მარიკო ლეჟავას პიკანტური საახალწლო ჩაცმულობა და სცენაზე გამოჩენილი ბანდაჟი
2 084 ნახვა
31 დეკემბრის ღამეს მოსახლეობის გარკვეული ნაწილი რიყეზე შეხვდა. მიზეზი კი იქ გამართული კონცერტი გახლდათ. ამ კონცერტს მანამდეც ახლდა უამრავი სკანდალი. მომღერლების ნაწილი უკმაყოფილო დარჩა, რადგან მათ საახალწლო სცენაზე სიმღერის საშუალება არ მიეცათ.
ღონისძიებაზე საკმაოდ საინტერესო დუეტები ვიხილეთ. ანრი ჯოხაძე და დათო ლომიძე, ეკა მამალაძე და სამორი ბალდე. სცენაზე იდგნენ ''რუსთავი 2''-ის მუსიკალური შოუების ფინალისტები და გამარჯვებულები. ერთ-ერთი აღმოჩნდა მარიკო ლეჟავაც, რომელიც ნინა სუბლატსა და ნუკა კვალიაშვილთან ერთად ''საქართველოს ვარსკვლავის'' ფინალისტი გახლდათ. მარიკომ ბიონსეს ცნობილი ჰიტი Single Ladies-ს შეასრულა. სკანდალური გამოხმაურება მარიკოს ჩაცმულობას მოჰყვა. ბრჭყვიალა ბოდეში გამოწყობილი მომღერალი სცენაზე საკმაოდ სექსუალურად გამოიყურებოდა, თუმცა ოპერატორის გადაღებული ახლო კადრებიდან მაყურებელმა ნათლად დაინახა ბანდაჟი, რომელიც მომღერალს ბოდეს ქვეშ ჩაეცვა...
''საქართველოს ვარსკვლავის'' შემდეგ მომღერალი ტელევიზიით აღარ გამოჩენილა, ამიტომ ინტერვიუ მის პროფესიულ სიახლეებზე საუბრით დავიწყეთ.
- მარიკო, როგორ ცხოვრობდი ''საქართველოს ვარსკვლავის'' დასრულების შემდეგ?
- კონკურსის სამი თვე ყველაზე კარგი პერიოდი იყო ჩემს ცხოვრებაში. ყოველდღიური რეპეტიციები, გადარბენა, კვირაში ერთხელ კონცერტი. პროექტის დასრულების შემდეგ დეპრესიაში ჩავვარდი. შემდეგ მეგობარმა მირჩია, რომ ბენდი გამეკეთებინა. შევიკრიბეთ მე, დაჩი პავლიაშვილი, სოლომონ გეგეშიძე, ბულბულა, გივი და ჩემი პიანისტი, უნიჭიერესი თამუნა ბაბილუა. ბენდს ''ბერნ'' (დაწვა) დავარქვით. შემდეგ პრობლემა გახდა სარეპეტიციო დარბაზი, ამის საშუალება არ გვქონდა. დიდი ფიქრის შემდეგ ნიკა გვარამიასთან მივედი და ვთხოვე, იქნებ, ''რუსთავი 2''-ის სარეპეტიციოთი გვესარგებლა და უპრობლემოდ დაგვთანხმდა.
- მახსოვს, კონკურსის განმავლობაში ამბობდნენ, რომ ნიკა შენი ნათესავი იყო.
- ნიკა მაგარი მელომანია, ის ჩართული იყო ''საქართველოს ვარსკვლავში''. მოდიოდა რეპეტიციებზე და რჩევებს გვაძლევდა. ჩვენ ნათესავები არ ვართ. გვარამია და ლეჟავა ერთმანეთთან არაფერ შუაში არ არის (იცინის). დღემდე ყოველდღიურად გვაქვს რეპეტიციები, მაგრამ კლუბებში არ გამოვდივარ. როდესაც ყოველდღე გაქვს ივენთი ერთსა და იმავე ადგილას, ხალხიც იგივეა, ემოცია გიქრება. არადა, ჩემი ემოციებითა და მანერებით მოვწონვარ ხალხს. ფულის გამო არ ვმღერი, ხალხთან კონტაქტი, ტაში, ყვირილი მომწონს. ყველანაირ ფულს მირჩევნია ბავშვების მიერ გამოხატული სითბო. ყოველდღიური სამსახური არ მაქვს, თორემ კორპორატიულ საღამოებზე გამოვდივართ.
