ჩინელმა მამაკაცმა ავადმყოფი ძმა თვითმკვლელობით იხსნა

ჩინელმა თინეიჯერმა თავი მოიკლა და ამ გზით მშობლებს საშუალება მისცა, უფროსი ძმის სიცოცხლე ეხსნათ და თანხა მხოლოდ მის ჯანმრთელობაზე დაეხარჯათ.

ჩინელი ძმები, 20 წლის ჰონგუი და 18 წლის ჰონგტაო თირკმლის უკმარისობით იტანჯებოდნენ. ძმებს დიაგნოზი 2010 წელს დაუსვეს. ბიჭების მშობლებს, ჩუანიუს და ჟენგ ტინგხიას საკუთარი შემოსავლებით სამედიცინო ხარჯების სრულად დაფარვა გაუჭირდათ; მათ თითქმის ყველაფერი გაყიდეს, რაც გააჩნდათ, რათა ვაჟების სიცოცხლე გადაერჩინათ. ბიჭების მეგობრებმა და მასწავლებლებმა მათ გადასარჩენად შემოწირულობის სახით 10 000 გირვანქა სტერლინგი შეაგროვეს, მაგრამ არც ეს აღმოჩნდა საკმარისი. ექიმებს იმედი ჰქონდათ,

რომ მშობლები ტრანსპლანტაციისთვის დონორად გამოდგებოდნენ, მაგრამ დონორობა ვერ შეძლეს. იმისთვის, რომ შვილები გადაერჩინათ, რამდენიმე თვე მშობლები ქუჩაშიც მათხოვრობდნენ.

ერთ დღეს 18 წლის ძმა ოთახში ჩაიკეტა და პესტიციდები დალია. თვითმკვლელობამდე მან ოთახში წერილიც დატოვა, სადაც ეწერა: "ძმაო, როდესაც გამოჯანმრთელდები, გთხოვ, მითხარი და ეს ჩემთვის საკმარისი იქნება". ეს ამბავი ერთ-ერთმა ადგილობრივმა ტელეარხმა გაავრცელა და მას შემდეგ, რაც ეთერში სიუჟეტი გავიდა, მთელი ქვეყნის მასშტაბით ახალგაზრდას გადასარჩენად შემოწირულობები შეგროვდა. დღეს, 23 წლის ჰონგუის წარმატებით ჩაუტარდა თირკმლის გადანერგვის ოპერაცია და მალე სრულიად გამოჯანმრთელდება. როგორც მამა ამბობს, მეორე ვაჟის გამოჯანმრთელება მისთვის ტკბილ-მწარე სიხარულია.

"მიკვირს ჩემი უმცროსი ვაჟის სიკვდილის შემდეგ, როგორ შეიძლება თავს უფლება მივცეთ, რომ ბედნიერები ვიყოთ", - ამბობს მამა.

მომზადებულია dailymail.co.uk-ის მიხედვით.