გვანცა ჯაფარიძე წყალქვეშა გადაღებებზე დელფინებმა გააბრაზეს
1 630 ნახვა
გვანცა ჯაფარიძე მაყურებელმა პროექტ ''საქართველოს ვარსკვლავიდან'' გაიცნო. ერთ-ერთი საუკეთესო მონაწილე ფინალში ვერ მოხვდა, მაგრამ საზოგადოებას თავი განსაკუთრებული ხმის ტემბრით და შესრულებით დაამახსოვრა. მას შემდეგ გვანცა ტელევიზიით იშვიათად გვინახავს, მაგრამ საშობაო მიუზიკლ ''ლურჯ ფრინველში'' მისმა შესრულებულმა წყალქვეშა სცენამ მაყურებელი შოკში ჩააგდო. ყველაზე რთული დავალება გვანცას ერგო, თუმცა თავი კარგად გაართვა. ჩვენს რესპონდენტს მძლეოსნობის ფედერაციაში შევხვდით.
- გვანცა, როგორია შენი ცხოვრება ''საქართველოს ვარსკვლავის'' დამთავრების შემდეგ?
- პირველ რიგში, ასე თუ ისე ცნობადი სახე გავხდი, ხალხმა გამიცნო და ეს ბევრ რამეში მეხმარება, ჩემთვის ყველაფერი შედარებით ადვილი გახდა. რაც მთავარია, ისევ ვმღერი ცოცხალ ბენდთან. მყავს მენეჯერი, კახაბერ ხოშტარია, რაშიც ნამდვილად ძალიან გამიმართლა. ერთ-ერთ კლუბში ვმღერი, სადაც საკმაოდ ნორმალური ხალხი დადის. საინტერესო რეპერტუარი მაქვს. კვანჭიანისა და ჯღარკავას ბენდებთან ვმუშაობ, რაც ჩემი კარიერისთვის ძალიან სასარგებლოა, რადგან უდიდეს გამოცდილებას ვიძენ.
- მძლეოსნობის ფედერაციაში როგორ მოხვდი?
- აქ ''საქართველოს ვარსკვლავის'' პერიოდშიც ვმუშაობდი. თავიდან საზოგადოებასთან ურთიერთობისა და სპორტული ღონისძიებების მენეჯერი ვიყავი. ჩემი ორგანიზებით ჩამოყალიბდა მოძრაობა - ''ჩემი ქალაქი დარბის'' და აპრილიდან დაწყებული ძალიან ხშირად ვატარებდით სამოყვარულო მარათონებს. ჩემი უფროსი, ალექსი ახვლედიანი ყველაფერში ხელს მიწყობდა. ამჟამად ვარ მძლეოსნობის ფედერაციის სახე. ოქტომბრიდან ოლიმპიურ კომიტეტში გადმოვედი სამუშაოდ და ''თბილისი 2015''-ში ევროპის ახალგაზრდული ოლიმპიური ფესტივალის ღონისძიებების ერთ-ერთი ივენთმენეჯერი ვარ.
- პროექტის მონაწილეებიდან ვისთან შემოგრჩა მეგობრული ურთიერთობა?
- ყველაზე კარგი ურთიერთობა მარიკო ლეჟავასთან მაქვს. დავმეგობრდით. არადა, ვერასოდეს წარმოვიდგენდი ამას. თქვენ წარმოიდგინეთ, პროექტში ერთმანეთს ''ვესწერვებოდით'' კიდეც. შოუს დამთავრების შემდეგ ყველა კარგად გავიცანი, ვინ ვინ იყო.
- ბოლო დროს რამდენჯერმე გაიმართა არჩევნები, პოლიტიკური პარტიებიდან შეთავაზება არ გქონია, რომ მათ მხარდამჭერ კონცერტზე გემღერა?
- ერთხელ მარიკომ შემომთავაზა, რომ ''ქართული ოცნების'' მხარდამჭერ კონცერტზე გამოვსულიყავი, თიკა ჯამბურიამაც მითხრა, მაგრამ ვერ მოვახერხე, მხოლოდ დროის ფაქტორის გამო. თუმცა არც ერთი პარტიის მხარდამჭერი არ ვარ.
- ''ლურჯი ფრინველის'' გადაღებებზე მოგვიყევი...