- ახალი წლის საღამოზე ვისაუბროთ, სკანდალურად დაბრუნდი დიდ სცენაზე.
- ბიონსეს Single Ladies-ზე ამბობთ, ალბათ (იღიმის). ეს სიმღერა მე და ძალიან მაგარმა ადამიანმა სოფო ტოროშელიძემ შევარჩიეთ. ''საქართველოს ვარსკვლავის'' შემდეგ ამბობდნენ, რომ ცეკვაც შემეძლო და ამიტომ გადაწყვიტეს, ჩემი გამოსვლისთვის შოუს ელემენტიც დაემა ტებინათ. პრეტენზია არ მაქვს, რომ ბიონსესნაირი ტანი მაქვს, მაგრამ ეს ქალი ჩემი კერპია. ამ სიმღერას ისეთი ცეკვა აქვს, რომ კარგი იქნებოდა ბოდეს ჩაცმა. ცოტა შემეშინდა, რადგან პროექტის შემდეგ მოვსუქდი. ამ ნომრის შესახებ კი ერთი თვით ადრე გავიგე. ყოველდღე დავდიოდი სპორტულ დარბაზში სავარჯიშოდ, თავს ვიკლავდი, მაგრამ ამაოდ. სამწუხაროდ, ტელევიზორი ძალიან ასუქებს და ჩემი წვალება ეკრანზე არ შემეტყო, ძალიან დიდი გამოვჩნდი. თუმცა კონცერტის დამსწრე მაყურებელმა ნახა, რომ წონაში დაკლებული მაქვს.
- სოციალურ ქსელებში შენს ჩაცმულობას ბევრი გამოეხმაურა.
- თქვენ თუ გახსოვთ, ''ვარსკვლავების აკადემიის'' ფინალში მე, ნუკამ და ნინამ ''მულენ რუჟი'' ვიმღერეთ. იქ უფრო ვულგარული კოსტიუმი მეცვა.
- მაშინ კამერამ ხომ არ შეასრულა დიდი როლი, რადგან საახალწლო კონცერტზე, ძალიან ახლო კადრები გვაჩვენეს შენი გამოსვლის დროს.
- მართალია, მგონია, რომ კარგი კადრები არ იყო. ძალიან არ მომეწონა.
- ალბათ, ოპერატორი მოიხიბლა შენით.
- ''რუსთავი 2'' იღებდა ამ კონცერტს და მანამდეც სამი თვე მიყურებდნენ პროექტში (იცინის). საბოლოოდ, ჩემი სურვილი იყო, რომ საახალწლოდ ხალხისთვის კარგი განწყობა შემექმნა, სცენაზე მიკროფონით ხელში ბოძივით არ ვმდგარიყავი. ვიცეკვე, ბოლომდე დავიხარჯე. ძალიან ბევრი ვიშრომე, რომ ეს ნომერი კარგი გამოსულიყო. მციოდა, ვიყინებოდი.
- სიმღერისას მოულოდნელად ბანდაჟის ნაწილი გამოგიჩნდა.
- მაგას აუცილებლად განვმარტავ. ჩემს ბოდეს სარჩული არ ჰქონდა. ჩვეულებრივი ჯაჭვის პერანგი მეცვა. ომში რომ გაგეშვით, ვერავინ მომკლავდა (იცინის). როგორც კი ერთი მოძრაობა შევასრულე, მთელი სხეული გამეხეხა, ამიტომ იძულებული გავხდი, ბანდაჟი ჩამეცვა, რომ სხეული არ დამკაწროდა. ასევე მეცვა ბადისებრი კოლჰოტი, რომელიც ძირს სწევდა ჩემს გამაშს და ბანდაჟიც დაბლა ჩამოსწია. სამწუხაროდ, ვერ დავინახე, მაგრამ მერე ძალიან ბევრი ვიცინე საკუთარ თავზე. რა ვქნა, მოხდა ასეთი რამ.
