შარლიზ ტერონისა და შონ პენის რომანი მართალი აღმოჩნდა

შონ პენისა და შარლიზ ტერონის რომანი განვითარებას განაგრძობს. მსახიობები მთელ თავისუფალ დროს ერთად ატარებენ და პროდუქტების საყიდლადაც ერთად დადიან. ცოტა ხნის წინ პაპარაცებმა ლოს ანჟელესის სუპერმარკეტში წყვილი შარლიზის აყვანილ შვილთან, ჯექსონთან ერთად დააფიქსირეს. პენი ძალიან ბედნიერი ჩანდა. ის შეყვარებულს უღიმოდა და ბავშვთანაც სიამოვნებით თამაშობდა. სხვათაშორის, რამდენიმე დღის უკან შონმა ოფიციალურად დაადასტურა, რომ შარლიზს ხვდება. „ის ჩემი მფარველი ანგელოზია, მართალია, და მის შესანარჩუნებლად ყველაფერს გავაკეთებ. რაც არ უნდა მოხდეს“, — განაცხადა მსახიობმა თავისივე საქველმოქმედო საღამოზე, რომელიც ჰაიტიზე სტიქიით დაზარალებულთა დასახმარებლად გაიმართა.