- ბავშვობიდან ვოცნებობდი მიუზიკლში მონაწილეობაზე. ამ პროექტის შესახებ გაცილებით ადრე გავიგე, რადგან დათო დოიაშვილის და, მანანა ჩემი ახლობელია და ასევე ჩემი უშუალო უფროსი. ოღონდ არ ვიცოდი, რომ მეც მივიღებდი მონაწილეობას. ერთ დღეს დოიმ დამირეკა და მკითხა, ცურვა თუ ვიცოდი. რაც მთავარია, კარგად უნდა მცოდნოდა, რადგან წყლის როლზე შემარჩიეს და გადაღებები წყალქვეშ უნდა ყოფილიყო. ცოტა დავიბენი, მაგრამ დავთანხმდი. თან დააყოლა, რომ გადაღებები დუბაიში იქნებოდა. ძალიან გამიხარდა. იქ ჩემი, ნინი ბადურაშვილისა და ბავშვების რამდენიმე კადრი უნდა გადაგვეღო. სანამ დუბაიში გავემგზავრებოდით, დოიმ მითხრა, აუზზე წადი, ჩაყვინთე, იმღერე და შენი თავი დატესტეო. თან, რაც მთავარია, ოპერატორი გამოგზავნა. ვერ წარმომედგინა, წყალქვეშ როგორ უნდა მემღერა. ჩემმა მენეჯერმა კახამ ტელეფონზე დამირეკა და თეორიულად ამიხსნა, თუ როგორ უნდა გამეკეთებინა ეს ყველაფერი. ძალიან მეშინოდა, მეგონა, დავიხრჩობოდი, თან ვიცოდი, რომ აკვარიუმში უნდა გადაგვეღო. დოიმ საცდელი კადრები რომ ნახა, ძალიან მოეწონა.
- რამდენ ხანს ძლებდი წყლის ქვეშ?
- სიმღერის ერთ სტროფს ერთი ამოსუნთქვით ვმღეროდი. დოი გაგიჟებული იყო (იცინის). საკუთარი თავით ვიყავი შოკირებული. კოსტიუმის გამო ყვინთვა მიჭირდა, წყალი ზევით მაგდებდა. ნიკა ლომიძე ქვევიდან ფეხზე მექაჩებოდა, რომ არ ამოვეგდე წყალს (იცინის).
- ოჯახი როგორ შეხვდა შენს რისკიან გადაწყვეტილებას?
- დედამ რომ გაიგო, დელფინების გარემოცვაში უნდა მქონოდა გადაღებები, ძალიან შეეშინდა. ყველაზე რთული გადაღება მაინც დელფინებთან მქონდა. ყოველთვის ვიცოდი, რომ წყნარი, მშვიდი ძუძუმწოვრები იყვნენ, მაგრამ ამ დროს ნამდვილად არ აღმოჩნდნენ ასეთები. სანამ მათ გამოუშვებდნენ, მანამდე ჩავედი დელფინარიუმში. წყალი ცივი და მარილიანი იყო. ბავშვებმა ვერ გაძლეს და ორ წამში ამოიყვანეს, მე უნდა შევჩვეოდი. უცებ გამოუშვეს დელფინები და ჩემ გარშემო ტრიალი დაიწყეს. კაბაზე მექაჩებოდნენ, გამიხიეს კიდეც. ყვინთვა მიჭირდა. ქუდი ზევით ადიოდა. თან ძალიან მეშინოდა. მარილიანმა წყალმა თვალები ამიწვა. შემდეგ ფეხებზე სიმძიმეები მომაბეს, რომ ჩამეყვინთა. ფაქტობრივად ჩემს მოვალეობას ვერ ვასრულებდი. ერთხელ, როგორც იქნა, გავბედე და ჩავყვინთე, მაგრამ ერთ-ერთმა დელფინმა სახეში კუდი გამარტყა (იცინის). გადაღების დამთავრების შემდეგ შხაპის ქვეშ დამაყენეს, მაგრამ მაინც გავცივდი, თუმცა მალე გამოვკეთდი.
- ახალი წლის ღამე როგორ გაატარე?
- ძალიან კარგად, მე და მარიტა როხვაძემ ''გეთსბის'' საღამოზე ვიმღერეთ. 12 საათი რომ გახდა, კულისებში გავიგე, ამ დროს მაკიაჟს ვიკეთებდი (იცინის). ძალიან უცხო და ლამაზი საღამო იყო, თქვენ წარმოიდგინეთ, ყველას უკლებლივ დაცული ჰქონდა დრესკოდი და ნამდვილ ''გეთსბიზე'' გეგონებოდა თავი.
- დასასრულ, პირად ცხოვრებაზე მინდა გკითხო...
- შეყვარებული არ ვარ, არც არავინ მომწონს. არ მრჩება დრო პირადი ცხოვრებისთვის. თაყვანისმცემლები, რა თქმა უნდა, როგორც ყველა ქალს, მეც მყავს, თუმცა ამ საკითხს არც ვაქცევ დიდად ყურადღებას.