- ოჯახი როგორ შეხვდა შენს გამოსვლას?
- ისინი ჩემგან მიჩვეულები არიან სიგიჟეებს, რადგან ყველაზე მეამბოხე ადამიანი ვარ. რასაც არ მოელიან ჩემგან, ბახ, და უცებ ზუსტად იმას ვაკეთებ. ამის გამო არ მეჩხუბებიან, რადგან აზრი არ აქვს, იცინიან, მაინც ისე მოვიქცევი, როგორც მინდა, თუმცა ვცდილობ, ზომიერება მაინც დავიცვა.
- შენ ასევე იმღერე ''რუსთავი 2''-ის საშობაო მიუზიკლში ''ლურჯი ფრინველი''.
- ცხოვრებაში ფილმში არასოდეს მითამაშია. კომპლექსი მქონდა, ვფიქრობდი, რომ ხელოვნური ვარ და არ გამომივიდოდა. ერთ დღეს დათო დოიაშვილმა თავისთან დამიბარა და კონცეფცია რომ გამაცნო, ცოტა დავიბენი. სიმღერის არ მეშინოდა, უბრალოდ, როდესაც როლი გაქვს, რაღაცას ამბობ, ემოციას გამოხატავ, ვფიქრობდი, რამე არ დამეკლო. რეჟისორმა ბოლომდე მომიხსნა კომპლექსი და საბოლოოდ ჯგუფ ''გამოუვალ მდგომარეობასთან'' დუეტი ჩავწერე. ძალიან სახალისო გამოვიდა. ვანიკო თარხნიშვილს მანამდეც ვიცნობდი. გადაღებები დილას ადრე წყნეთში მიმდინარეობდა. თოვლი იყო, ძალიან ციოდა. სახეც კი გაყინული მქონდა. პირის გაღება მიჭირდა და ამ დროს ისეთი როლი მქონდა, რომ ძალიან ბედნიერი სახით უნდა მემღერა. ლაღი და ამავე დროს მკაცრი ბუნების დედა უნდა ვყოფილიყავი, რომელსაც სიცივე ვერ ერევა. საბოლოოდ სასიამოვნოდ გავცივდი (იცინის). ახალი წლის ღამეს სცენაზეც ძალიან ციოდა. ხალხი პლედებით იდგა, თბილად ეცვათ და ამ დროს ნახევრად შიშველი გავედი სცენაზე. არ ვხუმრობ, სარჩული არ ჰქონდა ჩემს ბოდეს, მხოლოდ ბისერები იყო.
- მახსოვს, პროექტის დროს, შენთან ინტერვიუ რომ ჩავწერე, მითხარი, რომ ძალიან ადვილად გიყვარდებოდა და შემდეგ მალე გავიწყდებოდა. ახლა რა ხდება შენს პირად ცხოვრებაში?
- ახლა ზუსტად ვიცი, რა მინდა. არ ვიცი, როგორ მოხდა, მაგრამ ''საქართველოს ვარსკვლავმა'' ძალიან გამზარდა. დამოუკიდებელი გავხდი, უფრო სერიოზული, შრომისმოყვარე. დღეს ზუსტად ვიცი, რა მინდა. არსებობს ჩემს ცხოვრებაში ადამიანი, რომელიც ძალიან მომწონს და მსიამოვნებს მასთან ყოფნა. ხელოვანი არ არის, მაგრამ შეიძლება, საზოგადოების რაღაც ნაწილისთვის ცნობილიც იყოს. მცირე ხანია, რაც ერთმანეთს ვიცნობთ. ჯერჯერობით ეს ურთიერთობა სიმპათიის დონეზეა. სერიოზული არაფერი ხდება, თორემ აუცილებლად გეტყოდით.
- დაბოლოს გკითხავ, ხომ არ აპირებ კარიერის გასაგრძელებლად საზღვარგარეთ წასვლას?
- მე კარგად ვიცი ჩემი შესაძლებლობები და ჩემი უდიდესი სურვილია, რომ როგორც მუსიკოსი, გავიზარდო. საქართველოდან თუ წავალ, მხოლოდ სასწავლებლად და არა იმის გამო, რომ კიდევ პროექტში მივიღო მონაწილეობა და კონკურსის გოგონა ვიყო. ეს მდგომარეობა უკვე გამოვცადე, კარგად ვიცი, რა არის კონკურსანტობა, ფინალისტობა და ეს აღარ მაინტერესებს.
