თაკო ჩორგოლაშვილი: "როცა ძალიან მოკლე სამოსი მეცვა და თავად ვვარდებოდი უხერხულ მდგომარეობაში, მეუღლე მამხნევებდა"
1 899 ნახვა
ჩვენი რესპონდენტი "ცეკვავენ ვარსკვლავების" ფინალისტი, ჟურნალისტი თაკო ჩორგოლაშვილია. თაკოს პოპულარობა პროექტში მონაწილეობის შემდეგ დიდად გაიზარდა.
- საზოგადოების დიდი ნაწილისთვის არ ვიყავი ისე ცნობილი, როგორც სხვა კონკურსანტები, მაგრამ პროექტმა დიდი პოპულარობა მომიტანა. ხალხის სიყვარულსა და მხარდაჭერას ვგრძნობ, ეს ძალიან მახარებს. ისეთი პროექტია, ვერასდროს მიხვდები, რა შეიძლება მოხდეს. ჩემზე ბევრად პოპულარულები მონაწილეობდნენ, ყოველთვის ვამბობდი - მე ახალი ფურცელი ვიქნები მაყურებლისთვის და ვნახოთ, რამდენად მიმიღებენ-მეთქი. თავიდან პიარისთვისაც გავაკეთე ეს არჩევანი, მეგონა, მხოლოდ რამდენიმე ტურში ვიქნებოდი. შეგუებული ვიყავი იმ აზრს, რომ ჩემთვის პროექტის დატოვება ტრაგედია არ უნდა ყოფილიყო. მაგრამ პირიქით დატრიალდა ყველაფერი.
- "ცეკვავენ ვარსკვლავების" ერთ-ერთმა კონკურსანტმა ნინა წკრიალაშვილმა ჩვენთან საუბარში განაცხადა, რომ რადგან ცეკვის 15-წლიანი გამოცდილება გქონდა, ვარსკვლავები თანაბარ პირობებში არ იყავით.
- მიხარია, ამას რომ ამბობენ, ე.ი. არ ვიყავი კონკურსანტი, რომელიც არ იმსახურებდა ტურიდან ტურში გადასვლას. 16 წლისამ დავანებე ცეკვას თავი. ჩემი, როგორც მოცეკვავის, კარიერა არ შედგა. მაყურებელი ითხოვს შოუს, ითხოვს ცეკვას და თუ ამის გაკეთება შეგიძლია, უარი რატომ უნდა თქვა. ლათინოამერიკულ ცეკვებსა და ქართულს სულ სხვადასხვა ხასიათი სჭირდება. შეიძლება ცეკვის გამოცდილება მქონდა, მაგრამ არ ვიყავი ისეთი პოპულარული, როგორც სხვა კონკურსანტები. ეს ყველაფერი ერთმანეთს აბალანსებს.
- შენს მეწყვილე გაგა თოდუასთან როგორი ურთიერთობა გქონდა?
- გაგა უკრაინაში ცხოვრობს. სანამ ერთმანეთს გავიცნობდით და შევეწყობოდით, ცოტა დაძაბულები ვიყავით. ძალიან მკაცრი და მაქსიმალისტი მეწყვილე იყო გაგა, როგორც პროფესიონალს, ისე მექცეოდა, რაზეც ვეჩხუბებოდი. ბოლოს მითხრა, მე ვხედავ შენში პოტენციალს, ამიტომ ბოლომდე მომყევიო. ზუსტად ორ კვირაში შეიცვალა ჩვენი ურთიერთობა, დღესა და ღამეს ვასწორებდით, გაგაც რუდუნებით მედგა გვერდით. ერთადერთი ტური იყო, როცა ხელი ასტკივდა, ამიტომ რეპეტიცია ვერ გავიარეთ. კონცერტზე გასვლის წინ ისე ინერვიულა, იქით ვაწყნარებდი.
- შენი მეუღლე, კალათბურთელი რეზი დიდია
ხომ არ ეჭვიანობდა შენს სასცენო პარტნიორზე?