მე და ჩემს მენეჯერს კარიერის მხრივ ძალიან დიდი გეგმები გვაქვს. კლიპის გადაღებასაც ვაპირებთ ახლო მომავალში. ახალი წლის გამო ვერ მოვიცალეთ, მაგრამ ახლა ყველაფერს მივხედავთ.
ნინო გიგიშვილი
ჟურნალი ''რეიტინგი''
- გვანცა, როგორია შენი ცხოვრება ''საქართველოს ვარსკვლავის'' დამთავრების შემდეგ?
- პირველ რიგში, ასე თუ ისე ცნობადი სახე გავხდი, ხალხმა გამიცნო და ეს ბევრ რამეში მეხმარება, ჩემთვის ყველაფერი შედარებით ადვილი გახდა. რაც მთავარია, ისევ ვმღერი ცოცხალ ბენდთან. მყავს მენეჯერი, კახაბერ ხოშტარია, რაშიც ნამდვილად ძალიან გამიმართლა. ერთ-ერთ კლუბში ვმღერი, სადაც საკმაოდ ნორმალური ხალხი დადის. საინტერესო რეპერტუარი მაქვს. კვანჭიანისა და ჯღარკავას ბენდებთან ვმუშაობ, რაც ჩემი კარიერისთვის ძალიან სასარგებლოა, რადგან უდიდეს გამოცდილებას ვიძენ.
- მძლეოსნობის ფედერაციაში როგორ მოხვდი?
- აქ ''საქართველოს ვარსკვლავის'' პერიოდშიც ვმუშაობდი. თავიდან საზოგადოებასთან ურთიერთობისა და სპორტული ღონისძიებების მენეჯერი ვიყავი. ჩემი ორგანიზებით ჩამოყალიბდა მოძრაობა - ''ჩემი ქალაქი დარბის'' და აპრილიდან დაწყებული ძალიან ხშირად ვატარებდით სამოყვარულო მარათონებს. ჩემი უფროსი, ალექსი ახვლედიანი ყველაფერში ხელს მიწყობდა. ამჟამად ვარ მძლეოსნობის ფედერაციის სახე. ოქტომბრიდან ოლიმპიურ კომიტეტში გადმოვედი სამუშაოდ და ''თბილისი 2015''-ში ევროპის ახალგაზრდული ოლიმპიური ფესტივალის ღონისძიებების ერთ-ერთი ივენთმენეჯერი ვარ.
- პროექტის მონაწილეებიდან ვისთან შემოგრჩა მეგობრული ურთიერთობა?
- ყველაზე კარგი ურთიერთობა მარიკო ლეჟავასთან მაქვს. დავმეგობრდით. არადა, ვერასოდეს წარმოვიდგენდი ამას. თქვენ წარმოიდგინეთ, პროექტში ერთმანეთს ''ვესწერვებოდით'' კიდეც. შოუს დამთავრების შემდეგ ყველა კარგად გავიცანი, ვინ ვინ იყო.
- ბოლო დროს რამდენჯერმე გაიმართა არჩევნები, პოლიტიკური პარტიებიდან შეთავაზება არ გქონია, რომ მათ მხარდამჭერ კონცერტზე გემღერა?
- ერთხელ მარიკომ შემომთავაზა, რომ ''ქართული ოცნების'' მხარდამჭერ კონცერტზე გამოვსულიყავი, თიკა ჯამბურიამაც მითხრა, მაგრამ ვერ მოვახერხე, მხოლოდ დროის ფაქტორის გამო. თუმცა არც ერთი პარტიის მხარდამჭერი არ ვარ.
- ''ლურჯი ფრინველის'' გადაღებებზე მოგვიყევი...
