნახე, წვეულების სცენამ ძალიან მომხიბლა. მივხვდი, რომ ეს არის წვეულება, რომელზეც მთელი ცხოვრება ვოცნებობ.
– ამ ახალ წელს სასურველი მამაკაცი თუ იყო თქვენ გვერდით?
– ჯერჯერობით არავინ გამოჩენილა. 2014 წელი ცხენისაა და იქნებ ცხენით მოკაკუნდეს ჩემთან საყვარელი მამაკაცი.
– როგორი იყო თქვენთვის 2013 წელი – წარმატება ჭარბობდა თუ იმედგაცრუება?
– არ ვთვლი, რომ 2013 წელი ჩემთვის პიკი იყო. "ჩემი ცოლის დაქალები" ძალიან წარმატებული სერიალია, თუმცა წინა სერიალში, ვგულისხმობ "ჩვენს ოფისს", უფრო სტაბილურად ვიყავი. თან აქ ჩემმა პერსონაჟმა, ნათიამ, აზრთა სხვადასხვაობა გამოიწვია. ამაზე მეცინება... საბოლოო ჯამში, ვიტყოდი, რომ კარგი წელი იყო. 2013 წელს ვითამაშე ფილმში "საზღვარი", სადაც პირველად მოვირგე "ჯარისქალის" როლი. ესეც საინტერესო იყო. ტელეეკრანზე ბოლო წლები აქტიურად ვჩანვარ. მინდა, ტელეწამყვანობას დავუბრუნდე.
– ხომ არ გინანიათ ნათიას როლის თამაში იმის გამო, რომ ამ პერსონაჟმა მაყურებელში აზრთა სხვადასხვაობა გამოიწვია?
– არა, რა თქმა უნდა. დიდი სიამოვნებით ვაკეთებ ამ როლს და იმედი მაქვს, კიდევ დიდხანს ვიქნები სერიალში.
– თავად მოგწონთ თქვენი პერსონაჟი?
– ვერ ვიტყვი, რომ მომწონს, მაგრამ რეალური პერსონაჟია, ნათიას მსგავსი ადამიანები არსებობენ. თუმცა არც მინახავს და არც გამიგია ისეთი ურთიერთობა, როგორიც ნათიას და დათოს ცოლს ნინას აქვთ. როგორც წესი, ცოლები ასეთ ფაქტებზე თვალს ხუჭავენ და ურჩევნიათ, თავი მოიტყუონ, რომ ვითომ არაფერი იციან, ან ისტერიკას უმართავენ ქმარს. ნინა ნამდვილად კარგად მოიქცა, როცა რეალობას გაუსწორა თვალი. ნათიას მე ვერ შევაფასებ. არც არავის მხრიდან იქნება სწორი მისი გაკიცხვა. არ არსებობს ერთმნიშვნელოვნად ცუდი ან კარგი. ყველა ჩვენგანშია როგორც ცუდი, ასევე კარგი თვისებები. თავად ის ადამიანები, რომლებიც დღეს ნათიას აკრიტიკებენ, იმავე სიტუაციაში რომ მოხვედრილიყვნენ, რას იზამდნენ, არავინ იცის. სხვათა შორის, ნათიას პერსონაჟს ბევრი დადებითად ახასიათებს და ეს მეც მიკვირს.
– რა გაატანეთ 2013 წელს?
– ცხოვრებაში არაფერს ვნანობ. მიმაჩნია, რომ, რამეს თუ ინანებ, ეს უკან გადადგმული ნაბიჯი იქნება. შეცდომას თუ უშვებ, ის უკვე დაშვებულია და არაფერი გამოასწორებს, მთავარია აღარ გაიმეორო. ამიტომ არაფერს ვატან 2013 წელს.
მანანა ნოდია, ჟურნალი სარკე