- არა, რეზი თვითონაც იცნობდა გაგას. ყველაფერს რომ თავი დავანებოთ, ჩემი ქმარი მიცნობს და მენდობა. ცეკვა არის საქმე, რომელიც უნდა გამეკეთებინა და მნიშვნელობა არ ჰქონდა, ვინ იქნებოდა პარტნიორი. იყო ტურები, როცა ძალიან მოკლე სამოსი მეცვა და თავად ვვარდებოდი უხერხულ მდგომარეობაში, მაგრამ რეზი მუდმივად მამხნევებდა. ის იყო ჩემი ყველაზე დიდი გულშემატკივარი, სულ მეუბნებოდა, შენ ეს უნდა გააკეთოო, ღამის პირველ საათზე რომ ვურეკავდი და ვეუბნებოდი, ისევ დარბაზში ვარ და ესა თუ ის ილეთი ვერ ვისწავლე-მეთქი, მეუბნებოდა - მოინდომე, გააგრძელე ვარჯიში და ყველაფერს შეძლებო. 26 დეკემბერს მისი დაბადების დღე იყო და მისთვის სიურპრიზი უნდა გამეკეთებინა. ნახევარფინალი იყო და იმ დღეს რამე რომ მომხდარიყო, საკუთარ თავს არ ვაპატიებდი. ფინალში გადასვლა სწორედ ჩემს ქმარს მივუძღვენი. ისე ნერვიულობდა ჩემზე, არც ახსოვდა დაბადების დღე...
- ალბათ შენ და რეზის არაერთხელ გქონიათ სირთულე. როგორ გადალახეთ ისინი?
- ჩვენი პრობლემა ის არის, რომ მე თბილისში ვცხოვრობ, ის კი ქუთაისის საკალათბურთო გუნდში თამაშობს. მუდმივად გვენატრება ერთმანეთი, შესაბამისად, ეს იმხელა პრობლემაა ჩვენთვის, რომ სხვა პრობლემებს არ ვამატებთ. ველოდები იმ დროს, როცა თბილისში დაბრუნდება და ერთად დავიწყებთ ცხოვრებას. ეს მონატრება გამაგიჟებს.
თამარ ბოჭორიშვილი
ყოველკვირეული გაზეთი "ყველა სიახლე"
- საზოგადოების დიდი ნაწილისთვის არ ვიყავი ისე ცნობილი, როგორც სხვა კონკურსანტები, მაგრამ პროექტმა დიდი პოპულარობა მომიტანა. ხალხის სიყვარულსა და მხარდაჭერას ვგრძნობ, ეს ძალიან მახარებს. ისეთი პროექტია, ვერასდროს მიხვდები, რა შეიძლება მოხდეს. ჩემზე ბევრად პოპულარულები მონაწილეობდნენ, ყოველთვის ვამბობდი - მე ახალი ფურცელი ვიქნები მაყურებლისთვის და ვნახოთ, რამდენად მიმიღებენ-მეთქი. თავიდან პიარისთვისაც გავაკეთე ეს არჩევანი, მეგონა, მხოლოდ რამდენიმე ტურში ვიქნებოდი. შეგუებული ვიყავი იმ აზრს, რომ ჩემთვის პროექტის დატოვება ტრაგედია არ უნდა ყოფილიყო. მაგრამ პირიქით დატრიალდა ყველაფერი.
- "ცეკვავენ ვარსკვლავების" ერთ-ერთმა კონკურსანტმა ნინა წკრიალაშვილმა ჩვენთან საუბარში განაცხადა, რომ რადგან ცეკვის 15-წლიანი გამოცდილება გქონდა, ვარსკვლავები თანაბარ პირობებში არ იყავით.