ნინო გიგიშვილი
ჟურნალი ''რეიტინგი''
ღონისძიებაზე საკმაოდ საინტერესო დუეტები ვიხილეთ. ანრი ჯოხაძე და დათო ლომიძე, ეკა მამალაძე და სამორი ბალდე. სცენაზე იდგნენ ''რუსთავი 2''-ის მუსიკალური შოუების ფინალისტები და გამარჯვებულები. ერთ-ერთი აღმოჩნდა მარიკო ლეჟავაც, რომელიც ნინა სუბლატსა და ნუკა კვალიაშვილთან ერთად ''საქართველოს ვარსკვლავის'' ფინალისტი გახლდათ. მარიკომ ბიონსეს ცნობილი ჰიტი Single Ladies-ს შეასრულა. სკანდალური გამოხმაურება მარიკოს ჩაცმულობას მოჰყვა. ბრჭყვიალა ბოდეში გამოწყობილი მომღერალი სცენაზე საკმაოდ სექსუალურად გამოიყურებოდა, თუმცა ოპერატორის გადაღებული ახლო კადრებიდან მაყურებელმა ნათლად დაინახა ბანდაჟი, რომელიც მომღერალს ბოდეს ქვეშ ჩაეცვა...
''საქართველოს ვარსკვლავის'' შემდეგ მომღერალი ტელევიზიით აღარ გამოჩენილა, ამიტომ ინტერვიუ მის პროფესიულ სიახლეებზე საუბრით დავიწყეთ.
- მარიკო, როგორ ცხოვრობდი ''საქართველოს ვარსკვლავის'' დასრულების შემდეგ?
- კონკურსის სამი თვე ყველაზე კარგი პერიოდი იყო ჩემს ცხოვრებაში. ყოველდღიური რეპეტიციები, გადარბენა, კვირაში ერთხელ კონცერტი. პროექტის დასრულების შემდეგ დეპრესიაში ჩავვარდი. შემდეგ მეგობარმა მირჩია, რომ ბენდი გამეკეთებინა. შევიკრიბეთ მე, დაჩი პავლიაშვილი, სოლომონ გეგეშიძე, ბულბულა, გივი და ჩემი პიანისტი, უნიჭიერესი თამუნა ბაბილუა. ბენდს ''ბერნ'' (დაწვა) დავარქვით. შემდეგ პრობლემა გახდა სარეპეტიციო დარბაზი, ამის საშუალება არ გვქონდა. დიდი ფიქრის შემდეგ ნიკა გვარამიასთან მივედი და ვთხოვე, იქნებ, ''რუსთავი 2''-ის სარეპეტიციოთი გვესარგებლა და უპრობლემოდ დაგვთანხმდა.
- მახსოვს, კონკურსის განმავლობაში ამბობდნენ, რომ ნიკა შენი ნათესავი იყო.
- ნიკა მაგარი მელომანია, ის ჩართული იყო ''საქართველოს ვარსკვლავში''. მოდიოდა რეპეტიციებზე და რჩევებს გვაძლევდა. ჩვენ ნათესავები არ ვართ. გვარამია და ლეჟავა ერთმანეთთან არაფერ შუაში არ არის (იცინის). დღემდე ყოველდღიურად გვაქვს რეპეტიციები, მაგრამ კლუბებში არ გამოვდივარ. როდესაც ყოველდღე გაქვს ივენთი ერთსა და იმავე ადგილას, ხალხიც იგივეა, ემოცია გიქრება. არადა, ჩემი ემოციებითა და მანერებით მოვწონვარ ხალხს. ფულის გამო არ ვმღერი, ხალხთან კონტაქტი, ტაში, ყვირილი მომწონს. ყველანაირ ფულს მირჩევნია ბავშვების მიერ გამოხატული სითბო. ყოველდღიური სამსახური არ მაქვს, თორემ კორპორატიულ საღამოებზე გამოვდივართ.