- ბავშვობიდან ვოცნებობდი მიუზიკლში მონაწილეობაზე. ამ პროექტის შესახებ გაცილებით ადრე გავიგე, რადგან დათო დოიაშვილის და, მანანა ჩემი ახლობელია და ასევე ჩემი უშუალო უფროსი. ოღონდ არ ვიცოდი, რომ მეც მივიღებდი მონაწილეობას. ერთ დღეს დოიმ დამირეკა და მკითხა, ცურვა თუ ვიცოდი. რაც მთავარია, კარგად უნდა მცოდნოდა, რადგან წყლის როლზე შემარჩიეს და გადაღებები წყალქვეშ უნდა ყოფილიყო. ცოტა დავიბენი, მაგრამ დავთანხმდი. თან დააყოლა, რომ გადაღებები დუბაიში იქნებოდა. ძალიან გამიხარდა. იქ ჩემი, ნინი ბადურაშვილისა და ბავშვების რამდენიმე კადრი უნდა გადაგვეღო. სანამ დუბაიში გავემგზავრებოდით, დოიმ მითხრა, აუზზე წადი, ჩაყვინთე, იმღერე და შენი თავი დატესტეო. თან, რაც მთავარია, ოპერატორი გამოგზავნა. ვერ წარმომედგინა, წყალქვეშ როგორ უნდა მემღერა. ჩემმა მენეჯერმა კახამ ტელეფონზე დამირეკა და თეორიულად ამიხსნა, თუ როგორ უნდა გამეკეთებინა ეს ყველაფერი. ძალიან მეშინოდა, მეგონა, დავიხრჩობოდი, თან ვიცოდი, რომ აკვარიუმში უნდა გადაგვეღო. დოიმ საცდელი კადრები რომ ნახა, ძალიან მოეწონა.
- რამდენ ხანს ძლებდი წყლის ქვეშ?
- სიმღერის ერთ სტროფს ერთი ამოსუნთქვით ვმღეროდი. დოი გაგიჟებული იყო (იცინის). საკუთარი თავით ვიყავი შოკირებული. კოსტიუმის გამო ყვინთვა მიჭირდა, წყალი ზევით მაგდებდა. ნიკა ლომიძე ქვევიდან ფეხზე მექაჩებოდა, რომ არ ამოვეგდე წყალს (იცინის).
- ოჯახი როგორ შეხვდა შენს რისკიან გადაწყვეტილებას?
- დედამ რომ გაიგო, დელფინების გარემოცვაში უნდა მქონოდა გადაღებები, ძალიან შეეშინდა. ყველაზე რთული გადაღება მაინც დელფინებთან მქონდა. ყოველთვის ვიცოდი, რომ წყნარი, მშვიდი ძუძუმწოვრები იყვნენ, მაგრამ ამ დროს ნამდვილად არ აღმოჩნდნენ ასეთები. სანამ მათ გამოუშვებდნენ, მანამდე ჩავედი დელფინარიუმში. წყალი ცივი და მარილიანი იყო. ბავშვებმა ვერ გაძლეს და ორ წამში ამოიყვანეს, მე უნდა შევჩვეოდი. უცებ გამოუშვეს დელფინები და ჩემ გარშემო ტრიალი დაიწყეს. კაბაზე მექაჩებოდნენ, გამიხიეს კიდეც. ყვინთვა მიჭირდა. ქუდი ზევით ადიოდა. თან ძალიან მეშინოდა. მარილიანმა წყალმა თვალები ამიწვა. შემდეგ ფეხებზე სიმძიმეები მომაბეს, რომ ჩამეყვინთა. ფაქტობრივად ჩემს მოვალეობას ვერ ვასრულებდი. ერთხელ, როგორც იქნა, გავბედე და ჩავყვინთე, მაგრამ ერთ-ერთმა დელფინმა სახეში კუდი გამარტყა (იცინის). გადაღების დამთავრების შემდეგ შხაპის ქვეშ დამაყენეს, მაგრამ მაინც გავცივდი, თუმცა მალე გამოვკეთდი.
- ახალი წლის ღამე როგორ გაატარე?
- ძალიან კარგად, მე და მარიტა როხვაძემ ''გეთსბის'' საღამოზე ვიმღერეთ. 12 საათი რომ გახდა, კულისებში გავიგე, ამ დროს მაკიაჟს ვიკეთებდი (იცინის). ძალიან უცხო და ლამაზი საღამო იყო, თქვენ წარმოიდგინეთ, ყველას უკლებლივ დაცული ჰქონდა დრესკოდი და ნამდვილ ''გეთსბიზე'' გეგონებოდა თავი.
- დასასრულ, პირად ცხოვრებაზე მინდა გკითხო...
- შეყვარებული არ ვარ, არც არავინ მომწონს. არ მრჩება დრო პირადი ცხოვრებისთვის. თაყვანისმცემლები, რა თქმა უნდა, როგორც ყველა ქალს, მეც მყავს, თუმცა ამ საკითხს არც ვაქცევ დიდად ყურადღებას.
მე და ჩემს მენეჯერს კარიერის მხრივ ძალიან დიდი გეგმები გვაქვს. კლიპის გადაღებასაც ვაპირებთ ახლო მომავალში. ახალი წლის გამო ვერ მოვიცალეთ, მაგრამ ახლა ყველაფერს მივხედავთ.
ნინო გიგიშვილი
ჟურნალი ''რეიტინგი''