- მიხარია, ამას რომ ამბობენ, ე.ი. არ ვიყავი კონკურსანტი, რომელიც არ იმსახურებდა ტურიდან ტურში გადასვლას. 16 წლისამ დავანებე ცეკვას თავი. ჩემი, როგორც მოცეკვავის, კარიერა არ შედგა. მაყურებელი ითხოვს შოუს, ითხოვს ცეკვას და თუ ამის გაკეთება შეგიძლია, უარი რატომ უნდა თქვა. ლათინოამერიკულ ცეკვებსა და ქართულს სულ სხვადასხვა ხასიათი სჭირდება. შეიძლება ცეკვის გამოცდილება მქონდა, მაგრამ არ ვიყავი ისეთი პოპულარული, როგორც სხვა კონკურსანტები. ეს ყველაფერი ერთმანეთს აბალანსებს.
- შენს მეწყვილე გაგა თოდუასთან როგორი ურთიერთობა გქონდა?
- გაგა უკრაინაში ცხოვრობს. სანამ ერთმანეთს გავიცნობდით და შევეწყობოდით, ცოტა დაძაბულები ვიყავით. ძალიან მკაცრი და მაქსიმალისტი მეწყვილე იყო გაგა, როგორც პროფესიონალს, ისე მექცეოდა, რაზეც ვეჩხუბებოდი. ბოლოს მითხრა, მე ვხედავ შენში პოტენციალს, ამიტომ ბოლომდე მომყევიო. ზუსტად ორ კვირაში შეიცვალა ჩვენი ურთიერთობა, დღესა და ღამეს ვასწორებდით, გაგაც რუდუნებით მედგა გვერდით. ერთადერთი ტური იყო, როცა ხელი ასტკივდა, ამიტომ რეპეტიცია ვერ გავიარეთ. კონცერტზე გასვლის წინ ისე ინერვიულა, იქით ვაწყნარებდი.
- შენი მეუღლე, კალათბურთელი რეზი დიდია
ხომ არ ეჭვიანობდა შენს სასცენო პარტნიორზე?
- არა, რეზი თვითონაც იცნობდა გაგას. ყველაფერს რომ თავი დავანებოთ, ჩემი ქმარი მიცნობს და მენდობა. ცეკვა არის საქმე, რომელიც უნდა გამეკეთებინა და მნიშვნელობა არ ჰქონდა, ვინ იქნებოდა პარტნიორი. იყო ტურები, როცა ძალიან მოკლე სამოსი მეცვა და თავად ვვარდებოდი უხერხულ მდგომარეობაში, მაგრამ რეზი მუდმივად მამხნევებდა. ის იყო ჩემი ყველაზე დიდი გულშემატკივარი, სულ მეუბნებოდა, შენ ეს უნდა გააკეთოო, ღამის პირველ საათზე რომ ვურეკავდი და ვეუბნებოდი, ისევ დარბაზში ვარ და ესა თუ ის ილეთი ვერ ვისწავლე-მეთქი, მეუბნებოდა - მოინდომე, გააგრძელე ვარჯიში და ყველაფერს შეძლებო. 26 დეკემბერს მისი დაბადების დღე იყო და მისთვის სიურპრიზი უნდა გამეკეთებინა. ნახევარფინალი იყო და იმ დღეს რამე რომ მომხდარიყო, საკუთარ თავს არ ვაპატიებდი. ფინალში გადასვლა სწორედ ჩემს ქმარს მივუძღვენი. ისე ნერვიულობდა ჩემზე, არც ახსოვდა დაბადების დღე...
- ალბათ შენ და რეზის არაერთხელ გქონიათ სირთულე. როგორ გადალახეთ ისინი?
- ჩვენი პრობლემა ის არის, რომ მე თბილისში ვცხოვრობ, ის კი ქუთაისის საკალათბურთო გუნდში თამაშობს. მუდმივად გვენატრება ერთმანეთი, შესაბამისად, ეს იმხელა პრობლემაა ჩვენთვის, რომ სხვა პრობლემებს არ ვამატებთ. ველოდები იმ დროს, როცა თბილისში დაბრუნდება და ერთად დავიწყებთ ცხოვრებას. ეს მონატრება გამაგიჟებს.
თამარ ბოჭორიშვილი
ყოველკვირეული გაზეთი "ყველა სიახლე"