- ახალი წლის საღამოზე ვისაუბროთ, სკანდალურად დაბრუნდი დიდ სცენაზე.
- ბიონსეს Single Ladies-ზე ამბობთ, ალბათ (იღიმის). ეს სიმღერა მე და ძალიან მაგარმა ადამიანმა სოფო ტოროშელიძემ შევარჩიეთ. ''საქართველოს ვარსკვლავის'' შემდეგ ამბობდნენ, რომ ცეკვაც შემეძლო და ამიტომ გადაწყვიტეს, ჩემი გამოსვლისთვის შოუს ელემენტიც დაემა ტებინათ. პრეტენზია არ მაქვს, რომ ბიონსესნაირი ტანი მაქვს, მაგრამ ეს ქალი ჩემი კერპია. ამ სიმღერას ისეთი ცეკვა აქვს, რომ კარგი იქნებოდა ბოდეს ჩაცმა. ცოტა შემეშინდა, რადგან პროექტის შემდეგ მოვსუქდი. ამ ნომრის შესახებ კი ერთი თვით ადრე გავიგე. ყოველდღე დავდიოდი სპორტულ დარბაზში სავარჯიშოდ, თავს ვიკლავდი, მაგრამ ამაოდ. სამწუხაროდ, ტელევიზორი ძალიან ასუქებს და ჩემი წვალება ეკრანზე არ შემეტყო, ძალიან დიდი გამოვჩნდი. თუმცა კონცერტის დამსწრე მაყურებელმა ნახა, რომ წონაში დაკლებული მაქვს.
- სოციალურ ქსელებში შენს ჩაცმულობას ბევრი გამოეხმაურა.
- თქვენ თუ გახსოვთ, ''ვარსკვლავების აკადემიის'' ფინალში მე, ნუკამ და ნინამ ''მულენ რუჟი'' ვიმღერეთ. იქ უფრო ვულგარული კოსტიუმი მეცვა.
- მაშინ კამერამ ხომ არ შეასრულა დიდი როლი, რადგან საახალწლო კონცერტზე, ძალიან ახლო კადრები გვაჩვენეს შენი გამოსვლის დროს.
- მართალია, მგონია, რომ კარგი კადრები არ იყო. ძალიან არ მომეწონა.
- ალბათ, ოპერატორი მოიხიბლა შენით.
- ''რუსთავი 2'' იღებდა ამ კონცერტს და მანამდეც სამი თვე მიყურებდნენ პროექტში (იცინის). საბოლოოდ, ჩემი სურვილი იყო, რომ საახალწლოდ ხალხისთვის კარგი განწყობა შემექმნა, სცენაზე მიკროფონით ხელში ბოძივით არ ვმდგარიყავი. ვიცეკვე, ბოლომდე დავიხარჯე. ძალიან ბევრი ვიშრომე, რომ ეს ნომერი კარგი გამოსულიყო. მციოდა, ვიყინებოდი.
- სიმღერისას მოულოდნელად ბანდაჟის ნაწილი გამოგიჩნდა.
- მაგას აუცილებლად განვმარტავ. ჩემს ბოდეს სარჩული არ ჰქონდა. ჩვეულებრივი ჯაჭვის პერანგი მეცვა. ომში რომ გაგეშვით, ვერავინ მომკლავდა (იცინის). როგორც კი ერთი მოძრაობა შევასრულე, მთელი სხეული გამეხეხა, ამიტომ იძულებული გავხდი, ბანდაჟი ჩამეცვა, რომ სხეული არ დამკაწროდა. ასევე მეცვა ბადისებრი კოლჰოტი, რომელიც ძირს სწევდა ჩემს გამაშს და ბანდაჟიც დაბლა ჩამოსწია. სამწუხაროდ, ვერ დავინახე, მაგრამ მერე ძალიან ბევრი ვიცინე საკუთარ თავზე. რა ვქნა, მოხდა ასეთი რამ.
- ოჯახი როგორ შეხვდა შენს გამოსვლას?
- ისინი ჩემგან მიჩვეულები არიან სიგიჟეებს, რადგან ყველაზე მეამბოხე ადამიანი ვარ. რასაც არ მოელიან ჩემგან, ბახ, და უცებ ზუსტად იმას ვაკეთებ. ამის გამო არ მეჩხუბებიან, რადგან აზრი არ აქვს, იცინიან, მაინც ისე მოვიქცევი, როგორც მინდა, თუმცა ვცდილობ, ზომიერება მაინც დავიცვა.
- შენ ასევე იმღერე ''რუსთავი 2''-ის საშობაო მიუზიკლში ''ლურჯი ფრინველი''.
- ცხოვრებაში ფილმში არასოდეს მითამაშია. კომპლექსი მქონდა, ვფიქრობდი, რომ ხელოვნური ვარ და არ გამომივიდოდა. ერთ დღეს დათო დოიაშვილმა თავისთან დამიბარა და კონცეფცია რომ გამაცნო, ცოტა დავიბენი. სიმღერის არ მეშინოდა, უბრალოდ, როდესაც როლი გაქვს, რაღაცას ამბობ, ემოციას გამოხატავ, ვფიქრობდი, რამე არ დამეკლო. რეჟისორმა ბოლომდე მომიხსნა კომპლექსი და საბოლოოდ ჯგუფ ''გამოუვალ მდგომარეობასთან'' დუეტი ჩავწერე. ძალიან სახალისო გამოვიდა. ვანიკო თარხნიშვილს მანამდეც ვიცნობდი. გადაღებები დილას ადრე წყნეთში მიმდინარეობდა. თოვლი იყო, ძალიან ციოდა. სახეც კი გაყინული მქონდა. პირის გაღება მიჭირდა და ამ დროს ისეთი როლი მქონდა, რომ ძალიან ბედნიერი სახით უნდა მემღერა. ლაღი და ამავე დროს მკაცრი ბუნების დედა უნდა ვყოფილიყავი, რომელსაც სიცივე ვერ ერევა. საბოლოოდ სასიამოვნოდ გავცივდი (იცინის). ახალი წლის ღამეს სცენაზეც ძალიან ციოდა. ხალხი პლედებით იდგა, თბილად ეცვათ და ამ დროს ნახევრად შიშველი გავედი სცენაზე. არ ვხუმრობ, სარჩული არ ჰქონდა ჩემს ბოდეს, მხოლოდ ბისერები იყო.
- მახსოვს, პროექტის დროს, შენთან ინტერვიუ რომ ჩავწერე, მითხარი, რომ ძალიან ადვილად გიყვარდებოდა და შემდეგ მალე გავიწყდებოდა. ახლა რა ხდება შენს პირად ცხოვრებაში?
- ახლა ზუსტად ვიცი, რა მინდა. არ ვიცი, როგორ მოხდა, მაგრამ ''საქართველოს ვარსკვლავმა'' ძალიან გამზარდა. დამოუკიდებელი გავხდი, უფრო სერიოზული, შრომისმოყვარე. დღეს ზუსტად ვიცი, რა მინდა. არსებობს ჩემს ცხოვრებაში ადამიანი, რომელიც ძალიან მომწონს და მსიამოვნებს მასთან ყოფნა. ხელოვანი არ არის, მაგრამ შეიძლება, საზოგადოების რაღაც ნაწილისთვის ცნობილიც იყოს. მცირე ხანია, რაც ერთმანეთს ვიცნობთ. ჯერჯერობით ეს ურთიერთობა სიმპათიის დონეზეა. სერიოზული არაფერი ხდება, თორემ აუცილებლად გეტყოდით.
- დაბოლოს გკითხავ, ხომ არ აპირებ კარიერის გასაგრძელებლად საზღვარგარეთ წასვლას?
- მე კარგად ვიცი ჩემი შესაძლებლობები და ჩემი უდიდესი სურვილია, რომ როგორც მუსიკოსი, გავიზარდო. საქართველოდან თუ წავალ, მხოლოდ სასწავლებლად და არა იმის გამო, რომ კიდევ პროექტში მივიღო მონაწილეობა და კონკურსის გოგონა ვიყო. ეს მდგომარეობა უკვე გამოვცადე, კარგად ვიცი, რა არის კონკურსანტობა, ფინალისტობა და ეს აღარ მაინტერესებს.
ნინო გიგიშვილი
ჟურნალი ''რეიტინგი''
